名寶石餐廳

營業中

休息中

朝早去開附近，諗緊邊度食早餐。個人突然～叮！左一聲，諗一諗 好多年冇去名寶石餐廳食野，又可以坐得舒舒服服唔洗食完即刻起身走。精美早餐：咸牛脷香腸正常普通西式早餐，咸牛脷烚到口感軟淋，腸仔唔係死咸有d香草胡椒味，著角上枱仲暖，$105食個早餐，味道/價錢就見人見志啦！有杯橙汁/蘋果汁/蕃茄汁加件多士裝飾吓我聽到好多枱都係叫牛扒，我估牛扒應該唔錯，咸牛脷腸仔真係冇乜特別，除非好似我咁特別鐘意食啦。上去食個早餐真係想想從前嚟用餐既光景；今時今日連鎖茶餐廳$5x一份扒餐相對比較抵食，不過就懷舊feel同埋座位冇咁舒服。今朝見場內一般用餐既客人都4、5十歲居多，三幾個後生都係陪屋企人嚟

名寶石餐廳，位於太子道西，女人街附近，是上世紀高消費的扒房~呢條街多數都係茶餐廳，想食扒只有呢間😎每人一客晚市套餐，跟焗多士，忌廉湯一客，忌廉湯夠濃滑，多士係麵包切半烘脆，食之前抹牛油或配湯食肉眼牛扒火候控制得好，說好的五成熟真的是五成熟。煎得很香，內裡依然juicy。薯角很美味。蔬菜也有放鹽，不至於沒有味道。整體來講都好正！🍴紐西蘭肉眼牛扒餐：$228📌名寶石餐廳🍽️太子太子道西148號地舖

童年時家住旺角, 常常同家人去紅寶石餐廳食下午茶餐及晚餐, 自從移民後便沒有到訪了.   回流香港後, 轉居住香港島也少到太子區.  剛有朋友回港探訪, 她提議食懷舊西餐, 選擇了大家童年時熟識的名寶石餐廳（舊日的紅寶石餐廳）.  餐廳裝修保持整齊而不老土, 客人很多, 座位比較迫.餐牌有多款套餐,  選擇無難度, 價錢由 $168-$300.  我們 選擇  Chef’s  Special  Set Menu  特別介紹,  有餐湯, 餐包, 主食, 咖啡/茶, 甜品,  平均 $200-, 真係抵食! 餐包及牛油先送到.  餐包烘得暖暖, 值得贊.今曰餐湯糸羅宋湯,  很足料, 酸酸地, 味道恰好. 焗豬扒飯, 豬扒有多塊, 伴有洋蔥, 紅蘿蔔, 焗飯暖笠笠, 調味又好, 不錯.焗蒲汁雞配白飯, 雞件多, 蒲汁味香濃.  內有薯仔洋蔥, 配上白飯剛剛好.煎魚柳腸仔配 薯菜,  另加意粉補 $10-.  食物中規中舉. 餐後甜品,   有懷舊布甸及啫喱,  配備花奶,  大家重嚐童年趣味性甜品.  不錯.餐茶,  點了熱檸檬茶,  這個套餐 樣樣 齊, 幾滿意. 果然無令＆們失望。抵

上星期去食嘢，俾錢嘅時候，收銀問我點樣俾錢，我同佢講用Apple Pay，佢大大聲話「實體卡有冇呀，唔收Apple Pay！」收銀態度惡劣劣劣，好似我殺咗佢全家咁。俾完錢之後，叫佢寫張手寫單俾我，我收銀皺起眉頭，態度變得更差，佢話要手寫單，就唔可以有電腦單，佢話公司規定唔得。今時今日，仲有咁嘅服務態度。

同媽咪行完花墟就去咗名寶石餐廳食晚飯。三文魚牛柳配薯菜三文魚肉質細嫩，散發出鮮美的海洋風味，而牛柳則擁有豐富的肉汁和嫩滑的口感，兩者都能為味蕾帶來無限的享受。烤石班魚塊配雞扒烤石斑魚亂滑冇腥味而烤雞扒則保留了其豐富的蛋白質，火候啱啱好。

幾個人去食, 一直都幾喜歡這些傳統餐廳,  而且佢既扒實在高質!塊扒有半吋後，如果叫五成，食脂肪位真係好正（雖然好肥）最正係佢既芒果布甸，係傳統茶樓既奶味布甸，加花奶簡直一流，回憶番哂黎，同而家街邊買勁重膠感既布甸好唔一樣。真心正！一定要試。

