吉倆野

在荃灣附近工作，地方一帶幾乎都是必經之路。做食肆小食的不少，留意了吉倆野很久了。今晚總算停下來一試，也令我前後試了三次。基本和進階的分別可當作是小碗和大碗的分別，後者再加豬紅。但老闆唔賺錢，大方得很，基本版麵量多，大男人也夠食，可以點少麵。也想試炸脾，但近來年紀大了，油膩炸嘢要減少。後來跟店主聊天，炸脾即炸，有心人士不妨一試。其他小食。現點現做，等十分鐘左右差不多。第一次食牛肉牛丸。首先用料豐富有誠意，通菜有單才取所需沖洗。用料有牛丸，貨式並不求其，有肉汁有牛味。牛肉並不是最平個種一層肥一層肉，有肉味肥瘦平衡。豆卜索滿湯汁。豬皮是買貨，但新鮮無油味，香，有點睛作用。芽菜。芫茜，辣醬增味提香。湯底相當有心機，有花時間煲的厚度，層次沒有大量豬骨中藥做不到的效果。九層塔有點睛的味道，令湯底味道多一點清新。成碗湯飲唒，無味精，舒服。河粉份量大，在外邊幾乎可做兩個order。第二次點的豬肉丸，食物出品質素相當，店主把關得相當好。第三外賣，唯一不足是必須滾熱個湯再食才可以食到原味，還是堂食較好。整體而言，46元，相信成本已佔至少一半，你能說不好食嗎？現今香港已沒有多少店能如此用心做食品了，可惜只到今年十二月，各位食客留意了。…查看更多

呢排抗疫少出街，通常晚餐都是屋企人放工買回來，最近試過一家小食店我忍唔住叫呢位屋企人再encore, 事源呢家嘅雞髀好讚，經常賣到缺貨，所以我未有緣食雞髀前已經試咗佢哋嘅炸蝦，啲蝦即炸，脆到連蝦殼都食到！除咗炸蝦另外仲叫咗炸生蠔，蠔保留到鮮味。所以買雞髀之外我都推呢兩味小食，反而芝士薯條麻麻，唔夠脆，薯仔唔算十分靚，可能外賣拎到返屋企凍咗影響質素。然後今日終於食到雞髀嘞，聽講脾size都有分大細，一睇我呢隻就係大！好好食，我真係想日日買…查看更多

夜晚9點幾同老公一齊收工忙到晚飯都無時間食🤮行到嚟鱟地坊呢頭都成10點見個鋪面癡咗好多好似九龍皇帝書法嘅字個名又好得意於是就坐低試試佢😂-鋪頭細細基本上係坐吧台咁不過食街坊嘢有得坐低食已經好好我哋2個人叫咗個足料碗仔翅同一份9粒嘅炸燒賣講吓個碗仔翅先基本上我係望住老細整😂因為座位同厨房只有一塊玻璃之隔見住老細將個翅底喺平底鑊度兜吓兜吓個翅就愈嚟愈杰身一路等一路流口水🤤終於有得食喇!真係好足料好多素翅同冬菇絲杰得嚟又唔會漿到實晒質感剛剛好-炸燒賣一上枱已經俾我哋即刻擺入口(好熱其實😂)相都唔記得咗影我哋揀咗辣嘅口味有少少燒賣嘅甜又有少少辣新鮮炸起脆卜卜外脆內軟勁正-街頭小食唔一定係劣食呢度就好睇得出係用心製作老闆(應該係老闆我估😂)仲鬼死咁好禮貌下次再嚟試埋個雞髀先!…查看更多

讚1. 服務幾好，有個載Cap帽既，笑容勁好，初時點左炸雞脾，佢同事整到一半，佢返黎一望就話要再整話，話果隻太細隻！驚做壞招牌，所以寧願再炸過2. 碗仔翅足料，好味，無乜味精感，的確係貴但亦的確比區內其他對手好，雞脾係處理得好，皮脆，肉入味，整體係好彈1. 環境同坐街無分別…查看更多

年三十晚的一個晚上， 阿女突然間想食車仔麵， 途經一間 食炸雞髀炸燒賣好出名嘅一間小店， 老闆一家非常親切， 鋪頭已家庭式 營業， 阿咗三個嘢食第一個炸燒賣， 炸燒賣再加上蜜糖呢一個係非常絕配嘅小食小朋友大人都食到津津樂道， 另外就嗌咗個陀地三寶 當中有腸粉燒賣魚蛋， 魚蛋採用咗陳皮魚蛋非常惹味， 用咁嘅價錢食咗啲咁好食嘅嘢香港好少有大家值得去支持小店， 今次仲嗌咗一個車仔麵當中有蟹柳腸仔同埋魚蛋 啲腩汁同個 湯底係自家淆製冇落味精， 所以小朋友都啱食， 老闆一家人非常好看非常親切。 大家 支持 香港小店…查看更多

從來未試過食一隻雞脾可以有一種大大滿足既感覺，看得出老闆好用心去煮出來，我仲買左一碗車仔麵外賣比老公，佢一邊食一邊問我（邊度買？）牛腩牛筋噤鬼好食既😅我笑左囉😂…查看更多