叻哥茶餐廳 (已結業)

收工已經超級肚餓....滿心期待之前係度食過既以標籤以鰻魚為主題既鰻魚雞軟骨炒飯。(75大元一個架💸)一坐底已經決定要食....於晚上9點42分已經落左單，點知糖水黎左食完到10點10分都未有 心諗要炒係耐啲 值得等既🤔點知個待應無喇喇過黎拎走張單(乜都無講)可能廚房無人識炒既關係，要叫坐係我地後面開緊會既一位入去。雖然我問個待應我個飯係咪剛開始炒 佢好老實話係。但入左單咁耐，會唔會過左差不多半個鐘先發現🙄🙄都算喇 到個飯黎左，徹底失望👎🏻成碟飯得左上角幾粒仔鰻魚🙄🙄🙄我記得第一同第二次食既時候唔係話多，但合理，對得住呢個價錢。而且果時味道好好，賣相吸引 ，未食已經聞到鰻魚汁味。感覺係真係用鰻魚汁炒 所以咁入味。而今次我只能說，好似食緊白炒飯加幾滴是油。我之前話呢個飯75蚊都值得食，依家送俾我都唔食。其實一開始我表妹食果個 夏威夷雜果涼粉西米露都係一個伏 話明雜果，但得一粒菠蘿粒，小許涼粉 (忘記拍照)雖然物價膨脹得好快 但鰻魚炒飯無鰻魚，雜果西米露無雜果真係太令人失望了👎🏻👎🏻👎🏻👎🏻👎🏻👎🏻👎🏻👎🏻

燉奶佬集團旗下食肆水準應該有返咁上下下午茶時間2:00點左茄子豬扒炆米加熱檸水$45貴價下午茶炆米濕左少少無乜鑊氣，有待改善豬扒有厚度，口感十足茄子加左少少咸魚好香，十分惹味可以八達通俾錢，好方便

一個人唔知食乜？結果去咗叻哥。見到餐牌上有多款套餐，我揀咗咖喱豬扒飯！我估應該不大問題，點知非常失望 ！！！咖喱味道淡而無味！豬扒粗鄙！肉質無味！唯一只係，有湯，咖啡，套餐而宜從未試過餐廳竟然質素差差！以後我一定不會再幫襯！

好好食, 有韓國餐廳水平~公仔麵配泡菜, 啖啖都好有濃郁既泡菜味配芝士醬, 唔係芝士,凍左都唔會變香口膠~d雞都ok, 外脆內軟, 唔係特別滑~成個麵感覺好邪惡, 好好食~

今日在第一城經過見到這店等位的人不多，所以試這店。我點了午餐咖哩豬扒飯配凍啡，凍啡先到，咖啡未不濃而家唔係好凍，但不算難飲。咖哩飯，白飯係一粒粒但冇飯味，不過夠熱，此飯撈汁食都係頗一粒粒硬硬地。伴碟椰菜又凍又硬，一定要撈汁先得。咖哩汁好熱，有好幾件薯仔，薯仔入曬味好食，豬扒係碎上，肉質唔算好鞋，不過唔入味因為佢應該將煎豬扒切件後放入咖哩汁內。咖哩好辣，有洋蔥碎底，不過就冇咖哩香，可能因為太多辣油。食食下發現咖哩汁有通粉碎

正如這家店的名稱一樣, 茶餐廳會有好態度嗎? 怎樣也想不到這裡的遭遇比一般還差!一進去知道要搭枱, 就有點遲疑, 因為這家店的枱全都很細, 所以所有兩個進去的熟客, 都一定會打斜角坐, 以防有被搭枱的機會.此外, 這時正好有三張四人枱都沒有人. 所以我就問旁邊的待應, 為何有人不需搭枱, 兩人坐四人枱, 而我就要搭枱?他就想了一會說, 因為他們進來時人不多.收錢的阿姐更加把口, 說還有很多人要進來.好吧, 我和太太最後都選擇了另一張暫時沒有人的枱坐下. 看完餐牌, 點菜. 點了太太的, 然後到我點的時候, 甫未講完第一個字, 剛才那個收銀阿姐突然大聲疾呼, 朝我們正在點菜的待應大叫, "他們的枱要搭枱!". 然後那個待應就立即打斷我, 對我說, "你張枱要搭枱"核突得要命, 那會有人點菜的時候打斷客人點菜?事後再想, 他們另外一個意思可能是說, "不想搭枱就不要再點菜, 走吧"不過當時太累, 又太肚餓, 所以沒有聽明白, 所以繼績點菜.我叫的是豬扒炒米, 是很鹹的豬扒炒米, 可能當時有喝檸檬茶的關係, 我還頂得順, 同時因為累和餓, 顧不了很多.事後發覺, 這個鹹在喉嚨纏擾了許多個鐘,

