吉隆哥 (已結業)

之前試過幾次6點幾經過時都剛好準備收舖中，好奇心驅使之下，呢日午餐在附近完成工作，就走去一探究竟。午餐時段大約坐咗八成座位左右，在門口收銀處點餐付款後，店員會指示座位，然後就可以乖乖坐喺度等食。上餐都算快手，都令我意外既係堂食都完全用即棄餐具 (除咗個托盤)，喺今時今日大家都走塑既大環境下，而家大多數外賣都表明唔會主動俾餐具既情況下，實屬另類。肉骨茶黎到就明顯係湯色較深，原來佢係馬來西亞肉骨茶，係喎 ~ 吉隆哥嘛 呢個價錢加呢個味道其實還好，但係整體體驗有啲怪怪的，唔係太想做生意既姐姐，完全既即棄餐具，不過如果外賣既話可以體驗會好啲呱。

朝早返咗公司一陣，又要出去做野。之前食定個早餐再慢慢出去做。公司附近嘅其士中心之前大裝修，之後都冇入過去，今日入去搵下嘢食。聽同事講，開咗有好多新食店。但係因為仲早，好多都未開門，只係開左一間，所以別無他選就入咗去。間舖一個客都無，咁可能係時間比較尷尬（10點幾）。叫咗份早餐，有炒蛋，腸仔，魚柳，多士，叫咗杯齋啡。之後姐姐話無曬腸仔，咁唯有轉餐肉。叫餐後都等咗10分鐘以上先有嘢食（途中仍然係一個客都無嘅）。店內冷氣好凍，一邊牆放滿曬外賣餐具，雖然係堂食，但全部都係用外賣餐具。食物都係一般茶餐廳早餐食物，俾咗超多沙律醬，杯齋啡基本上可以skip。

其實都唔係第一次去，每次都有幾多人排隊，其實啲嘢食都唔錯。坐低發覺全部人都係用即棄餐具，包括碗，碟，杯，筷子。你可以見到靠牆有一幢一堹嘅即棄碗碟準備用。見到咁我食完之後，就同果度嘅職員講，不如考慮下唔好用即棄餐具啦。點知個職員同我講，你同我老細講，然後就行開左。實在很掃興，決定不會再去，直至他們不再用即棄餐具。問心自己每一個膠袋，每一次外賣，都會盡量或少用那些即棄餐具，不想破壞我們的地球，為下一代著想。希望各位也不要去，直至他們有改善為止，為環保盡一分力。

今晚餐飯就簡簡單單，係吉隆哥買左半隻黑糖鼓油鷄，自己炒碟菜。半隻鷄＄68，份量都幾多，屋企2個人食都好夠；鷄肉好滑丶皮好香，D汁甜甜地都好易餸飯，我就最鍾意食鷄脾，厚厚肉地，又軟腍腍，正合胃口。好滿足的一餐！

喺附近做嘢過嚟中午同同事過嚟搵餐晏仔食， 見到有東南亞嘢之前未食過就入去試下， 要喺門口畀咗錢嗌嘢食，之後佢就會送餐， 叫完嘢食，一入去就知中伏。我哋去到明明係堂食，但係所有餐具都係即棄塑膠即棄用具，超唔環保， 睇落賣相 一般，但係已經畀咗錢， 唯有試下佢。 食物質素又真係差，唔明點解會有人推介到佢上天， 叫咗海南雞飯，啲飯又硬， 雞又冇味， 賣相又差， 真係唔怪得知會搵到位坐。 論環境嘅話，都新淨好坐， 就算遲放中午都一定搵到位。

吉隆哥（九龍灣）好食度： 😋😋😋/5性價比： 😌😌😌😌😌/5回頭率： 🚶🏻🚶🏽🚶🏼🚶🏿/5價錢：$48，午市套餐，飯連熱飲人活著就要食飯，而據說交稅同死亡係人生中不可避免嘅事。之但係唔返工又邊有錢交稅呢？而返工幾忙都好，飯係一定要食嘅。（呢度就擺明係比說話港女女朋友聽㗎啦🤷🏻‍♂️）九龍灣一帶都好多寫字樓，每逢Lunch Time時間都人頭湧湧㗎啦，都未計附近有啲專上學院嘅學生啊，呢個係真正嘅「搵食」艱難啊。不過好彩九龍灣嘅食肆都有唔少，而今次港男男朋友去食嘅，就係呢一帶嘅性價比之選啦。講真，最平$48蚊連嘢熱飲，重係堂食喎，唔易㗎ching🤷🏻‍♂️更重要嘅一件事係咩啊？係質素都唔差啊嘛。個咖哩雞扒飯，雞又多，咖哩又重椰香味，比較可惜嘅係成日都係雞多過汁🤷🏻‍♂️不過就真係食得飽啦，而且港男男朋友重超愛佢咖哩入面嘅連皮薯仔啦，真係好好味。另一個可惜嘅位係佢無得淨係薯仔咖哩飯，如果唔係港男應該會成日去食。而且現在重有新出嘅豬頸肉飯，又係一個可惜嘅位就係佢無得配咖哩，而係自動咁配左酸汁嘅，咁有時胃口麻麻時可以食啲酸嘢刺激下食慾。如果唔喜歡酸汁，都可以同職員拎其他汁嘅，例如：鹹/甜豉油、薑蓉之類

