口福堂 (已結業)

荃灣區美食林立,  好多人都只會去d出名小店, 又或是熟悉既地方搵食,而今次介紹既呢間食店, 位於一個唔起眼既商場,相信好多人同我一樣,  可能經過無數次, 但都唔會有上去逛逛既意慾而我今次食既呢間小店位於1樓美食廣場入面最入面果一間~~先黎一個小食拼盤 ,  包括有吉列炸蝦, 唐揚雞球, 炸薯角,$38咁大碟已經覺得好抵食,仲要d雞球同蝦炸得岩岩好, 保留到滑嫩既肉質主食就叫多左個飯, 唔好睇佢其貌不揚, 一試有驚喜!除左有得揀要咖喱/茄汁外, 佢仲有少少薯角同配菜蛋--應該有用牛油去炒, 食落滑滑香香豬排--份量大得嚇人, 咬落唔會死實茄汁--唔係平時食既一支支茄醬, 而係有落蕃茄去煮既自家茄汁,  味道唔會過酸/太濃, 岩岩好有少少茄味撈飯食加錢要左罐汽水, 咁樣食都係$86,雖然唔可以講得上好好食, 但feel到呢間食店對食物既用心,香港有好多努力既小店等待大家支持

今日收工過去荃灣交收，交收完就喺附近求其食個快飯~~ ~  其實地皇廣場都出名少人去行，一條友廢事同人逼所以選擇去呢到睇下有冇嘢啱食，順便幫襯下小店咁😂😂~~~咁啱喺food court見到呢間「口福堂3兄弟」！Order咗呢個日式雞扒炒烏冬，份量好多，炒烏冬嘅顏色睇落都正常，但雞扒嘅調味比較清淡，同埋食得出有啲雪味，食材處理方面可以再做返好啲！總結嚟講，其實$48包飲品價錢尚算可以，但味道真心普通，如果未食過建議可以唔使嚟試~~~

最近都在留意晚上十點依然營業的餐廳。荃灣地皇廣場，屢見死場之名，這一兩年引入美食廣場，看來多了生氣。為了點評公平，先後來了兩次同樣十點左右，點的是蛋包飯。第一次配的是吉列豬扒，自知飯量不多聲明少飯，咖哩汁。五分鐘左右可取餐。首先，賣相很有吸引力，幾十元飯餐有湯，大碟，有少許雜豆薯角，的確一般地舖是沒可能的了。然而以溫度來說，只是微暖而已。豬扒的炸衣都快脫落了，上粉方面做得不好，調味也不見心思，就有點咸味，肉質厚薄尚可。咖哩汁當然是超市買到那種磚塊調開而成，但不知道為什麼味道很淡。蛋是足量的，但同樣地調味不夠。白飯稍乾硬，應該是中午到現在吧？有混合壽司薑碎，算是有點心機。最後要說，沒有幫我少飯吧？大概是飯模所限？第二次來，同樣的時間，點的是雞扒。今次也只5分鐘可取餐了，只是沒叫號碼，取餐也沒有人對號。基本上都和上次一樣的本子，飯依舊沒有少飯，氣餒。溫度依舊微暖，炒蛋和雞扒調味同樣平淡，飯也見同樣問題。整體而言，不足之處有很多，然而同樣食物，在一般茶記可能會貴兩成，就是這樣。題外話補充一下，現場有不少食客剩下好多此店的食物，店主也應該了解一下吧。

邊度嘅餐牌嘢食嘅款式都幾多淨係睇圖片其實都幾吸引再加上聞到d嘢食嘅香味忍唔住整返一個鰻魚炒飯 之後再點一個佢哋嘅招牌煎餃子估唔到佢哋鰻魚炒飯都俾咗好多鰻魚肉下次可以試吓佢哋嘅原條鰻魚煎餃子好香脆配埋個喼汁

係地皇廣場有間隱世foodcourt 雖然面積唔大但都有幾間唔錯的食店入到foodcourt 地面非常滑，多油。枱櫈都還算多 有成10幾張枱，應該可以容納40人到。當中較為搶眼嘅就係依家日本快餐。本人係饅魚腔，之前食過佢既原條饅魚蛋包飯覺得唔錯，特登番黎再試。今次照舊都係原條饅魚蛋包飯。依家饅魚加左價。好小會有原條饅魚食。$68蚊有一條食，個人覺得幾抵。饅魚應該都係包裝運送黎既即食饅魚，因為間間餐廳都係哥個味。炒蛋好香好滑，蛋有牛油香，半生熟。唔錯飯既粉量就ok，偏少。飯仲拌有櫻花蝦。幾香。溫泉蛋冷麵沙律冷麵沙律都不錯，夏天無咩胃口，依個冷麵降降溫。沙律就加左芝麻醬酸酸甜甜帶點芝麻香，加埋玉子蛋撈埋幾開胃，又有飽足感。冷麵既q度都幾彈牙。總結我會推介饅魚飯，冷麵沙律都ok，其他野就無去試過。*提示：個foodcourt 地下非常滑，要小心跣親。

宮崎黑豚肉蛋包飯（燒汁）$54外賣價單骨雞翼$24外賣價薯角一啲都唔脆黑豚肉好乾，得4片雞翼有啲燶，不過味道ok日式蛋包飯唔係珍珠米個白飯有雪味，仲未叮熟只係暖暖地仲有啲硬個汁係茶記雞扒汁唔會再食

