吉壽日本料理 (已結業)

一向的放題份量是很不平均..例如刺身極少.. 飯是大大舊的.. 鍋物也是大大鍋..但這樣的確不是這樣.. 每一樣的份量也是剛剛好!湯.. 只會上一碗很細小的.. 讓你可一嚐味道便足夠..蜆.. 是有蜆肉的.. 不只是殼.. 焗青口更是好味道..蝦亦炒得香口.. 串燒牛肉和蝦味道亦不錯.. 鍋物更是好..熱食三文魚清甜得很.. 炸物熱辣辣.. 香脆可口.. 讚!這樣的放題.. 可說是不錯.. 價格亦和質素成正比!

雖然食評只屬一般.. 但很多朋友都說這裡不錯.. 今晚便一試!地方十分細少.. 就連倚桌也像設計給小朋友用的般.. 迫得很..服務算是可以.. 服務員會跟你說笑.. 亦沒有漏單情況.. 上菜也很快!沙律爽口.. 沒有出水現象..刺身新鮮.. 但味道一般.. 沒有鮮甜肥美的感覺..壽司飯亦有醋的味道.. 材料一般.. 但不難入口..手卷紫菜脆得很.. 即叫即做.. 不錯..這個價錢的放題.. 算是可以了!

我朋友BOOK左台諗住預早慶祝生日一入到去間野豆潤咁細仲要尾去後面先有幾張台我地5個人但係張台有兩邊都係迫到坐唔到..... 同隔離台係痴埋一齊咁濟一開始點左好多野, 佢係好似好多野食, 但係好多普遍既魚生都冇佢D野就黎得好快.... 張台又細, 好快就擺到好滿個WAITRESS話停一停單先, 既然都冇位擺咁咪話OK囉之後佢收左D碟又黎多左幾樣我地一路食一路傾都冇為意, 到夠鐘佢話LAST ORDER 我地都冇ORDER之前就要我地埋單~~最後諗諗下, 原來佢好多野都冇黎囉真係勁嬲.... 佢應該係咪都問下我地D野仲洗唔洗黎呀嘛粒聲唔出自己CUT晒D單囉 .V.我最後諗諗下先記得好想試既烏凍冇黎.... 仲有好多其他野如果佢真係問 我地明知食唔晒都唔會叫佢黎啦但佢私自CUT單真係好差囉總括黎講D野食唔係特別正, 坐得辛苦, 迫夾狹窄, 服務又差!!!!已經唔係平....食左$200一個人 如果D野好食都唔係貴但唔好食就覺得貴囉.... 又坐得唔舒服真係唔明點解D人讚

今日是老公大人的生日，見openrice的食評ok，所以就book 咗8:45的時段。第一眼見到個場真的好細，感覺較為擠迫。但是食物還可以，刺身比我想像還好味(甜蝦、蠑螺、三文魚、章紅魚)都好好味，前後order 3次。串燒牛柳粒、牛仔骨、牛乳海鮮窩、吉列蝦味道都ok呀:其他的食物我本人覺得ok呀，還有包罐裝汽水任飲。值得提的是服務員的態度十分有禮，不會經過房間不入，經常看有沒有order 紙。還有東亞咭9折，今餐本人覺得非常滿意。希望下次飲品會加清酒呢，感就更加完美呢

有朋友生日,去左吉壽食日本放題,入到去個環境比較嘈,同D位都幾逼下,坐低即點野食,好厚既落單紙呀,都好多款野食既,同落左單冇耐野食就好快來了~!刺身:三文魚﹑吞拿魚﹑甜蝦﹑劍魚腩and玉子狂食刺身呀,賣相唔錯呀,不過味道一般啦,唔係唔新鮮,只係feel冇味咁~三文魚,吞拿魚and甜蝦一般啦~!劍魚腩i feel有d腥...可能比較怕腥呀我~玉子真係唔好食~!bec有少少少出水~!又唔夠厚呀~!燒物:燒粟米﹑串燒肉舌﹑鹽燒海蝦and焗青口燒粟米and鹽燒海蝦普通啦~!串燒牛舌好味呀~!唔un又幾鬆軟~!好野味~!焗青口又係好味呀~!雖然個青口係細左d(又可以不停叫的)~!不過好食呀~!好濃芝士味~!個配合好正呀~!壽司,鰻魚sushi﹑炸蠔芝士卷2個都係好普通呀!我直情唔太記得個炸蠔芝士卷係咩味...!日式炒蜆普通既!不果不失啦!不過本身又好l鐘意食so feel ok~!鐵板雪花牛柳粒味道唔太差~!不過太un呀~!加上又易凍呀~!炸物:虎蝦天婦羅虎蝦天婦羅~!好大隻~!不過i feel太厚粉了~!唔夠脆~!又冇乜蝦味~!吉烈蠔好味呀呢個~!本身又好鍾意食炸蠔呀~!外層幾脆下~!又唔厚粉

