吉壹野 (已結業)

去到掃街天堂 葵廣原本係等食晚飯但都忍唔住去拮一嘢🤣平時會落最底層買魚蛋食今日有太多時間 就特登搵間黃店買💛呢間距離葵廣3分鐘路程聽聞炸物OK 但因為心繫魚蛋….😋因為我淨係同佢講要魚蛋佢一開始俾咗唔辣魚蛋我 問我要咩豉油定辣油嘅時候我就問佢係唔係有辣汁 (好彩有上網做功課🤓)佢就話：唔緊要 你要辣汁我幫你倒返落去點一點啲汁就OK我心諗好似有啲伏咁😅😅😅佢補充：我哋啲辣汁好夠味 倒落去點一點已經入晒味 我哋唔會長期擺魚蛋喺辣汁入邊煮 因為我哋用陳皮魚蛋 如果咁做會令魚蛋煮到脹晒 失去咗本身嘅質感 會無咁好食見到佢對煮法咁有堅持 當下我即刻安心晒😌辣汁魚蛋 $12/8粒8粒陳皮魚蛋 果然夠晒入味雖然唔係十分辣 但都辣得幾爽佢嘅辣汁係有少少麻辣汁嘅感覺個人好鍾意💛而魚蛋口感的確保持得好好 好彈牙以後去葵廣都會去附近呢間到拮一嘢又黃又好味 服務態度又好😍😍😍Btw我買完返葵廣坐低食 搵資料嘅時候先知原來葵廣有分店🤪啱啱腦細仲話兩間分店啲嘢食有少少唔同下次去葵廣嗰間試吓先😋😋😋❎ 加一服務費

之前食過佢地嘅吉樂雞餐，已經覺得佢地嘅炸物非常出色熱辣辣，外皮脆得嚟啲肉又夠軟，可惜當時唔記得影相今次再嚟食佢地嘅炸雞粒同炸薯餅，同樣係保持到水準！炸雞粒微微地辣，外脆內嫩，拎返屋企（5-10分鐘路程）食仲係熱辣辣脆卜卜食到尾就算凍返少少都仲係脆！炸薯餅都一樣好味，又脆又冇油益味，食完真係好滿足想食炸嘢又唔想幫襯某啲連鎖店嘅朋友，可以過嚟過下口癮間鋪其實離葵涌廣場唔遠，過咗天橋行幾分鐘就到，好推薦大家喺葵廣掃完街過嚟試下！

最鍾意佢哋啲鹵水雞脾（同埋要訂嘅全雞），豆腐同埋牛脷！夠晒香同入味！佢哋嘅蝦多士都好正，一份有3款，每款一塊，有芝士，香草，黑椒。炸得好香，口感好好！雞湯烏冬都好味，有陣時熱氣可以食清啲。有菜同肉丸。烏冬口感唔錯。幾抵食 👍特別推介佢哋自己做嘅糯米糍，有花生同紅豆味。仲有好正嘅芋圓紅豆沙，西米露，etc.記得睇吓佢哋個IG，因為每日嘅甜品都唔同。好有人情味嘅小店。運動同抗疫期間都有幫手！快啲嚟懲罰佢哋！

一日一黃店-葵芳良心小食小店 路過葵芳 見到有間唔起眼既小食店 竟然仲有表態 即刻支持試試支持下 葵廣可能成日去 但其實葵廣外都有小食店 值得大家支持.見到餐牌生菜魚肉 寫住每日用2小時去煮個湯吸引到我 就試你啦⭐️生菜魚肉$22店員幫我加左 胡椒粉麻油一打開個碗 都幾足料 幾香麻油味😋試試湯底先 湯底真係比其他店特別👍🏻帶明顯甜味 加埋調味 做到香 味俱全👍🏻魚肉偏大舊 好滑 感覺新鮮 唔需要過多調味👍🏻所以魚肉 係湯底下 魚味都好突出 唔腥🤔feel到有魚骨 但打到好碎 好碎 食左都唔覺.好奇問問店員個湯點整店員以為我想投訴佢 勁驚😂經一番了解後 店員答左我 話：雞湯見店員咁怕羞 我就冇追問啦訪問呢啲嘢 唔係太啱我 （因為我都怕羞）.#吉壹野 (葵芳)地址：葵芳盛芳街17號地舖.⭐️評分：味道：4/5環境：-/5服務：-/5抵食：4/5

