吉利尼 (已結業)

杯美祿恐龍一飲就知唔係用美祿沖（得面頭果d係美祿粉）...而係用吉百利朱古力粉沖，失望 明明美祿應該平過朱古力，奇怪碗叻沙就正正常常啦，但個辣醬唔係新加坡果d...

行經過恆豐中心見到有間小店，而我同老公都好喜歡新加坡風味，所以就去試一下。店裏面坐位算系舒適，值得一讚系佢提供ikea 嬰兒餐椅，不過可惜我地無帶呀女黎。系收銀處點餐俾$後就可以坐低等派餐。我同老公都點左海南雞叻沙，可惜系多士賣唒，飲品可以加$升級。老公飲菠蘿梳打，我飲美祿恐龍。菠蘿梳打好飲，我杯恐龍就甜左d...我覺得海南雞叻沙味道ok，仲有勝在夠熱。呢個價錢都差吾多喇。總括，系佐敦區搵到間可以帶BB慢慢食而又吾算貴既餐廳真系算難，所以下次我都會繼續幫襯！

因為趕時間，所以到這裏吃一個快速的午餐。點了一個椰子海南雞米線，由點餐到食完服務員的態度都非常奇怪和差。點餐的時候跟店員說希望走蔥，女店員都算有禮貌地問埋如果有青瓜有冇問題？到另一位侍應將米線送到枱上，由於麵碗已經有一個手柄，不應該會太熱，我實在想不明白為什麼他要將整碗米線撞擊地放到枱面上。再說米線的味道，海南雞是沒有味道的，而且有雞的腥味和雪味，湯底的味道可以接受，尚算濃郁，青瓜絲的味道也很配合，但米線煮得過火，很淋...實在忍受不了雞的雪味，便向收銀處的侍應要求要一些海南雞豉油。侍應當時站得離開櫃檯很遠，一個唔想做的樣子，然後冇禮貌地說：我聽唔到你講乜。到他終於聽到了，他給了我一個很奇怪的表情 🥴 好像是不滿，也好像是唔知你想點的咀部動作... 其實如果他們不能提供海南雞豉油，我也不是太介意，他可以直說。然後他就是一面不滿的要求其他侍應給我一碟仔豉油.... 其實我已經沒有什麼心情繼續吃下去了。

對上一次去新加坡已經 幾年前 有時候都會掛住南洋小食 今日買完戲飛見仲有時間 入去呢間 食個下午茶因為唔肚餓只係想坐低飲杯嘢 kill time 企喺收銀台前面諗咗一陣 就order 咖央西多配白咖啡 平時好少食㗎央 因為買返屋企冇人食 唔想浪費過五分鐘左右 已經有得食 多士焗得鬆脆冇燶底 有一塊冰凍嘅薄片牛油同咖央夾喺麵包入面 由於多士係熱 食落口嘅時候 牛油係入面慢慢融化 同 咖央混為一體 非常美味 白咖啡香滑順喉 有少少果仁味同焦糖香味 不太甜唔使加糖 雖然我知道有可能係即溶咖啡粉冲 不過確實唔錯

咁岩係佐敦行街經過聞到好香，決定今日晏晝就試下呢間。揀左海南雞叻沙配恐龍美綠。有驚喜，湯好濃，有個醬放左係湯既一邊，唔知咩醬，個醬夾埋個湯非常flavor dense，加上米線夠軟糯，好好味！😋不過雞肉可以再腍啲，另外有豆卜同椰菜絲，餸菜份量不錯。米線份量都好足夠。

今日想搵個地方靜靜地食飯，就揀左killiney。見佢岀咗個椰子海南雞米線，我又食過佢地既叻沙，所以就試下佢地啲新推介。我本身唔係太鐘意食青瓜，但係估唔到佢個湯底同青瓜咁夾，真係好清新好好食。有時唔想lunch食得太油，就可以去試下食佢個新米線。

最近試咗佢地新岀既咖哩雞飯，雞同薯仔都好大舊。咖哩唔會太辣，但係又有辣味，啱曬我耐啲唔係好食得辣既人。Lunch仲有得拎沙律，又有埋飲品，佢個飯同咖哩份量又好多，真係好抵食。

今日晏晝食咗呢間新加坡菜，佢menu得好少嘢好似三四款叻沙同幾款椰漿飯，咁我就叫咗牛肉叻沙牛肉叻沙就會有幾款牛肉嘅，有肥牛，牛展，牛筋 牛肉份量有好多，牛展有三四塊 ，牛筋大大舊(大約有一個拳頭咁大) 碗叻沙係好味好濃 入面有一D醬鹹鹹地嘅 但建議唔洗用個醬，因為本身已經好夠味 而且佢嘅份量好大配菜有芽菜，好爽口 仲有豆卜嘢飲要加錢，咁我就加咗$12叫咗好立克恐龍佢就係一杯好立克上面有一堆粉飲完係會覺得超甜 D粉係唔溶嘅，所以食落係會比較脆口

