名朝特色火鍋 (已結業)

最近天氣凍凍地, 再加上同班好友約食飯, 於是諗都唔諗就去打邊爐啦…..今次去左佐敦呢間新店到試下…因為佢呢到有得任食刺身之餘, 仲可以任食韓國蠔添, 我地呢啲愛蠔之人, 一定要黎試下啦…. 呢到既環境都唔錯, 尚算坐得幾舒服。呢到都有唔同選擇既火鍋湯底, 我地就揀左蟲草花湯底黎試….. 一上枱就係刺身, 呢到刺身都可以話係有幾多款式揀, 而且啲料都新鮮, 三文魚係厚切既, 味道都唔錯, 泰式虎蝦好紮實, 爽口….. 火鍋配料既種類都幾多, 我地梗係一定要點左韓國蠔黎試下啦, 啲蠔上枱都幾大隻, 食落海水味道充斥係口腔到而且一啲都唔苦, 堅正!!!! 新鮮蝦食落都好鮮甜, 啲肉好實, 好好味!!!! 肉類方面都好多選擇, 薄切肥牛味道唔錯, 偏肥食落好滋味, 手切牛肉味道香濃; 五花腩肉肥瘦分明, 食落好爽口彈牙, 羊肉都唔錯, 值得一試…..蔬菜方面都好多選擇, 有菜心, 西洋菜等等, 好多選擇而且啲菜都洗得好乾淨同新鮮....呢到仲有一個甜品吧同熟食吧, 好多唔同既野食都有, 食到差唔多就去到甜品吧到食甜品, 佢個梳乎里同綠茶心太軟真係超級好味, 即叫即整, 梳乎里好香甜而且好似棉

好耐冇食打邊爐放題，呢間2.5 hours任飲任食真係幾抵食，仲包熱盤、飲品和甜點。首先揀左湯底，然後order火煱料，可以自己出去揀蔬菜和麵類。我揀左個精選藥膳湯底，健康D，下次可以試佢個黑松露芝士湯底！仲有刺身食，真係要咩有咩！緊係要無限量食肥牛，美國特級肥牛，手切肥牛和鮮滑牛肉，質量都唔錯。當然唔少得其他配料，有海鮮喎！除左打邊爐，好鐘意佢個甜品部，有好多選擇，係其他hot pot 店真係未見過。椰汁紫米和冰糖雪耳糖水唔係流架。仲有流心抹茶蛋糕、梳乎厘，都係即整！以為自己去左食甜品buffet。好好彩仲有個咁靚既景望！熱盤有不少選擇。雖然佢有好多韓國啤酒，但係唔飲酒，可以試下呢個，peach味真係幾好飲，仲有粒粒果肉。

香港人真係一年四季都鍾意烚下烚下, 當諗唔到食咩時, 火鍋既命中率係相當高, 尤其係任飲任食果隻!呢間火鍋店位置方便, 食完各自散水都無咩人有難度, 成人每位都係$158, 任飲任食2.5小時, 時間非常充裕, 可以邊傾邊食都OK!怪唔之得七點都已經有8成入座率啦, 好彩一早訂左位姐........哈!任飲韓國果汁, 汽水, 烏龍茶, 黑啤, 多款啤酒, 甚至乎連豆漿都有, 總有一款岩你!火鍋配料分為幾大類, 選擇款式都唔少, 一般任食火鍋應有既佢都有, 有D特別D既如鷄子, 爽鵝腸佢都有喎!呢度比較特別, 蔬菜, 菇類, 烏冬及即食麵採取自助形式, 排列得井井有條!要開始都要先有個湯底, 諗住清清地又無咁熱氣, 點了呢個芫茜皮蛋湯底, 送埋冰豆腐!手切肥牛都唔算太肥, 烚兩烚就食得, 食到D肉味, 最岩開波時食, 夠快嘛!跟住就食D海鮮類, 有韓國蠔 (雖然唔大隻, 但食到蠔味), 鱔片 (肉質OK), 花膠 (爽口又嚼口), 蝦 (細隻無"梅")每位加多$38, 可任食升級版刺身, 刺身種類都有成10款, 味道OK, , 最喜歡甜甜既蟹棒及鮮甜甜蝦, 咁既價錢, 就算只食1 ROU

