名星小店

營業中

休息中

大多數人去葵涌廣場都係為左食 好明顯 我都唔例外經過名星小店 已經好大陣芝士味 咁當然要試下!手上係日式特濃芝士醬 粟米芝士腸撈烏冬$31好味指數 呢碗烏冬啲料真係好足 你睇下佢幾多粟米高就知喇 再者 係少有唔膩既芝士汁 一碗就飽飽 唔多唔少 剛剛好

葵涌廣場小食店本身自己都幾鐘意食芝士, 見到有芝士烏冬, 衝動去試咗個芝士汁好濃, 一D都唔稀, 好好味烏冬就食得出係好CHEAP個種, 有啲可惜, 但碗麵係好味

呢間野真係冇得頂，$19買佢個韓國年糕，佢足足數足十條年糕俾我，都未食過咁貴既年糕😂，平均$2一條，以為好好食啦，點知自己整都好食過佢😌，仲要唔辣既！個芝士撈麵都只係一個普通既芝士撈麵，完全說服唔到自己再食呢間野，葵廣大把好野食啦真心。。。個男店員定唔知個老闆冇禮貌，以為自己間鋪真係好出名其實咪又係俾錢落廣告。😂

路過一試，見佢烏冬係十杠分推介我就決定直接一試定高下。叫左芝士撈烏冬加芝士丸同蝦餅（後來先見到有司華力腸）一蒞到其實只係見到一層芝士係上面，已經睇唔到烏冬同其他野，個芝士勝在唔會變硬，一路食一路都係熱既，芝士可以完全包住烏冬，勁！不過食到最尾覺得咸左少少。

見好多人話好食，所以試下，叫左$21+5芝士撈烏冬加芝心丸/燒賣，個汁唔會太杰身或太稀，但個芝士味唔太濃，食唔到有咩芝士味。如果依個價錢經過醫肚ok既，全碗既亮點係粒芝士丸

早排專登去葵廣掃場，真係有伏有唔伏，這間算食完無講粗口兼可以食哂<日式特濃芝士醬撈烏冬> 🧀$21另外我再加$5有粟米🌽芝士真係超多又濃郁，就算烏冬較粗身都足夠掛上去伴吃😈加上甜甜的粟米粒，絕配囉<魚旦+燒賣> 🍡各$6魚旦有六粒~燒賣有五粒，重點應該係個名星秘製醬到👏有辣有唔辣，我當然要辣啦，唔係講笑🔥真係夠哂辣，而且個汁調得好正😈會想再試

就咁叫一個芝士撈烏冬吾加餸已經$21可能因為剩係得芝士汁同烏冬食落嘅感覺比較膩如果加餸應該會好啲店主毫不吝嗇加了三大羹芝士汁雖然芝士汁稀左少少食到最尾都剩返好多但聞落去芝士汁都幾大陣味都叫香嘅但呢個價錢未至於會再試

一嚟到就俾佢五花百門嘅食物吸引。 最後點了兩個簡單嘅小吃:韓式年糕 - 煙靭得嚟唔黐牙。 唯獨是醬汁稍 辣。芝士撈烏冬 - 呢個不得不讚。 食落口唔(嬲)，但同烏冬好match。 食完今次 下次再去都會心思思。 哈！

每次黎葵廣都會見到名星小店有好多人排隊,雖然芝士撈麵好吸引,但係價錢實在有點貴,所以一直都無試過今日終於決定要試下呢到最出名既特濃芝士撈面,一個芝士撈面已經要$17,其他配料則再另外加錢一拎到個面個陣,芝士汁多到蓋過哂成個麵,而芝士也真的是"特濃",好香芝士味呢到既都煮得軟硬適中,幾有口感,記得每一啖都要將麵撈番芝士汁,先至會食到佢既濃郁味道自己一個食完成個芝士撈麵後,已經有滯同飽肚既感覺,所以份量都足夠,如果價錢平番少少就更好了

