君怡酒店咖啡屋 (裝修中)

上網睇到有團購，就買左3位試下！首先：地點方面呢度唔近地鐵，B2出口仲要行10mins其次：環境舊到好驚訝，D凳同檯都好舊，但環境都算乾淨！再次：冷盤海鮮長腳蟹D肉莓左，蝦都OK，凍蟹好好味（但等好耐先加，每次上4只一下就比人羅曬，等半個鐘都未見上），螺肉都算新鮮，沙律吧都好豐富，好好味，熟食就真心麻麻地，無野好吃最後：上網團購同walk-in一樣價錢，咁就唔明點解叫團購，團購仲要羅邁張A4紙打印張單出黎羅去酒店比人，好想爆粗咯....................最後總結：向香港$334吃個晚餐buffet算係對得住個價錢，但同澳門相比就差得遠咯！上述純屬個人意見，不喜勿噴

每年媽咪生日我地都會約埋親戚食餐飯慶祝，呢兩年我地已由中菜改自助餐，一行十人，黎呢度食都唔會太貴，而且五送一，真係幾抵！當然，這裡不是大餐廳，不會有太多選擇，但也夠食吧！我係一個只食沙律，三文魚，之後就食甜品的人，所以，有幾多野俾我揀我都一樣。呢度其實有很多海鮮類的食物，如長腳蟹腳，凍蟹，蝦，螺等，不過我只吃了蝦，白十的，再整凍。我屋企人有食長腳蟹和凍蟹，佢地話長腳蟹有鹹味好食些，凍蟹就無味的。至於沙律方面都有很多種，冷盤亦有很多，包括西班牙火腿，不過好快俾人攞晒！今次我食完沙律後就食了熱食，包括蔬菜和泰式豬頸肉，蔬菜很清，不用怕肥，豬頸肉就真係好好好好味！肉汁豐富，味道甜甜地，我怕肥都食左兩次呀！魚生同壽司都有的，但今次的三文魚魚生我次次都攞唔到肥的，次次都俾左唔靚又多根既俾我，很失望！雖然我屋企人攞的好肥美，但我個幾片都唔靚囉！燒烤方面，有雞串，香腸，矮瓜，鯖魚，之後仲有鵝肝添！鵝肝真係入口即溶，油份在口中爆出來，不過就無乜其他味了。鯖魚方面，我個人認為有腥味，所以我覺得唔好食。甜品方面最好味係Tiramisu 同芝士蛋糕，其他蛋糕都不算好食，不食也罷。另外，仲有雜果涼粉，我都食左

一heard from a lady Buffet lunch at Kimberley hotel know112$ + 12-125$for customers 60😏or above for handsome men young like me 132+13145$a satisfied cost indeed so my auntie friend called 2 tables of 24 people most of us appreciated the luncheon I love the coffee ☕️ No fresh brewed Yet very tempting Concentrated with no sour nor bitter I seldom see the instant coffee so pleasant Also the chocolate tart tasted extremely strong 💪 with cocoa besides dessertsI love sashimi salmon better The farmer mea

平日冇嘢做，不妨一試！近排唔想食啲生冷嘢 ，但係又想食buffet。其實都幾慘㗎，如果唔食生嘅食buffet覺得唔抵，於是就畀我見到君怡酒店。本身之前係做過團購，不過我就miss咗。今次都唔係好貴啫，$132加一，埋單都係$151一個人，志在享受一下食buffet嘅感覺｡環境方面 ， 都算寬敞 坐下舒舒服服。喺唔食生冷嘢情況下，熟食就一定要主打。選擇雖然唔多，但係雞牛豬魚都有齊，仰有串燒、湯、通粉，都算係咁啦！沙律吧我就真係冇去，但係都見好多人攞沙律。海鮮方面，就唔係話太多啦！可能自己唔食，所以就覺得唔緊要呀！刺身方面，只係得四款，都有壽司，我可以食下。其實我覺得啲咖哩都幾好味，有少少泰國風味，撈飯唔錯！