名寶石餐廳 我細細個就聽過呢個名喇喺花墟隔籬，平時行完都會去食過下午茶不過最近我哋發現佢早餐好好多，又唔使排咁耐隊平時下午茶食煎雞扒好好食，但係要配佢嗰個好難食嘅麵但係早餐就唔同唔使背面都有煎雞扒雞扒嘅皮煎到好脆，類似半煎炸嘅感覺，跟燒汁下午茶會跟泰式辣醬配薯角終於唔使食佢個難食麵啦吉列魚柳，外面鬆脆一個裏面就唔係滑嘅質地比較結實呢度嘅奶茶超級勁難飲啲茶勁濃勁苦澀，落幾多奶同糖都冇用希望個水吧自己飲下先拎出嚟畀人位置闊落算坐得舒服，喺二樓嘅玻璃望出去可以睇到太子道繁忙嘅街景，食下嘢飲啖茶都幾舒服不過啲人就好嘈嘈到耳都聾，啲呀毛講嘢勁大聲又係咁狂笑唔知笑乜

🧑‍🏫性價比：🟢🟢🟢🟢🟢🧭美食體驗：太子傳統港式扒房。食過好多次了，一直keep到水準。鋪位非常之大，我估係本身買左個鋪位，不然真係好難解釋點解太子可以有一間雙層店，賣幾多個餐都交唔起租吧坐得幾舒服，如果要黎的話一定要打電話book位，佢係非常非常full的，想walk in黎食，絕對等到暈野食的份量非常足。如果兩個人黎，就叫兩個餐，三個人黎就叫兩個餐加個小食就夠，四個人就叫三個餐再叫小食......因為真係太多喇，按人頭去叫餐絕對會食唔哂，好浪費佢一個餐係連湯連包連主餐再加個甜品，反正我無一次係食得哂。如果想同朋友食下生日飯，少少地兩三個人既話我好推介黎呢度食🧑‍🍳服務：可能真係全部都係老員工，服務好好，好周到🍗必食：睇餐牌做人，無乜邊個係唔好食。我食過咁多次無中過伏

之前有一次同家人去慶祝節日，訂咗位去到仍然要等好耐安排座位。進食期間發現碗碟有污跡，叫咗侍應處理，點知俾我哋見到個侍應行埋一邊用圍裙擦隻碟，之後向經理投訴只係獲得口頭一句道歉。另外餐點水準算一般，我哋叫咗五個主食，包括菠蘿炒飯，牛脷意粉，中價牛排，最咪埋單超過$2000。價錢比起同水準西餐廳貴成倍，請大家幫襯呢間舖頭之前慎重考慮。 aaaaaaaaaaaaaaaaaaaaaaaaaaaaaa

同老公行花墟前到此地食個lunch，這間位於太子站，一間有歴史的餐廳。由紅寶石變成名寶石，很有90年代懷舊餐廳的感覺，環境好整潔舒服，有落地玻璃窗配經典佈置好懷舊，單看門面不大，但原來尚有閣樓，樓上雅座窗邊座位不多，可觀看街景，可以說油尖旺可以從二樓望落街看路人的餐廳一定不多，甚至是絕無僅有呢。不過大家留意是一樓，沒有電梯和升降機，要行超過十級樓梯級，若有老人家就有點不太方便了。第一次食，食物質素水準唔錯，食物選擇非常多，味道亦可，職員有禮，招呼好，大部份都係熟客。最愛自家名寶石餐湯，足料好味，好有兒時風味，麵包有牛油味，布丁同啫喱，建議食布丁，芒果布丁好味。總結，性價比一般，但整體食物質素理想。

#MC帶你去太子.門面紅藍色嘅霓虹招牌，絕對係依間餐廳嘅標誌💈香港絕無僅有少數有霓虹招牌嘅西餐廳。依間餐廳前稱紅寶石，上世紀50年代先後在中環、銅鑼灣及尖沙咀開店，現只餘下逾30年歷史嘅太子店。.✨ 名寶石餐廳屹立喺太子已逾30年，四周環境變化不少，但店舖內嘅裝潢卻沒太大改變。一張張竹藤嘅椅子🪑係老香港嘅集體回憶，上世紀喺香港盛行一時，餐廳嘅一磚一瓦都充滿著古舊氣息🥰🥩 紐西蘭肉眼牛扒 $258 （加飯/意粉 加$10）肉眼扒煎得幾好，睇得出煎封牛扒兩面，略為鎖住肉汁👍🏻食落肉質厚但軟腍，牛味甘香🤤港式扒餐但唔係用鐵板上，反而真真正正貼近西式食法，唔會令牛扒過熟👏🏻🫕 餐湯（忌廉湯）忌廉湯好濃郁都算多配料，有雞絲、磨菇、火腿絲和洋蔥等配料，而且湯面有灑上一層香草粉，飲落都幾順滑好味😋.🥯 餐包餐包好特別，係放紙杯中烘焗嘅餐包，坊間好少餐廳會咁樣烘焗餐包。🧁 芒果布甸港式「豉油西餐」經典甜品之一︰芒果布甸，布甸彈牙，很香芒果香🥭加埋花奶🥛簡簡單單嘅童年回憶返曬嚟🥰.⭐整體︰8.0/10⭐食物︰7.5/10⭐環境︰8.0/10⭐價錢︰8.0/10.=====================