同事生日,約埋去吉壽慶祝地方狹窄,最好4個黎,因我見有d2個人要坐走廊,感覺麻麻地待應有禮貌,仲識同你介紹有乜好食,有乜係熱門選擇食品都算值回票價,:壽司新鮮甜蝦冇欺場,劍魚腩夠鮮味天婦羅冇話油淋淋,夠脆口鍋物有驚喜足料串燒大路貨式,唔算特別,燒得唔算差突然熄燈,唔知做乜,原來驚喜壽司蛋糕是也走時望一望個個飽到唔識行

自從上次去完大吉後, 一直心思思想再去吃多一次放題看見這間食評不錯, 於是決定來試試。如我所料, 這裏的環境是非常狹窄的看那些下卡位應該只可坐4人, 但我們6人就是這樣擠進去=.=如果全部是男生, 又或者有些人比較胖, 應該會坐得很勉強!坐最入的, 想去洗手間的話, 是有難度的!好, 就不focus在它的環境, 說回食物吧~一開始我便狂吃甜蝦, 很鮮味很好吃的~我自己不吃刺身, 壽司也吃得不多(因很易飽肚)但壽司只屬一般貨色, 例如鰻魚, 火灸牛肉壽司也只是薄薄的一片, 飯比例上偏多鵝肝反卷吃不出有鵝肝似的,鵝肝份量太少炸物系到以虎蝦天婦羅最為出色, 粉不厚夠脆, 蝦半生, 好味!基本上不用吃吉列蝦, 吃這個便夠~但吉列蠔就不行, 粉太厚, 蠔太小...但我也吃了兩隻-.-炒什菌叫了兩次, 這個不錯的, 很有牛油香~焗青口..這個不要被騙, 因成份幾乎是沒有青口的!或者是有一少顆? 我看的也是雜菇蟹柳之類的東西但我也吃了三塊, 因那個汁很好吃!! 很重的芝士和蛋黃味!另外和牛串和炒牛柳粒也很好吃呢! 肉質很好, 牛味又夠~軟殼蟹手卷是不小心叫的, 味道過得去啦~蟹粥不錯, 真的有很大隻

是日中午約了朋友食飯，來了這店子。本來大家都想食串燒，後來才知道只有晚餐才有串燒供應。於是我地就點了兩個套餐，什錦烏冬鍋 + 牛乳海鮮湯，加一個小炒，炒什菌。套餐還包括沙律及甜品。還加一小碟爽嘅絲。沙律用貝殼形的碟子盛着，已很吸引。沙律用的醬好特別，是加了花生醬的。所以特別香而沒有酸的味道。非常好！什錦烏冬鍋，朋友揀了醬油湯底，雖然湯很清，但依然夠味。烏冬太滑啦，令到“論論盡盡”的我攪了很久才“夾”到。鍋裡仲有餃子、炸蝦、冬菇、蟹柳、蛋等，全都好好味，特別是餃子在鍋裡浸了一陣，再食時，仲係結實而食得出是煎過，還脆泡泡的。牛乳海鮮鍋是跟飯一併的，日本菜都幾鍾意加牛乳或豆乳落啲菜式上。牛乳不是很濃，已很夠味。鍋裡有滑豆腐、鮮蝦、帆立貝、粉絲等，粉絲偏身而通透，應該100%用綠豆做的，我將湯混入飯一起食，味道真是好好！！朋友叫我快啲試吓將啲炒什菌加入飯裡一齊食，佢話超好味喎。但我已經加咗湯，唯有夾少少試吓，果然係好好味。朋友話應該加咗牛油一齊炒。我地邊食邊講，互相細訴身邊事，話咁快就兩點多，店員說甜品是米糍。我同朋友講多數香港日本店子都用現成的雪米糍，有些仲係維X同雀X的添。說完不久，米糍嚟

