名都小食店 (已結業)

新年過後第一次幫趁,車仔麵由$15一麵三'食送',加到$17,但人流依然不絕,畢竟位置好,車仔麵檔少都係一個原因.就要了一個粗麵配豬腸豬皮及生菜.走辣轉鹵水汁,豬腸是交來貨色,雖然走肥膏,但總算夠膻,亦炆得夠淋,豬皮經油泡後再浸鹵水,亦沒有出現過淋的情況,而且部份仲依然爽口,非常討好.可惜湯底過咸而味精重.下次試下唔要湯,用鹵水汁撈.

每次搭火車都會係粉嶺落一下,嚟呢度加下油！！我中意食呢度ga腸粉,比九龍果d~d腸粉比較厚身,比較有嚼頭！當然會無咁滑,但我中意呢种感覺！

這店位處火車站天橋旁，間中路遇也會在這間小店買車仔麵作早餐\，店內座位不多，大部份客人都是外賣，十五蚊包三餸麵但不包飲品，豆醬或紙包飲品，不算抵食而且餸料選擇有限，有魷魚、魚旦、牛丸、冬菇、時素、牛腩、豬皮等大路貨式，附近沒有同類車仔麵店，味道不算出色，普普通通，但仍覺可以一吃。

我自己就麻麻地~ 不過我有好多朋友都好鍾意去... 話d魚旦好好食(我就唔覺有乜特別)...不過間野好平... 嗌碗哪渣麵+幾樣餸都係10鬆d蚊~同埋d亞姐態度幾好~ 幾好傾~間野太細... 坐多陣都驚阻住人...食十零蚊野坐咁耐都唔好意思... 次次都那那聲食完那那聲走... XP

寫的是在上水名都商場1樓的那一間呢間比粉嶺果間較為乾淨。因為高考關係,長期困在library自修室抗戰...呢間小食店,就自然成為左我地既補給站。吃過的有格仔餅,煎釀3寶,魚蛋,碗仔翅,炒麵格仔餅($6@)每次去都會新鮮整一底俾你,有淡淡蛋香,熱辣辣很好吃通常我會要多煉奶,而ar姐都會肯俾,good^^煎釀3寶($5/4件)其實有5寶先岩,豆腐/紅腸/青椒/茄子/魚蛋不過我唔鍾意紅腸,所以唔會叫因為流量高,幾時去買都係熱辣辣ged魚肉其實都一般,同埋好油膩...不過食得呢d都預左...魚蛋($5/8粒)係好細粒果d魚蛋試左辣ge,唔知佢\\\係咖喱定辣椒油因為色水係黃色,但食落得一d辣油味,完全混和唔到d魚蛋7仔叮果d都好味過佢\\\好多...完全唔建議食呢個。碗仔翅($10@)都係極差勁之作...十分之稀,生粉水都唔落番少少?炒麵($7@)呢個我幾欣賞炒得幾乾身同埋香,食到碟底亦唔會見到一大pat油...麵質唔算十分彈牙,但都唔會係軟弱無力果種。overall speaking,格仔餅/炒麵都可以翻兜ge(要提提的是,呢間野一律唔收毫子)

要到粉嶺名都商場附近做training，因到達時時間尚早，就走去火車站出口第一個舖位的名都小食店食些少野。要了煎釀三寶和炸魷魚鬆。炸魷魚鬆幾脆，不過就嫌佢太細條，口感差左ｄ；煎釀三寶味道唔錯，但始終欠缺了街邊檔的那點風味。是不是舖位小食店永遠都做不到街邊檔的水準?不曉得...

街邊小食的店子，反而麵類是最抵吃的反觀炸的小食都是普通水準又少，感覺有點貴~~~沒有非吃不可的東西，亦沒有一吃難忘的美食~~~

26號boxing day同傻鬼去行山...所以咪出發前係度食少少野先. 叫左個3餸車仔面...(有雞翼,冬姑,蟹"留"米粉)$13真係抵啦...味道麻麻...地方又細又有些dirty.不過舖仔細細, 人流都好多.

我成日撘車中途成日係度BUY 生菜魚肉/ 翅,$10不過好老實講, 佢地D 魚肉真係唔好食! 我係上水夜晚BUY 果D 魚肉雖$13一碗仔! 但肉好彈牙! 其次就係炸魷魚鬚囉! 都OK $10 一盒!

6月30日，22:30是日又北上，在歸途中先醫肚。每次經此店都見人龍，今晚見店內有吉位，便馬上進店，要了三(食送)麵。辣汁幼麵：夠香辣，麵無鹼水味，亦不會過淋。牛腩：柱候腩，入味和有咬口。豬紅：大大件，算滑。韮菜：碧綠爽脆，那異香是我等逐臭之父至愛。這小小店(座位五個)還賣煎釀三寶…等港式小食。題外話：吃麵後準備入閘，但天橋那邊傳來陣陣香味，原來天橋中央，有車仔檔在賣臭豆腐，雖然臉又長豆豆(中年暗瘡，異數^m^)，忍不住便要了一件。夠香濃，賣相一般，但HK$4.-一件即炸臭豆腐，絕對合格。