合利酒家 (已結業)

初五, 我的開工大吉日仍然未到. 而太太又應了舊同事的邀請, 帶BB回去舊公司拜年. 而我, 放低她們後, 就先行去搵食. 本來齋好介紹我去一家她常去的樓上食店, 可是人家生意興隆, 年12才開工. 於是我就Back to Square 1, 去飲茶.連鎖酒樓到處都是, 覺得沒什麼意思. 記得每次搭車經東隧過海, 經過觀塘時, 好明顯的有一家比較舊式同比較local既酒樓. 這, 就是本人是日觀塘行的首要target. 新年流流, 而且是紅日後的第一個返工日. 一上到來, 全是公司/工廠同事, 開工團聚的午餐飯局. 成間野, 大檯就一定要等, 細檯一、兩個人, 就唔駛等, 直接有張細檯坐. 這兒, 帶點老式的服務, 點心不用剔紙仔入單, 是直接去到點心檔仔, 自己揀. 多了一番舊時的風味. 太太未來, 我一個人先去拿自己份量的點心. 看見金錢肚蒸得幾靚, 同剛好搶到呢一輪點心既最後一籠燒賣. 我先埋位, 慢慢嘆茶, 嘆點心.金錢肚, 的確是好靚,好味美. 濃濃的醬, 腍腍的牛肚. 是舊派既點心師傅才會落咁重料. 豉味重, 椒味香. 非常之傳統, 非常之好食.燒賣, 肉粒夠哂大, 肥肉同

在公司對面的舊式酒家，由外到內都很懷舊，步上二層迴形樓梯，便到大廳。每每是在午飯時候光顧，故甫進去即見臺臺大漢（因為大件又抵食的緣故），此平常在別處少見之景觀。而酒家以點心自取的形式運作，便拿張點心咭去挑選點心。打開蒸櫃點心籠蓋，每款都是熱氣騰騰的。在這裡可吃到水準不俗的懷舊點心，而本人常吃的是燒賣、蝦餃、芋頭糯米卷（糯米軟度適中，包著軟薄芋頭皮。但不常出現）、香煎馬蹄糕（煎的時間恰到好處，表面焦香）、香煎腸粉、乾炒牛河（午市特價粉麵之一，河粉滑但稍油）等。別有昔時風味。

老人院探完麻麻,搭車返觀塘食午餐,媽媽話想飲茶,最後選擇妹妹極力推介的這一間超舊式酒樓,無論地方和枱布都超舊,令我想起細個在灣仔的中國大酒樓啊!注意這兒係無人推心車仔,劃點心紙sorry一樣無,如果要食點心麻煩自己行去點心枱自己顧自己,有點心姐姐幫你吸印.由於相同點心籠唔會疊在一起,所以每次去到張枱都要逐籠揭起才知是甚麼點心.蝦腸:腸粉拉得好滑,充滿米香只是實在有點淋,蝦彈牙略嫌細隻蝦餃:蝦餃皮唔算薄,蝦唔霉又夠大隻,好味燒賣:豬肉唔會太死實,夠彈性鳯爪:汁勁好味,鳯爪又夠淋,最重要炆得入味.糯米包:糯米包的糯米唔夠煙韌,太過硬,也太過油,唔好味道臘腸卷:實在太耐無食過,臘腸卷的臘腸好香,包也夠軟熟,好味道.味道還可以,雖然話地方舊唔代表價錢便宜,三個人食七碟加茶錢也吃了一百廿十二元,因為呢度係特價下午茶啊!相對上價錢會貴一點啊!服務:除了有人幫你開茶外,甚麼也要自己做,如果慣性俾人服待的話,請別去這裏小提示:這兒有電梯和樓梯行,見議行樓梯唔好搭電梯,因為電梯有異味,行樓梯好過,反正也不是要行很多層數,臨食飯之前做個活動也不錯,可以開胃點啊!

昨天跟同事一齊到此午飯，十二点八到已全場爆滿，幸好有人埋單，文刻急步走去霸位，因為太餓立刻去点心阿姐到攞食物，阿姐D態度就麻麻地，可能人太多，第一round 取了蝦餃，鳳爪，生煎飽，立腸卷…全部食物都是水準以上。第二round取了燒賣，牛肉，棉花雞，糯米雞（一籠竟然有兩隻，是糯米雞，不是珍珠雞）最後整多碟星洲炒米，食到一件不剩，埋單都是一百七十一！！！

又黎哩間酒樓, 都幾耐冇黎過, 今次黎都係食佢個客飯客飯係印o係另一張紙度, 而張紙係放o係一入門口o個個位, 台上面係冇.通常客飯餐有8-10款揀, $30-$32, 有埋湯今日一入到去就問左我地兩次要唔要冬瓜盅. $68, 都係唔要啦, 依家周圍d 酒樓都賣緊平價冬瓜盅, 食到唔想食.我地都係叫返客飯, 3個, 叫左迷你福建炒飯, 梅菜蒸鯇魚, 豬扒炒公仔麵哩d 客飯一d 都唔細碟.迷你福建炒飯係一整碟, 一d 都唔迷你, 都唔知正常既size 會係點囉, 我已經覺得迷你係其他鋪頭既正常size炒飯底炒得乾身, 獻汁唔會太多, 係d 料少d 蝦.梅菜蒸鯇魚, 仲有一碗超大碗既白飯鯇魚好似比上次黎o個舊細左, 但都夠5人食啦.d 魚啖啖肉, 魚骨都係大大條, 唔駛驚細魚骨, 不過魚肉未必夠滑梅菜有d 蔥花, 撈飯一流豬扒炒公仔麵豬扒醃得岩岩好, 夠林, 而且煎得幾惹味.炒公仔麵豉油夠入味, 炒得夠乾身, 夠彈牙! 最愛!!最後再送碗糖水. 紫米露好多料, 多紫米, 冇乜糯米. 夠杰身, 但絕對唔會好似打獻咁. 又唔係好甜.埋單$101, 絕對抵食!

原本諗住去明星食填鴨, 但好似冇左個promotion, 所以黎返哩度今日$30 既客飯套餐有京都豬扒豬扒同洋蒽都夠林, 汁入岩岩好唔太酸, 不過哩d 餸正常餐廳都幾難整得難食既生炒雞絲飯 $3x, 侍應拎住碟飯唔知邊台order 左又拎返入廚房, 過多陣有另一人送黎d 生菜甜甜地既, 好爽脆, 雞絲都好多, 絕不孤寒不過d 飯就炒得唔夠乾身, 冇乜鑊氣斑腩炒麵$4x, 其實我對哩度d 斑腩都冇乜好感. 今次好過上次啦, 起碼林先炒麵真係好好食, 好脆, 食完個碟都唔會成個底係油是日糖水有綠豆沙同渣渣, 食左綠豆沙, 幾清涼, 仲有少少海帶

晏晝o個餐已經好飽. 夜晚又要同屋企食飯. 例牌黎哩度4個人都係叫左兩樣野咋個豆付斑腩煲唔係好得. d 魚有雪味同硬.牛肉炒麵多左油同獻汁, 冇乜脆麵, 牛肉夠林冇筋.有紫米露送. 煲得幾林. 仲有d 糯米o係入面平時都係叫開哩d 野, 但唔知係咪母親節太多人黎食既關係.d 野食都整到冇乜誠意咁, 但平時真係幾鍾意食哩度係炒麵.