好耐無食日本嘢，一於食放題啦！星期六夜晚七點幾先打去book，預左要排waiting list。。不過好好彩，半個鐘後打嚟confirm有位，第二輪8:45-11pm.睇過食評，預咗D位窄，果然冇失望！2人檯感覺好似喺走廊搭D檯出嚟，要坐卡位就預6個先有喇！不過大家都係同一時間入坐，所以唔會太多人出出入入。Order紙應該有A-I九款，我哋咩都試下喇！剔咗嘅嘢全部到齊冇漏單，讚！速度亦快，遞紙後五分鐘內到，所以唔好同一時間點太多。侍應們都好快手，service幾好～食到好飽，埋單$178+10% 約＄200位，送＄20 coupon, 東亞咭有9折。星期六晚喺中環食放題，呢個價錢絕對物有所值！

因朋友生日,熱愛食放題的我們,今次又找一間新的日本放題餐廳。睇見網上食評好到爆,諗住都應該係好好食,點知非常失望! 已book枱,但都要等幾十分鐘!食物款式都好多,但質素比其他平價少少既放題還要差!三文魚刺身食左幾round,都係帶有魚皮的~色澤暗淡,好唔新鮮!鰻魚芝士卷同軟殼蟹芝士卷食落非常"溜",食左一round已很飽!熟帶子算是最好食!見其他食評人都說這裡很迫,我們都有心理準備會很迫,不過沒想到會像一間cafe的那樣細!還有,很不喜歡這裡沒有生日優惠,只得壽司蛋糕!

因為一早BOOK左位~所以唔洗等~不過地方真係好細好細...我坐係一入去條窄走廓到~D人每次行過都勁會整到台面D野食.. 野食種類都OK~不過熟食種類多D~ 刺身都係平時食個D~冇特別~最好食既係牛乳海鮮鍋 , 食得出應該有洋蔥.忌廉.牛奶.味道唔算太濃~~如果有D人怕食牛奶味既野~呢個味道淡淡地應該可以接受到 ~不過我就想佢濃D啦因為我好中意牛奶忌廉既野 不過佢地D碗有味... 係所有碗都有呢隻味~就算你叫佢換碗比你都係有呢隻味... ( 網上面唔比我打出黎...要我有證據喎..)味呢家野我好難影到相影到MOVIE比你睇..所以感覺唔係幾好..

七月三十日 (星期五)終於來到老公仔的last day了同老公仔本身想去吃北海道,但是它真的太受歡迎等的人多的是,最後決定到吉壽,而且我又有那個特價的SMS由於沒有book 檯,要一點前交枱對於行動快的我們,當然沒有問題了前菜是粟米沙律,味道好三文魚腩定食腩很肥美,三文魚相當新鮮配上精營的日本米,是我最愛的日式組合!雜錦魚生飯定食多種刺身,有吞拿魚,三文魚,帶子,魷魚等等每一種食材都是師傅挑選是日最新鮮的最好吃的是吞拿魚,油份充足...值得推介!每一一百元左右,吃得飽飽又有前菜,又有甜品很滿足........不知何時可以和老公仔再吃呢?

因為book佐台..所以就唔洗等但係入到去地方真係細佐d...要讚既係落order既速度真係好快..我地3個人岩岩落完單 唔洗一陣就上到菜...雖然野食冇咩特別話好好好味 都係一般...但係百幾蚊食到咁多野覺得ok啦總括黎講都係抵食既..

食日本放題我不太喜歡有時間限制，所以直到今天先與家人到呢間一試。我地book左6-8:30pm,因為是頭場，所以不用等就可以入座，此餐廳地方就比較迫，坐下了一會，侍應說飲品任飲(好多罐裝汽水可以揀)。我們便好快就落單order好多野食，食物都來得好快，無漏單，侍應態度都好。我至鍾意天婦羅好夠熱辣辣，饅魚壽司等等。其他魚生都ok。總括來說以這個價錢都值。

老公話想食魚生放題, 我係openrice 搵左呢間, 星期日lunch就黎試下.以為星期日少人d, 點知都full house咁.食左:三文魚、希靈魚、oil fish 刺身: 好肥美, 但唔夠凍手卷: 塊紫菜唔新鮮, 唔脆, 好難咬鵝肝反卷: 食左都唔知有鵝肝北海道牛奶海鮮煱: 呢個唔錯, 有鮮味又有菜食炒牛柳粒: 最好味既一樣, 好香好惹味仲有好多其他野食, 不過普普通通, 食左都無咩印象.By the way, d 位真係好細好窄, 坐得好唔舒服!!總括: 又再一次証明放題只著重款式多而不求質素, 所以一次就夠了!