君御燒味

營業中

休息中

系港島區返工 真係郁下都$5/60一個晏仔阿先生推介$3/40就有靚燒味呢排系附近返工 Lunch即刻去試試由於一個人 好快就有單丁位坐但店外keep住有人外賣有人等位阿先生千叮萬囑一定要叫肥叉唔可以就咁叫叉燒 否則會好瘦所以我千叮萬囑返大家 記得 係肥叉！其實 哀家真係 好中意食叉燒+瀨粉上枱時覺得豉油好似有啲唔夠但食落都啱啱好 唔會太多 唔會太少而個湯 有趣地有點點薑味 個人認為非常正真的 好耐無見到咁靚嘅叉燒再燶邊多少少就不得了但又唔係去到肥到油膩 佢外圍有層肥都好咬入口肥瘦是剛剛好的而因為我又諗唔到食咩嘅關係第二日我又去多次今次決定轉一轉個底 食肥叉飯琴日見好多人都會加$7配個例湯 就試試佢湯一啲都唔細碗 仲一定有料 雞腳蘿蔔黃瓜好耐無湯水到肚嘅哀家表示感動肥叉飯到 哇 仲閃令令過琴日個層肥呼喚緊我但都係個句 唔係一味得個肥字面層肥 底層有返啲瘦肉balance返硬係要挑剔嘅話 就只可以話豉油比一般燒味舖少 亦唔係好有味但對於個叉燒本尊 我真係無野好挑

It was a Sunday around 13:00 and I was able to be seated immediately.The waitress was very friendly and spoke just enough English to help me order because they had no English menu. However, I knew what I wanted before I went so that helped. I got char siu and rice then an order of soy sauce pigeon. The dishes came out about 5 minutes later. Char siu: The char siu was a little drier than I typically like. However, I did enjoy how it was less sweet than most char siu dishes I have had, but it had

行年宵前未到晚市已經見大量街坊排隊斬料，地膽朋友話呢度燒味遠近馳名，半信半疑之下叫左餐牌上冇既雙拼飯。 乳豬分蹄飯 ($41)乳豬甘香酥脆，粉紅嫩肉厚而入味唔會死咸，結合左酒樓乳豬既清脆外皮同燒肉冇骨啖啖肉兩者之長，我難得地連肥膏都食埋。分蹄每塊都凍住大量骨膠原又唔肥膩，薄切點白醋汁好開胃。 略嫌淋上飯既醬汁比較淡，飯質亦唔算靚，但依然滿足。叉燒油雞幼麵 tea set ($29) 配凍檸茶 (+$2)5半剛好趕及叫個下午茶餐，油雞只分到胸位，叉燒普通，勝在份量足、味道唔錯。 睇黎樣子一般既朋友，燒味都係叫返乳豬穩陣d。例湯 ($7)絕不欺場以雞骨、蘿蔔、蟲草花、桂圓等熬成，同湯麵一樣咁大碗，十分鮮甜，個人認為可以落多少少鹽。一路食個佬飯一路聽住收銀阿姐同燒味師傅打情罵俏，呢一刻我是一個浪子。

星期六的晚上特意來到這間幾多好評的餐廳試下佢既叉燒飯。6點多的時間冇乜人客係餐廳，一坐低叫了個肥叉飯，31蚊。賣相其實很ok的，份量也不少，勉強算是半肥瘦，這個梅頭中間的部位肉質一定唸，還好冇俾瘦既部位我，刀功就一般，一舊大一舊細，有d成張紙咁薄，不過小店平民價錢就唔好有太多要求。白飯普通，叉飯熱的，很欣賞這一點。味道方面有點失望，唔係唔好食，而係很普通的味道，用了最大路的醃料，入味方面還可以，可以再耐一點，蜜味一般般不太出。其實31蚊的價錢這個份量，這個味道，熱辣辣的，是高性價比，不過就唔需要特登走來而度食。

君御是我LUNCH飯堂之一，燒味質素高，價錢平。在這地段，賣30蚊一個飯的價錢而又做得如此出色的，實在是良心小店。平日幫襯的多是街坊和遊客，10張檯，午飯時間全場滿座，大家都是搭檯的。師傅密密斬冇停手單餸30雙拼32, 加7蚊有個例湯。這次叫了叉燒燒鴨飯。君御的叉燒一向很有水準! 特地叫阿姐要半肥瘦，落單阿姐都很好人不厭其煩!叉燒夠"淋"一點都不硬，少少肥會香D，好味!燒鴨肥瘦適中，鴨油好香，鴨醃得好入味，有五香粉味要了個例湯 - 蟲草花紅蘿蔔雞腳湯; 足料老火湯，不要以為這個價錢就將貨就價，茶記例湯的價錢，住家湯的質素!湯好香好濃，加了蟲草花感覺好補份量十足食到飽飽啊