6/7/2023（星期四）去食晚飯！叫咗一個焗豬扒飯、兩個扒餐同一個焗石斑飯。上餐時石斑飯變咗海鮮飯。我哋話上錯咗喎（因為對貝殼類海鮮敏感所以好肯定無叫錯）嗰位侍應小姐拎走左之後隔咗一陣拎埋個餐牌同碟海鮮飯返轉頭一嘢車碟飯落枱話：指住個menu話係我哋指住海鮮飯喎。我哋話係石斑飯唔係海鮮飯！佢仲好大聲重覆咁話你指住海鮮飯（餐牌石斑飯同海鮮飯好近）但係全枱人都好清楚係話石斑飯。仲要講咗兩次！跟著佢好悔氣咁話同你換囉！我哋話唔使喇！取消個飯啦！（驚你加料啊姐姐）😡當然有同西裝疑似經理講返啦！經理都好有禮貌咁回應！真係幾有兒時回憶、幾有情懷、接待員姐姐幾咁有禮都唔會再幫襯！

以前好好食有人情味今日食配菜粟米酸侍應俾隻碟我叫我攞起塊朳轉頭再上返其他配菜走壞粟米喺隻碟仔到(仲有數粒粟米）另外落錯單有一女侍應十分冇禮貌話冇落錯返黎張枱扔碟講幾次話佢冇落錯係我哋講錯咁冼唔冼睇cctv對真相冇下次！

名寶石响花墟附近, 有地舖同1樓, 1樓面積大啲, 雖然佢係太子老店, 但有人話佢嘅前身喺叫紅寶石, 2店同樣賣港式西餐, 雖然逛花墟時都有留意佢喎, 但冇幫襯過. 朋友提議响名寶石食晚餐, 話唔訂位無得食, 咁就要試下啦. 7點前巳到咗名寶石,冇人排隊嘅?!! 以為朋友誇張咗, 原來實情係1樓巳有人喺到等位. 真係要預先訂位嫁! 啲套餐售價唔太低, 枱距窄窄哋, 環境喺港式餐廳格局, 好有舊香港特色. 叫咗烤鴨胸伴銀鱈鱼同焗砵酒牛尾煲, 仲跟咗甜品同咖啡.📍烤鴨胸伴銀鱈鱼配天使麵配蒜茸汁銀鱈魚好嫰滑夠熱, 天使麵彈牙唔淋, 配蒜茸汁好惹味😋😋📍焗砵酒牛尾煲焗砵酒牛尾煲配飯, 牛尾炆得好入味, 一咬即骨肉分離, 砵酒味唔濃, 好送飯😋😋好食 ❤️❤️❤️🖤🖤抵食 ❤️❤️❤️🖤🖤

呢間擁有多年歷史既港式西餐廳好有就情懷 好多夥記都似係有咁上下年紀 應該係真係做左好耐😌 而且室內裝飾都好有香港70-80年代 高級餐廳的感覺見到好多年紀咁上下既人去食 應該對佢哋黎講係一種回憶/情懷✊🏻😆雖然價錢都唔平 但係食物質素都很不錯👍🏻🤎值得一試燒美國牛肋骨🐄($388)個牛肋骨真係好震撼😂 呢個價錢好抵食 份量真係好大成舊有成15-20cm長 而且仲好多肉 超級重牛味 油脂分佈好平均 唔會太膩 成舊肉都好juicy 食到則邊有少少焦 脆脆哋 但更加淋😬粟米焗斑片飯🌽($198)先講個飯底 係炒飯底 超級乾身 粒粒分明 而且飯唔會太淋或者太硬👍🏻 上面有3-4舊魚🥳 魚好新鮮 唔似d冰鮮魚柳真係食到海鮮味 而且都夠厚絕對唔係出面個d超薄魚柳 當然一分錢一分貨啦 佢價錢都貴好多👀 呢兩樣嘢都係跟餐的 包括餐湯、飲品同埋甜品🍮餐湯就有佢哋既招牌忌廉湯( ´▽｀) 我覺得呢個不錯 菜量都多 有碗仔翅既粉絲？菇、火腿、玉米🌽等等 忌廉都好香同埋湯好厚 唔會太水🤤 而甜品就有芒果布丁🥭或者Jello🤙🏼味道🤤：4.1/5 價錢💰：$200～回顧指數🚶🏻‍♂️：90%