台日便當

營業中

休息中

😋💰👏👨‍🍳🥛🥃🍶⋯⋯for the best hot milk tea ☕️ these two months I have Here is the one ☝️ not hotel Peninsula nor Royal 👑 garden But the 🍣🥂☕️Tai YatTake away Man Yue st in order to have the tea at 7$I buy a fried noodles Together 14$only take out No one seat 💺 Ok thanks for the great tea ☕️ from here frying the smoking noodles 🍝

2015年6月9日：豉油皇炒麵走菜，我都話走菜咯，咁聞塞架啫！已經比左幾次機會佢，試左幾次都幾可怕，腍劈劈炒麵，而且偏濕，可能將近 9 點半早餐去得慢所以於耐左掛，唔道不過不失，大路正常啦，重豉油味。咖哩魚蛋，您地啲魚蛋用咩做架？索索聲既魚蛋，假得神奇，質地好搞笑，哈哈。只有咸味跟好淺咖哩味，無鮮味無鮮味，總括一個字，假！魚肉燒賣，什麼牌子來的？粉到不得了，有一丁點魚肉感，娛果只求過吓口癮可以。黏口結實，無蒸過火濕笠笠。七彩炒米粉，淨係得甘筍絲同椰菜絲乍喎，勁淡無味白米粉！到底應該點食架呢？好采我落左一篤仔辣椒醬啫，如果唔係都不知如何是好呢。

上次連湯都無晒，第二次幫襯 3 餸有湯飲喇。姐姐們依舊賣力地招呼食客，仲介紹有咩好野添，就算唔好食，服務都可以加分，讚。青紅蘿蔔豬骨湯，熱辣辣正呀，幾好飲。淡淡蘿蔔味，但無肉味、無鮮甜味，味道從何而來呢？又係味精，唔理咁多，飲晒先講。依家剛剛先午午乍喎，只係 1 點 15 分過少少，全部餸凍到冷盤一樣。今日啲貨去得好慢？一早煮定左大量備貨？唔係凍冰冰照比顧客架麻？唔係諗住我會自己翻熱先食架麻？炸雞中翼、蒜蓉炒油麥菜、麻婆豆腐、菠蘿生炒骨。麻婆豆腐，阿姐力推話最後一份要埋去啦，嗰吓我又黎唔切反應問係咪免費先？凍冰冰麻婆豆腐苦澀而帶怪味，唔知依個係咩汁黎架。完全無辣味、無肉味、無香味，只有豉油及豆腐味，硬豆腐仲有點酸，發現有幾條大頭菜絲，仲有幾粒機乎見唔到既肉碎。冷凍炸雞中翼，一心諗住夠穩陣，但炸到裝宿晒水，凍左好咸，乾鞋無肉汁。凍蒜蓉油麥菜，雖然凍左但味道幾好喎，仲爽甜呢。冰凍生炒骨，炸漿已完全吸收甜酸汁變得腍劈劈喇，食落酸甜度夠濃，幾好味喎。而且肉多骨少，豬肉味濃，滿意。外賣 1 點半返到公司，1 點 45 分食完，但口渴到 6 點收工都未完呢！早餐又味精、午餐又味精，想渴食我咩！再見

$26 蚊 3 餸送汽水或例湯，唔掛得日日排長龍，隔離大發都係 $26 但只送例湯。今日無湯？汽水我唔要喇，您留返自己飲啦。姐姐們都非常熱情有禮，笑面迎人，遠遠就已經跟您打招呼，仲非常落力推銷食物，讚讚讚！我比滿分您。如果我班員工都係咁有 heart，出盡力做生意就好啦。滷水雞中翼、粟米斑塊、蒜蓉炒菜芯。滷水雞中翼肉乾而略咸，浸到裡面霉肉，外面乾鞋，重口味，免免強強入得口。粟米斑塊，炸粉多過肉，成口都係粉，都食到少少魚肉。味道合格，暖暖地帶點脆口。菜芯爽甜，可以再嫩口一點，但係凍左啲囉。

豉油皇炒麵走菜加魚肉燒賣，阿姐終於肯聽我講走菜喇。魚肉燒賣依舊麻麻地，食到成口粉。琴晚兩點先口痕食個出前一丁宵夜，依家又口痕食包炒麵早餐先，$7 蚊阿姐裝到滿滿，抵食！ happy！豉油皇炒麵走菜加魚肉燒賣，都唔記得左第幾次試喇，比多次機會您！炒麵今次幾好喎，不太腍不太濕，味道仲唔錯添。豉油味香濃，老抽生抽互相平衡，帶出誘人味道，麵質夠彈夠乾爽，滿意。點知唔洗半個鐘喝到半死，到底落左幾多羹味精呀？同隔離大發既炒麵一樣。居然係公司發現絕版大埔新蔡潤記超香辣既辣椒油呀，係我幾年前放低！勁香勁辣，撈麵勁刺激，晨早留留辣到出晒汗！依家蔡潤記既辣椒油已經不及當年喇，食完依樽就無喇。