古今二 (荃灣千色匯I) (已結業)

#ftt_荃灣新潮玩味日本菜店舖環境開陽闊落，坐得舒服！食物有新意，打卡一流！柚想蝦你　$98⭐️⭐️⭐️⭐️沙律配料非常豐富多元化，有牛油果、柚子、海草、甜蝦、蟹子、蘋果、沙律菜、蕃茄仔，整體食物質素新鮮，酸酸甜甜，極之開胃！豚肉泡菜鍋 $138⭐️⭐️⭐️整體味道不過不失，泡菜湯底濃郁惹味，豚肉肥瘦均勻，肉質鮮嫩。豆腐厚身，滑嘟嘟得黎又唔易爛；底下仲有大量菇菌、蔬菜，為整個湯鍋加入鮮甜味道！火山 $128⭐️⭐️⭐️⭐️十分有特色嘅卷物，店員會為你點火，形成一個活火山！打卡一流！面頭有大量蟹子同帶子絲，飯入面包裹着蟹柳同牛油果，加少許豉油已經足以提鮮！明太子雞翼 $46⭐️⭐️⭐️外皮炸得酥脆香口，內裏啖啖肉，有好多明太子，但味道稍稍偏辣。回頭率🤡🤡🤡性價比🤰🏻🤰🏻🤰🏻🤰🏻#feedtiffood #吃吧孩子 #吃到懷孕

之前見評語好好，同個仔食過一次，當時係食熟食，都覺得唔錯，可以有下次。前兩日媽媽話想食日本野，咁啱係附近就帶左佢黎試。點知食完之後就開始唔舒服，肚痛到好辛苦，食左兩三次藥都冇用。最後同媽媽一齊睇醫生打針。好彩小朋友冇事。

行完阿布泰，睇餓就上上面千色1期搵野食。上到二三樓都好多選擇，同朋友睇完幾間Menu最後決定食呢間古今二。餐廳環境比較開揚，無咁侷促。乾淨舒服😌慢慢坐都唔怕一坐底杯茶水係比較少見咗抹茶🍵我中意呢間以卷物聞名嘅日式餐廳，佢啲特色卷物真係名不虛傳！叫咗個叫火山嘅卷物壽司，上枱一點火「嘩」我同個朋友一齊嘩咗出聲🤣🤣🤣個火三幾分鐘好快就燒完，燒完個壽司暖暖地，上面有一大堆材料，幾特別👍🏻柚想蝦你沙律中華沙律+西式沙律菜，都係好創新👍🏻天婦羅皮薄餡靚，個青椒仔入邊仲加咗啲魚肉，唔錯👍🏻最後叫咗個豚肉泡菜鍋，泡菜唔係好辣，但係個鍋幾辣，唔食得辣嘅朋友要小心。我食得辣就俾我清哂了😋

平時行開千色店呢頭諗住發掘下有咩食之際好多時都會見到呢間排晒長龍，好多後生仔女一大班人來食，今次我都選擇咗呢間，試下係咪真係咁好食！柚想蝦你，配料有牛油果、中華沙律等，當然唔少得大量柚子啦！一來就覺得好豐富，沙律嚟講超級大份！宮崎黃金炸豆腐，以章魚燒咁嘅製法處理，望落以為係章魚丸，咬開先知係嫩滑嘅豆腐！面頭仲配咗照燒汁同木魚碎添！青龍卷，牛油果、鰻魚同蟹柳嘅配搭出面唔係成日有，賣相又夠靚，食落味道甜甜地，如果加番啲爽口嘅食材，相信口感會再豐富啲～蜘蛛，炸軟殼蟹、青瓜、牛油果同蟹柳，賣相同剛才嘅青龍卷大大不同，配埋軟殼蟹之後口感昇華咗唔少，食起上嚟軟殼蟹夠脆。日式炒烏冬，烏冬比較濕，配料好多，味道都幾惹味，但如果再乾返啲會更好！

