名苑酒家 (已結業)

由初一到今日，已經飲過咁多餐茶，但若然嚟呢間酒樓呢，我都唔會拒絕！呢間酒樓長期有人龍，點心款式都好多，仲要有質素嘅，籠燒賣好大隻，有成隻蝦，好爽口！無個d肥豬肉，一次可以食哂一籠。再推薦個鮑魚雞粒干炒飯，真係有鮑魚嫁！真係正

諗住同屋企人食餐生日飯，聽講龍蝦餐幾抵，咪打去訂枱訂埋餐試吓囉。本身訂七點半，咁諗住搭三去到早少少坐低啦，未夠鐘未有枱合理嘅，但係要等三個字都未有咁我訂枱嚟做乜？算，侍應態度又差，加水都可以畀錯茶。食到咁上下，龍蝦呢？「先生唔好意思，我地同事落錯單，同你落咗2,888個餐。」我本身個餐1,988 你畀個貴左既餐我，好嘢，仲要唔係得一枱係咁。多謝晒。

好久没有和ㄧ老友記飲早茶,今天剛好值完夜班,所以ㄧ早約定老友記在杏花新城明苑飲早茶。老友記喜歡明苑的招牌义燒包,總說其他茶樓的义包比不上。老實說明苑的义燒包包皮雪白鬆軟,义燒汁香口,义燒也美味。由於工作煩忙,其實好少飲早茶。但早茶有早茶的特别，全茶樓大部分的茶客都是銀髮的老友記,價格也非常相宜。超值孖寶只需$32,茶位都是$8。鳯爪排骨飲,細細碗，份量对老友記真是剛剛好。燒计釀茄子,香口美味。農莊蜂巢榚，甜味適中,值得推介。

等左兩個中先有位，唔使行黎等位啦，打黎訂位就得架啦，黎等係唔會有位比你架，職員態度勁差，有位又無人招呼，因為我地唔係熟客囉第一次飲茶會咁嬲真心唔推介呢度，野食又一般，服務係零不知所謂⋯⋯等到早遠都變午餐

食物只是一般，但因為杏花新城只有兩個飲茶選擇，你只能選一般或差。無耐只能去間一般的，未有茶飲已先勞氣，如果你唔係熟客，你必須要有耐性，門口知客先招呼熟客，再招呼定位客，最後才是你班walk in拿飛排隊客，食餐飯咁勞氣，無了期等，因為班熟客來己又來，呀知客又要先安排，真係冇下次!

First the service was horrendous. We had to get water ourselves. The dim sum was bad. For example the egg rolls was very little filing and over fried. To top it all off, the bathrooms were flooded.

作為一個柴灣人。。。雖然嫁左但都會得閒番娘家陪呀媽飲茶唔知點解柴灣嘅酒樓好多時都令我失望又成日轉手。。。d點心又麻麻所以我次次都會坐一個站去杏花村飲👍🏻呢到2點半有特價點心都ok叫左碗燒鹅賴 $28.8 湯都幾清 唔錯啦炸兩好平呀。。。$9.8而且外滑內脆 又夠新鮮👍🏻呢到蝦餃大大粒入面有兩隻蝦肉 好足料 我次次都食醬王魷魚都好爽脆 不過太厚唔夠入味下面有粉絲 不過有d油😛😛😛特價之一嘅排骨陳村粉陳村粉有d似粉皮or河粉呢到落左d爆香左嘅葱同紅椒再落豉油好香口不錯不錯👍🏻宮廷貴妃糕 就係椰汁桂花糕係我最愛 最後當甜品一流！好香好滑 又夠清本來想食紅棗糕 兩個人食唔落超正架！

