名苑酒家 (已結業)

今日放假同屋企人去飲早茶 ,媽咪話樓下酒樓食物一般 。所以我哋專登坐車去杏花村呢間名苑酒樓，環境 寬敞， 衛生 ，座椅非常舒適， 裝修行高檔路線。 早茶每位八蚊( 茶錢 ) 需要十一點半前埋單.早市孖寶好抵食，34蚊可以任選兩款點心 . 即刻叫咗三個孖寶🤣另外單點，炸蝦角和豬骨湯銀針粉。整體嚟講係平靚正,點心水準唔錯 , 下次會再去✌️千島醬炸蝦角裏面係原隻蝦， 新鮮爽口，皮薄，油膩豬骨湯銀針粉 樣子平平無奇，但出其地好味， 銀針粉夠煙韌，用上蝦米增添鮮味

服務唔使講係冇㗎 午市叫咗六個點心 六個點心都係難食㗎 冇樣點心係熱辣辣 好在自己帶茶葉 整色整水鹹水角 唔知用咗咩皮 可以難食到咁 虎皮魚肉釀尖椒三條我唔知佢點樣形成三條 我煎得仲好食過佢 如果真係要講蘿蔔糕係最正常 因為辣椒醬ok

今日去完柴灣拜山，同長輩一行10人去杏花邨名苑飲茶，服務差，食物素素亦很一般。我哋訂座枱，但居然要等！星期六早上11點，有咁多人咩？等咗十幾分鐘唔對路，入去一睇，發現裡面有不少吉枱，大枱亦有吉，只係未執，我去同經理講，佢無回應我，四周圍望，似乎無其他侍應有空，就自己去執枱，最終搞咗約半小時才能入座。我哋張枱無點心紙，鄰桌卻有三本放點心紙的簿，大概係執完枱無放回。我哋啲點心嚟晒後，有侍應突然以質問方式問：「你哋啲點心紙呢？」我哋話無，佢就飛咗本點心紙的簿到我哋個轉盤上，係「飛」，佢原來執枱見咁多放點心紙的簿，就「分發」番去本來的枱。食物質素亦麻麻，蝦餃燒賣一籠三隻，福建炒飯無乜料，主要係雜豆。酥皮焗叉燒包，好勁油酥味！幾年前曾光顧，屬略高檔的茶樓，各方面都屬中上。而家只有價錢高檔，服務和食物質素甚至差過茶餐廳！性價比極低！如不改善，好快執笠！

如果想食到一肚氣，你可以去幫襯！今日食Lunch, 著黑色衫嗰位中年女士部長，完全唔做野， 叫佢落單黑哂面， 另一位同場女侍應就成日扮執枱睇你唔到， 個個都唔想做野。 個部長仲話唔夠人手！ 個個都好似妳咁做野， 請多100個都唔夠啦！ 建議增設QR落單， 自助斟水。唔洗請呢d人， 有人等於無人。 又或者趕走晒啲客， 好似晚市咁，一晚都無3枱客， 咁就夠人手啦！ PS: 傳菜姐姐好好。係個女部長和女侍應好衰， 最後仲收多錢添，大家要check 單呀！ 但最好唔好幫襯啦！

星期五晚與朋友敘舊，都杏花邨名苑吃了一頓豐富的及美味的晚餐。有燒乳豬燒鴨炸生蠔、蒸扇貝、上湯雲耳菇，冬瓜盅。燒乳豬新鮮出爐，皮脆肉嫩，第一次吃脆卜卜的乳豬😂炸生蠔隻隻也很大及沒有腥味，冬瓜盅真材實料、每人也有兩碗。五個人、人均$238， 很值得再去。但酒樓服務員一般，不夠主動，很多時沒有水及枱上滿佈用完的餐具也不會主動換。但食物質素已經可以抵消服務！真心推介，位置在杏花邨地鐵站出口左轉，不用1分鐘，真的方便！

今天到杏花邨名苑飲茶，質素真的越來越差，叫了燒腩仔米線，那一碟燒腩仔，一攞起那一件燒腩仔，已經自動斷開三件，散修修，肥膏仲多過肉，又細件。嗰個米線簡直完全無味，白烚米線。是我人生裏面食過最難食、最差的的燒腩仔米線。

