君頤上海小廚

營業中

休息中

因為疫情關係，已經很久未有外岀用膳。突然路過這家餐廳，想起它的小籠包，醬油炒飯，心思思今晚(6月11日)就再去嘗嘗。一進餐廳，當然係先量體溫，餐廳貼心地在門口放有抹手紙放口罩，也很是週到。兩口子叫了小籠包、鍋貼、醬油炒飯、清炒津白、再加個豆沙鍋餅，很是滿足！食物質素同樣地好，小籠包和鍋貼都是爆汁的，醬油炒飯更是我的至愛，每飯粒也沾滿足夠的醬油，鹹甜剛好，甘香味美。員工服務也很好，食得很舒適，值得推介！

一時興起，想輕鬆小聚，選了公司附近的’君頤上海’～這裡品種多，份量少，價格也不貴，啱晒為食又想keep fit的女人😍7點不到就坐了，限聚令期間，不用等位！今天的計畫就是小食聊天，慢慢雕刻時光...涼拌三拼來了： HKD78.- 👇👇👇☝️☝️☝️是我們自己選拼的，其他的選擇還有：肴肉，青瓜...whatever，我們很滿意自己的三拼，好味又抵食👍在此，要隆重推薦👇👇小籠包 HKD42.- 超讚👍皮薄餡兒軟，肉嫩汁香，沾上薑醋～yummy！每人一籠冇難度！值得專攻此味！以下是上海名菜：賽螃蟹👇👇 HKD82.- 重要的應該是薑醋，但上菜時沒有送薑醋！？ 查問，侍應指示台面上擺放的醋瓶，唔係嘛？好彩～我啲有食小籠包剩低的薑醋！如果就單用普通的陳醋調拌，味道肯定差很多～最後一道：宮爆雞丁👇👇HKD82.- 賣相夠90分！用料算認真，是腰果不是花生喔👍但是，畢竟上海料理偏甜，做不出川菜中宮爆雞丁的辣和鹹！得打包了～此地，寬敞舒適，環境不錯，閒坐兩小時，很飽！應該會再來～而明確目標，小籠包！！

本來諗住去食burger，點知限聚令下，無位，就行咗蒞君頤。小籠包：皮唔算厚，湯好味，肉質腍但唔爛坺坺。羊肉餃：正常厚餃皮，唔羶，直情係唔似食緊羊肉。另上一碗汁，味度似紅油抄手嘅紅油，但又唔算好辣。餛飩麪(竟然影漏咗)：餛飩皮薄，肉好香(希望唔係出咗蠱惑)，但湯底非常清，我點咗羊肉餃啲汁當紅油抄手食，哈哈。似乎食淨餛飩會開心啲。擔擔麪：準備去食嘅一殺那聞到好香，但入口嘅味同嗅覺唔同，而且啲麪係唔多吸味。炸豬扒：正常，唔靭。南瓜餅：油！無咩南瓜味，反而都係裡面啲紅豆蓉比較出味。三件之中有一件裡面有兩粒南瓜子(白瓜子)。啊！要收茶錢！

最近有點懶，所以沒有怎打食評，今日決定打幾篇，清一清2020年1月24日呢日男朋友接我收工，所以我地揀左間回家途中，同事介紹話都幾好食既上海野，我地走既時候都3點幾，所以我地食既時候已過繁忙時間，上菜都快上海小龍包 $42都多汁，皮唔會太厚亦唔會薄到穿，所以食完呢個都覺得會再翻兜三鮮胡椒餅 $40呢個係我男人好鍾意食既，見到有，當然會叫黎試啦！ 我就覺得不過不失既，而且胡椒都香，但可以再煎燶少少，我諗會再好食尐酸辣湯拉麵 $60個湯擺明就係男人叫俾我試既，都好味，但我地都覺得再酸少少就perfect啦！ 麵質不算糊，成個組合都好食，唔會話個麵令個湯淡左上海炒年糕 $85呢個都好好味啊! 舊舊都上到色同入味，唔會係有色無味或有味無色咁，而且都唔細碟2020年2月25其實估唔到咁快會再黎，呢餐係farewell一個同事，佢想試呢間，所以我地就3個女仔去食二人餐加野(因為單唔係我手，我唔記得價錢同菜名)同之前一樣既有小龍包同炒年糕，其他既有:干燒四季豆呢個都炒得幾香口，但因為個人唔太好四季豆，所以試左就算了炒飯咩炒飯就唔太記得，但印象中佢都炒到粒粒分明同好上色，好味!椒鹽豬扒肉呢家野真係唔你

