古今

營業中

休息中

旺角雅蘭真係一個好地方，一出地鐵站就係，仲有一間可以俾三五知己一齊食日本卷物嘅居酒屋。呢個牛油果蟹籽青瓜刺身沙律色彩繽紛，牛油果滑溜，青瓜爽脆，配上大量蟹籽，每啖都爆汁鹹香，加埋沙律醬超開胃，清新又滿足！火山卷一上枱已經香氣撲鼻，表面燒到微焦，醬汁濃郁又帶少少甜辣，配埋鮮嫩刺身同軟熟壽司飯，帶子青瓜牛油果蟹柳切碎撈埋一齊，層次超豐富。呢串燒白鱔色澤金黃，魚皮燒到脆卜卜，魚肉嫩滑多汁，入口鮮香，鹹香味道超級惹味，食完一串真係想再encore！呢串鹽燒雞翼皮脆肉嫩，鹽味恰到好處，帶出雞肉鮮甜，食落多汁又唔油膩，真係一試難忘！呢碟唐揚炸雞色澤金黃，外層炸得超級香脆，雞肉嫩滑多汁。呢個鰻魚卷賣相超靚，適逢有朋友生日，原來可以搞呢啲花臣，盤上有手繪花紋同生日祝福，感覺好有心思！鰻魚肉厚醬香，配埋沙律醬同醬汁，鹹甜平衡，真係又靚又好味！

🍣 紅粉佳人 $118 / 炸雞芝士卷 $65紅粉佳人有一層粉紅色皮包住 外表已經好吸引眼球😳 卷物包住三文魚 上面擺咗滿滿嘅吞拿魚蓉 夠曬豐富🩷 炸雞芝士卷食落香口 上面仲灑滿薯片碎 幾得意架😙-🍻 Asahi熱情果沙瓦 / Asahi生啤 $58Asahi Sour四種口味 我哋就揀咗熱情果☀️ 飲落爽口 唔係太重酒味 啱曬放工小酌一杯🤤 而生啤嘅酒味就濃啲 香味甘醇😉-🥗 柚想蝦你 $58沙律有真柚子肉 蘋果同牛油果 夠曬fresh🍊 葉菜類都好新鮮 加埋中華沙律 味道豐富💚-🐷 鹿兒島黑豚・荔枝卷串燒 $32 / 五花肉串 $58🐔 芝士免治雞肉棒 $38試咗三款串燒 我同朋友一致推薦黑豚荔枝卷😌 燒香咗嘅豚肉同荔枝味道好搭👍🏻-🐟 西京比目燒 (2件) $138最後係重磅推介嘅比目魚 煎得香得嚟魚肉嫩滑而充滿油香 一人一件兩啖清曬🤤

朋友推介我食呢間餐廳,話佢地既火山打卡好靚😍仲好好食😋🥗龍捲風沙律沙律入面分別有中華沙律、蟹柳絲、蟹籽、生菜,配埋佢地既醬汁,帶有微辣既口感,好開胃😋🔥火焰金龍卷擺碟非常吸睛👀真係擺放到成條龍咁🐉壽司上面擺放三文魚,飯團夾住炸蝦🍤加埋自家製醬汁,食落口真係好有層次✨🔥火山一黎到職員幫佢點火🔥真係好有火山既感覺😆壽司上面擺放左蟹柳絲、蟹籽等等食材.食落口暖笠笠,真係好正😍🦪意大利煙肉廣島蠔串燒煙肉燒過之後真係好香脆🫶🏻煙肉既油份仲令到蠔嫩滑多汁🩷🐮厚燒牛舌串牛舌串整到好入味,唔會食到好韌,燒到岩岩好👍🏻而且肉質仲好彈牙💕🍢冬菇蝦肉天婦羅冬菇味好濃郁,蝦肉都沾滿左香濃既菇味,真係好香口😍🍻Asahi叫左Asahi之外我地仲叫多杯荔枝口味,真係好fresh🌾

