名苑酒家 (已結業)

奶油包間中會去飲下茶今次就去利東新開既名苑酒家試下但...可能因為好新既關係好多野都未能令人滿意首先門口知客既態度好似人家欠左佢十萬咁好惡死...又冇笑容我知呢度係屋村酒樓但係都應該俾返D水準始終名苑酒家都係一個集團嚟之後環境真係比較一般可能因為出面街既位置地鐵仲整緊...一邊食一邊望住個地盤扣晒分...而入面既排位唔係咁好冷氣對住D客嚟吹好鬼凍...而入面既waiter呢...又係冇咩service仲會大聲喝D客感覺好差講左咁多外在野就嚟講下食物奶油包今次叫左5樣野分別係燒賣，馬拉糕，炸兩，鮮蝦腸粉同叉燒包燒賣呢...真係好普通個味道唔係咁好食而且D肉有DD唔係好熟炸兩呢...簡直係一個錯誤既做法腸粉皮包住既油炸鬼係韌到好似食緊膠=_=|||而鮮蝦腸粉呢...算係今日中唔差既選擇D蝦好大隻馬拉糕呢...奶油包一向都好鍾意食名苑酒家都算做得唔差唔會太甜最後到今日最好食既叉燒包包既皮唔會好似有D酒樓咁做得好甜而入面既叉燒又整得幾好味整體嚟講...名苑酒家既水準應該要再高D係利東既名苑酒家只值65分奶油包真心覺得呢間名苑酒家好需要改善

去左5次真係冇次有好感，但都要去係老人家行動唔方便逼住落樓下9點鐘攞飛等50張枱，1，輪位連嗌位個位職員都唔知自己嗌緊乜？我原來過左號碼，問職員仲話我未到由排。明明入面有枱都入飛。12點我終於成功有枱。6個大人坐張細枱。2，點心紙少選擇又貴。屋村酒樓果小點已經係16.8簡直趕客。燒腩仔成78蚊碟。銅記飲我都起碼有服務。3，點心，唉燒賣咬落勁鹹，牛肉根多到咬唔入。棉花雞係豬皮唔係魚肚仲收我32蚊。4，點心嗌一碟黎3次。。。

2人用餐 星期日 下午1:152-3人有8張卡位、所以我哋唔使等好耐。中枱都算多，全場無撘枱人手唔足夠，幾位同時等加水情況會發生屋邨酒樓-例牌嘈、都傾到計嘅所有出品都熱辣辣，幾好食、滿意👌🏻有下次😊

系鴨脷洲的利東邨商場新裝修之後開咗間名苑，同男友家人去嘆茶三個人的早上大約10am不須等位原來有好多分店，早前亦介紹過銅鑼灣分店排骨陳村粉～排骨少肥，肉質軟滑加埋蒜蓉非常香口，但陳村粉太碎而且陳村粉本身沒有味道只靠排骨的肉汁滲入才有味道，所以味道一般干蒸燒賣～真的非常乾，只有厚實的豬肉和已經梅了的蝦肉鮮竹卷～非常創新的產品，唔知點解用菜乾做饀，古怪的味道，豬肉和燒賣一樣實湯汁ok流沙奶皇包～最好味的一款點心，真的流沙，吉士滑流而且有蛋黃香，包皮也軟熟魚翅灌湯餃～等了非常久的時間，大約35mins以為留單，叫店員跟一跟單，之後就來了，湯汁比鮮竹卷濃，饀料有雲耳冬菇豬肉仲有幾條魚翅，但皮有點硬不太新鮮的口感三個人消費$170，在屋邨價錢略貴，但比起銅鑼灣分店味道真的差太遠，未知是否新開張味道未能控制得好，希望下次有改進