名寶石餐廳

營業中

休息中

食過2次, 次次晚飯時間都好易爆場...個紅湯好得- 連D湯渣都好好食...1st time: 鑊仔牛柳配焗蠔- portion都好大,鑊仔牛柳好滑有牛味;焗蠔則唔太新鮮. 配薯條, 正!2nd time: 牛柳配煎鵝肝- 厚切牛柳今次好'鞋',叫6成熟結果成九成半熟...鵝肝有2件,一般啦...唔夠滑唔夠香不過都唔太差...配薯餅, em...no good...布甸雖然冇乜料但勝在味道夠濃杯普洱茶唔錯,refill好密侍應態度友善

>hot cake w/ fresh fruits-有兩塊pancake, 一塊西瓜, 一塊哈密瓜-生果無乜野-pancake似乎唔多夠熱-份量少左d, 唔多夠食, 多1,2塊pancake會好d>雪菜肉絲米-味道普普通通, 個人認為有點太鹹-以早餐黎講幾大份, 抵食總括黎講OK啦, 不過不失

聽過個大名好耐喇。兩個人order左兩個餐，一份鵝肝拼牛柳，另一份豬仔脾。鵝肝有少少"蘇"，牛柳就好靚。羅宋湯同餐包都好食，好少食到ｄ熱既餐包，好難得。豬仔脾就要等２０分鐘，耐左少少，但餐牌一早寫明既，唔可以怪人地。不過如果廚房可以醒目ｄ，兩個餐一齊上，就唔洗一個食完睇住另一個食。豬仔脾好甜蜜味，不過有ｄ靭。百零蚊個餐，餐廳環境唔算太嘈，坐得算舒服，算唔錯啦！

太子的名寶石餐廳，我由細吃到大的舊式扒店，全因我媽咪一直認為這裡的扒最好吃！不過有點貴．．．過百蚊一個扒.餐飽激軟熟好味，羅宋湯就不及金雀的好味道了．重點是牛扒，好嫩好鮮味！正！！！！而且好大塊(大到食唔晒...)我個人來說,不太喜歡配菜全是薯條呀果D炸物(因為据扒已經好油膩了),相反這裡配的是青菜,健康清新一點.甜品可選中式糖水,喱哩,及涼粉.味道一般.

慶祝復活節長假期,4月14日同男友到來食晚餐.八時了竟然人不多.上次坐下層,今天便走到上層.2樓環境較地下靚.不過較嘈吵.先講它的忌廉湯,很失望,上次有很多的海鮮配料,今次轉了雜菜.影響味道了.鵝肝拼牛柳---男友不用諗已點了.鵝肝依舊好味.牛柳平時點八成的.今次七成熟,有些血水,較怕血水的男友有點卻步.雞扒拼大蝦---賣相吸引,大蝦幾大隻,切開蝦頭還有些膏,正!!蝦爽但不會假.雞扒很脆又惹味,配黑椒汁好甲呢!!可能太耐沒有叫雞扒.今次特別好食.竟然沒有食剩,十分欣賞.唯一不好配菜是西蘭花,一向不好的我,覺得缺小了一點.涼粉---涼粉淡淡的,但那糖水幾好味芒果布甸---麻麻地凍檸茶---加了糖漿仍然很苦.總括:今次沒上次咁滯,不會兩份都是牛,所以十分滿足.下次想試試它的沙律,賣相不俗.

前幾天,男友生日一行13人,黎左呢度食, 第一次上樓上, 大好多! 不過價錢比扒王貴7成!D扒係就係正D ! 我塊西冷扒都要$108 ! 不過佢包麻甜品, 算啦, 焗田螺麻麻! 我叫既扒配洋蔥汁, 可惜醬太濃了! 唔太好食!埋單$1800, 平嗎?

呢一間餐廳已經有很久了!因為係我細細個既時候, 我屋企人已經帶我去.每一年既聖誕節都會去食, 由其聖誕會食既火雞, 而且小朋友都會有一份禮物tim, 諗起都開心,聽我阿媽講,呢間有成起碼30年, 所以呢一間餐廳係直得去.當中, 香芒大蝦沙律係我最like食既,因為好新鮮及大份,比起其他餐廳, 佢係最好食, 所以我好多時都會叫呢個, 另外可一提係T-骨都好大份, 一個人未必會食得駛,所以我一有約會,都會提意去呢間餐廳.

果日行開旺角, 女友想据扒, 但又唔想食花園, 扒王果類連鎖式的餐廳, 就突然想起太子呢間餐廳, 呢間餐廳以前好似叫紅寶石...可能改左名...7點幾去到, 等了5分鐘便有位,我叫了西冷牛扒餐,而我女友叫了牛柳配炸生蠔餐,餐包括餐包(普通餐包或多士),主菜,甜品(芒果布甸, 啫喱或雪糕)和飲品...牛扒和牛柳都不俗, 有口感和肉味, 不是連鎖式扒房可比美, 炸生蠔亦很大隻和多汁, 意想不到的是凍奶茶也有茶餐廳既水準!!

