友鳥 (已結業)

疫情2年，相信大家都想念鄉下—日本，這間在觀塘新開的日本居酒屋，不論裝潢還是其日本料理，都必定能治一治旅行癮。餐廳整體以日本舊時代的居酒屋為設計藍本，灰色色和深啡色的木材裝潢，如果有去過日本當地居酒屋，一定有種熟悉的感覺！另外，還有部大電視88吋，一邊飲Sake酒 一邊睇波一流，如果同班friend一齊，更賞心悅目。餐廳招牌的燒串燒料理必定要細緻品嚐。我特別推介這串豚肉盧荀卷，以肉質鮮嫩的黑豚肉包裹著甜的盧荀，再按個人喜好醮上汁燒，既解油膩感，酸甜感覺也讓人為之一震！豚肉也有著異典同工之妙，燒吃起來更特別juicy。另外，去居酒屋當然不能錯過串燒配啤酒，居酒屋的每道串燒都是即叫即燒，保證「新鮮滾熱辣」，配上「識飲啤酒一定要飲」的Sake酒或Asahi日本朝日啤，日本風情爆燈！最後串燒方面，編輯特別推雞肉棒和A5和牛和牛舌串。雞肉棒方面，餐廳選用的雞，再混入粒粒雞軟骨，口感十足，不過識食一定要沾蛋黃，因為這才吃起來令雞肉更嫩滑。

原本想去OPC, 搵啲大路日本嘢食，點知排晒長龍。最後行吓行吓見到一間唔起眼嘅小店， 友鳥。 門口木造招牌做得非常精緻，可見這間小店並非一般快餐店。見到一條長長的樓梯，有少少驚。但隨着好奇心，所以想去試吓。叫咗幾個小吃， 10分驚喜。覺得最高興嘅就係識到大大塊鵝肝。 底下嘅麵包又脆又香，配上簡單小䓤。 口感一流。 （最緊要趁熱食） 。 A五和牛燒得啱啱好。 如果太大件，就會太就肥膩。 好滿足。 最後一題嘅就係， 甲羅燒。 做得非常精美之餘， 味道配搭非常好。物有所值。 店長也非常識做，見我們食得這麼多（每人吃了$300）就送了日本雪糕。 必要再去！

今日有事去觀塘，又要搵一間未食過的餐廳。觀塘區的工廠大廈樓上餐廳已經食得七七八八，要搵一間未食過、質素又要似乎不太差的餐廳越來越難，今日就搵到了【友鳥】。今日係第一組客人去到，加上是星期六，附近寫字樓的上班一族全部休假，餐廳三位員工正悠閒地佈置餐廳，掛上不少賀年裝飾。午市定食絕大部份介乎 $68至 $98，符合上班一族要求。牛肉烏冬（$78）表面鋪滿椰菜碎、甘筍條及海帶絲，另外還有幾片日式魚蛋及半塊浸腍了的紫菜 ⋯⋯ 賣相奇怪，完全係徹徹底底的港式日本料理模樣，一點也不吸引。撥開這堆配料，見到幾塊糾纏在一起的薄切生牛肉片，要自己動手弄開鋪平；加上湯底唔夠熱，牛肉差不多是全生 ⋯⋯ 同樣係問題，不過，肉質總算軟滑。再撥開牛肉，終於見到烏冬；粗幼適中；但太軟太腍，口感既不煙靭、也不彈牙。滑蛋吉列黑豚定食（$88）的日式滑蛋汁煮得麻麻地，太稀身、似汁多過蛋漿，亦欠蛋香。加了滑蛋已經知道吉列豬扒會稍為變腍，就算最好味嘅滑蛋吉列黑豚都不能避免；只不過，這塊滑蛋吉列黑豚的脆衣又實在太腍，一丁點的麵包糠香脆都沒有留低。U7 串燒定食（$148）係最貴嘅午餐定食，有雞皮、雞軟骨、豬腩肉、雞翼、免治雞肉

又同同事食lunch ,呢間食定食，價錢都算合理，重點係無加一我照舊食牛肉烏冬，好好味，好多牛肉，又多配菜，仲包甜品同湯，幾抵食，坐得都幾舒服同事個咖喱飯都好香，好多飯好多咖哩

今晚想食日本料理，經過見到這間食肆的易拉架，見到食物好似幾吸引，於是入去試吓。一入到去，成間餐廳空無一人，晚飯時間都無人幫襯，心諗會唔會間餐廳唔多掂，但個心又想試吓，所以最終都決定選擇「包場」。職員招呼唔錯，未打開餐牌已經有餐前小食奉上。分別點了銀鳕魚西京燒定食、滑蛋吉列黑豚定食、燒白鱔串燒、雞胸軟骨串燒及玉子燒。首先銀鳕魚定食，魚皮好香脆，而且魚肉好滑，唔腥，同埋無雪藏味。而滑蛋吉列黑豚定食，啲蛋淋喺豬扒上面，但啲吉列皮都唔淋，仲脆，不過食落去就覺得同普通豬扒唔係太大分別，不過不失。至於串燒方面，燒白鱔幾正，啲魚肉有啲彈牙，同埋塊皮幾煙韌，而雞胸軟骨串燒好食，咬落去爽口，雞肉又唔「鞋」，串燒值得推介。而份玉子燒就幾大份，上枱時仲好熱，有煙出，而且中間都幾多魚子。總括這間餐廳值得再幫襯。