琴日朋友生日，問佢想食咩，佢話不如食buffet ？我地都好耐冇食，甘就一於食啦！但又冇訂位，又冇目標點好？甘岩行完尖沙咀GU，甘米去美麗華睇下啦，點知已經冇位。甘繼續行啦，行到去一間叫君怡酒店既，見個價錢又唔貴，加埋一先$300左右一個，甘米上去睇下有冇位啦！又真係好彩有位！甘就食啦！首先食魚生先，款唔多，得3文魚，8瓜魚，魷魚幾樣揀，但都算新算，3文魚夠肥，唔錯！之後到凍野，有蝦，長腳蟹，蜆，仲有咩麵包蟹同龍蝦仔。值得一讚係長腳蟹，唔太咸，好鮮味！同朋友食左幾轉😂😂😂仲有既係佢地除左咖啡茶，橙汁任飲，估唔到連紅白酒都任飲😨😨，我地當然唔少得飲番2杯啦😂😂熱盤都唔錯！特別係個咖哩牛肉，真係可以用黎食幾碗飯！值得一食！有肉眼同煎多春魚食。仲有火腿扒加雞串，但雞串就好咸，食左一啖就食唔到落去。甜品黎黎去去都係咩芝士餅，生果呀個d啦。我比較想食雪糕多d，又估唔到佢地係食movenpick ！甘就要食多碗啦！😂😂我地最尾個個都食到飽晒郁唔到😂！埋單請埋朋友食先$400一個人！真心覺得抵！可以再番黎食！

舊！舊！舊！80年代嘅餐廳裝修，無裝飾嘅buffet枱。本來一見倒間咁嘅餐廳就想調頭走，但係朋友買左團購為有坐底食。不過食落D野食都唔差，魚生同長腳蟹都算新鮮，燒牛肉都OK，鐵板燒D味道都唔錯，不過最正就係有我嘅至愛紅白酒任我飲同movenpick雪糕任我食，我飲左佢成支紅酒同食左佢幾round movenpick埋單都係二百幾蚊，真係乜都抵返曬

群芳聚會，大家都贊成再到尖沙咀君怡品嘗自助午餐，於是訂位及查詢2017年價錢；60歲以上顧客優惠價$112另加一小費，未夠60歲顧客$132另加一小費，非常符合食量不多、又消費不高的客人，我們到君怡品嘗自助午餐多次，服務都良好，食品質素ok嘅！久遺了的蝦多士，可惜多油！大廚主理~~豬柳肉，腍而不滑！我的主菜：紅酒燴牛肉好味道，星加坡咖喱蟹，味道尚可，蟹就細隻冇乜肉，繪鴨肉就好味又腍！薯仔青瓜蝦仁沙律都不錯！很吸引的雪糕！咖啡夠香濃、乳酪很清新、意大利奶凍滑滑中帶甜甜酸酸，再灑上脆糖，很美味！吃畢，再添食！感覺很滿足！結帳，大家都話抵食，帶著開心和滿足離開！

入到去，環境都不錯乾淨企理，坐正食物區後面所以幾寧靜。食物方面：肉類黎講，有火雞、肉腸、白色火腿，雞肉串(係最好食)等。有廚師即場整，但成場都搵唔到煎牛扒有啲失望。辣煙三文魚都好正，用醬料醃好咗所以出既口感令人回味無窮。蕃茄芝士都推薦~ 想食飯可以揀壽司，都幾大舊一件。而煙肉薯蓉入口即融幾抵讚。唔想食咁多熱量高，另一區好多款水果同埋沙津菜任君選擇。海鮮都有幾款，大蝦、生蠔等，入口頗鮮嫩，魚生幾新鮮但要排隊等師傅切。有甜湯等等，我揀左羅宋湯，材料好足一啲都唔似出面啲罐頭湯，落足紅蘿蔔蕃茄，好飲。甜品係最好食，應該有十幾款，外型同埋味道都十分好。coffee cheese cake有驚喜，有coffee流心夾係入面 正！綠茶、 忌廉水果蛋糕都整得好好食，甜而不膩。 飲品都係有茶款，解膩既涼茶等種類一般。整體黎講，食足三個鐘，食物質素二百頭值得呢個價。