莊士敦廣場都幾多野食，其中大鍋口、大喜家已經食過，今日收工就過左黎呢間名潮，去到嘅時候大概8點9，本來等45分鐘後先入場平多30蚊，不過我地太肚餓唔等喇，店員話有位，我地都即入。9:30pm前 $158/2.5hrs (+$38可任食日式刺身船)；最平嘅時段係凌晨12點後，$98起~ 火鍋配料超過80款。座位都幾闊落，有部分爐係電磁爐，有部分係gas爐。首先點左湯底，揀左蕃茄濃湯鍋，本來對呢種任食火鍋嘅湯底都冇乜期望，一般都係滾水湯，叫乜都冇大分別。不過呢個蕃茄濃湯鍋都過得去，起碼飲落都有蕃茄味，而且裡面嘅鮮冬菇好甜好好食！之後我地迅速落單，乜都點啲，就出左外邊拎飲品同蔬菜。飲品款式好多，一律自取。自取櫃嘅菜、粟米、生根、多款麵，擺放都整齊，唔會得番啲餸頭餸尾，而且好新鮮！拎多幾款蔬菜之後，湯底豐富好多~再行出去少少就係調味料自取，每位$5。另外仲提供一系列熟食~魚蛋硬身，不過辣辣地，都叫食得落。拍青瓜冇乜味~日式刺身船 $38/每位刺身選擇都算多，輕輕叫左幾款試下，感覺都算新鮮 (不過在場冇乜人點)，如果鐘意食刺身每位加$38都還可以。不過留意，點左盡快食啦，以免會影響新鮮度，墊底嘅

天氣轉凍最岩打邊爐, 而邊爐又心思思想食物選擇多d, 又唔想太貴, 睇來睇去最後來到名朝啦 任何時間成人一位都係$158, 係其他地方無見過咁抵既價錢. 仲要啤酒任飲, 通常邊爐放題都要加錢架嘛~ 真係吹下水, 飲多幾罐都抵番哂湯底有好多選擇, 除左basic 麻辣... 仲有特色蕃茄/藥膳/蟲草/肉骨茶同黑松露芝士最後交比 fd拍板試下個黑松露, openrice 見好似無咩人試上到來一路煲真係有淡淡既truffle cheese 香.幾香, 其實比夠似牛乳湯底, 不過海鮮無咁吸味, 落左d 娃娃菜索味好多食物除左打邊爐例牌既牛豬羊肉/丸等等, 仲有熟食 不過太飽無試到手切牛肉唔錯, 不過個人覺得美國肥牛肥左d😂😂 食左2片怕肥唔敢再食, 主攻手打牛肉各色丸, 仲有海鮮~ 其中scallop 比較好食響鈴都唔錯除左熟食當然唔少得sasimi la~ 雖然價錢平一截, 仍然有一般放題水準. 其中最欣賞蝦刺身仲有加泰國香料調味, 加埋個sauce 帶酸辣, 好香好開胃 飲品選擇完全花多眼亂, 就算唔飲beer 都有幾個櫃比你選擇, 除左韓國lotte 汽水, CC 等, 仲有平時出面

八月果時朋友帶我黎名朝火煱任食，果次食到好飽好滿足，於是今次向屋企人推介，相約佢地再黎一次！今次好似比上次加左小小價，食物款式選擇同上次差不多，不過點單寫多人份量黎到都比預計中小，而且有d海鮮類很快就沽清，唔知是否先入為主，總係覺得今次比第一次黎各様既感覺都差左，可能多左人幫襯兼顧唔到了，食物質素冇上一次咁好，衞生環境都差左小小，地面依然可以溜冰價錢貴左，質素差左，我諗我同朋友們短期內不會再幫襯了

本來想去這大廈其他火鍋店,但見到樓下員工熱情推介,就去試下啦,,首先價錢不貴,算平.食物上枱速店算快,大約10分鍾到就有食物來.其他選擇,款式,食物質數都不錯.正所謂一分錢一分貨,呢個價錢差唔錯啦!服務都細心既,見我地多野拎都會比張大少少的枱我地坐.基本上成餐飯都不錯,係個湯底差左少少之外!!最後去甜品檔想拎一個心太軟同梳孚里既時間個叔叔叫我地5分鍾後番去拎.但5分鍾後再番去又話無..叫我地等多5分鍾...如是者循環行左4次..都係無得食..最終決定放棄..如果你地唔提供..可以直接講..唔好5分鍾又5分鍾又5分鍾又5分鍾