今晚肥妹仔去咗雅蘭中心度食日本菜，前菜叫咗個日式麻婆豆腐沙律，豆腐好大塊，加埋麻醬好清新，仲有中華沙律，菜好新鮮。唔係好肚餓關係，我哋另外再叫咗牛舌串燒，牛舌好爽口彈牙，配上鹽蔥醬，好好食。黑豚豬頸肉，豬肉好爽口彈牙。牛油帆立貝，個帆立貝嘅裙邊燒到好似食緊薯片咁脆卜卜，好好食。另外再叫咗個黑豚荔枝卷，黑豚肉包住荔枝，食落去甜甜地，好特別。主食方便就叫咗個金龍卷同埋火山。呢個係金龍卷係炸蝦卷上邊再舖上隻燒過嘅三文魚，而佢嘅火山就係上面堆滿咗沙律醬蟹柳絲，下邊就係牛油果青瓜卷。我覺得呢個唔係食味道，而係識佢嘅gimmick 。店員上菜時會用酒精燒一燒，好靚。總括嚟講呢一間肥妹仔覺得係好適合同朋友輕食，而且個用餐環境好舒服，推介。

真係好掛住日本居酒屋，一邊飲啤酒、一邊少少慢慢咁食吓串燒、一邊傾計一邊咬小食。有肚餓嘅朋友又可以食個烏冬咁。未飛到就喺香港搵吓食啦。喺旺角收工飲酒串燒最方便嘅地點，唸起雅蘭中心嘅《古今Kokon》，一上到雅蘭2/F就見到有生啤係我地今晚亮點，另外叫咗3款串燒佐酒：機出Asahi生啤🍺$58 荔枝果酒🍇$58厚燒牛舌串$65（燒得好香仲有微燶邊、肉質爽口彈牙）芝士免治雞肉棒$38、明太子免治雞肉棒$38（雞肉捧啖啖肉、所配嘅調味同醬汁十分香口）之後我地仲試咗，櫻花蝦原條茄子燒🍆$88原條燒開邊茄子，鋪上滿滿嘅櫻花蝦，上枱就聞到蝦嘅香氣《古今》有好多大推嘅卷物，飲到咁上下我地試咗2款卷物：紅龍卷（吞拿魚、炸蝦、芝士）🍣$148個卷物上之前幫我地加咗火炙，吞拿魚口感更豐厚火山（帶子、青瓜、牛油果、蟹柳）🔥$128呢個澎湃嘅帶子蟹柳卷物，著晒火咁喺我地面前，怪唔知個名取為火山。熱食嘅壽司卷物令我忍唔住食完一舊又一舊呀。飲飽食醉之後，消費滿特定金額仲可以抽獎🎟️我地抽中咗set圈物呀，下次又可以再黎喇。

刺身、壽司、串燒、鍋物、卷物、炸物、飯麵、asahi 啤酒等日式料理都有青龍卷由牛油果、鰻魚、蟹柳組成面層鋪滿牛仔油，味道好夾！超級龍卷風充滿層次感和口感內有鰻魚、炸蝦、芝士、青瓜和脆片餡料好豐富鹿兒島黑豚荔枝卷串燒豚肉片包住荔板一啖咬落去超juicy黑豚豬頸肉串燒肉質肥瘦適中，食落保留肉汁烤完都唔會乾硬龍卷風沙律造型好吸睛底層是大量新鮮沙津菜還有海藻、絲狀蟹柳、蟹籽和脆片味道好清新和開胃豚肉泡菜鍋+雜錦蔬菜盤份量都幾大份呀泡菜湯底口味微辣很夠味裡面有新鮮蔬菜、豆腐、菇類、豚肉片、冬粉仲有Asahi生啤和果酒環境充滿日式氛圍感

