同興旺小廚茶餐廳 (已結業)

昨夜或說應該是今早凌晨觀看倫敦奧運閉幕禮，天光才上床（因為今日公司要清年假所以可以休息一天）。一個人起床梳洗後已經是可以吃下午茶的時間。下午2:30來到這裡，都算熱鬧是個清潔程度可以接受的街坊茶餐廳。點了一個「豬軟骨即食麵茶餐」配煎蛋飲凍檸茶。看起來「求奇」煎的雞蛋加上豬軟骨配幾粒的粟米粒賣相真的「麻麻」先吃口麵，煮的普通再喝口湯，反而想不到的是湯的味道可比某大集團的烏冬湯還要好得多。豬軟骨的份量及味道都還可以，簡單的凍檸茶夠茶味，檸檬又有檸檬味；會再來。

今日好早就起左身返左公司附近, 又唔想咁快返去...就坐低左一個人食早餐...遺忘了的早餐. 餐廳內沒有太多人食早餐. 可能香港人已習慣左速食....這裡有電視可看新聞............................早餐到了.....一口吃下沙爹沙夠味...但...牛肉有點被 "拿" 得過份了...很多粉已及太硬了......吃到不夠一半....放棄了....而它的涷檸茶是值得一贊....很有茶味不會甜得過份~

上週二想去西環的名店吃煲仔飯，卻遇上人滿之患，時間不太充裕之下，唯有另覓目的，不遠處附近就有這一間茶餐廳，晚市有小菜供應，這也是常見的事，既來之，則安之，那就入去坐下，略看餐牌之後，見那天氣溫偏寒，也就點了一個「傳統」的啫啫火腩大鱔煲。七時半後的人客不算太多，先上的是例湯一碗，沒下重味精的粉葛煲豬肉湯，難得是火侯十足，味道清甜之餘，也來得十分暖身。正因人客不算太多，主菜也在十五分鐘內奉上桌前，初時確是熱氣騰騰，內裡的配料也不失豐富，固名思議，既有不少火腩肉，鱔段當然少不得，其餘配菜也有韭黃、蒜子和蘿蔔.........配搭上有點怪，在進食的時候，也是抱有一點期望的。試後感倒是.......怎樣說起，只能說腩火來得有點粗嚡，吃不著那份爽口之感，而主角鱔肉也切得有點薄，失去那一份彈性，口感來說有點過軟淋，傳統的造法覺得鱔肉帶點個性的腥味，所以要用帶肥的肉類去炆煮，用其油份去「中和」那種腥味，今次這配搭完全發揮不出作用，吃不出鱔內應有的味道，至於加了蘿蔔來說，個人覺得更是格格不入，我寧願用枝竹好過。也不是過於難吃，只是不合本人的口味心水罷了，本身已點了啤酒，臨尾心思思也點了一杯凍檸茶，不差，

對上一個食評是7月尾，估唔到只係事隔2個多月，二人餐就加多$10，變成$108。海鮮豆腐羹剛剛好4大碗。材料包括豆腐、魷魚同蠔仔。清清地濕下口。菜心炒牛肉油很多，菜心極之翠綠。牛肉落左好多鬆粉，滑到幾乎一入口就可以滑到去個胃，所以都無咩牛肉味可言。再加左少少韭黃，香d又靚d。菠蘿生炒骨炒得頗乾身，外層被甜酸醬緊緊鎖實。服務不差，自動自覺拎兜熱水俾我地沖碗碟。

我每朝都要向附近返學，每日都專登早啲起身黎同興旺食早餐。佢地啲早餐真係好抵食 $20已經有交易仲大大份，連杯野飲都大大杯 哈哈哈有時無精神叫杯凍咖啡 飲完都即刻醒哂有時放假都離不開呢到既早餐，都要同屋企人落黎食最好既係佢d早餐仲可以任意配搭!食扒餐都係一樣價錢 都幾大碟tim!haha不過perfect time 落黎食緊係9:00a.m-10:00a.m啦~~唔駛同其他人逼~~~舒舒服服嘆個早餐!