今日又去Eastmark 食野，我最鍾意食海南雞飯，見這間餐廳有提供，便即管試一試。海南雞飯$55雖然價錢不算太貴，但份量不是很多，雞件的味道普通，有待改善朋友的椰菜雞飯比較好，椰菜份量非常多，雞件也滑，鷄皮光滑。飲品方面不錯，奶茶夠熱又香滑。凍檸茶茶底濃，夠凍，十分消暑，而且價錢是$48，無論質素和價錢都比海南雞飯好。餐廳是快餐形式，適合繁忙的上班一族。雖然食物不算十分有質素，但有時趕時間，又不想日日食連鎖集團的快餐店，也不失為一個好選擇。見佢下午茶很便宜，有多士、西多、雞髀、雞翼、手抓餅、肉骨茶等等，不用$40，下次再來試一試！

👧🏻😋👅🍽✨吉隆哥 (九龍灣常悅道Eastmark)Eastmark新餐廳 特色星馬菜-❤️鋪位幾多位, 但D凳就坐得唔太舒服😂 新張有試食價, 叫做平少少試下佢唔同野❤️套餐送罐裝汽水, 焗住揀左zero, 如果有水吧可沖杯凍檸茶俾我解下辣就更好了❤️因為佢款式比較standard, 佢上菜超級快😂 岩晒打工仔; 但快餐計用即棄碗碟就唔太環保, 但係紙好過膠少少啦-🌴🍛🥩 椰香咖哩牛腩飯 $65✨勁量牛腩好抵食! 汁都夠晒多, 撈飯一流; 配有薯仔蘿蔔✨椰香咖哩唔辣偏甜, 好香椰味✨牛腩肉味濃, 質地都好好唔會太瘦-🐓🍜🌶 海南雞叻沙 $60✨正! 叻沙湯偏辣超惹味, 豆卜索晒食到Lamlam脷✨海南雞因為浸湯個樣好老, 但食落勁滑! 大推!✨餐牌就寫可配河粉/米線, 但落左單先聽到店員同隔離枱講係油麵/米線先岩, 想食油麵就自己醒目喇😎-🇲🇾☕️ 馬來西亞正宗肉骨茶 試食價 套餐加配 $30✨藥材味好重! 少少回甘, 正既✨豬肉份量唔少, 少肥得黎冇搞到個湯油晒, 肉質又夠林☁️油炸鬼浸左落去林晒, 如果另上就更好了-免收加一服務費-

雖然我自問已經光顧試過「九龍灣」區裡面超過七成，適合一個人光顧的晚餐食店，但是畢竟「九龍灣」工業區裡面有大量工貿商場、大量未去過的大廈，還有在晚上仍然營業的食店，值得我繼續發掘。例如我今次我就在「德福大廈」旁邊，「宏開道」跟「常悅街」交界的商場大廈「Eastmark」裡面，發現到一個擁有很多新食店的小型商場，裡面有很多我之前未光顧過的食店。我沿着「德福商場」前往工廠區的行人天橋通道，一路向着「九龍灣」「Eastmark」前進，從行人天橋向左劼，沿着天橋左邊樓梯往下行，很快就順利找到商場「Eastmark」和進入商場裡面。我進入「Eastmark」商場樓層裡面之後，就立刻發現「Eastmark」裡面有很多我之前未聽聞過，或者未光顧過的食店，所以「Eastmark」食店一時間讓我有點眼花繚亂，需要時間去決定光顧哪間食店才好。不過我在前往「Eastmark」之前，一早下定了目標，就是我希望能夠在「Eastmark」商場裡面找到一間，能夠直接滿足我晚餐食材目標，包括「牛腩」、「雞扒」和「白飯」的食店。結果我在「Eastmark」商場一樓的位置裡面，發現到有一間看似主打「馬來西亞」菜的食店，食店

Very tasty dining experienceFood is good and place is cleanRecommended especially laksa and buk teh tehVery value for money and can taste Malaysian authentic food in Hong KongConvenient as just next to Mtr station with 5 mins walk Will definitely come again