名都小食店 (已結業)

放工好肚餓，去撘火車前食少少野先，見名都日日都排長龍，早排仲close左裝修，實無死啦，咁去篤串魚蛋都好喎，點知中哂伏！！未食過咁難食嘅魚蛋，得個辣字咩都無，又硬又乾，唔明點解咁多人，真係因為就腳？順帶一題，嗰魚蛋係橢圓形嘅，怪怪地。仲要賣野嗰啲阿姐無禮貌到爆，唔知其他野好唔好食，但見佢副咀臉已經唔想買。

下午喺粉嶺周圍行下,咁岩見到名都小食,好似好耐冇食 就同朋友去食下 咁耐冇食 好似種類同埋價錢都差唔多 不過都仲係咁逼同埋咁多人叫左個 22蚊3餸 油麵+ 紅腸+魚蛋+腸仔不過應該唔夠飽 於是就叫多個 格仔餅首先要講下 個面面一定要加腩汁 加左好味好多~因為佢紅腸係直接用煎釀三寶既紅腸所以口感都幾得意 真係幾好味腸仔同魚蛋就正常水準 冇乜特別但啲湯都幾好飲 不過好似好多味精要小心啲之後就講下格仔餅格仔餅真係好正 同佢講乜醬都要之後一啖咬落去 咬到啲花生醬必出黎連埋餅食落去 口感一流但講完食物一定要講服務佢服務真係差到。。。。以前都冇咁誇張 但而家去買碗麵都好似要俾人鬧咁一黎到就問: 食咩面呀! 快啲!但都算抵食既 不過就係有啲受氣

清晨一大早返工！好肚餓！好多店都未開，行過呢間小食店好多次都無幫襯，今朝見居然開咗，餐牌有好耐無食嘅豬腸粉，忍唔住入去，地方好細，兩個店員企在大櫃後！我好簡單要腸粉燒賣，有啲食店會放埋一齊，但呢度唔會，呢樣幾好，因為兩種食物放一齊，用一樣嘅醬料，我又使乜叫兩樣？店員剪好腸粉問我要乜醬，我自己唔鍾意食麻醬，唔鍾意個醬好漿口，杰撻撻，所以我要多豉油（第一次店員落唔夠，我提出要求佢就再加）甜醬辣醬少許！醬唔使多，夠就得！包好腸粉店員再用另一個透明兜放燒賣，我要豉油辣油（腸粉配辣醬，燒賣配辣油）用膠袋包好比我！回到公司，打開兩兜食物，配竹籤做食具！腸粉個賣相有少許似血案現場，腸粉索滿豉油，豉油唔會過咸，配甜辣醬，好滑溜惹味！燒賣煙韌，雖然係粉做！（我唔會相信有魚肉囉）豉油同辣椒油先係主角，辣油仲有辣椒乾在內！好香！唔算好辣，兩種食物各有色彩！KO晒好滿足！店員好爽手，包外賣又企理，我嘅要求都會做！

以前細細個果陣成日都會幫襯呢間食店因為佢啲車仔麵同煎釀三寶又平又好味但以加住嘅地方同佢相隔太遠啦，所以好少機會食今次有機會了下我心願 店鋪其實好細堂食只有五至六個位，所以想堂食有啲難一麵三餸嘅車仔麵$22揀左雞翼尖，豬腸，牛腩，米粉雞翼尖滷得入味，有五隻到豬腸有起碼八件，但內裹雜質好似冇以前清得咁乾淨牛腩有五小件到，肉質都腍，但連住好多硬嘅筋咁米粉吸晒湯好入味煎釀三寶$8/4件我揀曬魚蛋係真真正正用稜魚肉做既魚蛋外面好香脆，裹面好彈牙，不會有腥味

每次放夜班，附近食肆十之八九已經收檔，在火車站除了海皇粥店，就只剩下名都小食店。車仔麵三餸連麵都不用$30，今次簡單的點了鹵水雞翼、豬大腸及生菜。雞翼鹵得入味，大腸是交來貨，炆得夠稔，生菜只是想吃得健康一點，油麵底有鹼水味，印象大打折扣。最可惜是店方長時期都用發泡膠盒，真的不環保。

每次上完夜班，又或是去完夜街，只要覺得肚餓，有時都會到名都買宵夜。老實說，既有格仔餅、雞蛋仔，又有煎釀三寶及炒麵，當然有最常買的車仔麵。豬腸的油脂去得不太清，經常要先咬出來，但炆得夠腍，牛丸是交來貨，不過不失，整體而言是味精過重，偶爾一次還可以，多就不必了。

自從換晒啲有鄉音既阿姐之後真係不知所謂，次次都比人呼呼喝喝，真係貼錢買難受！我決定以後都唔會再幫襯！我不嬲買開豬腸豬皮淨餸，加湯！今次個阿姐話只可以比個飯盒我裝！我話我要湯！佢黑晒面話淨兩個餸唔可以用湯碗！我完全唔知咩道理！我話我不嬲都係咁買！佢好唔滿意咁行去裝！既然你咁難做咁我唔要啦！！ 你咪照計錢囉！而家又唔係買啲你無既野！少少彎都唔識轉！點做生意呀！

