影片
沙田石門的京瑞廣場，近年來已經成為了一個美食天堂。各式各樣、有平有貴，而且幾乎各國美食都可以找得到。這一次，我來試一間在疫情前不久才開業的台式餐廳《台豐台灣美食》。趁這一陣子開始冇咁忙，而且又開始習慣了在疫情下的世界生活。直至今年10月才來一試。可是，11月尾執筆時，石門的這一店結業了，現在應只剩天水圍的一店了。食台灣菜，我最喜歡的就是台灣的牛肉麵。所以，我第一次來光顧，就要了一客紅燒牛肉麵。濃濃的牛肉湯，帶著牛肉的香味及獨有的甜味，配上非常香滑的麵條，可真是好味道。而牛肉是厚切的一片片，啖啖嫩滑香口。真的想連肉、連麵、連湯、蛋、蘿蔔等全吃啊。改天來，我決定吃飯。而台式飯中，我比較欣賞的有肉燥飯。於是，我就點了一客雞排肉燥飯了。香煎的一大脆皮雞扒，單是看就已經知道是一個會令你我感大滿足的東西。在面層的雞扒好食，在底層的肉燥飯也表現不錯，肉燥不多但足夠令你感覺到，啖啖飯有肉香。兩次來，我都點了台式的特飲。其中一個是愛玉水蜜桃紅茶。茶加上水蜜桃，香甜的味道可以說是更勝檸檬茶，再加上有愛玉，多添了一些東西可以咀嚼一番，絕對是可口解暑的一杯。另一個嚐試的飲品，是青蘋果汁愛玉乳酪。出來的卻是青BB 的一杯東西，令我相信，那所謂的青蘋果 syrup，色素的成份應該幾重下。飲落，的確是有蘋果味，也有乳酪的酸味道。在味道上，的確是夠好的，但顏色就令我感覺怪怪。算是一間經濟實惠的台式餐廳，食物雖不是頂呱呱，但夠台灣味便可。而且，簡簡單單的店，令我回想起在台北出差的那一段日子，中午同同事常去的地方，都是一樣的格局啊。此餐廳在中午常常座無虛席，結業，相信是石門一帶的晚市欠缺人流的原固吧。
繼續閱讀
石門呢帶好多唔同既餐廳..見到呢間新開冇耐既台灣美食..忍唔住去試試先！有各式各樣唔同既肉燥飯..但我竟然就比個霸王雞吸引左朋友叫既豬軟骨肉燥飯..肉燥份量都多….足夠撈到成碗飯….豬軟骨夠入味同腍。薑葱霸王雞黎到份量都多..雞肉都滑差不多有一碟例牌既份量而個底就墊有大量芽菜雞件如果濃味小小會更好最後台式野又點小得杯珍珠奶茶🧋珍珠都夠煙韌..不過茶底就覺得偏甜左D….轉食台灣野黎講呢度就不過不失
繼續閱讀
下午茶時段黎到石門，簡左呢間台豐台式美食做我既lunch.. 嗌左呢個雞扒肉燥麵，因為係湯麵既關係，肉燥好快就散開晒搵唔返 麵質係okay既，少少咬口，唔會好粉。亦有生菜配住上，幾好。雞扒方面就一般，冇咩驚喜。跟餐價既呢杯珍珠奶茶就係十年前既珍珠奶茶味道😂 十分甜，糖份十足，飲左幾啖就放棄了。建議可以嗌佢少糖總結而言適合平平地填飽個肚，有d花款又唔洗成日食茶記 飲品記住小糖/微糖評分:環境 ⭐️⭐️味道 ⭐️⭐️⭐️舒適 ⭐️⭐️優閒 ⭐️⭐️回頭 ⭐️⭐️
繼續閱讀
珍珠奶茶香精味勁濃，飲一啖就想嘔......飯又一嚿嚿真係唔好去食😩食過最難食嘅一餐🤢🤢服務態度又差仲食到我肚痛......第一次食到咁伏嘅......🤮🤮隔離位仲話佢個豚大腸係凍嘅😦
繼續閱讀
成日行過見到呢間食台灣野嘅鋪頭，於是膽粗粗入去試下。所謂招牌牛肉麵差唔多六十蚊碗，話貴唔貴，話平唔平，點知碗麵臭臭地，一陣鹼水味，d牛肉韌到咬唔開，鹽酥雞又乾珍珍。如果無心做食肆真係唔好做，呢間野d食物難食到簡直係對台灣美食赤裸裸嘅侮辱。
繼續閱讀