又到咗一年一度嘅父親大人生日👨🏻🎂指名要食乳豬，咁啱見到「名苑」做緊promotion，一隻乳豬半價🙀💥😳咁抵食，當然要同兩老嚟試試啦😍.見到酒樓有唔同嘅晚市皇牌孖寶推介set👑一個特惠價錢就有2樣嘢食，我哋就叫咗精選美食 C，有「上湯焗澳洲龍蝦南瓜麵」 同「脆皮燒雞 半隻」$598/份，好吸引🫣🤤上湯焗澳洲龍蝦南瓜麵隻龍蝦好大隻🦞肉質好彈牙，而且因為係上湯焗，完全食到哂龍蝦嘅鮮味，每一舊都啖啖肉，點埋佢個上湯汁食，好鮮甜😳❤️平時通常食龍蝦都係配伊麵底，酒樓就係配南瓜麵🎃第一次試，呢款麵條比較幼，同帶有少少南瓜嘅甜味😯浸咗係上湯咁耐都仲係好爽口，唔係講笑，就咁食個麵配龍蝦上湯汁，已經好好食😝脆皮燒雞  半隻燒雞個皮燒到好脆🐓肉質好嫩滑，加埋有少少肥膏一齊食，好有油香，半隻都好夠食🤤👍🏻鴻運脆奶豬 $298平時去酒樓食乳豬通常都已經切好哂一舊舊🔪而佢呢度有一項服務，就係首先拎隻未切嘅乳豬俾你望望先🐖再係你面前剪✂️我都係第一次見成隻未切嘅乳豬，真係好驚艷😳🫣因為係職員現場即剪，所以每一舊都幾大舊，同大小不一，乳豬外皮焗得勁脆，平時食嘅乳豬可能都會有啲係得塊皮同埋一層肥肉🐖佢呢啲就每一舊都好

第一次去杏花村名苑食晚飯，夜晚8點去到，都唔需要等位，就已經有大枱。我哋7個人，其中3個都比較細食，所以叫咗個6人套餐，澳洲龍蝦乳豬餐。好快就上菜，頭盤亂醋海蜇，之後就上埋海底椰燉雞湯、翡翠炒龍躉球、養生粒粒竹泡青菜、古法蒸龍躉頭腩、上湯焗澳洲龍蝦南瓜麵、黃金脆皮雞、古法紅棗花包，然後另加咗3隻潤燒乳鴿，同埋啤酒。值得一讚，當晚翡翠炒龍躉球，龍躉肉夠大塊，炒得幾香兼入口彈牙，龍蝦南瓜麵嘅龍蝦肉都好多，南瓜麵都好好味，唔油膩，而最受歡迎嘅紅棗花包，真係好香嘅紅棗味，入口又軟又Q又彈牙，最後仲額外叫多半打。總結：食物質素都唔錯，職員態度一般，唔算差，亦唔算好，只有一個後生女最好笑容，其他都似機械人，最唔好嘅就係有個女職員上湯時，攞湯碗俾食客時，見到佢帶咗手套，有一手隻手指套係掂到啲湯，感覺好唔乾淨，其他都無咩特別。

今朝早諗住同屋企老人家去飲茶，然後就落咗去攞位，門口就冇啲樓面同埋侍應喺度，之後就入去問佢想問我哋點樣可以攞到位飲茶，然後啲侍應就話叫我哋有空位就坐落去，當搵到空位啲樓面就問我哋做咩亂咁坐，話出邊好多人叫我哋唔該死番出去。然後我同佢哋講又係你哋啲人叫我哋自己入嚟搵位坐嘅。然後佢話唔得叫我哋唔該出返去。好囉咁我就唔食囉。以前屋企老人家日日嚟呢度食早餐，新年又比利是你哋，你哋態度就禁好，到而家佢哋隻腳唔好好少嚟食啦，原來係咁嘅態度㗎我明白啦！其實杏花邨已經唔多茶樓好心你哋就珍惜係你顧客啦！

