名古屋日本料理 (已結業)

8/3/2012相約2位友人, 去咗美麗華內的日本餐廳食。7:15PM, 唔洗等, 好多位。食物：蝦天婦羅(忘記影相)：有4隻, 炸粉薄, 好脆, 唔油膩。4款壽司：我食咗和牛：都幾得意, 唔會話有腥味, 都OK喎。帶子：都OK大隻, 鮮甜。燒三文魚：好味, 好creamy。蜆：呢個麻麻地, 唔係好入味, 入面D紫菜苦苦地。海膽炒飯：份量都幾多, 幾香口, D海膽都OK喎 (起碼真係可以睇得見的size)。魷魚筒：好味, 好大件, D汁好味。炸蠔卷：有4件, 除咗D飯比較散外, 味道都幾好。雞亦：炸得香口, 不過好重雪味。食物幾好, service:個個侍應都好有禮貌, 價錢中上。

Amy and Mina celebrates Birthday with Emily ...前菜～昆布：從來響日式店食過既前菜，甜甜地又幾好味．日式蟹肉燒薄餅： 蟹肉好鮮甜．大蝦天婦羅：perfect，炸到唔粉唔油，好爽脆．鰻魚炒飯：好味道，每人食左一碗好滿足．芝士軟殼蟹卷：第一次食呢種配塔，唔錯喱．牛油果三文魚卷：一向唔好牛油果既我，試左又唔係咁難食啫．吉列蠔卷：大大隻幾鮮既蠔．

名古屋 -魚生當然是新鮮, 當時仍未發生海嘯事件…大家很自然會覺得餐廳大部份材料由日本直送,自然鮮味有保證, 不過自日本不幸事件發生後, 本港不少日式餐廳陸續地宣報由不同國家新鮮運送...其實也不必太過緊張, 最重要是讓顧客吃到最新鮮的魚生,由第一次光顧至最近一個月都沒有令人太失望 (少少失望的是份量減少了, 生意難做, 租金加幅,物料無加但貨幣影響之下食物不得也加價或減少份量…)名之堂刺身卷物定食 $78有三款鮮魚生及四件壽司飯三文魚生飯有沙律醬及灑上魚子令味雷一次享有不同質感的食物吞拿魚及油甘魚皆鮮甜, 另有北寄背魚生爽口以這個價錢可享用到新鮮魚生, 確實抵食又有不錯的環境壽司烏冬套餐 $78烏冬連湯味道真不錯，我對烏冬不太喜好，但烏冬口感尚算不錯，不屬太軟腍那種麵質至於壽司新鮮不再講，有多款新鮮生而且海膽不俗，用足料，絕對超值以上套餐皆有滑滑靚蒸蛋，是值得推介之一還有白果豬肉粒，蒸出來的蛋很像水蛋一樣麵豉湯也沒有求其交貨，有海帶及滑滑豆腐粒粒飲了還想再飲多一碗週末較平日少人，最適合兩人吃過午飯歎一歎店肉還換了咖啡機，以便提供不錯的咖啡給客人，另外，奶茶也是參考港式茶餐廳做，經改良

一坐便見有兩碟炸魚仔前菜$20 ~ 食左都幾口渴的, 唔看張單都唔知呢碟野要收$20.軟殼蟹手卷$25 ~ 那軟殼蟹放得唔夠穩, 一入口便跌落地下,侍應見到連忙抺地,唔該廚司下次夾實D. 侍應的服務態度一點都不似日本的餐廳般.豬肉生姜燒定食$88 ~ 豬肉半肥廋,切得都幾厚,但姜味欠奉. 而碗面豉湯都幾好飲.麵豉湯拉麵(細)$38 ~ 湯底偏咸, 拉麵OK, 但略為淋了點.

若大家有看我食評的話，不難發現我是甚少吃日本菜的，不是抗拒，只不是對日本料理十分有興趣，所以對這菜種並沒有什麼硏究。是晚，在日本生活過的朋友約食飯，他提議到美麗華商場的名古屋日本料理，我也樂意奉陪。點菜這頭痕的事，還是交由朋友去做，我乖乖坐下等吃好了。朋友想食刺身，便要了條白身魚，是店方推介的眼仁奈薄切。送上來時有少許失望，因為切得一點也不薄，是刀功問題罷。吃下，魚肉質地幾爽的，但鮮甜味似乎還差少少，需要配上酸汁去吃。一味刺身仍不夠，再來凡立貝刺身。這個的賣相比之前的眼仁奈更為吸引，吃起來既鮮甜又爽口，無需沾任何醬汁去調味，更合心意。好了，也要吃點熱食，有牛油燒帶子。以鐵板的型式上，感覺更新鮮熱辣，而且牛油香滿溢，似乎不錯的。不過，帶子有欠彈牙的口感，裙邊的位置更加有些少韌，因此只屬一般。至於燒玉子，蛋餅是幾厚身，夠熱，帶點蛋香，要挑剔的是燒得唔夠香口，但對於愛吃蛋的我而言，都可以收貨的。這裡的鰻魚幾厚肉的，不著半點腥，調味亦對辦，大致滿意；而伴鰻魚的蛋也煮得幾香，同埋都滑，味道不錯，雖然賣相是比較平凡，但有內涵的，我都會懂得欣賞。不太夠飽，追加一客鵝肝壽司。鵝肝無疑是甘香，外脆內軟，