老公生日🎂出去吃個晚餐，近近地去屋企附近，疫症當前這一家人氣上海菜往日不到6點已經爆滿，今天到我們吃完埋單依然有一半未有入座, 今天吃的都是我老公喜歡的菜式， 每次到嚟都會點他最喜歡的清燉雞湯 ，雞湯味濃郁，雞件吃得出連骨都入口融化， 夠曬火爐， 椒鹽小黃魚 炸得恰到好處香脆可口， 椒鹽排骨拉麵 今天比較鹹 要扣少少分囉， 生煎包個底煎到好脆 ，但今次個size又縮水了，都明白生意難做有排捱，不能加價就唯有在分量上想辦法， 最後祝各位身體健康💪，抗疫成功。

同左女朋友去食叫左一個雞湯麵同排骨擔擔麵同埋其他點心 ， 女朋友既擔擔麵等左超耐， 其他野都到食哂到我地食埋仲等左15分鐘都未到 ， 問左個侍應話個擔擔麵排骨炸緊未黎 ，重要態度差到一個點， 原來要炸成40分鐘既.. I see ,以後唔會再食呢間垃圾。跟著望返隔離枱 差唔多每枱客都係追緊d野食點解咁耐都未， 係等咁耐就一早落單講定啦，浪費我時間。 次次追單果陣就話就黎到 又話咩拎緊出黎， 好心啦 。拎返少少做飲食行業既態度出黎做生意唔該

我同朋友點左三樣野 ，兩個麵同水餃 ，等等等 ，水餃同朋友碗麵已到 ，佢食完碗麵我果份都未黎 我好耐心等左20分鐘 ，我問碗麵等左好耐 ，個侍應好唔耐煩話‘整緊啦’ ，我又好耐心等多十幾分鐘，我問 ‘整左30幾分鐘碗麵整完未’ 佢無應我行開左，之後過黎講返同一句 ‘整緊啦’ 我好肚餓有啲嬲，緊住我話咁唔要碗麵啦 埋單 ，個女侍應又唔應我 ，等左陣 ，無人同我埋單 ，我問另一位男侍應話單埋 ，比錢果陣個女侍應好大聲講話 ‘都話整緊囉’所以可能到今日碗麵都未整完囉！ ！

同屋企人一聚，6個人食左好多道菜叫左雞絲粉皮、蒜香秋葵、銀絲卷(蒸炸都有叫)、獅子頭、糖醋小排骨、砂鍋雲吞雞、排骨麵、生煎包、小籠包。當中有好食有麻麻地，但唔係難食。雞絲粉皮正常味道，份量算多蒜香秋葵呢個好食，我鍾意佢夠多蒜，正！銀絲卷有d失望，蒸既都還好，叫無乜特別炸嘅個皮唔多脆獅子頭呢個好食既糖醋小排骨呢個係前菜，都好好味肉好淋，而且唔痴骨，好易食砂鍋雲吞雞雞肉唔會煮太老，雲吞好大隻湯好飲仲有無影相嘅排骨麵: 排骨炸得好食，但個麵我就麻麻地生煎包: 個包細細個賣相好cute，可惜個底煎得唔好，又厚又硬。我地本來叫左個炒菜，其他食物到齊發覺炒菜無黎，問一問店員，原來賣哂但賣哂又唔過黎同我地講聲。

今日同媽咪食晏，因為未試過太古城衣間餐館，所以就諗住試下。點知食到我一肚火。從未試過寫評價既我，都忍唔住要係度吐苦水：1. 食物水平可以接受，唔係太差。2. 服務態度就插水。明明見到我舉手示意要落單，居然照行照過唔理。樓面啲員工一係就掛住傾計，一係就發夢。喂！已經過左中午2:00，店入邊得番我地一張枱，都居然若無其事當睇我地唔到。有個員工明明係負責落單，經過我地都唔停落唻落單，係度同同事傾計。結果要我大叫“唔該“，先有人肯理我。3. 之後有個老人家入唻，佢好有禮貌問有無下午茶，但係個戴眼鏡女員工態度好差咁回覆佢，又同老人家講事旦坐。本來隨便坐係無問題，但你可唔可以有番基本禮貌。老人家都咁客氣，點解你唔可以態度好啲？係唔係後生就可以連基本禮貌都無？如果唻食野係要食埋肚氣，咁你地早講嘛。我去食麥當勞算啦。起碼佢地既價錢問題，就算員工態度差，我都覺得合情理。好過衣家，價錢同待遇完全唔成正比。我無得揀服務係負評，有得揀，我真係一粒星都唔想俾。奉勸如果諗住唻食的話，真係要三思! 😡