想食小食都唔一定淨係去葵涌廣場嘅可以去吓出面啲小店呢間小食店就係其中之一吉壹野個名簡單易明以街頭小食為主，款式唔少價錢唔算太貴由幾個年輕人開設驟眼睇都係年紀尚輕幫襯咗碗魚肉碗仔翅雖然$20算唔平自己叫魚肉翅更加係$22嚴格嚟講其實價錢算中上舖頭唔大，但容納咗幾個年輕人大概係因為租金貴，食物都貴埋啩以食物嚟講碗仔翅質素唔高質感比較稠料係算足魚肉明顯水準唔高無應有嘅彈牙感同魚味可能其他小食如魚蛋燒賣會比較好啲今次體驗到大家真係食精神不過當支持吓年輕人啦

➖➖➖#葵芳黃店 香脆炸物➖➖ 。。葵涌廣場有好多黃店其實落返天橋去到街市附近@gut_one_yeah 好值得支持派口罩、參與罷市、派文宣。。▪️蝦多士$33（芝士味、黑椒味、原味）/3件▪️麗芸口罩春卷$24 .▪️招牌黃金磚$20 .▪️炸燒賣$12.全部炸物都係即叫即製。熱辣辣蝦多士炸到啱啱好脹卜卜燒賣都有驚喜，外脆內軟反而春卷就比較普通。▪️小總結：老闆真係好有心閑談期間佢提到其實租金同葵涌廣場差不多但選擇舊區街市附近開舖希望多啲老一輩年長嘅人士可以睇到文宣每樣小食其實都係好平大家行過就可以幫襯下啊食完炸嘢，可以上去葵涌廣場仲可以飲黃店飲品@fruithouse_hk 菓屋 @thai_like_tea_hk 泰茶 @cheesetea_gfhk 茶芝味@jiufenteahouse 九份茶舍. .-✂️➖➖➖➖➖➖ 。🔺 @gut_one_yeah 🔻 吉壹野 (葵芳)葵芳盛芳街17號地舖

呢間野成日下午3點行經都好想食，可惜佢只做晚市生意，所以我成日撲空，呢日響男友屋企食完飯，同埋間舖近排告急中，就決定撐下佢店內小食款式選擇多，定價平實，更重要係良心小店。D擺設仲要好得意！落左order等大約5分鐘就ok，我直接外賣攞返屋企。碗仔翅攞到返去都仲暖暖地，落左醋，所以酸酸地，好開胃。市面碗仔翅係多d雞絲+冬菇，不過係溝左粉先令到碗野「傑」身；呢碗就多d粉絲，但都有木耳+雞柳食，食落係比較飽肚。建議可以加埋冬菇，咁會更加惹味

炸野好味，我特別喜歡炸燒賣，夠脆，同D蜜糖好夾，下次一定要翻食！其他炸野都有一定水準，店內的人也挺有禮，見我在等時也多次說不好意思，其實我邊吃邊等，唔會太介意

香港人小食店，啱晒鍾意食炸嘢嘅朋友。有好多款炸嘢，全部即叫即炸，非常又抵食。食過幾樣炸嘢，都好好食，最正就係炸燒賣。想食炸嘢唔一定去葵涌廣場，可以試吓去呢度👍

平時去開葵芳運動場跑完步都會過葵涌廣場搵野食，今次經過呢間應該新開無幾耐嘅小店就試下。睇佢地menu 都幾多選擇，試下個魚蛋同講到好足料嘅碗仔翅睇下點先。魚蛋食得辣嘅一定要加埋辣汁，魚蛋本身係細粒嘅陳皮魚蛋已經好好食，加上佢地獨特辣汁真係好好味，忍唔住食完再買多10蚊足料碗仔翅真係好足料，絕對同連鎖小食店嘅質素係兩個層次黎，高出好多果隻，啖啖都有木耳絲粉絲菇絲雞肉絲，都係真心推介黎。香港要有多啲呢啲有心又好食嘅舖頭呀，要多多支持。