打邊爐係香港人大愛嘅聚餐活動呢間放題邊爐真心抵食齊全仼食兩個半鐘仲要啤酒仼飲，大飢恩物有好多款湯底揀，我揀左黑松露芝士湯底。點完湯底去熟食吧到參觀左下，見到大大隻惹味炸雞翼真係吸引，最緊要係好味，夠嫩夠脆夠香口！即刻食左幾隻，仲有啲涼拍青瓜，魚蛋鴨腎嗰啲，雞翼最讚！印象分+++++湯底有黑松露碎粒，淡淡松露味唔錯嘅用電磁爐好快滾唔洗等，食物都好快到，手切肥牛唔錯，海鮮選擇都唔少，佢地標榜有生蠔供應，係雪藏嘅，過下口癮都唔錯。菜麵自助冇點拎，丸類較少。甜品係其中一個不錯位，有大大個甜品櫃仲有半熟芝士撻仔、即點既製心太軟等。不過呢，食物質素非常大讚都好，都有好不足既地方😗😗😗😗😗😗就係佢地個訂枱政策好有問題，因為上一枱遲到搞到我訂左枱都要等成半個鐘…有向餐廳反映意見並着其改善。餐廳响群眾鼓譟下都禮貌應對！！值得一讚 👏🏻👏🏻👏🏻👏🏻😍😍(有食客依依哦哦係咁鬧但又keep 住等，我都覺得煩 ) 幾窩心嘅係食食下有店員續枱送上細盒裝去火沖劑，唔知係贊助定廣告啦，當佢親手遞上講話：“呢個係送俾你地嘅Souvenir嚟架” 等位嘅火氣即刻下左大半。希望下次入座呢一點會改善到啦！其實好易處理唔洗搞到

          近排又開始凍番，又係打邊爐既時間了！千選萬選去左呢間位於佐敦既火爐店，見到任食2.5小時都係$95起，上到去就發現呢間店好受歡迎，好彩我地一早就book左位姐😆   店入面幾大，我地坐係路邊好方便我地出出入入去外面拎飲品、打邊爐既食物、熟食同甜品。         我地一開始就選左胡椒豬肚湯鍋，其實除左傳統湯鍋之外，仲有特式湯鍋，例如係黑松露芝士和新加坡肉骨茶湯鍋，但係第一次試都係試下最普通既豬肚湯，下次有機會再試下其他味道哈哈。Menu第一頁就選擇湯的種類，後面就有其他食物，例如係肉類、海鮮、素菜、丸類等等。        過左一陣野食同埋個火鍋好快就送到黎，就咁聞到都已經覺得香噴噴！咁我地當然急不及待將食材倒落火鍋入面，豬肉的肥瘦比例比較不平衡，大約係八分肥兩分瘦左右，但係配埋湯咁食真係好幸福❤️！雞肉亦都唔差，每份既份量都唔少，而且好嫩滑添，雞控就係表示心心眼。       另外，海鮮都唔錯，呢到比較特別既一點係有花膠，整熟完食真係幾黏牙同入味，值得一試。除此之外，佢既蠔都唔錯，Size雖然有D細，但係可以好好咁Keep住入面既水份，好鮮味👍🏻       除左

心血來潮去想去食大X口，都知道無book位就唔使旨意食，當然啦，事實係殘酷的...睇下水牌，原來仲有打邊爐，go show睇下有無得食先！去到都有好多人，但一定少過樓上，起碼安排等位有系統d先，等左大約半個鐘就有位了，兩位不難等，睇睇餐牌，連湯底都有咁多野揀！而且有d特別湯底，朋友揀左肉骨茶（平時一般食唔到），肉骨茶味不算濃，但係好香，唔濃味也好，唔會擔左食物本身的味道。先叫左刺身，刺身要加錢先有，我地見黎到又無理由唔食架，所以都叫左d，呢度好特別，因為有泰式生蝦食，精華係d醬，生蝦新鮮又夠凍，佢無日本蝦咁甜，但係都好滋味！三文魚一般，唔太厚，亦唔算好甜。肥牛賣相真係一般，肥膏好多，但味道不錯，牛味都重，不過肥牛唔肥又唔好食啫！羊肉片都OK架，靚過肥牛，而且夠So，陣So味係個口徘徊，過癮！韓國鮮蠔雖然雪到像冰一樣，但都不失味道，建議大家要碌耐d先食，因為真係好凍！蠔味都keep到而且無沙又爽！同行朋友最中意食蝦，叫左海蝦同埋花膠，海蝦不太甜，但係就幾乾淨，有時有d會唔太乾淨，花膠係呢度個名叫「厚花膠」XD，果然！係厚身架，你以為係假野咩？堅呀！真係花膠，雖然硬身左d，唔夠林（碌耐d可

12月頭大約晚上10時去過。唔多人不用等位，先講湯底叫左藥膳不過不失有小小味,再黎碟肥牛，簡直驚為天人,質數差都算仲要係棕色(新鮮既應該係紅色)直情唔敢食 另外講明刺身任食 寫多幾件仲要比侍應問你係咪食得晒(我3個人叫晒每款幾件約50件) 除左佢有啤酒任飲之外 我已經諗唔到佢有咩可以再去幫襯既理由