重頭戲來啦！搶眼嘅「冰鎮三頭南非鮮鮑魚」，超級吸引我，一眼望過去，個個鮑魚🐚好似張開咗嘅大手掌，足足有我掌心咁大。緊緻嘅肉質加上嗰份鮮味，完全可以讓人忘記所有煩惱，呢個體驗正！一啲咪嗒米嘅Wasabi豉油，微微辣中帶嚟清新提味，多啲清酒灌落去，那款「真澄 茅色 KAYA純米酒」，酒香扑鼻，啖啖清甜，鮑魚嘅味覺享受即刻上升好幾個Level。今次另外令我讚嘅，必須提嗰「炸豆腐」，外層金黃酥脆，香味迫人，啖啖豆香，咸香中帶點腴滑，口感豐富得很。啲茶點都唔錯哂，尤其係「鹹菜豬肚湯」足料又潤，湯頭清甜而微帶嗰種家嘅feel，真係食完心頭暖笠笠。就算食完啲肚唔餓，呢碗湯都會令你忍唔住再飲多幾口，連「叉燒腸粉」嘅皮薄彈牙都要講兩句，煙韌得黎料足，爽口得嚟唔油膩，伴隨一旁提供嘅甜醬同辣椒，簡直係一絕啊！整體來講，今次嘅食體驗算係眼前一亮，味覺滿足到唔想走！这个名苑值得再嚟呢個讚字！✨👍🍽️

今天和外母來飲茶，水準大有改善。至少今天的茶夠熱。海哲爽脆，我們也很喜歡那疑似萵筍的配菜十分配合。牛柏葉是本人很喜歡的點心，但現在不是每間酒樓都有供應。這裡的牛柏葉味道不錯，有咬勁。這裡的棉花雞蒸的好淋，有肉味。魚肚和雞都很好味。個人不太喜歡鮑魚燒賣，如果有其他燒賣選擇就好了。這個金銀蒜蒸勝瓜十分好味。叉燒腸粉皮薄而煙韌，不錯不錯。鹹菜豬肚湯十分足料這個炸豆腐十分美味，食到停唔到口。名苑應該係杏花邨最好食嘅酒樓。

周未晚上杏花邨名苑，8點入座率約三成，紅燒豆腐但豆腐已有異味，即要求取消，椰子雞湯198元，好清淡，完全沒有椰子味，好似溝咗水，個職員話好多人讚？兩個待應，黑口黑面，結帳後當我哋仍未離開，正飲茶時，急忙收碗筷，當時只係9點。好似趕客。我係杏花邨居民，但已經很耐無幫襯，今次請客先幫襯，但體驗很壞。點解香港飲食業仍唔爭氣，員工是否低人工先有這表現。

一行五人，點左個四人海鮮套餐，以及另加了一道雜菜煲，一人平均$250。剛剛好大家都食得不飽不餓。雜菜煲內的魷魚超大條，好正，菜湯都有飲啲，菜嘅本身甜甜地嘅味，送飯一流！條魚都幾新鮮好味，但魚身就稍為有啲瘦削，魚肉好快清晒。帶子都鮮甜好味，但可以再後生啲，可能因為蒸得耐咗少少。炒聖瓜都幾少分量。不過五個人，於是乎帶子另加$50多一隻，如果係隔離杏花街市會平啲大隻啲，不過無計話哂岀街食飯，最緊要開心。酒樓無切餅費，略有人情味啦！

早上09：50相约六人到此酒家飲早茶，門囗侍應說有空檯，可自行進入找位，只見4人，8人檯有空位，人多亦十分噪雜，看見細房內有一小檯放置五張椅，問可否加一張椅坐6人，侍應重復地說檯太細，不能擺放點心，我便告訴她，我們主要來閒談，想要清靜環境，吃不多點心，侍應態度差，仍重複說..不要說我沒有提醒你，並說11時要離開還檯，雖然食物質數尚好，價格亦是抵食，但侍應無論是上下級，說話語氣，態度都是差，問多一句，都顯得不耐煩，疫情後，生意有好轉，應該更加珍惜，敬業樂業，良好的服務態度是必須，否則只會趕走客人，我會慎重考慮是否會再惠顧此間食肆。

今晚慶祝生日，就嚟名苑杏花邨食晚飯，有一個特價餐，有乳豬、一條清蒸海斑、一碟豆苗。一家四口，再叫多多一個臘腸滑雞煲仔飯，就已經夠食。呢個餐係需要預訂先，乳豬燒出嚟係又熱又脆卜卜，唔算太肥，味道很好。加上一條一斤重嘅海班，蒸得剛剛好，價錢亦都算合理。