星期五lunchtime食好D~~ $58可揀1碗叻沙,有自助沙律同甜品.沙律有幾隻醬,隻斑蘭醬幾清新~追加左$16食個咖央, 燶左D, 不過加埋中間塊牛油,好邪惡但好好味~呢間餐廳個叻沙一向唔錯,好濃好香~~有得自己揀送, 叫左大辣, 不過如果多塊餐肉好似豐富D~食埋個甜品, 可以任拎,都幾抵食

以前在尖東成日嚟食，因為唔使坐飛機都食到新加坡風味。搬咗嚟佐敦都食過好幾次，keep到水準但客人寥寥可數，真係戥佢可惜。裝修完都幫襯過晚餐，餐牌轉咗丶D職員唔同咗丶仲無咗我最愛吃米粉，已經心有不甘。今日嚟個下午茶，連杯奶茶都做唔好，既沒有星加坡風味，且連港式奶茶都講唔上，倒不如改過個鋪頭名，等D客人無期望，咁就唔會有人失望。

下午係佐敦見到間餐廳環境幾好就同朋友入去試下，我地叫咗海南雞飯，自選叻沙，熱拉茶同咖椰多士。海南雞好嫩滑配埋香口既油飯真係好夾，佢地既叻沙比其他餐廳既叻沙更有椰香味。而且加少少錢就有埋咖椰多士，最好食就係依個多士，個醬超正，配杯拉茶。真係飽到行唔到，咁抵食下次經過都會再食。

六點半去到，成個場都冇客，但見佢餐牌幾吸引所以決定一試。叫咗個海鮮叻沙($58)加$18就有埋蝦醬炸雞同咖央多士，晚市加野飲仲平十蚊添，好抵食咁。不過質素就麻麻地⋯⋯叻沙湯底偏咸，但唔係香濃，上面啲餸全部都用雪藏料，墨魚片唔爽仲要完全冇味。咖央多士質素ok,係唔夠脆。蝦醬炸雞係幾好食既，而且幾特別，少啲喺其他餐廳見到。總括而言食過一次就夠啦，亦都唔會介紹俾朋友⋯⋯

朝早九點半，同個小朋友去到佐敦，忽然落大雨，為咗唔行出去比雨「dup」， 喺恆豐中心行行下聞到好大陣麵包香味，原來係一間餐廳， 就坐低食埋個早餐。之前喺屯門見過㗎啦，可能搬咗去佐敦睇過餐牌有啲似新加坡阿坤，又係咖椰多士同半熟蛋， 就叫咗個餐再坐低。可能時間已經過咗繁忙返工鐘數，所以唔太多人，地方係好舒服同寛敞乾淨-嘢食10分鐘內就有，有個號碼牌俾你，所以有專人攞個餐上枱！麵包即叫即烘，啲醬亦都非常好味配埋個半熟蛋， 真係好地道。可能偶然一次呢啲新加坡早餐會比茶餐廳嘅更加正！（我亦都好幸運係落雨嘅時候遇上）小朋友都食到， 雖然冇BB櫈， 而座位都OK—輕輕鬆鬆避雨食個靚早餐！舒服～^_^回頭率：100%地方都好大， 如果下午食過叻沙， 相信係好選擇💕

唔熟悉佐敦站附近，唔知去邊搵食，行下行下，隨便就入咗呢間Killiney。佢個位址好獨特，位於佐敦恆豐中心低層地下，稍為低於行人路少少，玻璃外牆，D行人可以向下望到入嚟。落到去見人少少咁，有少少擔心佢嘅出品。有叻沙，有飯可以選擇。但似乎以叻沙比較主打，所以選擇叫叻沙，佢D餸菜粉麵可以自行配搭，好似車仔麵咁。可以揀米粉、米線、公仔麵等等，仲有其他配菜。落完order之後有個牌俾我，佢會送餐過嚟。老婆自己配搭，佢話有落錯單，多咗野，收多咗幾蚊，而且無跟餐配飲品，或者跟餐叫飲品有得優惠。但仍叫咗一杯奶茶。我就選擇咗佢預設嘅幾個叻沙之中嘅牛肉叻沙。味道相當濃郁，或者應該話過度濃郁，個湯底食下食下幾乎變成糊狀，有點倒胃口。個麵都算足料，但無乜邊個配菜比較出色。奶茶味道不錯，但性價比較低。總括而言，由於味道、性價比等參考因素，如非必要唔會再嚟。

教完鋼琴後好肚餓,屋企又住得遠,近近地見到Killiney 就入了去食個晚餐。可能因為天氣熱的關係,都想食少少辣,我就選了一個芝士叻沙。芝士都幾多,加埋米線一齊食好香!個叻沙入面有魚片頭, 蟹柳, 豆腐卜同埋雞蛋吸收了叻沙湯好入味!個湯底最讚,好重椰香味!我都忍不住飲了好多湯...味道真的很不錯! 可惜份量少了一些,我覺得如果咁好味的湯,多少少米線即使係女仔都食得晒!環境都不錯! 好鍾意周圍都好寧靜的感覺,可以自我放鬆一下。