台式便當 (已結業)

原本想去食好出名既餃子屋 但係由於佢冇開 所以我地去左樓下一間見到有好多學生食lunch既平民餐廳 所以就決定試一下👀兩餸飯連野飲$39每一日既menu都唔一樣既 不過會有ABCD 1234俾你揀返今日既例湯係 菜乾紅蘿蔔豬肺湯不過不失 唔會有太多味精既感覺台式魯肉 對比起一般台式餐廳 我個人認為比較似係控肉 因為五花肉稍為大塊 並唔係切成肉丁 係味道方面 五花肉唔太入味 所以味道比較淡 但可以食到有淡淡既八角既味道 普普通通 黑椒薯仔雞肉 醬汁感覺好似kfc蘑菇飯 薯仔同雞粒 中規中矩台式三杯雞 上菜既時候發現原來係雞翼黎既 不過味道不錯 雞翼有預先炸過 再淋上醬汁 所以外層保留左小小香脆既表皮 總結 餐廳應該算係區內比較平價既選擇 如果到糧尾 又住係附近 追求份量大既話 可以一試

荃灣其實有好多野食，今日介紹大家黎呢間平民d，又便d嘅兩餸飯店。筆者唔係第一次黎食，每次食都覺得份量十足，味道不錯，而且有誠意。$37有湯有兩個餸仲有野飲，算係附近之中經濟又實惠之選。餐廳日日都唔同餸，有d炸物仲即叫即炸，相當可口，仲有魚揀，健康又抵食。如果你想健康d，不防叫兩個齋，都好夠食同好味。總結，價錢抵，味道好，平民恩物。用餐日期:15/1/2019是餐費用:$74味道:7.5/10環境:5/10性價比:9/10

等了半小時，結果只上了中湯。期間有禮地促請快上主菜，結果被姨姨不禮貌回應。最後還説我點的東西還須要10分鐘時間準備。哪不是要40分鐘才可開始吃飯？結果果斷離開，下午只靠麵包撐下去絕不再去

荃灣地膽朋友介紹就去試下 $32兩送飯 凍飲只係加一蚊 包例湯 每日有6種野食選擇 價錢算好抵今日係菜乾湯 裡面仲有一隻蠔仔 而且無味精 飲完唔會口渴  讚！選擇左三杯雞翼同鹽酥排骨 兩樣都係即叫即做 熱辣辣 十分脆口 雞翼很入味 只是鹽酥雞略嫌太咸整體來說 價錢真算合理 份量也合宜

呢間鋪頭真係好唔得呀~好賤格,我當日order左1盒葡汁什菌燴天使麵,聲稱話要等耐少少,因為果日有好多order~但係等左差唔多30min左右,已經有少少唔耐煩,點知等到50min............仲未黎囉..........................我打電話去問下咩事,點知另1個女職員問我,係咪「22/F的牛柳意粉???」完全比佢地玩....漏左單又唔負責任囉!!!!!!!!可惡.......態度又唔得~哼~

當日致電叫外賣,都係第1次叫..所以唔知質素如何..而我等左差唔多30min才送到上門...明明呢間鋪頭距離屋企係不足5分鐘的步行距離..... 2餸簡約便飯$26揀左每日都存在的餸款-3杯雞點知原來係雞翼黎ga....共3隻,2隻大,1隻較為細,但的確有3杯雞的醬汁味道..帶甜味+少少咸味~金沙骨2大件,醬汁有d似一哥豬扒飯的醬汁,當然無番茄味....肉尚新鮮的,但食落口較為乾身....餸與白飯分開2個盒來盛放~所以一份套餐也需要用1大個膠袋來盛載....不太環保~白飯很大盒,但白飯吃到2/3,發覺硬硬地....配餐湯青紅蘿白豬骨湯飲得出唔多味精的存在,好喝的~有新鮮的粟米條,紅蘿蔔,可能在店內浸得耐...太軟身了...熱檸水點知見到無俾砂糖,我自己再加左d落去,...飲落去先知原來鋪頭已經加左砂糖 真的完全想不到.....搞到太甜了... order準確,見個老板一腳踢送外賣又接電話....menu幾有心思,因為每日o既飯餸款式不同~仲之每月有1張新的menu,有點不太環保....而且送外賣上門唔駛另收1蚊..看來都係以外賣生意為主,如果堂食o既話只有2張露天的桌....不太舒適

最近不停係荃灣搵食...睇完戲肚餓要食lunch, 突然醒起依間「無名氏」就帶朋友去食今次係我第一次食依間野,第一次係住樓上的一個朋友帶我去食我係唔知間野叫咩名,因為你望佢招牌你只係會見到紅米飯三個字裝修係好簡陋的, 如果唔係有熟人帶或者係食開都唔會無啦啦走入去食meau 係好多野選擇,叫得做台式便當當然有台灣野食,肉燥飯依d 唔少得,仲要一個月轉一次meau tim...如果唔鐘意飯台灣野佢都有其他西餐比你揀我就都係食番食一次黎食那個----焗番茄牛肉燴意粉其實佢焗項係無依個的,但你可以同老闆娘講你要焗的, 好homemade feel 的,因為你見到碟野你就會知道佢係炒見洋蔥之後炒蕃茄牛肉再之後放埋意粉落去炒最係放一塊芝士係上面放入焗爐焗,我幾鐘意佢真係用一塊4方芝士去焗..出面好難食到係咁...但都幾多油..味道唔咸,偏淡,無味精,但好味,牛肉夠厚又有牛肉味, 再加一杯熱飲只係$27 真係抵到爆! 係其他茶餐廳食一個焗飯都要起碼$30! 如果成日都食外賣飯盒人士絕對係不錯選擇,所以我有時間會再黎食!!