台灣麵

營業中

休息中

元朗既台灣菜選擇不多，偶然經過試下呢間先。格局同服務態度都與茶餐廳無大分別！紅燒牛肉麵既牛肉夠腍，合格如果個湯底再濃d同加多1條菜就更好啦跟餐送熱飲或凍豆漿，凍豆漿無加冰，淡淡豆味不算太甜。朋友則叫左個肉燥豬頸肉飯，珍珠米飯粒飽滿軟熟。可惜肉燥好少唔夠喉，而且豬頸肉唔夠腍，唔夠入味，唔好食只勝在米飯大大碗份量足。跟餐+$4杯胚芽奶茶，一d茶味都無，而且好淡，可說是成餐飯最最差既東西

同家人到台灣麵嘆個下午茶先！叫咗三個茶餐，我就食個咖哩鷄扒飯，咖哩汁好香，醒神又開胃，飯係選用珍珠米，又香又軟又夠熱，一粒飯都冇剩！餐茶就要咗杯熱麥香奶飲，燕麥又香又健康，熱飲就更正！

看到這張照片，大家有沒有少女心爆發呢？最近很流行這種星空飲品，紫紫藍藍的顏色像銀河般夢幻，用餐心情也好起來。這杯是藍蝶花冰糖雪梨汁，紫色的部分是藍蝶花，其實它是沒有味道的，所以喝起來只有雪梨味。飲品清甜很消暑， 配合蘆薈粒更有口感！星空飲品還有多款配搭可以選，而且只要惠顧任何麵或飯餐，加＄8 就可以轉飲！！其實我最想試荔枝藍橘水果茶 （藍＋綠色那杯），可是當天已經售馨，下次一定要試。如果不喜歡星空飲品，也可以選其他台式飲品，如珍珠奶茶、綠茶。和星空飲品一樣，只要叫套餐，就可以以優惠價加一款小食，有多款可以選擇：例如酥炸花枝丸、肉燥時菜或皮蛋豆腐。先來一個小食涼拌腐皮絲 （＄19），夏天最愛吃涼拌菜，可以先開開胃。除了腐皮絲，還有火腿，滿滿的麻油香。愛辣的朋友可以加一點辣油，更惹味！這道紅油抄手（＄32)，與一般的很不同，不像其他店只淋上辣油。店家用了浙醋，增加了一種酸酸的味道；皮夠薄，而且肉和菜的比例剛剛好！推介*標題說了這餐廳可以一次滿足3個願望，除了星空飲品和小食，第三樣就是這個雙格雙排餐！意思就是一個碗內可以選兩款主菜，很適合"三心兩意"的我。我選了AA餐 （＄60），有台灣紅燒

今日突然想吃台式食品，就想起這家在附近的台灣麵。餐廳頗大，午餐時間也有很多人光顧。點了個紅燒牛肉麵(辣的)，麵條是台式粗麵，麵質偏腍，但不是那種一夾就斷的麵條，是因為該種麵的特質是偏腍的。而今次的辣度也頗辣的。牛肉份量不少，以肉為主。但這次的牛肉肉質太腍了，失去了口感。肉質筋腱層次分明。但由於太腍的關係，失去了兩者的口感。

以前未暫停食牛肉之前，都有幫襯佢嘅紅燒牛肉麵，味道質感都不錯。但今次點了過個香酥雞腿麵就真係唔多掂。雞腿炸得很乾，肉質一點也不像雞腿，反而像雞胸肉一樣。麵質滑偏腍, 但還是不錯的.雞腿的配菜感覺只是白烚, 沒什麼味道可言.芒果乳酸偏甜

啱啱去探完朋友, 行過見肚餓就入咗呢間舖頭食野. 呢間店主要Serve 台灣食物, 我叫咗個滷水蛋豆腐肉燥面. 以下午茶黎講, 呢碗面的份量都幾大, 而且配料好充足. 可惜佢個湯底同埋配料味道不足. 滷水方面, 只有外層有少許味道, 咬到落去已經無味. 而湯底就好清, 飲咗一啖試下只有鹹味, 味道一般.幸而飲品珍珠奶茶唔錯, 幾香幾滑. 而價錢都好抵食, $32一碗面+$4有台式飲品, 不設加一. 性價比適中.