今日有同事farewell～特別提議去lee間上海餐廳試～平時夜晚佢提供訂座服務但lunch就冇啦～所以好彩有同事提早15分鐘落黎拎飛～但都等左差不多20分鐘至有位啊～我地一共6個人～安排左近門口位置～入面都有卡位～都幾好坐～每位有$5茶介🍵夫妻肺片（$70）第一口覺得好辣～但之後就覺得還好啦～其實好味但覺得份量太少啦～有d貴！小籠包（$42）肉汁爆多～皮5算太厚！好味！上海粗炒（$85）不過不失啦～雞絲粉皮（$58）胡椒餅（$52）哇！lee個太辣啦！只係食到胡椒！然後d肉又好多油！伏黎！～😵😵蘿蔔絲酥（$40）另一伏！個皮太厚實啦～好似食粉團咁⋯雲吞（$50）同水餃（$48）冇咩特別～高力豆沙（$52）好味！5係得粉團咁！豆沙窩餅（$52）都好味5會太甜～太古上海嘢黎講佢好味過同抵食過王家沙！！

來到周末又到銷售員A和會計員M出動覓食的日子，今晚連同家人共四位來到太古城的一間上海小廚。可能受到最近香港的氣氛影響，周末晚上九時，餐廳亦未全滿，四人卡座，座位舒適。四人點了其十款美食，小籠包，鍋貼，酸辣湯，奶油津白，醉雞，上海粗炒，回鍋肉，上海烤麩，蘿蔔絲酥餅，最後來一客高力豆沙甜品作尾。每款食物皆有其特色，不會有驚喜亦不會有失望，正正是應該有的水準，應該有的味道。烤麩醉雞酸辣湯回鍋肉蘿蔔絲酥餅上海粗炒鍋貼奶油津白高力豆沙銷售員A回頭指數: 4分

17/8中午一行3人去食lunch，叫了7樣食物。食物陸續上枱，食食吓，發現碟雪菜肉絲粉皮有曱甴，話比侍應知，侍應淨係識攞住碟嘢呆下呆下，經理梗係叫佢立即拎入廚房啦！再繼續食，拿來三鮮湯年糕，見到都淋pat pat，食落口真係無牙都食到!又繼續食，小籠包上枱，我個friend一食入口，吐都吐唔切，話嚿小籠包有"叔"味!經理又過嚟收走!後來返轉頭解釋，話豬肉短缺，轉咗supplier😵喎!咁都得!呢間小館，其實都幫襯咗好多次，一向都唔錯嘅!真係估唔到變差得咁緊要!可以打入冷宮啦！

Lunch想食上海野 openrice完發現附近原來有就衝左過去晏就都算多人等位不過等大概10-15分鐘到 就可以入去啦叫左雞絲粉皮 福建炒面 小籠包同埋蘿蔔酥雞絲粉皮比想像中大碟雞絲同粉皮既比例亦屬正常小籠包既包都算簿雖然比我想像既細粒左小小不過好多汁 唔錯另外既福建炒面我係大碟既兩個女仔真心食唔唒不過我覺得就油左少少 特別係個底個啲建議隔一隔再上碟蘿蔔酥反而係我覺得最好食既一碟好厚既脆皮 係我最鐘意!同埋佢一上碟 係超級熱 熱熱地仲好食!下次有機會會再食!

服務態度唔得，本身已經預約左，咁我入去攞位，啲職員見到都唔serve，淨係企喺度望住我，要我行過去捉住個人問先至serve，四個人仲要比張二人枱咁嘅卡位我，我都係一個瘦嘅女仔，兩個人坐埋去都已經辛苦，頂手頂腳，我老豆仲要係肥佬嚟，係咪要我老豆比張枱夾死?跟住我話轉枱，佢哋好唔情願，一副唔耐煩嘅樣，跟住後尾我屋企人黎齊，直頭可以話近乎零服務，淨係喺後面玩同傾計，都唔係做嘢🙄我地叫咗四人餐，松子魚都還好，雞絲粉皮，糖醋小排，小龍包已經冇以前嘅水準，但個酸辣湯又咸又”傑”，唔講我以為食緊碗好咸好辣嘅碗仔翅，真係完全唔合格😕糖水我哋叫咗丸子同埋杏仁豆腐，份量細咗，嘢食又唔得😓整體來講，餐廳嘅水準已經大不如前，我哋幫襯左好多年，但今次真係非常之失望，服務態度亦都非常之差，已經可以唔需要再去，呢間餐廳唔會再有下次😠

As you can notice, there's an extra topping 🤮🤢 there is a cockroach 🤮 very poor sanitation and service and will never ever come back 🤮🤮🤮