君御燒味

營業中

休息中

我幫襯咗呢間本土小店已經多年，都算係一個街坊客！ 近來氣氛不是太好，本著支持本土小店嘅精神， 諗住買兩個飯盒，一個係畀樓下嘅伯伯。 但遇著一個態度惡劣， 黐住5cm長長眼睫毛嘅女收銀員，真係激到一肚氣， 我不嬲都好少寫劣評，但今次真係忍唔到！ 我只不過要求分開兩袋，你聽唔明，你可以問清楚，用廣東唔得，可以用國語，英文來問，但係唔係要用一種鄙視嘅眼神和語氣來串你啲街坊客呢？ 如果事頭婆同埋比較年長嘅店員，就唔會咁！ 可能佢係店主個女，唔想落鋪頭， 但唔好落嚟到米啦！ 我好後悔之前推介俾朋友同埋啲客！

之前食過 覺得好好味 叉燒燒肉都好有驚喜 但今日黎食 叫左個三寶 （叉燒 燒肉 燒鵝）一黎到 份量比之前少左之餘 燒鵝係得返層皮 （有1舊好啲既有片薄過3mm既肉仲算係痴住係舊骨度）咁就同佢查詢啦 點知個牙姐好興咁講 「你唔食啲咩 就要預早講嫁啦 師傅唔知你唔食啲咩嫁嘛」個下 真係無言 咁我係咪食個時要同佢單聲 燒鵝要肉牙 唔該 然後有個收錢既牙嬸 講返同一句說話 但態度就好好多 我都係重覆講 唔係我有咩唔食 而係得返層皮點食 講完後 結果都冇變 由得你 唔理你 而且今日啲食物質素好差 完全比唔上上次食既品質 勁失望 P.S. 隻咸蛋仲要係有一大達黑色...

好耐冇食過燒味飯，今日就去到君御外賣做义雞飯加蔥因為d度d燒味一定有保障（門口日日都排灑隊）。今日嘅义雞飯加凍檸茶夾埋都係$44⋯ 切鷄胸肉又滑又有雞味，配埋蔥油簡值無話可說。义燒醃得夠入味，味道亦調配得好好，不太甜又不太咸。雖然白飯只係配角，但不太硬不太淋，再加上這裡的醬油和蔥油⋯ 係真心好食囉！買個雙拼飯$35再加$9凍檸茶成為$44，係咪好低先⋯

個朋友介紹話而間燒味好味就專登係金鐘過嚟食同朋友叫左個雞鴨撈麵 同四寶瀨。首先講個撈麵 -樣唔錯 。麵都夠爽 ，不過不失 ，但個人覺得燒味同撈麵唔太夾 ，又入唔到味。再者四寶瀨粉口感麻麻 化得太漲 ，明顯放左一段時間先上枱。重點係燒肉得骨無咩肉特別要講燒肉既皮燒到好焦 又黑又苦，真的比較令人失望但令人有意外驚喜既係碗老火湯，不竟佢唔係套餐餐湯，叫湯係要加$10既，所以好足料，唔係水同味精湯，都算值得一試同推薦。最後兩個人埋單約$130，以而個質素我就覺得唔太抵食啦

又來了天后找東西吃了！看到君御燒味沒有人龍，當然馬上走進去！🍽 白切雞飯雖然叉燒和燒肉是這裡最有名的，但是我更加喜歡它們的白切雞。雞的調味濃得好像在吃豉油雞一樣，雞皮油脂滿滿，而且雞肉嫩滑，完全不會老👍🏻另外不可或缺的薑蔥也是非常好吃，一定要用來撈飯🤤大家可以選擇加配老火湯，今天太飽了所以我沒有叫。但是你會看見幾乎每一枱都有一碗，不僅湯渣很多，真材實料，而且一點都不會油，令人想起家裡的味道。

今晚未訓得著，寫個食評先 😅有一日睇雜誌介紹，話天后有一間燒味飯店好抵食 😆😆同我返工個度好近，當然去試下 😊分蹄燒肉飯 🤩 $34 賣相唔錯，都非常足料 😊一個人分量 男女都夠 👍🏻鐘意食呢度 d 分蹄 ，唔會好肥，有咬口，煙煙 unun 咁，·好出色 🥰🥰🥰燒肉個皮都脆，舊肉唔會太肥，口感都幾好，但分蹄比較出色 😬葁蓉撈飯一流，唔會好油 ！我唔算成日食燒味飯，同埋食過 d 好油既燒味飯，所以呢問我會 bookmake 左佢！

原本經過的時候都沒有特別想進去吃，但是看見Youtube上推薦了這間叉燒很好吃，又便宜的燒味，立刻拉著男友🐽來吃🍽 雙拼飯雖然半肥瘦叉燒是最好吃的人間美食，但是我還是選擇了健康的瘦叉燒🙈這次的份量沒有單拼的多，但是也還可以接受（因為實在太便宜了！）瘦叉燒也沒有乾柴的口感，醬汁很濃很好吃，我下次一定要試一下半肥瘦，相信會更好吃！另外配上我最喜歡的白切雞，可以向店員要求雞胸等部位👍🏻👍🏻雞肉很嫩，雞皮油脂滿滿十分好吃🤤 旁邊的薑蓉更是不能忽略，眨眼間就吃完了。