龍卷風沙律（蟹柳，蔬菜，𦷫藻，脆片）好大份，好多料，不過就唔係好食到脆片。正常沙律應該黎先，不過佢第三樣先上🙈埼玉網燒牛舌第一樣上，啲牛舌唔會太靭👍🏻一定要加麻個汁，就咁食冇特別。櫻花蝦茄子燒呢個好好食，櫻花蝦好香，茄子好淋。蜘蛛（炸軟殼蟹，牛油果，蟹柳，青瓜）啲味道好夾，好食，不過食到個蟹尾，唔夠飯包，一拎就散晒。牛肉壽喜燒好多牛肉，好多菜，好味整體所有野食都好好味，份量都好足夠

古今二，越黎越多分店😬實在太方便。火山，想打卡必選🤭人如其名，一上菜，職員會幫你點火！材料主要係蟹柳魚子牛油果都係我鍾意的配搭，睇得又食得！蜘蛛🕷️呢個都好食，配料更豐富，蟹柳青瓜牛油果炸軟殼蟹！！柚想蝦你。個名好funny ! 成個沙律都好fresh ，係好好既開胃菜！燒翠玉瓜燒紫薯🤭好煙韌。估唔到韓國嘢都有得食，豚肉泡菜鍋！好滿足既一餐，兩個人都食到好飽，壽司值得一試😜暫時每間分店水準都有保證！

荃灣千色匯越來越多好嘢食，記得呢度有一間日本fusion菜好有特色，所以今日同朋友嚟荃灣行街，行完之後就過咗嚟食。古今二真係好多嘢食，當中最特別一定係佢嘅壽司，外型特別而且好味。因為今日實在太肚餓，所以我哋叫咗好多嘢食，首先我哋叫咗個柚子凍蝦沙律，份量好多，有好多牛油果！沙律係胡麻醬，上面嘅柚子好鮮甜，啲蝦亦都有好多粒，好甜。之後我哋仲叫咗個前菜，櫻花蝦茄子，朋友好鍾意食茄子，呢一條茄子非常大，份量好多，加埋櫻花蝦同埋啲辣油嘅調味，好惹味，不過兩個人食嘅話有啲太多！如果三四人share食就啱啱好。壽司方面，我哋叫咗個火山，估唔到佢上菜方式好特別，真係會有一個環節係有啲火！有食物有有表演睇。火山主要係芝士燒蟹柳喺上面，下面就係牛油果卷，上面嘅芝士蟹柳好juicy，成個壽司都好味。另一份壽司係吞拿魚蓉辣味三文魚壽司，賣相好特別，呢個壽司有曬我最鍾意食嘅嘢，啱晒我！好足料，吞拿魚蓉夾埋三文魚嘅味好好味。另外我哋因為太肚餓，所以仲叫咗個日式炒烏冬，估唔到份量超級多！上面有好多鰹魚片，仲有好多野菜，洋蔥，食落惹味，估唔到咁多！非常豐富滿足嘅一餐。

平時行街去荃灣千色匯就多，食嘢真係第一次，原來呢度都有唔少餐廳，今次揀咗呢間日本餐廳試吓佢呢度嘅牆身好特別，燈光又好光猛，而且係平時少有日本餐廳會飲嘅玄米茶，一到咗食飯時間已經滿咗座呢度最特色嘅係佢哋嘅卷物名全部都好特別袖又蝦你 呢個沙律同個名一樣，有柚子同埋蝦，再加埋特製嘅沙律醬，底層有滿滿嘅中華沙律，成個感覺好清新，生菜都好新鮮，袖子味突岀，酸酸甜甜蜘蛛炸蝦卷物，成隻蝦好大隻炸起，入邊再夾住蟹柳、青瓜同埋魚子，好大件，絕對一啖食唔晒，壽司飯軟身，濕度啱啱好，炸蝦粉好薄，可以食到啖啖的蝦肉，雖然係炸，但係再夾住其他配料食落去一啲都唔濟忘不了你如果你唔睇餐牌應該唔會知道呢個係咩食物，係第一次食到嘅創意卷物，芒果炸牛肉芝士卷物上面鋪咗滿滿嘅芒果，再加埋調製嘅醬汁，芒果好滑身，再夾埋入邊嘅炸牛肉同埋芝士，有三重滋味，口感豐富，牛肉肉質好厚實值得一讚卷得好好，睇落好似一條無切開，但係切得好整齊而且夾嘅時候都唔會散開豚肉泡菜鍋仲叫咗一個熱食，豚肉比得大方，肥瘦分布均勻，而且裏面嘅蔬菜都有好多，湯底就有少少辣，好香泡菜味，飲落去湯底都好濃厚芝麻雞翼即叫即炸，個皮好薄，咬落去脆口，肉質鮮嫩仲有好多

