又一戟 (已結業)

Always having long queue in this restaurant, maybe because of its cheap and yet yummy crepe/ pancakes!  There are so many flavours for me to choose from, ranging from salty ham or tuna salad, to fruity ice cream with chocolate sauce.  At the end, I ordered banana plus ice cream pancake.  Waiting for around 10 mins, I could finally get my crepe!  The crepe was warm while eating with the cold whipped cream and ice cream together, the sensation was a spot on!  Banana slices were sweet and fruity an

又一戟喺葵芳廣場好受歡迎，因為佢價廉物美，亦都提供好多唔同味道、唔同配搭嘅班戟，而且佢個班戟整到長長哋，好似好大支咁，感覺上比較抵食，就算只係買雪糕，10幾蚊就有好幾球，所以每次去到，都會見到有好多人排隊。呢排佢仲出咗榴槤味嘅班戟，有熱同凍兩款唔同嘅班戟選擇，啱晒榴槤粉絲嘅我，熱嘅班戟應該係配埋芝士，係鹹味嘅，但我鍾意食有雪糕同甜甜地嘅班戟，所以揀咗榴槤蓉配雪糕同忌廉，面頭嘅榴槤蓉係好食嘅，但感覺份量有啲少，班戟皮亦都好薄，雪糕唔錯，但班戟裏面反而全部都係忌廉，食到尾尾會覺得有啲漏滯，如果可以喺忌廉裏面加啲朱古力醬，或者榴槤蓉，可能會仲好味😋

又一戟係戟賣班戟既食店，佢入面有等簡咸或者甜既班戟。除咗班戟之外，佢地仲有賣雪糕同其他雪糕既副產品，例如10蚊一杯既奶昔。 係連最大既連鎖快餐店金拱門都賣緊十二蚊仲要得兩隻味既時候，又一戟竟然用十蚊尼個價錢嚟賣一杯奶昔，仲要有好多唔同味，我覺得其實都真係好抵。我一共試過曲奇、薄荷朱古力同士多啤梨味。當中我覺得士多啤梨係最好飲，因為夠普遍😂唔突兀。佢地既奶昔原料其中一樣係用夠一杯雪糕整成，所以飲落質感幼滑，唔似有d店整完出嚟飲落似沙冰多d。咁個味就同佢地（即係平時食到既平價雪糕）雪糕既味一樣，普通通通。十蚊可以飲到尼個質感同味道算好好！值得買😂最後要講係我排隊拎戈陣見到佢地賣既珍寶雪糕真係會筆成座山咁多既雪糕俾你，無誇大成份😋一杯夠三個人食！如果鍾意尼類型既食物又無咩經費就記得嚟又一戟買嚟食🤣🤣。

一講到葵涌廣場美食名物😍 ， 又點會少得《又一戟》🥞。 開左甘多年， 次次上到去都見有一班人企係鋪前等👭👫👬👭，相比隔離左右鋪就顯得份外冷清🎑❄。朱古力香蕉班戟 $25 🍫🍌🥞呢個係我既不二之選， 加多$2 就有埋一球雪糕🍨添

葵涌廣場不嬲都係食嘢買嘢嘅好地方, 尤其3樓有好多小店好好食. 呢間可以話係由細食到大! 由於上咗TVB, 多咗好多人, 要等嘅時間亦相對愈來愈長.班戟全部即叫即整, 仲有冷熱可以選擇.內容配搭勁多選擇, 睇到眼花撩亂.要諗清諗楚至好行過去. 天氣涼咗, 我今次揀咗熱食. <<香蕉紅豆熱班戟>>現場睇住佢整, 熱辣辣!!! 香蕉夠哂熟, 紅豆又夠哂甜. 份量足, 有料正. 最緊要係KEEP到一直唔錯嘅水準.一段時間無再食, 宜家食返, 都仲係咁好食. 

好多人都鐘意食佢嘅甜班㦸😋我反而鍾情於佢既咸班㦸多啲～每份班㦸都係即叫即整，所以次次拎上手都係熱辣辣🔥外皮方面，烘到啱啱好微脆，所以食落好有咬口😆裏面嘅鹹牛肉份量夠曬多，配合埋沙律醬椰菜絲一齊食，真係好夾🤤

同男朋友住葵芳，不時都會來買班戟或者奶昔。不得不推介：曲奇奶昔<3$10一杯，非常抵，已經飲過好多次，好好飲，特別係果個帶cap帽的男店員整得超級好飲。每次都會見到佢筆好多球曲奇雪糕加奶整，多到係成個杯都裝滿雪糕的，今日發現原來佢仲會加一球朱古力雪糕去整，感覺好professional，原來個味咁好飲唔係只係得曲奇雪糕！！平時去又一戟感覺唔係好常見到有人買奶昔飲，大家可以試下，真係好抵，好好飲！！

今日放低呀仔，約左好姊妹食個lunch,難得無左小魔怪，又去開葵涌廣場，緊係去掃街喇，一上到3樓，又要去返中學時既回憶，又一戟，一份都食得飽肚既pancake,我叫左火腿菠蘿，另加4蚊加車打芝士，雖然有幾年無食（因為無幾可去葵芳），但味道同以前一樣，無變過，再有時間都要出去再食

再嚐多年前食過嘅又一戟甜品總係令人心情大好☺而甜品再唧滿邪惡cream🤭睇見佢係又愛又恨又唔係成日食😂肥就肥啦🔥呢間舖嘅舖位認真係得天獨厚近扶手電梯 對出有大範圍空間同商場嘅凳班戟選擇多 但menu比較混亂貼左琳琅滿目嘅A4紙係舖頭前面可惜欠缺整齊嘅排序 真正嘅睇到眼花🧐班戟款式有咸有甜 另有賣楊枝甘露 有奶昔 有雪糕小編去到啱啱撞正送貨 雪糕牌子係用維記😊加分睇左一輪 小編嗌左「芒果豆腐雪糕班戟（$27）」係前面都有十個號碼即叫即做 要等都理解的😀大概等左15分鐘就到手啦!面頭係粒粒芒果+cream再落就係豆腐雪糕雪糕比較似雪葩feel 唔好expect係好creamy嗰種戟皮煙煙靭靭好正☺成件事好治癒放心 呢個班戟唔會食到好呢hea店家仲會俾個匙羹仔方便你食添!

