台灣麵

營業中

休息中

是日同朋友仔一齊想起台灣既美味牛肉麵，心癮一到，一於走去食台灣菜。朋友仔本來介紹另一間，但我嫌等得耐，於是黎呢度。叫了個$148既二人套餐(2碗麵/飯 +3款小食+ 2杯drinks)我倆要了辣同唔辣既牛肉麵各一碗、涼拌貢菜、涼拌醉雞翼+海浙、小籠包。辣牛肉麵辣得過火，除非真係食得辣既人先頂得順，所以我食左1/3就拜拜lu。不過牛展好淋好入味，喜歡佢夠厚，食落有滿足感。然而兩碗麵都夠多油，由於大家都食唔曬，臨走既時候見到湯上面鋪左層凝固左既油，勁嘔心。未試過貢菜既我地，一於膽粗粗地試新野。點知我一試就愛上，鍾意佢夠爽有咬口，好適合用黎送酒。涼拌醉雞翼+海浙的雞翼只能讚其夠大隻，但一d酒味都無，而且雪得有點硬；至於海浙就碎濕濕。小籠包不值一提，似係超市貨色。要了特色飲品，一杯柑桔檸檬，另一杯類似蘋果汁既物體，2杯都勁甜，叫返普通野可能仲好飲。p.s.雖然心癮到，但份量實左太多，連我地呢2個食量頗大既人都只係食左3/5，所以呢個餐根本就係3,4人套餐。

入到元朗同個朋友行街,見到呢間野都幾多人,就入去試試.我地叫咗一個滷肉麵,而我朋友就叫咗雲吞麵. 再加一籠小籠包.個麵餐附送兩杯飲品.個麵都幾爽,而且無咩澗水味. 至於滷肉都幾入味,個雲吞就不過不失既.小籠包個皮太厚, 唔夠熱,呢個唔係咁好.至於個薄荷火龍果特飲都幾好飲 , 可以一試.

噚日本來打算到媽廟路泰國味屋食泰式晚餐，因為道聽途說其食物不錯。到達時剛好為下午6:00早一點，店閘已打開一大半，門口坐著一似員工老婦。再看營業時間始於六時，心想時間剛剛好，逛一圈回來就可以入店 (不過，媽廟路與屏會街一帶，實在無什麼可逛) 。回去見電閘依然開大半，老婦還是無聊閒坐在前，上前詢問一下......原來已經幾天沒有營業！哪打開閘幹又不貼告示；老婦又不知狀況； 幹嘛？失去原來目標，一時甚為失落，不知去向，就打算在元朗一邊思索，一邊再找落腳地方。YY提議轉戰至教育路，去找到此店，因為在別處吃過，也覺不錯。結果，就在此開飯喇。YY說要點乾拌麵，因為她吃過好吃，所以我也跟隨點乾伴麵 - 她點了搞錯雲吞乾拌麵 (對不起，是韮菜雲吞乾伴麵才對)；而我則點了紅燒牛肉乾伴麵。另外，再點了滷水豆腐及香酥雞腿等小食。滷水豆腐上碟切成六塊，上鋪了少量肉碎，顏色較淺不似是滷水。吃罷果然是沒有滷水味道，YY說應該稱淡醬油豆腐才對。口感還可以，但有點兒酸酸的味道，可能已放了一段時間再弄熱。YY給了我一顆“搞錯”雲吞，味道可以，無甚特別。我的紅燒牛肉是牛碾肉，五六塊的鋪在豬肉碎拌自家制麵條上。麵身光滑而

下午茶:蚵仔麵線+凍珍珠奶茶,共$28蚵仔麵線:是冬菇片炆蝦子麵,細細碗,麵線過腍,所謂蚵仔,尺寸只有女仔尾指的指甲咁細,肉好薄好扁平,數量只有三粒!珍珠ok,但奶茶就好淡好淡

早兩日我同honey叫個二人餐\$128話包兩杯價值$18的飲品,咁根據餐\牌價錢我哋叫了兩杯\"甘香奶茶\"($18),其中一杯走奶.當我們飲了奶茶後,侍應遞上單,我發現兩杯奶茶要加$4,於是我找侍應問個究竟,她說餐\牌打錯,\"甘香奶茶\"不是$18.只有港式奶茶,咖啡不用加錢.我當然心有不忿但我都冇繼續同佢\講,因佢\都話唔到事.到我吃完飯到櫃台找數時我再同收錢講,而佢\亦重複個侍應所講,我又當然唔接受佢\解釋啦.咩叫餐\牌打錯?!就算係,當我點甘香奶茶時,侍應都可以話我知啫.結果係企响櫃台隔離貌似話事人女人好不肖咁叫個收銀收少我$4.我心諗計埋加一$4.4呀...(因年初一至初三加一)咁服務態度唔洗旨意我再幫襯

台灣麵從幾年前開始幫親,每次都只食紅燒牛肉麵, 因為有少少辣,味道OK,但又不是特別好食,所以提不起筆寫他的食評.今天中午再光臨,突然改變主意,要佐椒鹽排骨飯,送到面前時飯和排骨都是熱辣辣的,一碗白飯加咗些鹵肉汁,都可以,但那碟所謂"排骨"其實無骨,是好簿的炸豬肉(因為不能稱之為豬扒,全無豬扒口感). 不明白為何叫椒鹽,食了一啖,只覺有豉油味,一Ｄ椒鹽味都無, 重咸到近變酸味,好難食,食咗一啖就放棄了,只把那碗有鹵汁的白飯就算了..

今日去咗元朗，本來想食日本野，因為太早關係，所以揀咗呢間台灣麵，同朋友每人一客麵，我的雞腿乾伴麵，伴麵係ok嘅，但雞腿就太乾啦，乾到嚡口，幾難食吓，朋友點了紅燒牛肉湯麵，佢話牛肉不錯！以我所見都應該係嘅，而大家額外點了一客抄手，雲吞似雪過夜，所以太實、太硬身啦，仲有個汁頗酸，唔係我想像中好食！

香酥雞扒飯嘩！雞扒整得好乾，好難食！食幾啖就放棄！Too bad!!!!!!!!!加$10可叫台式飲品，我揀熱薑母茶，杯杯就唔錯，勁夠薑味，I like it!!!!!!

The boss are too rule.Beef not soft enough.Price higher than nearby but taste is so.Toilet is really dirty.

經還幾次都無入去，因另有飯局，當日無la la 想食，就試試la~叫左1) 台式魯肉飯2) 台灣牛肉麵3) 涼伴三絲4) 士多berry 汁台式魯肉飯：魯肉都幾肥，不還唔肥又唔會淋，都幾好味，送飯一流，份量剛好台灣牛肉麵：牛碾好好食！又淋又入味，但係又唔會太濃食唔到牛味，麵粗粗地，唔算好彈牙，但係接受得到。涼伴三絲：個汁酸酸地好開胃，青瓜切得比較碎，不過整體來說都幾好食士多berry ：藥水味，唔會要試坐得幾舒服，服務ok，價錢合理，會再去