外子今天放假, 可以同返工的我一起吃午飯.外子和我也很喜歡飲荼, 雖然中午Lunch Time時間很緊迫，也選擇了飲茶。這間酒樓初初在開張時，點心不太好，但最近大有進步，同它的灣仔分店看齊。我們點了：－蝦球炒飯：　雖然飯是炒定放涼了，　但有熱騰騰的獻汁鋪上面，所以ＯＫ，　蝦很大隻，　整體不錯。蝦餃：　很大隻，　蝦很鮮，　皮彈牙，　８。５分煎堆：　好正，　是炸湯丸， 蓮蓉餡, 甜度中適中,　令人回味。牛肉腸粉：　餡靚皮滑，　牛肉調得剛好, 很正路。紅棗糕：　好重紅棗味，甜度適中, 很軟糯　正！評分：　８８分

孝順仔同阿爸阿媽去名苑今日出忽意料少人可能係d人勞動節食飽飽掛你懂的飲茶不外乎個幾樣野但名苑既水準確實不錯叫了鮑汁鳳爪裡面個花生雖然cheap左不過真係幾爛 幾軟 幾入味然後係蝦餃佢既蝦餃係食到筍尖的令人意外同埋個皮唔爛食得過燒賣就不過不失啦d蝦幾大咁呢個濃湯鮮竹卷係我既最愛d湯係飲得的一點都唔油膩裡面三條我阿媽阿爸一人一條 剛剛好最後係滷水豬腳仔裡面d花生都係唔係路但豬腳勝在入味得閒過來柴灣呢頭就係杏花邨出閘食啦不過唔好週末黎 真係好多人。。。

今晚同老婆在這間名苑晚飯, 我們先點了潮式脆鹵荳腐, 味道認真不錯, 外脆內軟, 但吃不出鹵味=.=, 之後點了生僵炒芥蘭, 芥蘭非常鮮嫩, 再嚐了60頭關東遼參, 可惜不夠入味, 最後清蒸了一條老虎斑(約1斤), 蒸得真係唔錯, 食到魚的鮮味, 魚肉也很嫩口.

媽媽生日選了這間酒家食晚飯海蜇幾爽，青瓜0K脆豆腐唔錯幾好食蟹粉滑豆腐, 蟹粉味就唔多覺，不過個汁唔差，豆腐滑好食金獎蝦醬海山骨，味道真唔錯，舊肉再厚D就更好， 不過唔夠熱例湯0K豉油雞, 份量我想得半隻,幾滑，唔錯柚皮0KX0醬碧翠炒花枝蝦球，花枝爽口蝦新鮮好食蒸石班，我覺得蒸得太熟蛋白杏仁茶正加咗壽包落錯order, 足足等咗二十分鐘真係超熱要小心食，裏面係用流沙奶黄,真係好好食D餸幾好食,不過人末齊就不停同我上菜，攪到D餸凍晒，服務真係要改進下

這間酒樓在家附近開張了雖不是很久的時間，但也有一段日子了，然而每次也因人多或是其他的原因未能有機會一嘗。今天下午祖母來電說去飲茶，我說不如就試試名苑，反正我未試過，各人沒有異議，父親便早早的來等位，最終在一時多時便能入座。初次進來，不由得被那地方大小嚇了一下，原來酒樓的面積真的頗小，難怪長期出現人龍了。一行十三人，坐上了內裡偏遠的一張大桌，這裡的裝潢不錯，金色作主而不太俗氣，燈光充足光猛，唯冷氣較強，以致食物變冷的速度也變快。大家也餓了，急急拿起點心紙來看，這兒的點心小食種類也不少，加上炒粉麵飯等，選擇性算強。是日下午點了數轉的點心和飯麵，合起來真的不少，可在次未能一一盡錄，就只將當中的一部份拿出來分享好了。先說腸粉類，點了大路的叉燒腸粉、炸両(叫了兩回但也沒拍照)和鮮蝦腸粉。這兒的腸粉是沒有被先切開的，一整條的以長長的碟子送上，現時的酒樓好像流行以這種形式的?沒相干，反正腸粉皮做得軟燸，很輕易就能將其一件件的分開。叉燒腸粉內的叉燒份量不少，平均的佈滿在腸粉內。炸両我沒有試但各人也是一致的好評，到了中段還添加了一碟呢！鮮蝦腸粉的粉皮做得過腍，有點糊糊的感覺，不太重米香但當中的鮮蝦卻深得