難得今日約齊三五知己食飯，見今日天氣又轉涼，甘就一於去打邊爐。經其中一位朋友介紹下，我地去左佐敦一間叫名朝特色火鍋。名朝既一大特色就係半自助，熱盤美食同埋各式甜品都係自助的；火鍋配料亦係任點的，疏菜和麵類就要自助，加錢亦可享用埋刺身放題。好彩一早訂定位，去到既時候已經全場滿座。店內環境算幾寬敞，而且亦唔會有太大油煙。各類火鍋配料好多唔同飲品或啤酒既選擇自助熟食區 - 選擇算多，我就主力食咖哩魚蛋同埋牛雜；咖哩魚蛋辣度適中，魚蛋都幾彈牙同入味；牛雜個醬汁好濃郁，食落都唔會太UN。食完前菜後，我地就點左個胡椒豬肚湯鍋，除此之外仲可以叫海鮮嚟蒸，好似蒸鍋甘，我地就叫左蒜茸粉絲蒸扇貝，味道唔差仲幾鮮甜。我地點左既食物：花膠、牛骨髓、牛栢葉、鵝腸、響鈴、芝士腸、蟹柳、手打墨魚丸、大蜆、蟹籽丸、炸魚皮 、墨魚滑同埋手切肥牛，食物夠新鮮配上帶點微辣既豬肚湯絕對係絕配。我地今次食既份量比起平時絕對無甘多，原因就係我地Target左佢地既甜點。有幾款都係師傅會即場炮製，首先有梳乎厘，甜度適中，蛋香味極濃。抹茶心太軟亦唔會太甜，師傅控制火候都一流，岩岩好做到最流心既效果，口感亦做到煙韌既效果。整體黎講非常

第一次黎既時候食物質素好、位置較鬆動，還見到洪永城等一班明星，感覺非常好，所以一年後同同一班朋友再黎。但經過一年，好多東西都大不如前，從前我們6人坐3張台，但今次係6人坐2張台，入去已經勁困難，而且冇位放袋，我們6個人抱著6個手袋打對面坐係2張台，非常難受而且侍應們個個都黑口黑臉，得賣啤酒既啤酒妹有反少少笑容，真係辛苦曬佢講到食物質素更加嚴重，我們寫6人份量既野，只會每樣比少少，感覺好度叔呢個就係我地叫既蕃茄湯底，可以見到係冇咩料，好想叫佢比幾舊蕃茄落去，入面真係得4分1個蕃茄炸，點會有蕃茄味？

近年尾又係同朋友聚舊既時間，今晚朋友就book左去呢間位於佐敦莊士敦廣場5樓既「名朝」食任食邊爐。任何時段入座食2.5小時任食都只係$158加一/每位，最平既子夜時段更可以$98加一/每位，好抵食下。見價錢平，本身都無咩期待，但原來都唔錯！餐廳設有3個自助區，選擇眾多：一邊有一大排雪櫃放飲品、茶同即食麵；另一邊係醬油區；再隔離就係刺身壽司、餐前小食、即製甜品同埋一個甜品櫃。未開始打邊爐之前已經有好多餐前小食比客人開胃，我就拎左鹵水小吃同埋豬腳薑。豬腳薑好入味，豬腳亦夠稔好易咬，多肉而少脂肪，薑又夠保身，幾岩女性食～食完一輪前菜，就開始點餸打邊爐。湯底點左胡椒豬肚湯，同埋另加左3隻餐紙上無既生蛋（$5/隻）。發現呢度唔止係打邊爐，原來仲可以點海鮮嚟蒸，好似蒸鍋甘，湯底止鍋上面放上一個蒸籠，然後自己計時等食物蒸好。食完蒸物後，就真係開始打邊爐啦！用手機版就可以放大睇餐單，選擇都唔少！點左：苟菜餃、響鈴、芝士腸、蟹柳、花膠、魚雲、鵝腸、牛骨髓、牛栢葉、手打墨魚丸、大蜆、蟹籽丸、炸魚皮 ，全部都無咩問題，唯獨係肥牛真係好肥，唔太開胃。食到7成飽岩岩好，留肚食甜品！其他於雪櫃內既甜品都好少，我就

平安夜，一家四口去搵食，去到佐敦，試吓呢間火鍋放題，無訂枱，要等booking 入哂先serve 我地。上菜效率快！員工態度OK！無漏單！有刺身任食，算唔錯！重有甜品丶熱嘅熟食丶pop corn 丶雪糕丶綿花糖。美中不足... 係行去toilet 條路到toilet 入面，又多油丶又濕又跣... 幾危險！＄232一個人，算扺！