今日叫咗切雞、燒鵝、腩肉、賴粉同埋例湯切雞非常嫩滑，大小恰當，味道一流；腩肉暖身，肥瘦比例非常均勻，燒鵝肥瘦亦非常均勻，分量充足，例湯唔會太鹹，價錢亦合理。油菜份量可以多一些，但價錢亦都與份量成正比，如果有唔同嘅份量可選擇更好。嗰度啲阿姐服務到位，照顧周到，抵讚！

平靚正嘅推介🤓位於天后～性價比超高嘅燒味飯😎今次lunch黎嗌左個三寶飯～～由左至右上至下嘅佳麗分別係：鹹蛋半隻、燒肉、燒鵝、油雞同菜心🤣的確係好好食嘅～同埋份量都唔細，食完係超級飽😂記得一黎趁脆卜卜食左燒肉先😝個人覺得最正係油雞，今次咁岩食到雞脾肉好嫩滑好正😍哈哈呢啲要睇彩數～但其他部位我都食過都係唔錯的🙆🏻$38真係幾抵，去大x樂大x活食個燒味飯都差唔多，但味道爭一截，邊有呢到咁好食😝

You can eat roasted meat at a lot of places nearby. The difference is that at Kwan Yu, it's cooked in the back room of the restaurant by men who know how to properly roast meat because they have been doing it for years. You can taste the quality and the prices are extremely reasonable. Add a side of chives with roasted pork and goose, ice lemon tea, and you'll be satisfied.

聞名不如試食，上黎openrice見到君御有咁多好評，對於鐘意食叉燒既我當然要黎試下午飯時間真係好多人。。。 全店滿坐！ 仲要係不停咁refill 食客入黎～ 第一次黎，叫左碟叉燒燒肉飯，食落的確比起其他有名燒味店更出色，叉燒個味道好香，唔會話太重花椒八角味，同埋都幾林身唔會硬，不過如果有小小肥會再更香！雖然環境迫左啲，但價廉物美，絕對值得再來光臨

屋企懶得煮多味就會黎附近的君御斬料又平又有水準呢晚都唔例外 我地斬咗叉燒食啲叉燒大大塊睇相都知唔多肥膏但件件爽口滑身一啲都唔鞋！個密制汁 少少咸又少少甜同個叉燒好夾！用黎送飯就最啱！

繁忙時段有最低消費：28蚊我喊左個 招牌四寶飯 $40加$10 凍檸蜜首先將下個飯，飯量岩岩好，d蔬菜係我食過最易咬爛，最脆最甜的。油雞瘦中帶肥，而且無骨，超爽口，滿口都係肉！燒肉那層皮脆到好似餅乾，而且很有油香。鹹蛋非常新鮮，呢個四寶飯，值得order👍🏻不過，「熊掌與魚，焉能齊得？」杯凍檸蜜真係唔掂，好細杯，而且有好多冰（起碼1/3杯都係冰黎）而且冇蜜糖味。上餐過程快，唔曬等太耐，主要做街坊生意，所以侍應都能親切。總得黎講，信得過👏🏻

這間燒味店的半肥瘦叉燒，又美味又滑，而且每次買到回家依然熱辣辣！ 好過好多所謂的大酒家的水準！而且叉燒肉質好淋，一D都唔乾，岩晒小朋友，好易咬！燒雞的味道都幾好，咬口嫩滑，而且感覺雞肉好新鮮㖭

昨日中秋節，諗住係天后食個飯後去維園。附近有間燒味茶餐廳。點咗個燒味三寶飯。個飯有醎蛋半片，燒鴨，燒肉同埋油雞。個餐$38。我要求少飯。個D燒鴨好嫩，好有咬口。個燒肉好新鮮。個油雞好嫩口。個飯混入燒味好正。$38唔算貴，服務態度好。

今天要值班至晚上10時，未到6點同事已經查問有否需要幫忙購買晚飯，有人建議到這裡買燒味飯盒。只因這裡的單拼飯盒只售27元 加上好幾次7點後，好幾款熱門燒味已經售罄，所以說要提早購買。我搭單叫了一個瘦叉燒飯。打開飯盒看看，隨即飄蕩陣陣熱騰騰的飯香，27 元的飯盒絕不欺埸，材料豐足，叉燒數量比起大型連鎖快餐店售價三十多元的還要豐盛，絕對是來個反通漲呢！叉燒軟腍鬆化，外皮烤烘得焦香惹味，還能嚐到輕輕的麥芽甜蜜味。白飯裡混和了叉燒的醬汁，飯粒軟香，入口豐裕。27元的叉燒飯...美味實在...讚

公司附近的抵食午餐, 力推三寶飯, 這裏的三寶是燒肉, 燒鵝和雞加半隻鹹蛋. 燒肉皮脆卜卜, 不過不宜放太久, 因為飯的蒸氣令脆皮很快軟下來, 要食就要快.另個人最愛的瘦叉飯, 很多人說叉燒要半肥瘦才好吃, 但這的瘦叉瘦得來不會咬到一口渣, 加上甜味剛好, 才26元, 到大XX都不可能吃到這個質素. 還可以揀粉麵瀨, 無得輸.唯獨午飯時間較多人, 十二點二十分至十二點四十分左右大概是最佳時間.