已經好耐冇幫襯, 今次幫襯返, 感覺都係一樣.........咁"凍", 無論坐邊個位, 個冷氣都係咁大, 今次坐近玻璃邊位, 好似冇咁凍...........講返食物, 好似多咗好多款式種類咁, 多咗好多麵類, 不過是晚好餓, 都係食返D飽肚的炒粉麵飯~  豬軟骨炒飯睇豬軟骨個樣好似好硬咁, D軟骨仲係白色, 但食落又唔係咁硬, D軟骨都咬得到, 但個豬軟骨好似同D炒飯格格不入咁, 可能佢大粒, 硬係覺得炒飯D料應該切到細細粒, 雖然好似冇乜咬口, 但容易同D飯混埋一齊, 成個飯偏油, 又淡味~  星洲滑蛋海鮮炒河仲以為係乾炒, 原來係濕炒, 但佢個河粉底係先炒到好似星洲炒米咁, 黃黃地色, 然後再响面淋返個滑蛋同D海鮮, 不過冇乜海鮮, 只係幾粒蜆仔、魷魚粒、蝦, 反而雞脾菇片仲多~  熱好立克+熱檸水正常飲品, 唔需要特別講

想食個早餐姐，收得貴都算，仲要咩都限住哂，淨係有得揀咩一款兩件，即係冇得火腿炒蛋，腸蛋炒蛋，淨係可以炒蛋炒蛋，腸仔腸仔，都唔知咩解究。最尾迫住嗌麻辣米線，個場又唔辣又唔麻，都唔知點解叫麻辣。d配料味道都一般，鹵水蛋，豆腐都冇乜味，同個米線好唔match。個米線早餐收$29,lunch收$36,擺明呃錢。

29-10-2013(Tue),女友人VL約我前日食lunch畀o野我,咁o岩我啲同事讚呢間啲o野幾好食,於是我同VL搵呢間.終於搵到喇,o黎到係差唔多12:45pm,慶幸重有位,坐低後即刻有人等位啦.VL要o左$40.00o既喇沙肥牛肉湯米線,加$2.00要即磨咖啡,我要$43.00o既馬拉盞海鮮炒烏冬,加$3.00要凍華田.好快兩杯o野飲同我o既馬拉盞海鮮炒烏冬到o黎,我o既凍華田咁深色,都知應該夠味,答案係夠味.VL o既喇沙肥牛肉湯米線都到o黎,我o地食喇.我o既馬拉盞海鮮炒烏冬好夠味,海鮮中有魷魚,蜆肉,蝦同魚塊,雖然唔係話好多,但都唔算少,鳥冬軟硬度亦適中,冇乜問題o 既.而VL讚喇沙好香,豆腐乾食到啲甜味.佢杯咖啡就好熱好熱,熱到要慢慢飲.環境:好迫,凳係背貼背o既.

今晚晚了落班，只好回到屋企附近餐廳用膳。叻哥已在第一城多年，食物質素、服務一直一般，但價錢未算好貴，勝在款式多。 但今晚食果餐絕對係食物質素非一般地....差！我叫左個地獄豬軟骨鮮蝦炒飯+奶茶。因為人少少，個飯好快黎。個飯黎到，睇落都唔係好靚仔，D飯好濕一part 野咁，可能落左XO醬既關係啦。不過食落更驚喜。1. 豬軟骨有4、5舊，但有2、3舊係淨骨。鮮蝦共有1大隻咁多。2. 地獄我expect 會好辣，但XO醬辣極有限。重點係個廚落左極極大量雞粉 / 公仔麵味粉，鹹到爆，可能手震既關係，連碟邊都有D白色粉末！食完之後，先明白「地獄」係話個飯會食到好似落左地獄咁辛苦。我頂左半碟，番屋企飲左2大杯水都仲係好口渴。$47 一個咁既飯，連7仔$1X 飯都不如。咁既舖頭，Blacklist!