喺呢度叫咗個芒果雪糕班戟。呢度啲班嘅全部都係即叫即整嘅，真係皮薄餡靚啊。個皮就熱辣辣，跟住配埋啲雪糕嚟食，嗰種冷熱嘅口感，簡直係絕配。雪糕有好多味可以選擇，我建議大家可以試下薄荷朱古力，好好食。跟住啲芒果的果肉好甜嘅，吾錯。食咗呢個班嘅之後跑咗半，再去掃其它小食

講起葵涌廣場，第一樣諗起嘅就係位於三樓嘅又一戟。即使附近嘅小食店已經換左n多次，佢依然屹立不倒，幾乎成為葵廣嘅地標。尼到有甜嘅班戟做甜品，亦有鹹嘅班戟可以當正餐。我今次同平時一樣，叫左個鹹牛肉班戟。班戟嘅最外圍好薄，所以可以整到脆卜卜，中間就比較煙韌。班戟包住滿滿嘅牛肉同芝士，仲有少少嘅生菜絲同沙律醬，整體好夾。我仲叫左杯楊枝甘露，吾會好稀，芒果味重，仲有d西米同柚子肉。雖然吾算十分好飲，但都幾足料架。

<葵廣篇>又一㦸依家係葵廣屹立多年，絕對有佢嘅原因，雖然我只係食過兩次，但每一次食都有驚喜。佢就咁望落去好似都係普通班㦸皮包住一啲cream咁，但係我覺得佢真係成日料好足，食落去係有種出奇意料嘅驚嘆。Brownie雪糕班㦸(豆腐味) $30真心好好食！尤其是係佢呢Brownie，我本身以為呢啲配料brownie一定唔會好味得去邊，預咗佢係嗰啲好乾好硬嗰隻，點知佢個brownie都超好食，超香朱古力味而且有少少外脆內軟咁！而且連豆腐味雪糕都好香豆腐味，絕對唔會係因為豆腐而淡而無味。最正係啲忌廉其實都係整得好出色，雖然成個班cake主要用咗忌廉黎撐起，但係都唔會覺得好膩，因為啲忌廉打得輕身，而且幾點自己本身都帶甜味，所以每一啖食落去都好正。最估唔到嘅事佢連入面內層都有好多料，本身好驚佢下面全部都係忌廉，點知原來唔係，一路食都一路有雪糕同埋brownie!!!!即刻覺得抵食咗好多！味道: 4.7/5性價比: 4.8/5

每次去葵廣就算食到幾飽，有一樣嘢都一定會食，就係又戟一啦！已經由初中食到而家出咗嚟做嘢幾年，佢嘅味道依然咁好、價錢亦都冇點變、不過就出咗好多新花款，但係最犀利嘅係越整越好味！每次去到都係要排隊，不過佢哋做嘢好快手，所以好快就搞掂。今次食呢個士多啤梨芝士蛋糕，係我嘅王牌之選。雪糕就會揀返雲呢拿或者士多啤梨味。芝士蛋糕質地柔滑，芝士味唔算好濃，配返班戟就啱啱好啦。士多啤梨呢就多數都係酸酸地😂 但係冇所謂因為個cream係甜嘅，配埋朱古力醬就就簡直係天衣無縫啦自己鍾意佢嘅班戟皮比較薄，所以更加食得出其他材料嘅味道，而且佢嘅份量其實唔算好大，所有有時當小食都唔錯。如果想當正餐食就可以揀鹹點。上次食過榴槤芝士餅都非常之好味，推介大家試下！又一戟，冇得輸呀！

呢間舖以pancake🥞為主，分咗凍同熱pancake，凍既主要係甜品，熱既主要係鹹點之前試過熱既覺得食唔慣😥，但係次次經過都見到好多人幫襯，而且有唔少專頁推介😳，所以今次決定再去挑戰佢既凍pancake，睇吓會唔會有驚喜🙊最後買咗店舖幾受歡迎既香蕉🍌雪糕pancake（$27），雪糕🍨可以自己揀味，加$10仲會有楊枝金露飲品香蕉雪糕pancake上面加埋朱古力🍫醬，呢個組合本來就冇得輸👏🏻，味道非常之夾，賣相亦極之吸引可惜唔知係商場入面太熱🥵，定雪糕唔夠凍🥶，食完上面層cream，食到雪糕嗰層，個雪糕🍦已經溶咗，令人食得有啲狼狽🤦🏻‍♀️或者考慮吓層cream放底，雪糕放面，避免再發生咁既情況😥

呢間店每次門口都好多人，但係每次等候時間都係5-10分鐘，對於即叫即整嚟講，呢個等候時間係屬於快tim！今次買咗兩份，每份都好大份，一個人食唔曬，最好同朋友分享啦！香蕉班戟，熱辣辣，脆卜卜嘅皮，配上🍌香蕉同Netella，一個字形容！正～鹹牛肉，啖啖都係肉，好豐富嘅料！雖然係鹹牛肉，本來就應該比較鹹，但係真係可以淡返少少，每次食完鹹牛肉，都需要飲返好多水！整體都係滿意嘅！經過諗唔到食咩嘅時候，可以考慮試下！