提前兩星期先book到，一家大大小小總共八位，BB同六歲以下小朋友免費，真係諗唔到六歲以下免費。打電話時已經預先講有兩架BB車，好好地俾咗個角位我哋。個豆腐花自己(不)。好玩又好食。冷麵都係自己黎，小朋友食到好開心食完之後兩個BB要餵人奶， 提前四個字同佢講俾咗一間預備室我哋餵，都幾好。服務幾好，而且因為我哋有優惠券，意想不到用完仲可以用信用卡優惠八五折埋尾數，真係like爆！

一心諗住太耐冇嚟呢間酒店食咪舊地重遊囉，點知……首先講個薯蓉忌廉湯，太糊口！個碗基本上係芽菜湯配米線，芽菜多過米線，個湯淡而無味！碟燒物係凍冰冰，個燒牛肉要夠牙力先好食！最後連d甜品擺出嚟就靚，但係d味道就一係太甜，朱古力蛋糕仲乾過我銀包！幾年前呢間質素真係冇咁差，今晚嚟見到得十零枱客就知道已覺中伏！😡

上月下旬購買君怡酒店自助午餐團購，每位$128另加一服務費$19.7。有興趣分享我吃什麼嗎？先來沙律菜.....原來忘記拍照。跟著；爽肉白灼蝦，冇沙清甜蜆，香滑重奶味楊枝金露。再淺嚐各款肉類，尚可，碟子左上邊咕嚕雞球最差，酥炸魷魚圈吃了兩圈，很油膩感。新鮮菠蘿最可取。淺嚐各式甜品，款款都不錯！排隊品嚐名牌雪糕Häagen-Dazs，我平時很少吃，因為很貴，現在大家都樂意排隊取雪糕，我要曲奇和咖啡味，加點裝飾也加強口感罷！用餐完畢，看見小單張，原來七、八月份有優惠，這裡的自助午餐Stella吃過幾次，近兩次食品選擇多了，而且侍應服務良好，加上優惠，值得分享給大家！

早幾日同左幾個舊朋友去左君怡酒店咖啡屋食Buffet,開頭滿心滿喜，點知中伏。Buffet款式唔多且味道一般。春卷……完全唔脆，且油淋淋。炒飯……一嚿嚿，配料太少，且無乜味。刺身………真係超薄切，師傅刀工一流。牡丹蝦……肉有D霉，可能放得耐，蝦頭都Dum晒頭。另外，食左成個鐘，完全無人收碟，呢D服務配埋呢D食物質素，唔怪得之無乜人啦，唯一優點就夠清靜

上星期同左D friend去左尖沙咀君怡酒店咖啡屋嘆下自助餐。我最鍾意食海鲜，所以我就集中挑選D海鲜，但係佢地種類唔多，有生蠔，海水味好重，尚算新鲜，但D白灼基圍蝦，D肉有D霉，可能放左好耐，唔係太新鮮；D蜆仲離譜，好多沙，呢D係酒店buffet??強差人意

上星期六有朋友請我去君怡酒店咖啡屋食Buffet,我最鍾意食日本野，所以專攻佢地嘅壽司同刺身，D壽司飯好大嚿，又硬，真係食飯團都食飽；刺身切到纸咁薄，D三文鱼有D腥，可能放得耐唔係太新鲜。唉，咁嘅酒店Buffet,無下次。

上星期有幾個親戚黎左香港旅行，我當然要盡地主之誼招呼下佢地。佢地住君怡酒店，所以我就帶左佢地君怡咖啡廳食自助餐，因為款式夠多。去到地吴係好大，款式出奇地少，佢地鍾意食中菜，但D炒飯又硬又凍，配料吳多，都幾難食；炒時蔬則好多油，濕淋淋，油泡菜；炸豬扒炸得好乾，過晒火位，硬到咬吳落。無稔過香港有D咁差嘅自助餐，下次唔敢再幫襯。