位處正街的同興旺屬街坊小店，環境只屬一般，但勝在價錢相宜。晚市四人套餐只需$168，四餸一湯，有雞有魚，份量足夠，算係咁喇！湯羮選了豆腐海鮮羹，味道雖平平偏淡，但配料還算多，除豆腐外，還有蝦、鮮魷、蜆肉等等。小菜菜心鮮魷菜心幼嫩，不過鮮魷味道不足，還是要依靠蝦醬調味。沙薑雞雞隻雖小，但肉質不夠細嫩，味道OK。豉汁蒸魚調味配搭剛剛好，魚肉質結實，不錯。豆腐斑腩煲的「斑腩」當然不期望是石斑，但店方提供青衣柳而棄用龍脷柳已覺誠意。連其他酒水小吃，約二百元結帳，挺抵食。

五月二十七日 (星期四)是晚與同事相約打排球可惜因工作繁忙,所以只遲去了一個小時....最慘是只得七個人.....照打可也...不過打完就覺得很肚餓了....畢竟付出的氣力比較多行到不遠,我們看到這間茶餐廳看一看,都是賣小炒之類,商議過後,我們決定一試一行六人,就點了五個菜...椒鹽肉排很惹味,肉佔大多數而且炒得很香口,肉質又煙韌,值得推介西檸雞雞肉鮮嫩,不厚粉加上適量的檸檬,令整體感覺很怡人梅菜扣肉煲最精彩的一個餸想像不到如此大煲而且材料十足肥肥的東玻肉,鮮嫩而滑溜唯一挑剔的,是梅菜煮過了濃,變得太稔了豆腐班腩煲很平穩的一味至少材料足,尤其是班腩整體感覺不錯,豆腐和魚肉都很入味帶子炒西蘭花最為普通的不過帶子肉很爽加上我倆最喜歡的西蘭花...不錯不錯加$6送白飯,加$4送飲品....最重要是每個餸都只約$40多元而且有如此的質素,份量夠,六個人吃都捧腹而回....可謂超值!就這樣渡過了很倦但又很充實的一天~

o岩o岩食完下午茶 (2至6pm), 有好多樣選擇,清湯腩唔夠水準, 其他都普通, 只有牛雜最ok! 牛雜係好琳, 仲好有牛show味(怕牛味唔鍾意太琳就唔好食!), 好大碗河粉, 加埋杯大路咖啡茶, 真係勁飽!當然唔可以要求太高, 但係經濟實惠!(附近都有10蚊碗但唔夠水準, 有d16,17蚊碗又細碗唔包茶, 下午茶我會首選呢間!)

呢間茶記都開左有一年多，由於價錢較同區茶記稍貴，所以我都只會在下午茶時段，幫襯佢$20粉麵連熱飲。質素普普通通啦，正如之前網友所言，牛雜尚可，但不算出色，有時會燜得過冧。雲吞也一樣，不算特出。炸醬則頗甜，唔係我杯茶。不過以咁既價錢，填飽個肚就算啦。講到招呼，如果係光頭老闆親自serve你既就ok，但部分伙記的服務麻麻，黑口黑面都算啦，試過幾次，舉手叫落單，睇到都可以即刻擰轉面當睇唔到；到我杯奶茶上枱，又唔會放响我面前，而係放响我對面個位度(我通常一個人坐一張四人方枱度)；然後碗麵又上枱，又一樣係放响我對面個位度喎。唔通我識分身術，變左兩個人對住坐？一次半次都算啦，但我不時都會遇到係咁既服務。唉，其實黎得茶記都唔會預計有乜野服務，今時今日咁既態度…所以有得揀的話，我都唔會黎囉。

餐牌寫著自家製魚蛋，但自家製是否等於好吃，要試過先知，是日口淡淡，吃碗麵充飢好了，要了魚蛋拼牛雜麵。食物：$28（雙拼配OT），魚蛋腥而帶粉口質感，未稱得上彈牙，牛雜雖然是冰鮮貨，卻沒有羶腥味，處理功夫不錯，唯滷水膽不夠醇厚，風味是差了一點，湯底是味精湯而麵腍身亦有很重鹼水苦瀝味，很一般。事實證明，自家工廠製不代表好。環境衛生：茶記格局，凳坐得辛苦，最好速吃速閃。服務：上菜、寫單沒甩漏，算係咁。消費：西環吃個午市常餐近$30，接近市區價位，不平宜。