若我冇記錯，此餐\廳在很多年前的名字是紅寶石(呵呵，當時我還是一名小童呢，唉…真是歲月催人…嗚)。那是我的祖母已經常和我們在此吃晚餐\，那時的龍利魚柳真的很好吃！在我的成長期，我的父母也每年最少會有6至10次到此餐\廳吃晚餐\，間接令到我開始和男友約會及婚後或朋友gathering到會選擇這裏。這裏的水準真的很不錯，我們和其中一位姓黃/王的部長也較熟絡。試過有一次，我家姐點了一份牛柳要5成熟，但牛柳送來時明顯過熟，但因為那天人太多，我們就沒有要求更換，當我們order餐\茶時，只輕輕帶過說剛才的牛柳太熟了，若5分鐘後，部長便給了我們一份新的牛柳而且還保証說這只有5成熟！我們很驚訝，說已經吃飽了，不用給我們，但那部長說，吃飽也吃一點當是他們的歉意。講真，香港有幾多間餐\廳會那麼着重客人的要求呢！我一定會繼續支持此餐\廳！還有，他們的名寶石濃湯是我的至愛(記著，餐\飽可要求更換為多士！)

本人十分愛吃牛尾, 試過很多餐廳(包括平或貴)的牛尾, 都係覺得這裡最好吃, 喜歡吃牛尾的朋友, 值得一試.

星期日晚男友生日,他比較喜歡食扒,我又不想去平時食開的扒店,太貴又覺得不需要.在這裏search見食評不錯,就一於試試.七點半來到,下層都有幾位在等.等了十五分鐘便入坐,燈光暗暗又有卡位坐,都幾舒服呢...預先睇食評知道份量很多,所以只叫了兩個餐,跟餐包,湯,主菜,甜品和餐飲.餐包只是一般.忌簾湯--忌簾味重,又多料,正.羅秦湯--料也多,味道都可以,不過本人覺得白湯較出色.肉眼扒餐($118)---叫了七成熟,份量是十安士,配料很多,相當夠份量.以這價錢配這份量,肉質當然不是一流,有些韌,但味道是可以的.鵝肝拼牛柳($138)----等了很久,肉眼食了一半才來到.配料比肉眼餐還要多.鵝肝有兩塊,雖然有些小根,不過味道幾好,很香口呀..牛柳就不用多講,只屬普通.甜品要了布甸和o者喱--只是一般貨式,味道亦淡淡.兩個食得飽飽,亦都食剩了很多.總括多方面都不錯,會再來試試其它不是牛扒的食物.另外想講的是,食西餐叫西式甜品當然是最好的配搭,但有中式甜品又是自已喜好的話,本人就覺得沒有必要刻意地選擇啦!!

與女友再來此地食lunch.要了三文魚鮮果salad同日式煎雞扒,先上餐湯,要了忌廉湯,但唔係俾栗米湯.料依舊好足,但感覺味道偏淡冇味,下次lunch都係要番羅宋湯較好.餐包唔錯.如果再熱d就更好.另外可order多士,我食左咁多年直到今日聽隔離檯order先知!waitress問邊位食雞扒,我地話係share食,佢好醒目快速送上兩隻空碟同兩套切肉刀叉,平時好多其他餐廳要一再同waiter講佢先識送碟黎.而且唔會俾兩set切肉刀.所以依個detail位要讚.煙三文魚salad,有三大片巨型smoke salmon,加沙律係底,另有新鮮甜美西瓜哈蜜瓜各一片,健康得黎夠飽肚.好食.日式煎雞扒,又係香脆好味,一如以往叫waitress拎多一杯仔黑椒汁點.依舊的正!(睇到下面有朋友話西餐配小棠菜不中不西既批評,其實我想講,就算係香港既so called美式或意式餐廳都用左好多中式蔬菜,而且有好多地道既鬼佬菜未必arm香港人食,所以都抽起用番d大家易接受既.依度煎雞扒俾人選擇跟飯/意粉同薯菜,選食飯既朋友唔通又不中不西不知所謂咩?!.crossover, mix and match 加fusio

第一次黎呢道食，叫左個大蝦伴雞扒餐湯跟牛尾湯,牛尾湯都幾多料，味道唔錯!雞扒好大塊........雞扒卜卜脆，好味! 食到一半已經覺得好飽........跟住侍應問甜品要邊樣,最後揀左涼粉，涼粉普通,唔覺得太特別，但係同布甸相比就覺得涼粉好食好多(唔知係咪唔鐘意食布甸)。會再去，因為d食物都幾好食!!

Well，呢個好明顯係唔湯唔水的西式茶餐廳。淋在舊肉上面的係洋蔥黑椒汁。伴粟米小棠菜。甜品係涼粉。與其食呢D野，我情願食碗粉好過。

筆者今年27歲.由出世到11歲都住太子.果時依間名寶石前身叫紅寶石.父母親成日帶我去依間野度食飯.但味覺記憶已失.只有視覺記憶仍在,其實格局變化不大.之後搬去觀塘.有成十年都冇再去過.到大學時同女朋友拍拖重回此餐廳.記得第一次食煎雞排伴大蝦套餐. 雞排肉質嫩滑,外皮煎至金黃色,香脆可口(我食過起碼30次品質都冇變).伴黑椒汁或洋蔥汁一流.大蝦水準中等,膏頗多而且幾肥,但我唔太好大蝦,之後發現原來有得配大膳即轉換口味, 如果唔伴大蝦. 另一個配搭係大膳.膳極肥美.其實即係鰻魚既味道,會伴上甜豉油,但我會叫佢俾多一碗仔黑椒汁或洋蔥汁我點雞排)基本上我每次黎都係食依兩樣野.偶然都會試其他食品.例如鰻魚炒飯,海南雞飯,牛腩面.....但依d食品或tea set都只係普通貨式.如果有"好"雞排既朋友不妨黎依度一試.另外亦推薦佢既牛尾煲,牛肉好淋好滑,加埋伴隨既汁料撈飯一流!其他食品.羊排,牛柳,西冷中規中矩之作.但太子區內我認為佢係第一架啦.