影片
開飯介紹
促進發展, 為殘疾人士提供不同的就業選擇,
實踐共融, 連結不同組群建立友善社區。
提供優閒自助外賣咖啡, 令顧客有一個方便、
快捷、提神享受。
繼續閱讀
營業時間
星期一至五
08:00 - 17:00
星期六至日
全日休息
公眾假期
全日休息
以上資料只供參考, 請與餐廳確認詳情
咁啱路過見架車咁耐都無洗過，就泊架車去洗車屋洗一洗，點知佢地同我講話半個鐘搞掂，咁我見得半個鐘又無理由行出megabox，Emax又多自由行又無咩行，咁我又見到機電工程署果度話有一間咖啡室，好奇之下就入左去睇。*本應就唔會嚟幫襯，又無位座，但見幾光猛，同幾有咖啡香，所以先試一試。入到去又幾特別，其實佢係一間以外賣為主既咖啡室，有趣的是佢唔係淨係賣咖啡咁單調，仲會有其他熱食，而且熱食又唔止得燒賣魚旦，佢係有熱狗同燒賣，雖然舖仔細細但都叫要食有食，要飲有飲....真係沙漠中的清泉，估唔到咁荒無既地方會有一間咁清靜既地方休息。*燒賣唔算係特別的食物，但最好味係佢地提供的辣椒油，唔食得辣都要試小小，唔算好辣但好香好好味。*我又估唔到一隻熱狗都幾多料，味道唔錯，比我5分鐘KO左喇。作為一間外賣店最近要就係快，佢地就做到喇，雖然你話佢地全部都係即叫即沖咋，但真係好快手，由我比錢到拎到上手飲，都只係用左分零鐘，即磨即沖算好快手架喇。*杯咖啡係即叫即沖，而且咖啡仲有一種好特別的拖肥香味~最後真係唔好睇少依杯咖啡，除左有咖啡香味，仲有一份人情味，因為佢地係聘用殘疾人士，你每飲一杯咖啡，都係用行動去支持一班弱勢社群，令佢地有機會用自己能力去生活，依份人情味真係賣少見少，依幾十蚊，飲到杯靚咖啡之餘仲可以幫到人真係抵飲。靜靜地，嘆住杯咖啡都不經不覺已經過左半個鐘，依半個鐘真係覺得有意思又有味道。*買咖啡的同時發現隔離有啲單張，手痕痕就拎左出黎睇....原來依間係社會企業。*佢地仲有其他協助殘疾人士自力更新的服務。*有哂証明係社會企業。*我就係咁靚既環境嘆依杯咖啡，的確幾寫意。補返張開餐前的相，其實最敗北就係佢啲餐具，咖啡杯就靚，但熱狗同燒賣個杯同盒就好似快餐店咁....有啲格格不入，希望餐廳到我的意見，會有小小改善啦。
繼續閱讀
上星期六喺九龍灣同人傾嘢，見有啲餓，走咗去呢間&other cafe睇吓有咩頂肚，諗住買個燒賣就算，跟住職員叫我試吓木瓜奶昔，我本來唔想試，不過佢好好笑容，講堅個職員堅nice，所以試咗。我以為好甜，點知原來唔係太甜，而且幾香喎，又夠凍，奶又夠滑，消暑都唔錯
繼續閱讀
本身甘岩過開黎機電處呢邊做野💦💦，未夠鐘就係樓下間 Cafe買杯野飲。呢杯係“自選2款健康鮮榨蔬果汁”，本身諗住淨要蘋果🍎，但職員話苦瓜今朝至運到.好新鮮，所以各一啦～睇住佢即叫即整，無加水，純蔬果汁！讚呀！甜度剛好，味道好fresh！😋😋性價比高！推介！推介！👍👍職員見我坐甘耐過黎抹枱果陣傾多2句，原來佢地係聘請殘疾人士做職員架!!!雖然只係閒談兩句，但佢真係好nice 好sweet💕💕好開心無意中又可以發現多一間公司相信殘疾人士係殘而不廢！希望有多啲人接納佢地啦！佢地真係好努力工作架，加油！💪💪 呢條路唔易行，共勉😊感謝接待😊
繼續閱讀
上星期到機電工程署總部參觀，大堂側有一間cafe小店，細看原來是由社會企業經營，買了一杯凍薑汁菊花蜜，看店員製作過程是用新鮮薑磨汁，第一啖好清新，甜味適中，薑味及菊花味很混和，如路過可不仿一嘗。
繼續閱讀