店內只有五個卡位, 入到裏面沒空卡位, 只好坐著很不舒適的大檯等, 黑面侍應二號過來招呼, 我說要等卡位, 他愛理不理地反唇相譏, '你咪等lor'. 這是甚麼態度?見還要等很長是時, 反正老板娘走過, 就麻煩她點菜, 點了蕃茄炆倉魚.邊等邊看電視, 見到一個卡位有客埋單, 隨即換位, 未幾黑面侍應一號送來倉魚, 連隨問他有冇炸魚皮, 他不瞅不啋, 將跟魚餐的飯送上, 我再接再厲, 表示要炸魚皮粗麵, 黑面一號在紙上撩兩撩, 粒聲唔出, 轉頭就走. 大佬, 同你有十怨九仇咩?倉魚水準尚可, 炸魚皮偏鹹, 服務差到無以復加.

7月10日（星期五）晚，我又要開始準備做功課，所以是晚又要勞煩女友去幫我借書。借完書後，我們又去西環食晚飯，想去坤記食煲仔飯，因為太夜無得食，女友又不想再行，所以就來了最近的茶餐廳。約十時左右，店內仍有七成滿，我們坐的檯對正電視機，看了一會才落單。女友想吃冬瓜粒湯飯和中式牛柳，我就叫個斑粒蟹柳西蘭花。冬瓜粒湯飯：材料都幾足，有冬瓜、魷魚、豬肉、草菇和勝瓜等粒粒，份量頗大，湯底清淡；中式牛柳：牛柳雖然經過化學品處理，但不算嚴重，除了有些根和肥膏外，尚算鬆軟，芡汁酸甜度很平均；斑粒蟹柳西蘭花：西蘭花很翠綠，斑粒亦不少，芡汁味道清淡！這裡的小菜總算不錯，而且有電視送飯，我們竟然可以把所有食物吃光，難得！侍應阿叔招呼很街坊，粗中帶幼，服務尚可！

海鮮豆腐羹雖然是二人餐，但湯羹大大盆，至少也有五大碗。豆腐份量極多，仲有魷魚同蠔仔，感覺幾抵食。只係粉漿落太多，不是羹而是糊。甜酸雞球雞球，其實是雞扒切塊。炒得頗乾身，雞塊外層被甜酸醬緊緊鎖實。若果雞塊炸得更香更脆會更上一層樓。冬菇菜膽扒鮑片冬菇炆得入味，菜膽清翠碧綠，而且整整齊齊地排成一個圓圈。這份心思已值得一讚。只是鮑片略嫌韌了些許。白飯明明見到由電爐"畢"上來，點知已經溫溫吞吞。

呢個係我第1個食評幾個月冇黎西環 同行6人見到正街有間新開餐廳對面又係源記wor~ 一於入去試下食晚飯啦地方都幾大 坐定個待應推介我地食大斑兩味好啦 就照落ORDER~$128大斑兩味-生劏大斑條魚都幾甜 食得出佢係新鮮蒸推介推介~-蒜蓉蒸頭腩都唔錯,我覺得佢好入味 好岩我呢D重口味既人-西蘭花炒球 呢味冇食到 因為俾其餘D朋友夾哂 佢地係咁話唔錯唔錯就夾哂我食完就唔係好夠 另外叫多碗魚蛋粉加魚片頭 $16哇 唔係講笑 我唔係好鐘意食魚蛋都讚!佢地D魚片頭好爽口好彈 真係好正!不過講真 D阿叔既服務態度有待改善- -

一行三人六點半來到這家店吃晚飯~坐下不到兩分鐘，已經被一位面黑黑的侍應生催我們落order，催了兩次！ok~ 點了一煲魚香茄子煲、一碟蒸魚、一碟枝竹羊腩飯omg~ 落單不足分半鐘，面黑黑侍應A已把一碟蒸魚放在我們眼前…碟魚蒸到"梅"哂、肉質又硬…魚又怎能咁快蒸好？魚香茄子煲.... 油很多(雖然多油是expected)，冇味的！！！！仲有…是凍的-___-枝竹羊腩飯.....有很"蘇"的羊味....已經食得不大開心了.... 又不是很好坐，咁梗係早食完早走喇！ok，當我們起身走去櫃台埋單時....另一位黑面侍應B竟然說"好囉！終於食完還台喇"嘩！咩態度呀？我們食o左唔夠45分鐘囉真係打死都唔會再黎食！學阿蘇講"執左佢喇！"