度度都勁等位，見叻哥唔算太多人，就埋去等位。等左一陣就有得撘枱，卡坐本身已經超迫，仲要撘枱，啲食物一次過上，食唔切，擺到成枱係，繼續上野嘅阿姐見無位擺，換來“汁”聲，更示意食快啲，即時對此餐廳印象大減。午餐加六蚊可以揀餐飲或餐湯，要左羅宋湯，好大碗，好多料不過略浠，味道正常。另一個加左熱檸茶，好苦，茶太濃。豬扒喇沙湯河。豬扒已切，方便入口。有四件，薄切，食得出用左好多鬆肉粉，味道一般。河粉太淋，而喇沙湯底頗淡，完全唔似喇沙味。油豆腐同半隻滷水蛋則唔錯，為呢碗野加返啲分。海鮮喇沙湯河。感覺同上，味道一般。海鮮方面有蝦兩粒，魷魚一粒，蚝肉三粒，魚柳一塊，全部係冰鮮野，一啲鮮味都無。唔難食但又唔算好食，價位一般，係無其他選擇時都可以考慮嘅。

一早同媽媽去完醫院, 打算在第一城陪佢搵間好少少既餐廳食個BRUNCH...左睇右睇.. 睇埋openrice再睇埋舖面都選唔啱..行行下唔覺唔覺都已經11:00有多..好多餐廳都陸陸續續換上午市既餐牌~咁啱行過一間餐廳, 媽媽見到個米線海報好似幾吸引好想食, 就陪佢入去啦~入到去我先發現原來叻哥係燉奶佬集團的... my god... 食過一次燉奶佬以後已經決定blacklist佢架啦.依家去佢旗下既餐廳.. 真係無乜期望呀..只係無諗過可以咁差啫..野菌米線野菌好有草青味, 至少俾人感覺唔油膩既..但係啲米線真的完全唔OK... 已經淋到入口就爛既地步了...連少少咬口都無..粟米火腿通粉我點了份魚柳早餐外加通粉, 通粉先上。我對通粉唔在行, 因為少食, 媽媽佢平時食得多, 連一向唔嘴饞食得唔好嘥既媽媽都叫我唔好食啲通粉..佢話啲通粉係浸左好耐煲左好耐再翻雪再番煮的, 仲要翻煮得唔透, 已變霉了...聽佢講完後我再咬多一口.. 真的.. 霉霉爛爛...又係沒有咬口的..粟米係經冷藏過既無味粟... 魚柳蛋餐包配烚菜最可取是烚菜和魚柳了....魚柳很薄, 炸得脆脆熱熱的, 不過咁薄既

好耐冇幫襯過佢, 一來人多, 二來服務一般, 但已經食勻成個第一城, 成日重複食果幾間, 食到有少少悶, 所以今餐又返嚟試試, 睇下有冇改善............估唔到係冷氣依舊太凍, 服務依舊麻麻, 不過如果間唔中嚟食下, 都尚可接受的~~唔知係咪太耐冇嚟食, 突然覺得佢好多選擇, 花多眼亂, 最後決定食中菜, 但又要响中菜的十幾款餸入面再選, 真係有少少傷腦筋................諗完食乜都冇用, d伙計唔知去哂邊, 想搵個人落單都冇, 見到有人, 佢又扮睇你唔到, 終於有個肯嚟寫嘢, 但都等咗幾分鐘, 一間小小茶餐廳啫, 唔係咁都冇人呀? 青紅蘿蔔湯開頭都唔知係乜湯, 但一碗只有紅蘿蔔, 一碗只有青蘿蔔, 所以夾埋一齊就係青紅蘿蔔湯喇~~ 味道唔算太濃, 但都叫做OK, 如果冇落味精的話......... 瑤柱粉絲雜菜煲熱辣辣的, 上枱時仲喳喳聲, 仲以為好大煲, 但原來個煲仔好淺, 只裝到2舊西蘭花, 幾片椰菜, 少少粉絲, 碎到差D睇唔到的瑤柱, 2棵得1/4梱的小棠菜, 幾條仔翠肉瓜, 咪以為好多料, 其實全部細細件..............個湯仲有少少腥味,

We arrived at the Owl Hour, ordered the pork chop rice noodle with egg from the menu...Not too long, it arrived... we tasted it and found out that it was very very salty... >_<The egg yolk was soft and not well cooked.. well, some people might like to have it.. that's ok..but the salty taste is... close to sea-water... that we need to order a cup of hot water to wash the food in another bowl first before we tasted it..Nevertheless, about the pork chop, it was salty of course, but no text

之前的食評說過在第一城的金裝燉奶佬有多不濟，又看看這間叻哥如何。位置是較差的，所以不用排隊。坐下，見餐牌上的雙蛋豬扒飯幾吸引的，就要了這個。五分鐘左右就到了。賣相很不錯，有兩隻細細的太陽蛋，加上要了豉油汁底，撈起來是好味的。也如介紹牌上，有兩塊薄薄的豬扒碎上，豬扒既然薄，就不用在用化學物吧，但這裡是有用一點的。不過，份糧也多。當然，和價錢是成正比的。怎看也好過同系的燉奶佬，對嗎？