📍 古今（旺角）一上枱個壽司盤，反而令到我最驚喜嘅唔係啲壽司🍣而係上面啲字，｛have a good day ｝店員好有心，雖然唔係慶祝 但係店員都會喺碟上面做一啲有趣嘅字，真係幾特別🩷✨ 蒲燒鰻魚壽司鰻魚外脆內軟，非常厚肉，鰻魚飯底配上粒粒分明的米飯，特製醬油甜而不膩！✨ 中腹吞拿魚腩壽司肥美拖羅用加上香蔥味味可口，雖然$88/1件不過入口即溶嘅口感係值得嘅🩷✨ 飛魚子軍艦壽司飛魚籽咸咸地既味道 食落爽脆 份量亦都好多！✨ 三文魚籽軍艦壽司新鮮 份量又多 雖然是$48/1件不過都值得既！✨ 三文魚壽司香魚油味既三文魚仲要切得一啲都唔薄 真係超抵食🐠✨ 鱈魚乾、燒到卜卜脆，有芥末沙律醬同普通沙律醬，反而芥末沙律醬個味道會更加突出，而且辣辣地都幾惹味🐟✨ 鹽燒雞中翼熱辣辣上枱，有少少鹹鹹地，食落仲好Juice，外皮燒到脆卜卜，檸檬可以去除油膩感🍋

🍻日本菜居酒屋「古今」在旺角雅蘭中心， 主打日式創意料理: 有串燒、鍋物、刺身、卷物及啤酒等🥗細日式麻醬豆腐沙律(Hk$58):絹豆腐輕盈冰涼，配微溫焙煎芝麻香氣和沙律菜，餘韻清雅🍣火山(Hk$128): 8件的小卷包有帯子、青瓜、牛油果、蟹柳，店員即場火炙帶有微薰香🍤火焰紅龍卷(Hk$148): 8件的紅龍卷有吞拿魚、炸蝦、芝土，外軟内脆夠香口🐡蒜香牛油燒帆立貝(Hk$42):每串兩粒初入口係爆炸性蒜香，漸漸浮現甘甜海潮🍢琦玉網燒牛舌(Hk$78): 每份有4件，肉質彈牙，每口咀嚼都釋放濃縮肉汁與炭火香氣🐚意大利煙肉廣島蠔串燒(Hk$58): 廣島蠔帶有海洋鮮甜，鹹香油脂在炭火逼催下滲入蠔肉肌理🍹Asahi Sour Lychee(Hk$58): 依款果酒清甜不嗆口🍺Asahi Draght (Hk$58):淡雅麥香夠清爽，配日式串燒一流(All subject to 10% service charge)📍古今KOKON旺角彌敦道625 & 639號雅蘭中心2樓202號舖 (港鐵旺角站 E1 出口, 港鐵旺角東站 B 出口)

古今 Kokon📍地址：香港旺角彌敦道625 & 639號雅蘭中心2樓202號舖 （旺角站E1出口）✨ 在OpenRice預訂下午五點至晚上七點前入座可享全單八五折優惠，真是划算！✨ 餐廳的生意非常好，常常滿座，所以最好提前訂位哦！✅ 餐廳地點非常方便，很容易找到
✅ 這裡非常適合節日慶祝，還可以寫下祝福字句拍照留念，簡簡單單寫上一句“Have a Good Day!” 心情立刻變得美好，且不需要額外付費！
✅ 餐廳新開張不久，環境保持得很好，讓人感覺清新。
✅ 座位寬敞舒適，裝修得相當漂亮，還有獨立房間，適合私密聚會。
✅ 這裡非常適合和朋友一起用餐，邊吃邊聊非常舒服。
✅ 服務生也很親切，日系的靚女侍應讓人感到賓至如歸。
✅ 特色卷物的名字非常有創意，像是彩虹卷、搖滾樂、烈火紅唇和富士山，每一道都充滿驚喜！😆
✅ 食物的份量普遍比較大，非常適合和朋友分享，讓每個人都能享受到美味的料理。❤️ 打卡必叫之選 ❤️✨火山✨ M22 $128 🌋這道菜品包含帶子、牛油果等，八件香脆的壽司，上面鋪滿蟹柳和蟹籽，底層則是蟹柳卷物。店員將其精心擺盤，呈現出火山的效果，視覺效果一流，真是好靚，非常適合