孤伶伶一個人食飯，唯有走來呢個所謂嘅美食廣場，其實都知道好冷清！不過都想睇下咩料嘅，反正一個人都冇乜所謂求其食完走揀咗呢間試吓，都係啲日式嘅便當，蛋包飯拉麵嗰類型就揀咗個定食五，豬手便當好好鬼多毛，拉麵都係買返嚟即煮現成貨，都唔知自己食緊啲乜嘢，幾十蚊頹飯系列，不願置評冇下次，環境抽風系統好差，食完一大浸味，枱冇人抹，真係咪搞，好冇誠意，到豬手都係買返嚟落去樓下求其搵間食麵仲好，或者去路德圍掃下街

上星期同同事訂過外賣黎食，雖然遲咗15分鐘先到，不過覺得味道唔錯，所以尋日再訂。我哋尋日朝早10點訂咗外送5個蛋包飯+1個意粉，喺app度set好12:45送到，但最後竟然要成1:30先送黎！問司機，佢仲一肚氣話因為間舖頭煮太耐，佢都等咗40分鐘先出到車，司機都要俾佢哋鬧！蛋包飯啲飯凍到硬哂，仲要送錯咗個飯，無咗個豬軟骨飯，變咗個豚肉飯。唔好話唔好食，就算好食，但遲成45分鐘先有得食，我唔會再訂呢間舖頭喇！！！

上次食過好好食，所以今日晏晝滿懷期待地又再叫咗外賣，約咗12:45，結果足足等咗40分鐘，差唔多1點半先到（其實上次都有遲，但無遲咁多，遲咗15分鐘）。一嚟到，外賣員就同我地訴苦，話佢催出餐反而被餐廳罵返轉頭。遲咗咁多，又送錯餐，張單明明有豬軟骨，都送錯牛肉。上次食嘅時候有櫻花蝦，今次無哂，換咗做明太子之類。個飯仲要係凍嘅，整體份量亦明顯比上次少咗。講真，啲嘢食幾好食都無用啦，食晏時間唔係多，遲咗40分鐘食咩都無味啦！唔會再有下次！

差唔多聖誕想食餐好既，呢間又幾好食，咁今日就再試下。點知，叫12:45黎到，等左45分鐘，1點半都未到。黎到電單車司機仲話佢都等左間鋪頭成8個字，仲要佢都比人罵，心諗你唔準時做咩要話番人轉頭。本身上次個飯係唔錯既，蛋係大份，飯上面有櫻花蝦，但咁既服務態度點可以叫人接受。仲要今次打開個飯，飯面無左我想食既櫻花蝦，係無左，飯分量又少左，仲凍凍地，雞扒可以接受，杯茶唔係茉莉花茶，可能佢係但係無味喇。。。咁樣以後都唔叫了，無哂信心。完。

本想叫肥牛拉麵，等了15分鐘都未見有於是去問，佢地先話冇肥牛要你轉餐。轉餐黎再等，佢地掛住傾計傾電話都唔係煮野，別的遲過我也等到餐，只是我要等那麼久。等到餐，佢地才醒起忘記沖飲品，於是再等。勸各位要有好多時間才幫襯，等半個鐘才吃到。至於質素，不過不失，不算太好食，只求飽肚而已。

呢個無人既商場聽講開左個foodcourt，所以上去揾下食，揀左呢間既蛋包飯叫左個吉朱蛋包飯$45豬扒炸得夠脆，肉質唔係醃到梅晒個種真係啖啖肉咬，而且大大塊。飯都唔係普通白飯，有櫻花蝦一齊煮過。呢個價錢我覺得好抵食得閒會再去食

試左黑豚肉蛋包飯, 外觀感覺蠻不錯, 蛋裡包住炒飯, 飯嘅味道不錯, 唔會太咸或太淡。 唯一敗筆係黑豚肉冇咩味, 煎得太乾身。 沙律亦不過不失。 最驚喜係用黎墊住嗰2粒炸帶子嘅蕃茄好好食, 大大塊又夠juicy!!!!

之前睇雜誌介紹過荃灣地皇整咗個MINI FOOD COURT, 襯今日放假就帶百厭仔出嚟朝聖.行咗個圈, 百厭仔就俾蛋包飯個MENU吸引住, 就食蛋包飯啦! 吉列豬扒蛋包飯(配咖哩汁)--咖哩汁微辣帶甜, 最啱百厭仔食. 吉列豬扒面層夠脆, 內裡唔太乾,  百厭仔讚不絕口.鹽燒龍利柳蛋包飯(配咖哩汁)--蛋包飯嘅蛋一層層, 裡面嘅飯並非白飯, 而係炒過嘅飯, 混有橙色的魚籽, 口感唔錯.  鹽燒龍利柳夠入味.每碟飯都有兩粒炸帶子及蕃茄蔬菜, 套餐+汽水都係$38.00, 又唔算太貴喎, 性價比高. 百厭仔又LIKE, 可以再ENCORE.

見到好多人排隊就想試。叫咗套餐：豬手+蛋包飯+汽水($38)朋友叫咗豬扒+蛋包飯今時今日香港地，呢個價錢有咁既份量質素,算好唔錯!值得推介。蛋包飯蛋好香，飯略乾，豬手/豬扒好大份，豬扒炸得幾靚幾脆。仲有個收銀好有禮貌，仲會誠意推介菜式，唔知係咪老闆