好特別既日本菜，食過幾次，好耐無食，就黎食下。兩個人叫咗幾樣嘢食，首先，泡菜豚肉鍋，湯底好好飲雖然有啲辣大好惹味，豚肉好好食，好香龍卷風沙律，份量好多，材料豐富，中間有中華沙律，口感味道好，，好新鮮，真係好好食，佢個做法好特別，上面有少少薯片脆，食落去口感好正，每一款都材料十足金龍卷，三文魚炸蝦卷，炸蝦夠脆，食落去好好食，三文魚好鮮甜，最後叫咗個雜錦天婦羅，好膽一唔會好油好特別，會再黎多幾次既餐廳，真係好好食，又多選擇

之前經過呢間餐廳 - 古今二已經想試, 今日放工就拉埋同事出去食, 可能平日關係, 無人等位, 直接WALK-IN就得.坐底左我地就開始睇餐牌, 就揀左以下幾樣野食;~柚想蝦你沙律因為見到餐牌上寫住*推獎*, 所以就決定試下佢.沙律嚟到份量非常足, 配料有好多, 分別有生菜, 海草, 車厘茄, 蘋果, 柚子, 蟹子, 牛油果, 甜蝦, 柚子汁. 食材新鮮, 配上柚子汁, 味道酸酸甜甜咁, 好開胃😋😋~火山果然係名副其實嘅菜式名, 上枱望起嚟真係似火山.佢上面係一層厚厚嘅蟹柳帶子沙律 下面係蟹柳牛油果卷， 入口真係有滿滿嘅幸福感🤤🤤不單止係一款打卡able嘅菜式, 簡直係睇得又食得～ ～牛肉壽喜鍋～呢款亦都係*推獎*嘅菜式.個鍋一上枱就已經嗅到濃濃嘅壽喜燒味道， 嗅到我同同事都流晒口水🤤但無奈地都係要等一陣啲食材熟左先食得🥹見到湯底開始滾起， 啲牛肉開始熟，我地涮2下就開吃！牛肉已經吸晒壽喜燒汁嘅味道，加上湯底用左洋蔥、蔬菜、菇等等材料去熬製，鮮甜又惹味😋😋總結來說呢間餐廳CP值高, 職員服務態度非常友善, 環境好, 值得再encore👍🏻👍🏻👍🏻

難得平日唔多人 就黎荃灣千色行下街俾呢間吸引左❤️估唔到有驚喜🍣🔻前菜叫左個柚想蝦你沙律🥗沙律菜新鮮份量多！柚子肉唔苦澀，配埋沙律汁好開胃配料仲有牛油果🥑、甜蝦刺身、車厘茄等等…份量多到2個人都食唔哂🤪🔻牛肉壽喜燒鍋 配料又系好多！壽喜燒汁香甜 娃娃菜 粉絲 豆腐 菇等全部都入哂味肥牛雖然唔算好靚 但都俾得絕對唔輕手🥓🥓🔻蜘蛛個名好搞笑😆其實系一個卷物入面有青瓜，牛油果，蟹柳，軟殼蟹軟殼蟹入口香脆 ，牛油果口感軟滑真系有得頂 呢個我可以自己一個食哂佢都得！❤️🔻火山🌋名副其實一上枱點火 2邊火包住成碟壽司 睇得又食得上面有海量既蟹柳 落既醬汁香辣可口下面系有八件蟹柳反卷 每一件都系滿滿既蟹柳❤️真系好滿意

