友明 (已結業)

剪完頭髮去友明食潮州野, 叫了炒蜆, 椒鹽九肚魚, 滷鵝以及滷水拼盤.炒蜆, 鑊氣好似唔多夠, 少許濕軟賴賴咁無驚喜, 味道也不平均, 有些鹹有些淡, 不合格.椒鹽九肚魚, 不錯, 微脆皮裡面肉爽, 咸咸香香這道下飯很不錯, 推介.滷鵝, 都是很好, 很入味之外滷水也很好, 做得很成功的一道菜, 不錯.滷水拼盤, 蛋很正, 豆卜也很入味, 腸爽口, 肝軟滑多粉, 腎爽脆香口. 整體而言, 很街市熟食風格, 平, 令, 正. 食完唔肉赤

大記結業，士美非路市政大樓熟食中心既選擇又少左一共五個女仔既聚會，近近地搵左呢間黎食五個人叫左四樣野︰菜膽雞︰叫左半隻雞，不過感覺縮左水，味道ok糖醋班塊︰班塊炸得幾好食，但食一d都唔「糖醋」，求其淋D酸汁了事...金姑肥牛煲︰好細煲，味道唔錯沙拉豬扒︰份量ok，味道一般每個人加5蚊就有汽水同飯，飯都夠哂我地添飯最後埋單每人40蚊，食小菜黎講真係幾抵食(雖然都係好懷念大記)

本想食大記, 但已冇開.見其他人都幫襯友明, 其他客人檯上的食物又幾好樣, 也來幫襯埋一份先隔離檯碟生炒骨及豆苗咁正, 叫了.另外也一試椒鹽腰果脆鱔.生炒骨幾大碟, 除了肉, 也幾多蔥.味一般啦, 但夠晒熱. 咕嚕汁都係正常味. 唔算多肥肉了.蒜炒豆苗也是夠鑊氣, 叫了少油又真的做到, 推介~椒鹽腰果脆鱔的鱔都幾多, 好脆, 點少許喼汁, 酸酸地, 正.腰果都唔少.今餐好食. 會再來的.再看看其他客人食的蠔餅也幾像樣, 下次也要食~3人食了130蚊.

星期四晚九時多來了這裡，我們大約廿多人，分了兩大檯多人（over 10人）的話，通常這裡是我們唯一的選擇有湯及soft drink送小菜in general都ok，特別喜歡：1) 西檸雞 - 味道ok，但雞肉比粉的比例較少2) 炒豆卜 - 唔硬又唔實，咬落有汁3) 咕嚕魚 - 自在開胃，肉多 4) 牛肉粉絲煲 - 味道濃，但過杰蠔餅一般，有少少腥阿姐都幾好，主動問我們要不要將兩張檯拍埋一齊

17/2/2008父母去完車公廟,所以番到屋企附近叫我落黎去熟食中心既友明飯店吃晚飯,阿哥補完習都黎叫左四樣食送-半隻薑蔥霸王雞$50父母喜歡吃,就要了,雞算滑,最正都係個汁-煎蠔餅$36上桌感覺幾,個老闆話咁先好食,食落又真係,而且啖啖蠔-芝士牛油班腩$45個汁唔太夠味,雖然父親認為太漏,班腩頗多及嫩滑-八珍扒豆腐$38用煲上桌熱辣辣,好味但稍嫌細煲-白飯4碗$5@埋單$189,經濟實惠P.S. 好耐無響熟食中心吃晚飯,特別是友明 新菜譜比以前款式多左,不錯的嘗試

農曆8月16..終於可以跟朋友共同追月...這裡午餐時..好多男人在此開飯..我不敢試晚上...則是家庭..招呼好好...一叫即到我們叫了炒豬什...芝士班腩..九菜蜆...有例湯送..也叫了啤酒炒豬什.好爽口...肝..肚..肉片.腸..材料足.芝士班腩...汁好好味...中西合璧例湯...真才實料有大排檔feel, 但有空調...2 個人..眼闊肚窄但一定會再來

昨日一行十三個人training完黎左呢度食～我地叫左十一個餸～上得好快～食落口都唔差～有鑊氣不過碟碟個樣都好似差唔多～除左個汁顏色唔同～不過炸大豬勸大家就唔好叫啦～佢都好似無咩洗過咁～可能佢地成日黎啦，所以送埋飯、湯同埋飲品～飲品有可樂、雪碧、新加士橙汁同埋楊恊成低糖菊花茶千祈唔好叫雪碧呀～佢地話好似廁所水陣味禾～ｄ野都ｏｋ大碟～熟食中心環境黎講都叫做算係咁ｇａ啦埋單＄３８１～

二月一日晚上九時半左右…九個人叫了六樣菜也只不過是$23/人，而且好味+ 送飲品+ 上菜快(可能只得我們)最愛芝士牛油班腩及西檸雞。生炒骨、豉椒炒魷也ok…好有鑊氣，炒得又好味、肉又多，汁也不錯。好熱氣，但好滿意。不會太dirty，街市…算可以啦。