好多人話呢間好味 於是就試下$37 得芝士烏冬兩粒芝士丸同2粒蝦餅芝士烏冬真係好濃 d芝士汁嗎太傑同唔太稀 有些少汁掛住烏冬到 口感比較juicy 烏冬比較彈牙 冇咬口芝士丸外面已經包哂芝士汁 裹面芝士流心 都幾多流心 蝦餅好香 似越南d蝦餅 但有香茅定唔知青檸味 所以加埋芝士唔太夾但$37有d細杯😂

放工同同事經過呢檔野。遠遠就比佢既香味吸引左埋去。見到多人排緊隊，心思思就試下.叫左個日式特濃芝士醬撈公仔麵加煙燻鴨胸。等左around 15分鐘終於可以一試，一見成碗都係芝士醬，好香芝士味，撈下個底, d 公仔麵都唔少，仲有好多鴨胸。真係幾足料。即刻試一啖，嘩~成口都係芝士，好creamy, 當我開始細味品嚐既時候，只係有好香芝士味，但就冇咩芝士味。即係有香冇味。再試下舊鴨胸，冇煙燻過或者煎過。而d麵其實都係普普通通，食多幾啖會發覺有d "濟"。冇我想像中咁好食，去到後期d鴨胸我就食唔到味，基本上只係feel到個口感,完完全全冇哂感覺剩係覺得好濟~總括黎講, 冇我所諗咁好味但又唔至於差，但抵食。

特濃芝士撈烏冬 $20 (+$5 粟米粒)今日黎到平民美食聖地 葵涌廣場首先要食嘅就係呢個特濃芝士撈烏冬 真係好多好多芝士又濃又香嘅芝士汁撈落烏冬度都唔夠正加多$5 加埋佢嘅粟米粒先一流呀啲粟米粒好香牛油味 本身就好好味就算你唔食芝士撈 都要試下佢嘅粟米杯至於其他野好似都無咩特別建議淨係試呢個芝士撈就好啦 

蜂蜜牛油粟米粒（$9）&芝士撈烏冬（$20）講到葵涌廣場入面出名既食物，司令相信絕對唔會差左名星小店既芝士撈。但當時司令行過名星小店，竟然係比蜂蜜牛油粟米粒吸引住，就叫左一杯嚟試，司令嫌蜂蜜味唔夠香，只係食到牛油味同一般牛油粟米粒無差。司令喺等同食粟米既時候，從旁觀察左好耐，發現真係好多人買芝士撈麵或者芝士撈烏冬。咁司令忍唔住又買埋一份嚟食，叫左個芝士烏冬。芝士味香濃，配烏冬少左一份膩既感覺，唔錯唔錯！

每次去葵芳必食，之二。又係我呀又係名星呀！————————————————————#日式特濃芝士醬撈公仔麵（$18）加獅子狗（$6）加粟米（$5）不解釋，加粟米是必須的😎超多芝士，老板娘見到2號影相即刻加d香草係面，話咁影靚d喎#花雕酒醉雞翼（$10/2隻）好清新好香，係凍食既，都叫幾特別幾清甜，酒味可以再濃d窮遊指數：8.5/10好味指數：8/10

同友人去葵芳廣場行街買衫，我只係知個度D衫又平又靚，友人就帶左我去一間專食芝士撈面既小食抖下，話要增長我見聞～個度既芝士撈面除左單撈之外仲可以加配料，我見有D餓餓地就加左個芝士腸，諗住黎個雙重芝士味！野食一拎到手就傳黎濃郁既芝生味，原來係因為老闆極好人，份份都有大量芝士醬墊底～佢呢個芝士味以香同咸作為主打，食落口會有濃烈既芝士香直衝神經線，而且佢個咸味適中，唔會咸到要狂飲水但又可以帶出撈面既咸精粹～個醬唔知係咪加左奶，啖啖都好幼滑，配埋撈面既爽口，成個口感多左好多唔同層次～而芝士腸大家都知係只有咸味，同個醬中和番就多左份清香既味道～小妹更加同友人戲言話個醬可以拎番屋企撈飯，下次大家不妨黎呢度長知識啦！