天后有間好出名嘅平民燒味店，朋友話一定要試吓！唔似其他當紅餐廳排晒隊，全部都係街坊熟客，仲聽到有人打電話來order。飲茶時間我叫咗個油雞燒肉米。原來我呢碗係最後一碗嘅燒肉，都未夠五點已經賣晒啲燒肉，睇嚟真係好出名喎！燒味同粉麵另上，米粉好大份，見到都覺得飽。油雞唔算特別出色，反而蔥油就有啲驚喜，最後我用晒來撈米粉食，正呀。燒肉果然係出色，皮係比其他店嘅脆，肉則非常嫰滑，一層皮、一層肥膏、一層肉，師傅切到細細嚿，一啖一粒啱啱好。米粉同湯係配角，所以質素都係一般😂下次嚟天后，都要買君御嘅燒肉返屋企加餸先得！

資訊太多的年代，低調就好易睇漏眼。於炮台山突然想食燒味，上 openrice search 到呢間好多個笑嘅店。望落食物樣唔差同留言望落幾真，所以過去幫襯。午飯時間店內八成男人，兩成OL，全滿。多人就應該食唔到。乳豬一流，皮超脆，唔會過肥而肉有咸香，無話見你生面口俾衰位你燒肉其實都好食，但錯過我先食乳豬，是返唔到轉頭的撈幼麵彈牙無怪味，份量超多，我諗同呢度八成男食客有關東區可以坐低又好食的燒味暫時只有呢間！

第二年既渣馬全馬，亦都係第二次既渣馬後的君御。上年好lucky, 燒鵝叉燒飯，師傅畀左隻燒鵝脾我，雖然今年無脾，但依然出色。香港既燒味對於外國人黎講係吸引，但睇旅遊書介紹或者，大多數會介紹返d出名而且價錢都有番咁上下既店。而君御係我首選介紹畀喜歡燒味既外國朋友。性價比非常高，我個人最喜愛肥叉！！！要真係肥先好味。果種肥滋滋既美味，絕對會令你感動。Set左跑完渣那可以食肥叉，我覺得我既目標好明確。

這是一次無意之中發現的街邊燒臘店, 全是拜互聯網的發達再配合手機APP’S的便捷, 店內面積有限, 坐低後最好注意周圍上飯的阿姐, 她們一般都身手敏捷, 這次吃的是碟頭燒味飯, 加湯/ 茶都係加7蚊, $18油菜另叫的, 如果唔係想試一下佢條菜又或者屋企唔開飯無菜食的話可以不叫, 湯不是燒豬骨煲的老火靚湯, 比普通燒臘店的燒豬骨頭湯清純好多, $32义燒飯的义燒叫半肥瘦來的也是, 燒肉飯也只是$34但睇相妳就會見到店方豪氣的一面完全拜服, 而且那不是瘦肉部位, 飯的份量係幹粗活人的胃口, 所以小姐們交帶聲"少飯"會環保一點, 有機會一定再來試其他燒味, 但那天先要唔好食早餐會更覺滋味,

燒肉呢師傅揀左一般位置，比較硬同實，皮就有啲脆嘅，切雞就俾左雞脾嘅一部分，滑得嚟有雞味，飯就少左啲，我唔慣叫多飯，如果飯多少少會好啲，至於個菜干例湯味幾厚，我認為$41算交到貨，走時見有盤白雲鵝掌嘅鹵物，賣相吸引，相信會有下次。

可能我叫錯餸掛，我叫在例牌燒鴨同埋燒肉。個價錢其實好合理唔算話太貴，但係我相信你一個價錢可以食到更好，甚至乎屋企樓下個街市都做得比佢好。燒鴨，睇上去份量其實還可以，但係食落去你會見到佢有好多舊都剩係得肥膏，肉都無啊！另外我睇過小鴨係淋左啲汁落去，所以搞到個燒鴨小鴨一啲都唔脆，完全唔知道佢燒泥做乜嘢。唔緊要我食佢個燒肉，一夾起燒肉同埋個皮係分開咗，我原本以為得一兩舊係咁啦，原來每一舊都係咁！而且燒肉果皮又係淋晒，一啲都唔脆口

君御係我食極都唔厭既飯堂，而且次次去襯都必定會叫肥叉，因為真係非常之好食呢日帶左個同事去食，佢都讚不絕口！5點半前都仲係下午茶時段，去到時5點3，叫左個肥叉燒鴨瀨加青紅蘿蔔雞腳湯，都係29蚊咋，係香港搵唔到第二間咁既質素咁既價錢啦！！！叉燒好好味呀

真的猜不到，時常經過的電氣道有一間那麼美味又經濟的燒味店😍在短短的兩個星期，我已光顧了三次。三次的質素也保持得很好😋而且店員也十分有禮貌。記得第一次點了叉燒飯，十分驚喜😄叉燒是熱騰騰的。吃過第一次後，便很想再試這裡其它的燒味。試過這裡的叉燒、燒鵝、乳豬、燒肉、燒鴨😍我最愛吃這裡的叉燒及乳豬😋😋三次光顧這裡，叉燒也是熱騰騰的😍第一次點乳豬，喜出望外！乳豬皮很脆而不油膩😋（喜愛叉燒的你，可選擇半肥瘦，而我則較喜愛瘦叉燒）燒鵝飯也很好吃喔😋