上次去飲茶已經好滿意，估唔到今次晚飯更多驚喜！一行８人到達酒樓大約７點，坐下後女部長好熱情咁介紹套餐比我地，但我地睇過餐牌後都係想自己揀食物。部長於是介紹其他食物，當然介紹鮑心翅肚咁啦，因為佢要交差，但我地對於呢類食物興趣唔大喎。咁半邊燒鵝，同天麻燉魚皇已經可以比佢交差，佢安心地走開讓我地繼續揀其他菜。第一度來就是天麻燉魚皇一碢 $188，有 8 碗仔但唔滿。飲第一啖，嘩！個個都一齊驚喜地嘩，好好味呀！　湯味香濃，天麻味就唔知啦，只係好香既川芎白芷和其他藥材，真係真材實料咁，部長話已燉左４粒鐘。半邊燒鵝 $188，鹹甜味適中非常好味，食到 lam lam 唎！紅腰豆牛筋腩煲 $78，紅腰豆和牛筋淋度適中，但牛腩就太實，而且唔似係腩囉 但整煲既味道都好好。呂宋香芒野菌爆牛柳條 $88，幾樣食材炒成一蝶小菜，夠火喉，好好味。上海千葉滑豆腐 $78，外貌就真係要比個讚囉，豆腐唔係咁易切成咁薄片重加埋排成咁樣，係師傅既工夫啦！豆腐本身無味，要加埋炒得香口既小炒一齊食，好食呀，讚！得獎菜（金獎蝦醬海山骨）$68 ,外脆內嫩，炸得香口但唔膩口，有少許蝦醬味，正！生炒骨 $68，少少脆口，唔會太甜，

2011年10月3日，14:50難得太座放假陪我，一於繼續撐檯腳。下午茶是16:00結束，所餘客人不多。(還是恆指效應)地方比稻香寬敞和舒適。裝飾和燈光帶點溫馨，有處身於酒店的宴會廳的感覺。仍舊是太座發版，我負責食。叉燒腸：賣相夠潮，腸粉偏腍，叉燒鬆化入味。家鄉煎餅：原來是壓偏鹹茶果，再落鑊煎，結果是太油膩的點心一道；糯米造皮，卻用上粉果餡料：蝦米、蘿蔔和肉末等。鮮蝦四蔬餃：水晶皮，管看不管吃，下筷即破，沾在點心籠邊上；幸好配料清鮮。陳皮山竹牛肉：太座投訴無陳皮香味，但口感和牛味濃郁。雞湯鮮竹卷：太座嚷著真的是雞湯，因湯呈奶白色，我卻回應，魚湯都是白色的，最後我同意是雞(粉)湯。 餡料是大路的西芹、甘筍和粉肉。麻香口水雞：太座知我嗜咈辣，特意為我點的。可惜的是她雪雪有聲@m@ ，我卻全無感覺， 無他因我已麻木了，要咀嚼花椒粒，才有feel的。

發現新開的酒樓，同家人齊去試。地方很清雅寬躺，坐得舒適，食物上得快。冰燒豬腩仔，本來好好味，但可借太肥，食一件成口油頂唔順。春卷，內有香芋加上白蘿白，很特別的內鹹，而且好好味又，值得推薦！排骨陳村粉，陳村粉係我至愛，排骨我無食，我目的只係陳村粉，但呢個味道普通，不過我都食晒。餃子，內有菇菌，有非常香的香菇味道腸粉，內有一層脆脆既....忘記了內裏是甚麼料，總之非常好味！頂級流沙包，我無食，只是家人食，但見到無流沙。地方坐得舒服而食物不錯，下次要試下晚飯。