繁華嘅觀塘區，甘多密集嘅工業大廈. 居然俾我搵到一間，真心覺得好味日本餐廳. 嗰度有好多唔同種類嘅串燒，尤其海鮮種類都算比較多. 今日差不多試晒佢地既海鮮，每一樣都係廚師精心炮製，碟碟上檯都你熱辣辣的，佢地有好多部電視，其中一部成75寸的大電視，聽佢地老板講，黎緊世界盃，佢哋仲有好多唔同各式各樣嘅節目. 可以一路食日式串燒，飲住清酒睇世界盃真係幾正

我平時好少寫食評,昨晚十二人去觀塘食日本嘢, (朋友在觀塘返工, 帶我地去試新嘢,好似係開左幾星期的), 食物高質數,好味, 价錢平民化。十二人叫左好多 魚生(好新鮮),各式小食, 串燒,主食,甜品,全部都好好味, presentation 也很有心思。 我地再系隔离舖買兩大瓶 Sake, 埋單每人只是四百元! 吾平時在其他地方食一定每人過千, 大滿足!員工態度友善,每道菜慢慢上,我地12個人傾計傾足一晚, 特別推介 白子刺身及沖繩豬手大根煮(未食過咁好食嘅豬手)。 可惜食得太開心, 竟然忘了影相!

正午時分，行過附近有間新餐廳。前身係茶記類，華麗轉身後為日式餐廳。入座前，首見掃（健康）碼量（體）溫一體機，小鄉里見驚喜。午市餐單共7項選擇，大大節省有選擇困難既友人。牛油果角切魚生丼：賣相唔係友人杯茶。除角切三文魚生可辨識外，餘下未見光澤賣相既，一度懷疑需要重新定義「魚生」。帶有不規律小黑點既牛油果話我知：一係熟左、一係氧化左。最重要既味道，係正常既！價錢$98，性價比2/5。灸燒半熟封門牛。溫度玉子：上枱溫度比友人既丼稍高，體溫稍上，方便入口。牛，似乎應該可能係慢煮，未有灸燒效果，剩下係一啖啖口感。飯粒，未能說出既陌生感。價錢$128，性價比1/5。其實，價錢親民啲既，可以去隔離。仲計劃緊去日本既，又想行遠少少既，可以過對面街。每人頭上一片天，有料既人可以選擇自己天空既顏色，也得尊重其他人既顏色！

早2日同朋友去開觀塘行過樓下見到有宣傳牌開左新餐廳即刻就要走上去試🤪當日雖然lunch勁爆場🤪但都係等左一陣間就有位了😊Set Lunch一共有7款但可能太爆場了，我地食時好多餐都賣晒😅最後叫左汁燒薩摩赤雞 $88U7串燒定食 $158一個餐有齊晒前菜，漬物，四式刺身，麵豉湯 同埋主食咁既價錢整個set都好抵食 CP值高👍🏻😍味道都唔錯👍🏻刺身夠鮮，我食個雞好香唔太柴同埋雞皮好脆口😍朋友話佢個串燒定食都好好食真心好喜出望外😍同埋喜歡佢個漬物👍🏻如portion再大多dd就好啦🤣另外，如個麵豉湯再熱d就更加perfect池啦😝❤️❤️❤️整體感覺很良好聽waitress講，夜晚主要做串燒😍😍絕對會encore, 下次要試埋佢dinner👍🏻👍🏻👍🏻

近排觀塘Eastcore開左幾間新食店仲未試完，今日行過見到有間新開日式串燒店開左，串燒喎入去試下佢咩料先～間鋪睇落都算闊落，啲野食價錢係呢區算中間上，午餐定食都有6款你揀，聽伙記講間中會轉menu，由於唔係太肚餓就揀左個厚燒黑豚腩定食，配菜竟然有隻鮑魚仔，味道唔差仲有沙律菜跟，仲有巨峰+香印提子，漬物個牛蒡味道唔錯，以定食黎講都算幾多配菜食～主角黑豚腩肉燒得幾脆，都幾夠味又唔會太肥油淋淋，飯量都好夠，下次黎試下個串燒set先～

今日嚟試新嘢！原來新開張。店舖都幾寬闊～我揀咗串燒定食。$158 性價比算不俗。午市免加一。燒牛舌最好味！同埋都好厚身。雞肉棒同埋燒小青椒都OK！個刺身真係有待改善！豐富Close up刺身色澤有點奇怪，又好乾，有待改善！前菜醃牛蒡都幾好味同事揀嘅豚肉定食～ 有點似燒肉！整體來講，如果食串燒係OK。座位尚算舒服，服務都OK。可能新開張，見佢哋未夠一點，已經好多人！仲要排隊添！其實如果想做多啲生意，加多啲串燒定食，但係細分啲，平返少少，因為女仔可能食唔晒咁大份，可能更加有市場。

太懷念日本的日子了係公司附近新開左間串燒店襯lunch time 去試左唔知係唔係太思鄉的關係好特別的感覺我哋點左5号唐揚原條碟魚哈哈可能新開比較蝦look初初漏左個醬7号串燒定食雞肉串同豬腩卷味道幾好不過我認為串燒配啤酒係最好可惜餐牌好似無啤酒😅同番緊工有都唔飲得係附近黎講價錢就不過不失唔算平唔算貴不過好似仲係試緊業😂😂職員好似話係頭幾日試業🤔遲啲疫情好啲收工再試下個晚市先哩排太多人都唔想係餐廳食太耐飯