呢間位於旺角雅蘭中心嘅古今，有好多唔同嘅特色卷物，全部都好吸引呀😍😍🔥龍卷風沙律（微辣）主要材料有生菜，蟹柳絲，中華沙律，仲有帶微辣嘅沙律醬，令人好開胃，好惹味！🔥火山卷店員一擺上枱已經會點火，超吸睛，然後令到壽司飯更加暖笠笠，好好味，一碟有8件，上面有帶子，牛油果，青瓜，同埋巨量嘅蟹柳絲，口感好豐富，大推‼️‼️🔥火焰金龍卷同樣係好吸引，上面係三文魚嘅卷物，裡面包住炸蝦同芝士，口感好好！🔥我哋另外仲嗌咗三串串燒鹿兒島黑豚五花肉串，鹿兒島黑豚荔枝卷串燒同黑豚豬頸肉串燒，調味剛剛好，好Juicy～🔥海老天婦羅炸得幾香口，好適合同朋友share🔥Asahi 荔枝果酒- 推介！非常容易入口，好好飲～🔥Asahi 生啤- 配合卷物，串燒，天婦羅～正！

最近去咗雅蘭中心嘅古今分店，就係為咗呢度識着火嘅卷物！網上睇好吸睛 又好多人贊話好食，所以專登搵日收工晚上過來，雖然人多，但幸好唔使等位，雜錦刺身沙律呢份沙律真係好足料，裡面有唔同種類嘅刺身，吞拿魚、鮭魚都有，切得剛好，口感滑滑地。最鍾意三文魚子，咬落去脆脆的，清爽到不得了！底下仲有好多新鮮生菜，食得好健康。火山火山真係打卡必試！服務員喺你面前點火，整個過程超刺激，記得準備好手機拍照！呢道菜有蟹柳同帶子，味道香濃，真係滿足到你。火焰映住啲食物，食一口就想再來一份！因為佢嗰日中午食得太飽太滯，所以嗰晚冇乜點叫其他嘢食，但淨係個卷物都已經值得再嚟一試！

今次我係旺角收工，係度食埋飯先番屋企，過左黎雅蘭中心呢邊食日本野，呢間餐廳係最近新開既，之前都食過佢地分店，最出名就係卷物🎌雜錦刺身沙律（$58）呢個沙律認真抵食，有多款角切刺身仲有三文魚籽同蟹籽，豐富既口感仲有刺身沙律好fresh既感覺🥗安格斯蔥牛卷（$92）呢個蔥牛卷用上安格斯靚牛，肥得黎濃牛味，卷住d蔥勁爽口🐮三河活鰻（$38）呢個串燒鰻魚分別可以叫蒲燒同鹽燒，我地每樣都叫一串，兩串都燒得皮脆肉嫩，我鐘意鹽燒多d，但係蒲燒鰻魚就感覺夾d，每樣叫一串就fit曬🐟埼玉網燒牛舌（$78）牛舌燒得好靚，佢好彈牙，又唔會燒到太乾身👅海老天婦羅（$88）新鮮炸起，熱辣辣又酥脆，隻蝦都幾彈牙，個粉唔會好厚，旁邊好似木條既唔係裝飾，而係係食得既赤麵🍤忘不了你（$98）呢個創意卷物係炸牛肉同芝士做餡，面層用上芒果，佢雖然有咸有甜，但係幾夾，而且口感好有層次😋火山（$68）呢個火山好有睇頭，真係成座火山咁，店員攞上枱時會點火燒著座山，佢裡面係有帶子，青瓜，牛油果，蟹柳，面頭仲有蟹籽，雖然佢係卷物，我感覺佢似個小型丼飯咁，我最鐘意佢有牛油果係入面🥑Asahi（$58買一送一）店員介紹話7點前有買一送一

