吉祥食坊

今天一早來到這裏買早餐，這是一所外賣店，沒有座位的。早餐除了腸粉、燒賣，還有銀針粉。飲品櫃的選擇也不少，所以中午也挺多人到來的。這次點了腸粉及燒賣，都要了所有醬汁，燒賣的辣度不怎麼樣，腸粉的醬汁也是可以。早上九時多的購買速度還算可以，雖然不斷有人到來光顧，但排隊並不會很長。另一個特色，這裏放了十元的雞蛋三文治，為何就最適合趕時間的朋友吧。如改你是在附近工作，我認為一星期可以光顧一次的，衛生程度應該還可以。…查看更多

啱啱轉工，同事好推介呢間雙餸飯，午餐時間去到見到排曬長龍，隔住人群睇到有好多選擇，因為當日唔舒服，最後揀咗冬瓜同梅菜肉餅。冬瓜入口即化，同埋鴨胸豆卜一齊煮，唔會淡而無味。肉餅肥瘦適中，我平時唔鐘意肥豬肉味，所以平時係街好少揾到啱食嘅肉餅，但係呢間嘅配搭幾好，唔會瘦肉多到咬落太實，又冇好重嘅肥肉味。以呢個$40價錢黎講，都幾抵食，畢竟附近嘅餐廳都幾貴下😢…查看更多

買兩餸飯唔要飯正常餸都會比多小小，成盒野啲餸小到咁，盛惠$38，拎上手輕飄飄，一打開個盒見到好似食左半啲餸咁😡其他舖頭賣兩餸飯都唔會咁，就算而家知道工廠區食野都唔平，但唔要飯啲餸都唔洗小成咁嘛？3隻雞翼加青瓜，啲瓜可以小到咁，雞翼係細細隻，$38唔叫平嘛？知而家咩都貴，都唔好咁啦，打工仔食個晏已經唔平，是旦比多小小菜都好吖～我唔要飯唔代表要咁小餸，其他店兩餸飯都食過，未試過一間會咁囉，以前話兩餸飯平民價，通常大大盒，而家$38可以比盒咁既野我，啲餸幾好食都無用，何況只係正常普通，無下次😠…查看更多

每次排隊的人龍都很多在附近工作的都是工商的文職比較多優惠的價錢吸引不少人而且店家都提供很多菜式西檸雞　生炒排骨　雞蛋炒蛋　肉餅等基本上你想得到的　他們都能提供到有時真的會眼花瞭亂整體味道不算太鹹　混合米飯也是剛剛好米飯也會粒粒分明另外推薦　生炒排骨　豆角炒蛋　不錯的…查看更多

好多人話在吉祥食坊食兩餸飯，會嫌「頹」又點咁。不過你係買飯盒喎，幾廿蚊咋，幾廿萬咩？其實我覺得佢每個餸都好好味，起碼，對得住個價錢先啦，街坊生意價錢夠貼地，CP 值係好高嘅。唔好睇店細細，老闆宣稱都有成30個餸揀，重要每日有少少唔同。所以都非常推薦俾同事食。我揀 蟲草花蒸雞、麻婆豆腐、節瓜粉絲，非常好食。因為呢間舖流量高，相信餸菜都非常新鮮。老闆同店員都好好人，打招呼熱情親切。比完錢會同你講「聽日見」、「下星期見」，令你真係會想明天／下星期再來。做生意的朋友，要學嘢喇。…查看更多

之前食過呢間兩餸飯覺得都還可以，$38蚊唔算平又唔太貴。今日照舊要左魚香茄子同埋咕嚕肉兩個餸，都係之前食過嘅。魚香茄子真係得茄子，肉碎係勁少，唔太入味，仲食到有舊茄子係燶既；咕嚕肉明顯唔係新鮮豬肉，炸粉好厚，多汁偏酸。呢盒飯認真係「頹飯」。…查看更多

食過附近餐廳外賣都係唔夠呢間CP值高，睇到廿幾款餸就頭痛，每次都揀好耐攪到我有食飯恐懼症我都介紹比新同事食呢間，原來新同事話呢間吉祥係隔離街搬過黎，佢話以前食過舊舖個間，食物味道、價錢都算貼地，幾抵食…查看更多

今日去開整眉，見到之前嘅吉祥原來搬咗過嚟呢度！咁一定要試下！價錢仲係好親民，$38蚊雙餸飯，今時今日都算抵食。我叫咗雲耳蒸雞同魚香茄子，保持到之前質素！有機會都會再嚟👍🏻…查看更多