台灣既面多以鮮甜上湯、濃火煮稔既肉再加上爽口彈牙既面。台灣面係呢幾方面都做得幾好，一碗紅燒牛腩面，湯汁濃稠鮮甜，淨係睇同聞已經感到當中用左既時間同足料。面非常厚身，索晒d汁入去，條條都鮮甜。牛腩慢火煮稔，一d都唔靭。雖然份量偏少，但味道的確唔錯。

最近開多左好多新食店，好耐無黎台灣麵了，今日行開呢邊，就食佢啦。叫左肉燥茄子飯，賣相實在奇差，茄子跟肉燥就快跌出碟外，而且碟邊全部係汁勁污糟，想張碟野拉近啲啫，掂完成手係。味道ok，飯亦大個，但不太夠熱，敗筆。厚多士餐要廿八，我覺得有點貴，塊多士一啲都唔厚……朱古力醬幾好味，好彩呢個夠熱有番啲誠意。薑汁香茅，杯芽奶茶兩杯都好夠熱，味ok但超級甜，下次都係飲番凍飲。

早餐：雞扒、餐肉、炒蛋、方包、熱咖啡雞扒兩件，可能現場吃是一塊長長的，外賣才會將其切開兩件。但雞扒又乾又鞋，肉汁少，而且煎過又乾又油膩。餐肉一樣，雖然煎過香口脆邊，但相當油膩，吃過打邊爐午餐肉後，回不了過去，吃到煎午餐肉，只會想起火鍋時，滾水煮午餐肉更美味。煎蛋滑但油膩，吃到有點油光，不健康。三十元早餐，質素低於水平線，不宜再吃。

其實一向都有食開呢間舖頭，食物方面，由於而家小朋友大左，要叫多一個飯比小朋友食，所以叫一個肉澡飯，我見到個肉澡飯，真心的以為我自己叫左一個白飯，一碗白飯，只係上面加左好少的肉碎和肉澡汁，同店員講，個店員話我地既肉澡飯比較油少肉碎的，當時我聽到都無言以對，後來的台灣牛肉乾拌麵都很咸，椒鹽排骨乾拌麵很干和很硬，其他的都可以，最後我們5個人(4個大人，1個小朋友)桌面有四碗麵一碗肉澡飯，將會四杯飲品送到，店員毫無意識要清楚桌面，要身為客人的我叫店員才懂得要收拾一下，只能夠説一句，我下次唔會再黎！

呢間台灣麵係開業既時候…主打只有紅燒牛肉、椒鹽排骨同香酥雞腿…當年係元朗既食肆未係好多…所以好多時候都當左呢度係飯堂…當年餐牌只得放係枱面上既餐紙一張…時光飛逝…轉眼已開多左幾間分店…款式亦愈做愈多…依家已經係成本menu...不能盡錄…連台式飲品也多左選擇…我地依舊點了老牌款式…牛肉和椒鹽排骨配肉燥飯…至於飲品就選了珍珠奶茶同椰香杏仁露…牛肉還是覺得選原味的好…特別有台灣香料既風味…椒鹽既份量亦合到好處…還有椰菜伴碟…有菜有肉比較均衡…唯肉燥比較濕左d...飯亦太軟…飲品好足料足味…尤以椰香最吸引我…跟餐也只不過係加4蚊…非常抵飲…

琴日同嫲嫲去食 每次食都大約$100 兩個人 價錢其實係貴 但係真係幾好食 野飲都好好今次食左白菜肉雲吞麵 加檸檬綠茶 佢啲雲吞好大粒有5粒 不過等既時間要>10分鍾 因為係即煮等到嫲嫲就黎食完我既野食先到-0-嫲嫲食酸辣麵加豆漿,佢話好好食,酸辣度恰到好處

無特色只為填飽肚，食左酸辣面，碗仔翅既翅變左面，啲蛋花一大片冇打散，仲要同時落既單每碗濃度可以差好遠，想落胡椒粉啲粉又疑似加左料，唔夠味，珍珠奶茶完全唔夠凍，奶味太濃，填飽肚就算，太普通，冇影相

約左老公未夠鐘，於是唸定食乜好，當我考慮試唔試獨當一面嘅時候就見到台灣麵，見裡面都幾大，就行左入去！睇下menu有咩食，好快就俾牛肉麵呢幾個字吸引左，麵都有幾款揀，我就揀左紅燒牛肉粗麵，唔洗5分鐘就上，個湯好夠濃，麵又爽口，牛肉好入味同好軟，而且牛肉份量亦唔小，真係食完 Lam Lam 脷

台灣既美食我成日都好掛住，呢間台灣麵第一次試，款式超多，店鋪超大，坐得舒服。酸辣牛筋腩麵 ~ 睇個名吸引，酸辣湯底 我最愛，可惜喝一口湯超淡，我要自己另加兩大湯匙醋，先似返酸辣湯既味。。。 牛筋腩 夠淋 鹵肉麵 鹵肉好食，肥羔夠香入口即溶，夠大件，好味！串燒肥牛金菇 一口牛 雞翼 ~~ 三串都好淡口，好淡口 俾兩粒鹽我 咩味都無 台灣既口味係重口味，但佢偏偏所有野都超淡，佢應該行健康路線，唔係我要既野。