在大埔換MP3時見到女明星唐寧，喜愛和明星合照我當然要和她合照啦！合照完畢、更換了MP3後，便乘巴士往大埔港鐵站，在等巴士期間醒起剛剛吃午飯時不記得食糖尿藥，所以要盡快吃，此時想起不如趁曬相期間吃點東西然後再吃藥，由於剛剛吃了吉列豬扒，所以要吃吃素，但附近吃油菜又太貴，所以決定來這兒吃，但如果沒”登”坐便去其他地方坐，幸好今次有”登”坐，所以給了曬相錢後，便在這兒吃點菜。只是吃菜味道有點”掛”，所以加了豬紅。其實她和上水那間名都差不多的，生菜好甜，而豬紅亦好滑，正！服務不錯，但有點不滿意的是佢地不太環保，因為佢地是用膠碗及木筷子的！

經常排長龍的小食店，有很多小食提供：車仔麵、炒麵、魚蛋、煎釀三寶、燒賣、碗仔翅、雞蛋仔等小食一應俱全，而我獨愛煎釀三寶。煎釀三寶 $20 / 12粒要了魚蛋+豆腐+紅腸+青椒+茄子，大大件的煎釀三寶，還要剛剛炸起，有魚肉得來亦十分煙韌彈牙，加上豉油，美味。

e間小食店 開左好耐,幾時去都感多人,不過 最唔ok就算態度勁差,我次次去親佢地d職員都呼呼喝喝,買親野食都好唔開心有次我買野,佢話(冇啊)我o左,佢仲聲大夾惡感話(:冇貨啊!)仲要"對唔住", ""唔好意思"都冇一句。之後即克走左,真係火都黎ar! 點解態度可以感差?

在粉嶺住了7-8年，亦在見證住呢間野既誕生.....實話實話，雖然唔係話一d好特別既食物，但佢最吸引我去食，就係d煎三寶.....大大件，都叫低食!!!最愛炸大大粒魚蛋...而家搬左，但返工都近粉嶺火車站，所以都一樣有時食下佢既美食....支持"粉嶺"既名都小食店

大風過後, 緊張地 announce 活動如常進行. 之後一早11點到達粉嶺車站, 看天氣, 看環境, 盡早安排一下. 至少主辨單位要先到.在火車不斷收MSN, 收電話. 大多是怕天氣不穩定而決定缺席. 整理好東西. 第一, 剛過11點, 美心已經除早餐牌. 第二, 我的確未食早餐. 之後惟有入去名都睇睇. 一轉左, 就在車站出口, 就有一間小食店, 有腸粉, 車仔都, 小食. 正好, 之後入去雲泉食lunch, 食小小野填肚算數.本來想叫腸粉的, 但排隊時看見, 才把腸粉去蒸. 之後便轉一份炒麵. 炒面比起出面好多小食店, 拮拮店多料, 用多了蔥而且非常香口. 感覺到是一個有料到既街坊店. 門口人龍不絕, 而且個個是買外賣的. 下次, (唔知幾時再黎), 要試試車仔麵.

今日約左阿媽去碧湖稻香飲茶，出左火車站，個腦就浮起呢間小食店的炸4寶。就係咁，飲茶前都忍唔住要火車站轉左。去到，岩岩有一堆炸魚蛋係度，應該係岩岩炸起，要晒4件都係魚蛋，$6。阿姐加左D豉油，原來幾咸架，呢度D炸魚蛋，大大粒，煙煙韌韌，有魚味架，唔係淋"PATPAT"的。新鮮炸起就更加好食。每次去粉嶺，都心思思想食的。好好味架。

去完教會，行去火車站必經此店，天氣又凍，係時候買d小食黎增加返d熱能啦~都差不多10點架啦，呢間舖仔依然係咁多人..... 原想買 格仔餅 架，但好多人等緊....都係唔買喇 有好多炸魚蛋喎~ 可能因為剛剛炸起啦，否則好快無哂架!! 所以我咩其他炸三寶都無買，淨係買左我既至愛---大大粒既炸魚蛋 跟住至加多 $ 5 燒賣啦~ 一共 $ 10~ 抵~ d 炸魚蛋依然係咁彈牙，真係好好好好味呀!!!! d 燒賣就一般啦，唔難食，但都唔覺得要encore~ 下次都係淨買 炸魚蛋 算喇 但就會一邊食，一邊等 $ 7 既 格仔餅 啦~ 仲要多糖、多奶呀!!!

今日夜晚去左食呢到既車仔麵叫左魚旦蘿蔔牛腩油麵魚旦係平時鍾意食既"un"皮魚旦, 非常5錯牛腩就普普通通一來係切得太細舊, 二來係一d好好味但係有d好"un"蘿蔔都好清甜好好味可惜既係d油麵我諗可以用難食黎describe佢冇麵既香味之餘仲要好淋而且我5知係佢本身d野油定係因為d牛腩汁好油總之食一啖就會成口油!好似做得差左了!