名星小店

營業中

休息中

超愛濃濃既芝士，好多芝士撈住d烏冬，好飽好滯好味，如果自己整唔知要落几多芝士先有咁既效果呢。可能因為放工肚餓去食，覺得特別好味，食左一小碗已經飽到唔想再食其他野，掃街滋味之選

好開心，話說我地終於book 好左邊日結婚喇，就係2018年7月28日，會去峇里旅行結婚，所以由今日起，我會開始倒數，好開心丫！*🔹芝士撈公仔麵 $19話説食完個涼麵(參考上一篇)我都未夠喉，即刻復左上二樓買我每次葵廣必食既芝士撈丁。唔好講笑，真係我食過咁多間最多芝士汁(睇第二幅圖就知我無呃你),我睇住佢落足三大羹佢仲可以揀撈普通面$17或者撈烏冬$21, 但我始終最愛撈一丁，咁先可以掛到最多芝士汁上去食！

行葵廣真係唔少得要掃街，呢間基本上係去葵廣必食既！！因為佢有好多選擇而且唔算貴，份量又適中，岩哂想試又唔想食咁飽既朋友仔！！今次就簡左個特濃芝士醬鴨胸烏冬，佢D特濃芝士醬真係好好食，中意食芝士既朋友一定要試下！濃得黎又唔算好” 溜” 食完仲可以繼續掃其他小食！！！

揀咗個芝士撈公仔麵，落完order 見住個老闆即刻去整，等咗幾分鐘左右個芝士公仔麵就搞掂！一拎上手，嘩😍😍芝士成吋厚呀...見到已經好興奮，厚到呢....😋舖頭出面有凳可以坐下，即刻衝過去撈撈撈...見到每一條麵都沾滿芝士好正！而且芝士味都好重👍🏻公仔麵又唔會太冧，麵質啱啱好👍🏻👍🏻因為每一啖都好重芝士味，好想自己一個人食晒佢😂不過今次係同朋友share ！下次可以自己食晒一個，應該都唔覺得好漏，食完就會明白點解呢間舖頭長期都咁多人排隊，堅好食👍🏻

朋友鍾意食芝士，所以同佢兩人share一碗...朋友係'芝士控'...佢大愛呢間芝士撈麵.....芝士多到深不見底，相信芝士控一定好like...但因本人唔係...所以覺得一般..因為芝士好'漏'同好肥同好邪惡😈😈😈撈起後...公仔麵份量好多...淡淡公仔麵..淡淡芝士...最尾麵食哂...都仲有芝士係底 兩個女仔食一碗麵都夠...仲可以食其他小食！ $19碗..好抵食..唔怪得咁多人幫襯...

今天，跟朋友放學到葵廣行一陣。又是忍不住那陣芝士味，最终忍不住買了足足兩,三個月没吃😍但味道依然很好，芝士很濃很香而且我加了一條蟹柳，很好吃真的很多芝士，很有罪惡感😂還是少吃為妙😂而且，對於學生來说，價錢也不算便宜，廿几蚊左右😀其實可以選擇自己整更佳😂😂😂另外，朋友告诉我她親眼見过店铺有cockroach，而且不止一隻，不知真的假的。😂

作為芝士控 當然要試吓呢間出名芝士撈烏冬嘅小店 叫咗一個蝦餅加芝士丸芝士撈烏冬 蝦餅同埋芝士丸都係急凍嘅 冇咩特別 亦都冇可能整到啲乜嘢特別嘅出嚟但係冇乜味 要點啲芝士醬先有啲鹹味 芝士醬份量好足 食晒成碗野都仲有 其實講清楚啲嗰啲都唔係醬 只係一啲竭啲鹹啲嘅芝士湯 佢冇出邊嘅芝士醬咁竭 但係又未去到湯咁水 所以做唔到拉斯嘅效果！但係個芝士醬係好食嘅 好香奶味 可惜我覺得$3x食一個咁樣嘅面就真係唔抵 雖然食完係飽肚嘅 其實唔止飽肚 係食到好濟好漏！

