同樂小廚粉麵 (已結業)

3月28日眼科舊同事， 讌請搵食肥華和靚媽，到呢間新開小店，日間以食粉麵為主，晚上則有家常小菜供應嘅食店，食晚飯所以揾食肥華就特登點，四款坊間尋常小菜，試一試此新店水準如何，最先上枱係䓤油鷄半隻，鷄浸得夠熟，但肉質保持到嫩滑，伴鷄䓤油亦俾得足夠，第二味嘅四季豆鯪魚肉煎旦角，呢樣功夫小菜，此店亦做得非常出色，應是此店名物之一，至於個菠蘿咕嚕肉及介蘭炒牛肉，更做得比一般坊間飯店出色，加上一碗飲完都唔會覺得口渴嘅美味例湯，令到肥華即時吹鷄，相約飯腳揾日，再到此店一試佢嘅烹煮海鮮，水準如何，總結此餐食物水準甚佳，此店楼面亦乾淨企理，小菜價錢貼地親民，是一間值得捧場及支持的新店👍👍👍

此位置又轉了手，今次開小廚粉麵店。見有下午茶優惠，原價55元的崩沙牛腩麵賣29元，就買了個牛腩麵回家試下。湯和麵分開裝，打開裝麵個蓋，即時聞到一陣陣香濃蒜香味，牛腩在炸蒜下面。湯底不過鹹，熱騰騰的湯倒入麵內，一碗牛腩麵完整展現。牛腩大大塊，煮得淋滑入味，入口易吃，麵爽口彈牙。雖然是下午茶但分量也不少，女士吃得飽肚。

今日試新店 環境十分乾淨 崩沙腩好正👍🏼 除咗牛雜粉麵之外，仲有小菜。今日叫咗鹹蛋土魷蒸肉餅，薑蔥焗魚頭，薑汁炒芥蘭同埋淨崩沙腩。菜式味道一流，有酒店級水準。 👍🏼

朋友介紹四 人晚飯崩沙腩、 鵪鶉皮蛋、 山楂豬手、 酸菜魚、 肉絲炒麵...崩沙腩... 炆得好 (林)又唔肥膩鵪鶉皮蛋... 細細粒易入口 ,小辣味道唔錯山楂豬手... 沒有試過這種味道的豬手.. 好食酸菜魚... 鱸魚底碟頭夠大 叫了小辣,但已足夠老闆Tommy哥..Poly姐....非常好客....值得推薦一試

牛坑腩入味，特製炸魚皮加左心思，超好食，小炒推介話梅豬手不油不膩，清香可口。沙碢魚頭㷛同三杯雞，酸菜魚甚有四川味道，食得出大廚功架。餐廳雖然不是很大，但環境舒適。職員也很有禮貌。