台灣蘋果姐姐牛肉麵滷肉飯 (已結業)

係附近返工，偶然發現泰國菜天下既九龍城竟然有台灣菜！？Σ( ° △ °)入黎食個lunch，感覺環境乾淨舒服，對客態度都唔錯，客飯既價錢lunch黎講算適中，個人最愛食跟飯配既白菜同滷蛋(´∀｀)♡真係幾好食架呢間我會encore！

響網上睇過介紹，一直都好想試，但收工太夜冇得試，今日終於可以下午衝黎試下依間台式風味啦。本來去到邊間台式店都係會習慣性食滷肉飯，睇左佢店內既介紹，控肉原來肥均勻d，同埋個一層肥一層瘦都好似好正甘，就把心一橫轉試佢。食落味道唔錯，便當有埋滷白菜同滷蛋生色不少，但個人略覺得個飯唔夠QQ，其他都好好味。p.s.依到服務唔錯，環境都好舒服，姐姐講既歡迎光臨都得別親切好聽。

好味，意外地發現呢間小店，啱啱好唔使等位，每樣野食都做得好好味，店主推介滷水豆腐，炸雞脾撈麵，隻雞比炸得又香又脆，仲好大份，樣樣都咁好，出餐都好快，下次一定會再嚟

從台灣嫁來香港已經18年了，上個星期經過台灣蘋果姐姐餐廳，眼睛就立刻被吸引了。因為當時已經吃了午餐，就想下週一定要吃個痛快，在香港要找地道的台灣食物少之又少，這家餐廳食物種類齊全，來了就能吃到各種各樣的食物，真是好開心，以後會約家人及朋友來品嚐。

同朋友咁啱經過九龍城 愁緊呢到除咗泰國嘢之外 仲有啲乜嘢好食。經過城南道 發覺有間台灣餐廳 好似好吸引咁 就膽粗粗行入去試試佢！入到去有個短髮叔叔 風趣又幽默 咁自然令我心情愉快！ 我叫咗個滷肉飯 賣相好吸引啊夠哂地道咁 強烈推介 大家可能食埋隻炸雞脾😍

今日去左九龍城食晚飯 本身以為九龍城得泰國野出名 點知咁岩見到依間蘋果姐姐就決定試下 入到去麵坐得舒適 叫左個麻辣半筋半肉湯麵真係好好味 又唔會好辣 牛筋燜到好淋 價錢又適宜

係香港要搵到平靚正嘅台灣嘢選擇少之又少，早排行開九龍城，係城南道見到呢間台灣嘢，就算已經係下午兩點都好多人，應該都唔會係伏，就入去試下。佢出面係賣台式飲品，入到去個格局就似係台灣啲小店，有個自助區俾人酙水同攞調味料，我地嗌左兩個午餐，可以加二十蚊就有個小食同飲品。覺得最正係個滷肉飯，好大碗，醬汁均勻沾滿每一粒飯，滷肉好香好入味，仲有大量雪菜同滷蛋，令到成碗飯好豐富。紅燒半筋半肉麵都好食，湯底濃郁，麵質唔會好腍，但牛筋就略嫌硬左啲。小食就有涼拌青瓜同塩酥雞，不過不失，無咩特別。之後見到隔離枱嗌咗滷水豆腐，色澤好深色，仲以為係豬紅，覺得幾得意又嗌左個試下，點知好surprise，質地非常嫩滑，加上，滷水汁熬製得出色，非常推薦。整體覺得係不錯嘅台灣菜，嘢食都大大杯，食物質素中上

這裏的滷肉飯10分好味非常有牛肉味而且那些飯很容易入口而且寫食評可以有嘢飲送，又不是非常Expensive那裏的滷肉飯10分正宗還有正宗的台灣啤酒飲總之一句講晒依度就係非常好

本來想食滷肉飯卻被邪惡控肉飯吸引了因為香港比較少台式餐廳有控肉飯看起來有點像平常吃啲梅菜扣肉飯吧！味道也有點像醃菜挺好送飯的滷蛋有點驚喜，很夠味！麻辣半筋半肉乾麵是牛肉和牛筋少辣都幾辣！一定要撈混才好吃啊！不過麵份量比較少吃完麵還有餸剩小食點了推介的炸蝦仁捲有點像南記的春卷不太特別，我見鄰桌的炸雞好像不錯！珍珠奶茶大大杯珍珠夠QQ仙草奶茶的仙草也不錯台式飲品無得輸！利申：食完喺Open Rice打食評送飲品！

第二次食蘋果姐姐，味道十分正宗。牛肉麵十分好吃，想念台灣的味道。冬瓜茶也很好味。這樣的服務不錯 環境不錯。 雞腿也十分不錯 台灣味十足。但還未找到蘋果姐姐，像台灣夜市一樣。

本來是抱著試試的心態來嚐一嚐這家的台式料理😌因為位置比較偏僻 🤔都是偶爾吃旁邊那家的印度料理而經過這裡的😎因為之前吃了幾家推薦的台式料理 都相繼讓我失望了😩 所以也沒有抱太大的希望 只是當是下午茶來試一試的🤡我選擇了午餐時段套餐：正宗滷肉飯+鹽酥雞+珍珠奶茶 一共$56令我意外的是 滷肉飯的滷肉很入味很香 用來下飯正好 十分美味😻而且是因為是便當餐 所以裡面加了滷蛋和滷白菜和鹹菜 讓這個飯增添了不少色彩 十分正宗 和在台灣的滷肉飯一模一樣 很讓人懷念😍而且搭配了鹽酥雞和奶茶也不是太貴 價錢合理👀店裡環境寧靜 播放著台灣歌手的歌 而且還有兩間洗手間🚻 十分方便下次還再來試試它其他的滷肉飯😋

連續幾個星期日帶兩個女到九龍城踩單車，踩到天黑便到附近找食。城南道上除了幾家泰國菜館，還有一家台式麵館，按店裏寫在牆上的描述，老板蘋果姐姐來自台北-艋舺。上星期點了滷肉飯、排骨飯和牛筋湯麵，飯都不錯，麵湯滋味，就牛筋不夠腍。今日試點了焢肉飯，五花肉肥而不膩，入口溶化。正！寫食評送台式飲品，珍珠奶茶，不過不失。

正宗鹵肉飯便當，真好味。 店員的服務也很好 。無論是雞翼 或是飯 ，都很好味。 環境又乾淨 ，很有台灣風味 ，花之丸彈牙又鮮甜， 最緊要是可以處理人生大事， 打完食評又有飲品送 ，真是很好。 我會再來光臨。

香菇肉燥飯，香口美味的快餐選擇，坐位又舒適，咁曬一家大細用餐，侍應生又好有禮貌，我問佢餸菜的製作，佢哋都可以一一解答我哋問題，啲野食都幾正宗，^唯一係分量不太大份，環境乾淨，自自助吧可以自己攞熱水飲用，仲有就係佢哋見到客人入店嘅1句《歡迎光臨》真係好嬌嗲😍😍😍

味道好正，同台灣食的一樣，不貴，一份餐都係40-50。裝修都好有台灣的味道，第一次來店，感受到美麗的蘋果姊姊的熱情，非常靓女，我是女仔，哈哈哈！下次都會再來o既！