去葵廣呢間店一定係指定動作，搵佢先打底然後繼續掃街！不過今次我就幫朋友買外賣，話說佢超鍾意烏冬同芝士，咁答案只有一個，就係芝士鴨胸烏冬～咪睇佢好似好細兜，呢度 d 食物最神奇就係個兜好似好細但你食極都有,一個人食肯定會好飽，對女仔來講～我朋友擺左成個鐘頭先食佢都仲熱熱地，睇住超多超濃 gei 芝士醬包住烏冬，真係忍唔住高呼好邪惡丫!好彩有 d 鴨胸肉中和一下，如果唔係一定會膩。我自己都試左少少，發現烏冬超彈牙 而且鴨胸完全唔會喧賓奪主，恰到好處。

每次去到葵芳葵涌廣場都要食呢個蜜糖牛油粟米仲記得第一次食嘅時候食完真係一試難忘平時食開嘅都係通常就咁牛油粟米估唔到蜜糖同粟米都幾夾每啖都甜甜地 粟米味又香成為我近期小食喜愛之一

個人認為依個10蚊嘅奶凍，系外型方面的確系可以呃下人，因為白白淨淨甘可以吸引不少賣家，而且店舖小食多元，令人有所期待，奶凍其入口質感方面就唔算太好，雖然依個奶凍的確不失於型，係製作過程好似落得太多魚膠粉，做唔到入口即溶嘅感覺，相反果種膠感就略為太多，加上食果陣覺得奶凍唔夠凍，似室溫嘅感覺，而且奶味可以更加濃郁，因此入口並不夠突出，但可以接受，如不太食得重奶味既人，可能會較感興趣，個人而言，整體方面僅為屬一般評論。

芝士烏冬在葵廣也很出名，很多食店都有賣，價錢由$12-$30不等。我在3樓吃幾間十多元的，都覺得芝士味很淡，不怎麼好吃。有這家名星小店也真的是「明星」似的受歡迎，店內有很多特色食物不過最出名的就是芝士烏冬。你個煙鴨胸獅子狗芝士烏冬盛惠$30，芝士汁多到快要湧出來了，而且芝士味香濃是我在葵廣吃過最好吃的。另外買一份煙鴨胸，是因為配的醬實在太好吃了。跟佢說要醬不要辣，辣的醬太辣了，就算我能吃辣都是不辣的好吃。

依家成日都介紹葵涌d野食,我都忍唔住走左去搵下野食!食左幾樣野,有d好有d唔好啦…不過間芝士麵真係好多芝士,同埋d芝士都好香,其實淋完上去你會見到有黃色油….都真係幾恐怖架….但月邪惡嘅野又真係月好食嘅…難怪咁多人排隊食我個芝士麵17蚊公仔麵要19,烏冬就21….如果要加野就再加錢可以加粟米,腸仔,芝士腸,燒賣,獅子狗….但我覺得個麵就太粗,芝士味得個表面有,入面就冇乜味我諗應該公仔面會好食d!但芝士再加公仔面….真係會超晒標…少食為妙….

粟米獅子狗芝士撈冬($32).雖然個吃貨戰場就係2、3樓不過呢間係度咁耐大家都識去搵佢啦.芝士醬勁多但又唔漏，個汁嘅濃度啱啱好，而且夠熱唔會張住張住咁。大大兜烏冬，勁多粟米。食完真係好滿足！

葵廣既芝士撈烏冬應該好多人都食過今次叫左煙鴨胸芝士撈烏冬鴨胸切得好厚 有好5大舊好正芝士汁方面汁夠多不過我覺得無乜芝士味似食緊白汁多d不過廿幾蚊有一大碗烏冬同5大舊鴨胸係扺食既

我特別喜歡食這間的芝士撈麵，因為他的芝士很特別，不是隨便在外面食到，佢芝士嘅味道就好似係芝士焗龍蝦伊面嘅芝士一樣,夠晒香龍同開胃。衣車芝士撈麵非常之開胃，又夠晒嘢味。