又見麵 (已結業)

舖頭唔大，但會多人排隊，入到去坐既空間都唔多。由於舖頭開廚房好近，所以食完個身一定會好大陣油炸既味道。 舖頭招牌菜係常餐米線配小食，豬潤米線會有小小西洋菜係湯到，而佢地先係精華，索左薑汁湯既味道，食落會有點清甜；豬潤食落新鮮，配埋米線就會好快成碗食晒。炸豬扒明顯睇得出有用香茅醃過，外脆內軟又唔會太乾身；厚多士好香脆，配上朱古力醬會好夾。 食物方面唯一唔好既地方係份量唔多，男仔食完會想食多個包，但味道同性價比非常高，經過既朋友一定要過黎試。

2021年11月26日(五)今日喺屯門碼頭返學，朋友推薦我來見一麵食午餐，我就跟足朋友嘅介紹叫晒佢推薦嘅食物。我好彩行得快，1pm就到舖頭，食飯時間到，好快已經坐滿晒人，一位難求。金牌特餐$38A區選咗沙嗲鮮牛肉米粉B區選咗香茅豬扒本身係配牛油厚多士，加咗$4改為要奶油豬仔包跟餐熱飲一杯，我要左熱檸檬茶，凍飲就要另外加錢。米粉是用傳統粗款，我鍾意呢種。沙嗲鮮牛肉不是我杯茶，牛肉很滑朋友就非常之賞識，她很喜歡。香茅豬扒好吃，調味好，軟硬度適中朋友極力推薦奶油豬仔包，真係好好味，大大個，烤到脆脆的，奶油又充足，我鍾意

每逢weekend 我都會去屋企樓下呢間食炸茶肉絲公仔麵 我鍾意order時註明要爽麵 否則d麵會太過淋 奶油多士 個餐本身包左油多or朱古力多 我鍾意加奶（加1蚊）香脆好味蒜香辣雞翼尖 呢個簡直係成個餐ge重點 真係好香 辣度岩岩好 order時要註明多汁凍檸茶少甜少冰我order ge呢個餐基本上佢全日都有 只係早餐同下午茶時段平幾蚊 所有午餐時間都食到ge成個餐咁豐富 40蚊有找 超抵食 仲有呢度ge豬仔包 炸雲吞都好出名ga

第一次去呢間食早餐，之前都有路經幾次，今日去試下。。。早餐A+B...11:30前就$35, 11:30 後就$38~😁😁😁沙嗲牛肉米粉～加 朱古力厚多士 🍫🥪+ 香茅豬扒🐷.沙嗲牛肉河。。河粉質地有d 厚，未算係最難食果款河粉。。有d 河粉可以難食到又厚，又粗糙，呢間河粉是厚河粉～ 但不粗糙，尚可😂😂.個朱古力厚多士不錯啊。。因為多士仲有剛整起的熱力。。👍🏻👍🏻🍫🥪.同埋我揀左配 香辣蒜香雞翼尖。。🤩wooo......雖然好辣好辣好辣，但係辣得好味😁👍🏻👍🏻 指天椒+蒜香😋👍🏻👍🏻最後兩個人食。。。加埋$82~ 👍🏻👍🏻

黎到呢到一定要食奶油豬仔包，點解？因為好味到多人叫到會整唔切，等半個鐘都試過先講奶油豬，個皮脆得黎唔會係硬個隻，裏面沾滿左鍊奶，食一次要跑返19點到都抵。配埋炸雲吞呢個hidden menu記得茶餐揀完個麵可以配炸韮菜雲吞即炸新鮮熱辣

今日一行2人，諗住隨便搵個地方食野，所以就到左呢間普通食肆午餐。 （無錯，佢未算可以叫得上餐廳） 因為係午餐時間所以都知道選擇唔多，所以我地叫左1個海南雞飯 同埋一個口水雞飯。 其實兩個飯嘅分別只係在於個汁唔同。 海南雞飯咪俾個酸辣汁， 口水雞飯咪係啲雞上面淋啲辣椒渣俾你。 無錯，當你看一看枱面個樽辣椒油點解冇晒啲渣，咁你就知道去晒邊度。個海南雞啲雞我個人覺得好嗱差，首先係骨多過用仲要俾雞翼我，真係咩料呀。雞肉唔滑（其實冇咩用，又何奈滑唔滑可言），啲皮爛溶溶咁，根本唔算係海南雞，佢只係染左黃色皮嘅雞。 所以佢都同我講係冇黃油飯，當然啦，你個隻染色雞又何奈會配得出黃油飯。 個白飯又要硬身到爆。而且奇奇怪怪會配搭個豬潤湯，味精味重到不得了。 另外仲有杯凍檸水，啲味又怪，感覺好似未洗乾淨仲有陣味係度咁。 講真呢餐咁嘅飯我真係食左3分1就食唔落了。 我承認我對食物係會有要求，但有時一餐半餐食個午餐都冇咩所謂，都諗住飽肚算數。但我對今次呢餐野簡直係垃圾中嘅垃圾。 無錯，我真係覺得好似食左垃圾咁，完全 侮辱左自己嘅味覺一樣。

之前星期六/日經過啟豐去蝴蝶商場嘅天橋, 都會見到呢間新開食店有人等位. 可能今日係平日啦, 行過竟然大把吉位, 就入去試下.叫咗佢嘅金牌早餐豬潤湯米+牛油厚多士+香茅豬扒+奶茶(多奶) $27.00豬潤湯米--豬潤唔韌唔鞋口, 又無怪味 牛油厚多士--真係幾厚架, 咬落又夠脆, 掂! 香茅豬扒--望到面頭有香茅嘅幼絲, 入口有淡淡香茅味, 好味. 奶茶--尚算夠滑, 入口有少許苦澀, 但可接受.