晚上9點幾去到, 因為很少人, 所以不用等位. 環境很優雅, 9點後入座還有8折, 不過套餐好像沒有折.坐左好耐都冇茶 ,不過D服務員都幾親切.我地總共叫左4個小食.日式蟹肉燒薄餅: 味道一般.大蝦天婦羅: 炸得很鬆脆, 唔油膩! 炸雞軟骨: 不錯, 幾香口!鵝肝壽司: 好好味啊, 有入口即溶的感覺! 2個人食夠飽, 有機會會再來!

雖然是週末下午, 但因為已過了正中午飯時段,不難有位置這裡午市至下午三點,最O岩我遲了吃早餐, 但又不會錯午餐的三色魚生飯 $50雖然價錢大眾化, 但客人吃到的絕對不馬虎三文魚,吞拿魚,油甘魚三文魚換了是同成本的魚生, 一樣鮮味吞拿魚還有些少魚血在底部 (無需怕,不止沒腥味還沒有雪藏味呢, 可放心品嚐)我認除了魚生是主角, 其醋飯也是擔當重要角色否則只吃魚生不是夠了嗎,魚生飯除了醋分配的均勻而且飯粒粒粒軟糯當聽人說軟糯軟糯米飯, 就要試試這裡的魚生飯了海之風海膽魚生飯一個完全不昂貴的價錢能享用到如此鮮味的海膽她值得被推介基本上是每次來必食的午市套餐吞拿魚蓉更是肥美得入口魚溶的口感大大粒如此味濃又不會過咸的魚子令人禁不住大口大口的把飯吃光蒸蛋 ~ 蒸蛋更是另一重頭"戲"只有以滑滑滑好好味來形容麵豉湯 ~ 都是誠意之作咖啡奶茶雖不及西餐廳或港式茶廳但亦豪不遜色

埋單記得問清楚咩卡有折，個度d waiter on 居居，所有職員都好被動， 唔會講咩卡有優惠。結帳後，才知原來用東亞信用卡係有9折。之後同佢地講返我有東亞卡，可不可以取消左張單，再用東亞卡簽，佢話唔得，因為已經過左數，佢仲話有咁多優惠，好難一次過講曬好在食左300幾蚊，如果食成過千蚊，9折就差好多啦

由於公司都好近美麗華, 所以有時都會同啲同事黎呢到食飯, 環境又舒服, 食物質素又唔差, 今次叫左炸豬扒定食, 生薑豚肉定食, 鏝魚定食, 咖喱飯配冷麵炸豬扒定食 - 豬扒外脆肉厚, 真係食唔出有炸粉, 白飯係珍珠米黎呀生薑豚肉定食 - 生薑豚肉好大碟呀, 味道唔錯, 啲豚肉切到好似肥牛咁鏝魚定食 - 鏝魚好鮮味, 鏝魚汁又多咖喱飯配冷麵 - 日本既咖喱係一啲都唔辣既, 只有甜味, 冷麵幾好食所有定食都配沙律同燉蛋, 沙律有生菜生蕃茄, 而燉蛋就好熱, 啲蛋好滑有日本魚蛋片, 冬菇同埋有粒蓮子做料

第一次去食.有點驚喜.水準合格個蒸蛋好好味好滑.最緊要唔會蒸得太老.三色魚生飯.三文魚.吞拿魚,立魚.不過 D 飯.有點酸 !不過總括是合格.地方整潔.

星期六下午最喜歡四圍去找不同的食物店開飯，特別是新開的食物店更想試多一些，因為自己最喜歡可以跟人分享新事物。之前路過美麗華商場，發現其實只有一兩家比較貴的中式酒樓，其他的食物店不算多，但是最近發現原來在其二樓其實頗多餐廳，而且各國食物也有，韓國，日本，素食，意大利等等也可以吃得到。我們對日本菜比較鍾情，所以一看見有兩種選擇，一種是拉麵，一種是日本居酒屋類的定食，我們還是喜歡定食，所以就來到此。看餐牌內是傳統的魚生飯定食或是壽司定食等等，價錢也很公道，跟其分量正比。我們很開心選擇以下的食物是非常美味的，值得向各位喜歡吃日本菜的朋友推薦：-1. 魚生飯定食：-有一碗三文魚子和海膽，特別是海膽沒有怪味道，因為之前去過一些餐廳賣的海膽可能下了什麽東西，有點像防腐劑的怪味，但是此處沒有，味道很討好，三文魚子更是我們摯愛，在口中爆炸的感覺很過癮。一口飯一口魚子，人生沒有太多投訴。另外三文魚刺身，吞那魚，池魚也各有兩件。跟定食有蒸蛋和飲品。2. 三色飯：-三色的意思是指海膽，三文魚子和吞那魚肉醬，用來伴飯非常味美而且最重要是價錢合理；我記得很久以前在日本吃過一碗三色飯，不過以匯價來說比在香港吃貴得多