荃灣餐廳多多，但古今二總能吸引我為它回頭。龍卷風沙律 $76顏色紅紅綠綠非常奪目，生菜上舖滿中華海藻、蟹柳絲及蟹籽，配以千島醬汁，好味又健康。富士山 $88海量般的蟹柳絲堆滿壽司面，用料絕不吝嗇，下面則為鰻魚牛油果卷，淋上鰻魚醬汁，可惜外型未有堆成富士山的型狀。搖滾樂6件 $82鰻魚幾厚肉，壽司包住炸蝦、芝士及牛油果，咬落又軟又脆好滿足。櫻花蝦茄子燒 $68放上枱已聞到香噴噴，原條茄子上舖滿櫻花蝦同特色醬汁，可以一絲絲甘夾來吃，非常惹味，小食必點之選。古今日式煎餃 $56餃子熱辣辣上碟，外皮金黃脆卜卜。士多啤梨益力多 $38士多啤梨味濃再配合淡淡益力多味，大大杯好解渴。

餐廳職員服務態度非常友善，環境開揚舒服櫻花蝦茄子燒 $68櫻花蝦鮮味好濃郁，燒茄子既醬汁偏甜，茄子燒得軟稔入味，加埋櫻花蝦食口感層次分明，味道亦鮮甜可口，好好食鹿兒島豚肉荔枝串燒 $32口感非常特別，配搭亦好新鮮，咬落第一啖會食到豚肉既咸香同豬油香，咬到中間荔枝既清香會慢慢散發出黎，成個配搭都好夾好清新，勁出色柚想蝦你沙律 $98沙津分量好足料，蔬菜新鮮爽脆，蘋果同柚子非常清甜，甜蝦亦新鮮彈牙，配埋海草，牛油果同蟹子，口感豐富清新，柚子醬汁味道好fresh好清爽，做開胃前菜一流火山 $128呢個真係勁有儀式感既食物，一點火就真係物如其名，飯卷上面係勁多份量既蟹柳，足料到誇張，飯卷入面包左帶子，青瓜同牛油果，一啖入口超滿足，成個味道比較清爽，青瓜既爽脆口感會搶先一步，再慢慢食到其他配料既鮮甜東京爆脆 $92卷物會包住一個炸得好卜卜脆既蟹柳，口感會食到好有層次，米飯同蟹柳既軟熟，再食到脆脆既香口，層之分明

創作卷物真係好出色，好岩同一大排朋友一齊食，咁就可以試多幾款😍❤️金龍卷 炸蝦好，新鮮肥美既三文魚+ 香脆炸蝦+邪惡芝士，呢個配搭，真係點都好好味!!🧡火山 帶子+青瓜+牛油果+蟹柳卷，上面仲有個火炙蟹柳山，再加埋左右2邊既火餡，視覺效果一流!!💛牛肉壽喜鍋 超大鍋牛肉鍋～好多片肥美牛肉片，2大隻巨型鮮冬菇～豆腐～大量娃娃菜等等配料，湯底味道偏清淡，煮淋蔬菜吸左湯汁甜甜地更好食💚蟹柳沙律 蟹柳絲+牛油果+蟹籽，拌新鮮爽脆既生菜，好開胃清新既前菜～

卷物拼湯麵選了金龍卷（三文魚芝士炸蝦)和費城卷（三文魚牛油果青瓜），配上豬骨拉麵，份量剛好三文魚配搭炸蝦減輕油膩感，費城卷的芝士醬好香濃，拉麵普通食感日式咖喱蛋包飯吉列豬扒粉漿厚薄適中，入口亦香酥乾爽，大大塊滑蛋非常滿足