近排發現古今於旺角雅蘭中心2樓新開了分店，餐廳主要以特色創意和風料理為主，當中以創意卷物最為受歡迎，今次朋友來慶祝生日，點了卷物，廚師還在碟上寫了祝福字句，令我們都十分驚喜！🤩😆1. 🐷黑豚豬頸肉串燒 ($32) 燒到表面焦香，散發出誘人香氣，咬落肉質爽口彈牙！2. 🐷鹿兒島黑豚荔枝卷串燒 ($32)鹿兒島黑豚肉包著荔枝肉，豚肉燒得好焦香，荔枝好清甜，一咬落去爆汁，十分Juicy，味道好夾，又不會覺得油膩～😋3. 🐣椒鹽雞腎 ($32)燒得幾香，爽彈有咬口，加上椒鹽好香口！👍🏻4. 🍣金龍卷 ($108)卷物中間加入了火炙三文魚、炸蝦和芝士，以微辣醬料作點綴，口感層次都很豐富！😋👍🏻5. 🍣紅粉佳人($118)卷物中間加入了辣味三文魚、辣味吞拿魚、蟹柳和牛油果，微辣又惹味，味道非常夾，材料非常豐富！😙👍🏻6. 🥗日式麻醬豆腐沙律 ($58)有蟹籽、豆腐、中華沙律、沙律菜、蟹柳、蕃茄仔等等，口感勁豐富，很開胃！☺️7. 芝士年糕 ($30)即叫即炸，外脆內軟，口感軟糯，一咬下去便看到流心的芝士！🤤🤤

平日Lunch hour 去開旺角想食日本嘢，行過雅蘭見到有好多位，環境都衛生闊落，所以就諗住試吓首先，嗌咗啲壽司，都係大路野: 三文魚腩 ($32一件), 帆立貝 ($35一件), 牡丹蝦($88一件), 鰻魚($28一件), 同拖羅($98一件)，價錢都唔平，好彩即時喺OpenRice book枱有八五折等咗成20分鐘都未有，服務員仲要話師傅猜緊壽司... 唔怪之得lunch hour咁多吉位然後壽司都唔係特別大件，係比一般元X嘅size更細，亦唔見得特別新鮮，因為等咗好耐非常肚餓，所以幾啖就食晒，冇影到相另外仲嗌咗串燒同和牛壽喜燒，壽喜燒等咗半個鐘先上台，啲和牛仲要切到碎晒，求其面頭搵兩塊大塊嘅冚住就算，亦都係由於趕時間，所以嗱嗱臨淥熟食完就算，啲菜都冇食到總括嚟講，趕時間嘅，介意性價比嘅都唔推薦😂

柚想蝦你呢個沙律都幾豐富，入面有柚子，蘋果，甜蝦，蟹子，中華沙律，牛油果，生菜等，撈勻一齊食，口感好豐富，沙律汁酸酸地，好開胃。大阪自家制炸雞炸雞外皮炸得好鬆脆，但一d都唔油膩，雞肉食落都好juicy。黑豚豬頸肉串燒黑豚肉個質地彈牙，充滿油香，燒到啱啱好。鹽燒雞中翼外皮燒到脆卜卜，而d雞肉仲好嫩，雖然係鹽燒，但唔會太咸。紅粉佳人賣相非常靚，好粉紅，d辣味吞拿魚同辣味三文魚幾惹味，唔算太辣，入面仲包住蟹柳，口感幾豐富，仲有好多三文魚子。火焰金龍卷上面係三文魚，而入面係炸蝦卷，夾埋一齊食，好有口感。