有天女朋友看到雜誌介紹說美麗華商場新開了一間叫「名古屋」的日本料理店，不知怎的很有一試的衝動，明天正好放假，最好就是去吃個午餐試試水溫。我們準時到達「名古屋」，雖然今天是假期，加上也到了午膳時段，又是日本料理店，不過人客不多，可能始終是新開業的關係吧！我們坐定後，就開始番閱餐牌，一本是一般的餐牌，一本是午市定食的。午市定食的選擇還真多，有很多不同類型的配搭，很快女朋友就選定了名古屋壽司烏冬套餐，而我則要了雜錦刺身定食。不一會，我的定食來了，包括白米飯、茶碗蒸、漬物及麵豉湯，唯獨缺少了雜錦刺身，我滿意為只是前後送來的差距，但結果到了女朋友的定食來了，我的刺身依然沒有來。壽司女朋友的壽司共九件，包括了魷魚、鯛魚、三文魚、赤身、熟蝦及鰻魚壽司，另外三件是加州卷。看起來感覺還不錯的，不過用料上就比較「行貨」，熟蝦換作甜蝦，三件加州卷換上一件帶子及劍魚或油甘魚就會吸引多了。當然我也明白一分錢一分貨的道理，看女朋友的反應，壽司的質素應該還滿不錯的。烏冬女朋友的壽司定食包括了一碗湯烏冬，烏冬是一般的讚歧烏冬，吃起來還算爽口彈牙，麥味就不算太彰顯的了，質素算是不過不失。雜錦刺身雜錦刺身雖然姍姍來遲，但

今日同bf諗住去"the one"到食野既 , 不過個商場都幾多人嫁 , 睇左幾間都好似無咩岩食 所以就去左美麗華商場度睇下有咩食啦!行行下見到有一間叫名古屋既日本料理" 由外面看內覺得好似好高貴!見到門口有一位著紅色衫既侍應笑容滿面咁sell我地入去食,話有特價~ae卡有85折,所以我同bf就入左去啦!入到去有梳化位坐,不過計埋我地果張就只有4張客人!坐左唔夠30秒已經有一杯熱熱的茶奉上而且每人仲有一份前菜! 有牛舌和白蘿蔔 味道不錯坐低無耐,我就叫左一客鵝肝壽司和海膽 因為都係做緊特價既!海膽味道一般; 無咩鮮甜既味道 而且仲有一d苦澀味= =鵝肝壽司 味道唔錯!入口即溶咁!燒得好恰當之後叫左個太卷 , 刺身拼盤 , 蟹肉燒薄餅 , 炸蝦天婦羅 , 同埋一個炸蝦飯!食食下 ,見到有張木台叫埋單 , 之後我同我bf見到一位著黑衫短裙既侍應 , 走到電腦面前講左句『今日都麻麻 , 單頭好細 , 張張都係粥粉麵飯』果一刻我同我bf對望! 我心諗, 食飯食麵都係錢架 講到我地d客食唔起! 勁嬲囉!之後食完刺身無耐就上晒order!蟹肉薄餅 我覺得好味道!比起其他日本餐廳果d包裝貨好味得多!

2:15 去到門口CC個Mean 見到lunch time至3:00而且食評話個夀司套餐幾好就打算入去試點知係門口一個staff問另一個staff: (而家幾點)講完就話: (就快落場la ) 今系咪5想做生意呀入到去三樣野食+餐喝 系分開4次上枱我5太like lol當壽司最後上枱一睇就覺得好似放左好內當食落: 三文魚好多斤 吞拿魚係極知難食 饅魚普普通通,燒到好乾 為一加州劵係最正常==!!!! D蒸蛋係同水蛋冇分別 其他三件以經放棄吾想試當有一個日本people食完,個staff係四萬今ge口向佢介紹le間野去到2:45有4個人入離,過左5min先有人令mean比佢地D臉陪表情&態度係變得好快

從"The One"的 "Milkissimo"走出來，看看時間，是時候赴午飯之約了。與久未見面的小友會面，吃飯地點就選在她工作地方的商場內.....對這間名為"名古屋"的日本料理有些印象，前身好像是開在加連威老道的 (不過應是很多年前的事情了)...吃過Gelato後不知何解飢火大旺，故此一坐下來便馬上點菜。對熟吃沒有大興趣，就來份刺身定食試試吧.....例牌跟餐的當然有麵豉湯及茶碗蒸。前者一味的死鹹，沒鮮味，色水混濁，乃下下之選也；後者雖應有的配料如日式魚蛋片、熟吞拿魚粒及銀杏等皆在，但卻是水汪汪的，蛋本身也不見得很滑，同樣在水準以下....刺身全部皆是厚切，尤如一件件的魚扒一般 (看看那hamachi的照片!)，而且面泛啞色，一點光澤也沒有，吃落仍有咲未溶解的雪味；最弊的還數那有一股吃後好像有屍臭味的uni。之前曾聽說劣質的海膽的味道確是如此，現在得親身體會，果然"冇花冇假"，珍珠都冇咁珍....可以徹底將此店black list了.....