又一戟 (已結業)

明明自己找錯錢仲將責任推落我身上，睇返cctv，明明我著白T，又話見到我比＄100，比＄100個位人士係著黑T 架😡，做錯又吳認，不知所謂。比錢時話冇甘快，叫我一陣返黎拎。遲左兩個no.，佢係到發脾氣。話我係衰客人，阻住佢做生意。前言不對後語，一時又話一陣返黎拎，一時又話企係到等。真係甘重要。就應該同人講清楚，或者大字寫出黎，叫人吳好行開。服務態度差到爆。係到發脾氣熄燈話吳做，轉頭3秒米又開返燈。垃圾。半粒星都吳值！

嚟到葵廣呢間長期排長龍嘅甜品舖，真係由晏晝兩點去到夜晚都冇停過，質素，一直都keep到好好食，難得嚟到一定要買一個價錢又唔貴！🍴法式焦糖燉蛋雪糕班戟 $38 +$5 轉北海道3.6牛乳雪糕(8/10)焦糖燉蛋好滑，雲呢拿香味，上面層焦糖都好脆，特登加咗錢叫北海道3.6牛乳嘅雪糕，質咁都好細滑比平時嘅雪糕更加軟滑，但係偏甜少少奶味唔算好香濃好出，有啲奶香甜味！忌廉都好creamy，好香但唔會好膩，唔甜好濃厚，班戟皮今次煎得比較香脆，哦咯煙靭有餅香，食到最後有啲忌廉㗎。瑪麗餅碎都幾好味！推薦指數: 8/10佢哋嘅班cake真係好好食，不過北海道牛乳雪糕就唔使特登價錢再叫，性價比比較高！

見咁多人排隊 忍唔住走過去買翻個😎不過個staff attitude勁差 全程黑口黑面 想攞多隻匙羹都要藐我 多生意啫 唔使咁串掛🧐同埋果度衛生超差 有隻蚊滋係咁嬲住我個班戟 最後仲入咗去!!🤢加上個staff比我嘅時候都系黐立立嘅 就算再食都唔嚟呢間😥講翻個班戟榴槤班戟+雪糕 $35+5$40大大個榴槤班戟真系好抵食 雪糕好濃榴槤味😋班戟仲要有啲脆😳唔錯幾驚喜😚不過身為榴槤控其實就算點都好啦只要有榴槤都會加分嘅🤣入面仲有少少榴槤蓉 朱古力醬 同埋大量嘅cream😓啲cream多得滯🤏🏿 3個人share都覺得好漏😣如果多啲榴槤雪糕少啲cream就perfect啦 如果想食多幾間小店小妹就唔建議揀呢間啦🥴

🍦花生醬煉奶雪糕班㦸每次去葵廣掃街都經過見到呢間又一戟好多人，想食甜品揀左花生醬配曲奇雪雪糕，會發現入面啖啖都係cream同埋花生醬，真係比得好足料。花生醬令到口感層次都好豐富，超夾，同埋個雪糕同花生醬嘅份量都唔少，一層層食到底都有，下次試下唔加cream,無咁膩佢個餅皮，好有蛋香，係即叫即整，整嘅時間都好快，唔駛等好耐下次再試其他味😍又一戟葵芳葵富路7號葵涌廣場3樓

過到黎葵廣都真係主要為咗食嘢.次次都飽到不得了.次次食飽左我都一定要食d甜品.講到食甜品就梗係要食下雪糕同埋班戟啦又一戟長期都好多人排隊.唔好食又點會咁多人.我要分享下我最中意食既野.我個人推介食甜嘅班戟多啲.雪糕同奶昔都係必食.但係岩岩飲完杯果汁所以今次就唔飲住😅-榴槤雪糕班戟個榴槤味好重好香.加埋啱啱整起熱辣辣嘅班戟皮.個皮煙煙韌韌.再加埋好滑嘅cream.雪糕勁正😊-5球雪糕(豆腐.芋頭.紅豆.曲奇.抹茶)哩5個味真係好食到不得了.超重牛奶味.好濃郁好香.又唔會好甜.重點係大杯到.我同女朋友2個人食到好飽🤣但食得好開心好過引.食極都仲有.食慢d又會溶.食完個口都凍冰冰😉

每次同老公去葵廣掃街都經過見到呢間又一戟好多人 咁好彩前日經過得幾丁人即刻order個 brownie雪糕班戟兩份食雪糕可自選，我地揀曲奇即叫即製，外皮薄脆雪糕好full又多，brownie就唔算甜整體唔錯，老公話好好食老公話下次要order一人一個🤭

以前淨係會嚟呢度食班戟🥞估唔到佢哋而家有個人氣平價雪糕山🍦當然要去試吓😍珍寶雪糕可以揀三款口味 份量應該有差唔多九球雪糕咁多💕雪糕就唔好期望好高質 但完全唔差～$20嚟講 性價比超高！

如果嚟到呢一度 淨係食pancake嘅話 就錯喇🥞❌必食佢哋嘅雪糕珍寶三球！！雪糕嘅口味有成14款咁多😍佢一球雪糕係堆到成座山咁高🍦目測應該有12球嘅份量😂雪糕唔算話好高質 但真係好抵食🤑

又一戟喺香港有幾間分店而今次我哋就去咗位於葵涌廣場嘅依間見到佢有個法式焦糖燉蛋口味即刻叫嚟試吓除咗有個法式焦糖燉蛋喺上邊原來仲可以揀埋雪糕！我哋最後揀咗焙茶味因為驚太甜 特登叫個姐姐加少啲朱古力醬蛋味真係超級香濃配埋下面清新嘅雪糕完全冇得彈佢個餅皮好有蛋香，食落煙韌彈牙 仲要係新鮮即刻整估唔到咁有驚喜叔叔同姐姐嘅服務態度都好好而且整嘅時間都好快唔駛等好耐就有得食整體覺得唔錯！係值得一試嘅小店 可以支持下佢哋～

經常食，女兒出世前就和太太通常食咸的，現在基本都點甜的和女兒share。食甜推介食草莓＋朱古力雪糕；咸的話鍾意吞拿魚，而且味道賣相都很不同，所以甜咸同樣推介。而且覺得疫情後禮貌左不少，特別是台柱的那位姐姐，做事認真，讚。

估唔到呢度除咗買pancake之外最近仲新出左平價雪糕山🍦 $20就有三棟巨型雪糕 冇錯係三棟唔係三球雪糕！可以揀三款口味 不過其實味道就唔算好出色 係平時食到嘅味 但係份量真係多到兩個人都食唔晒 超抵！

喺一個星期裏邊嚟咗兩次因為朋友推介依度個開心果醬好好食所以嚟咗試平時最鍾意嘅係Brownie or 香蕉朱古力味點知一試咗開心果醬之後一試難忘第一次叫咗開心果醬加朱古力雪糕第二次叫咗開心果醬加豆腐雪糕相對嚟講，豆腐雪糕更加match因為冇咁甜但係如果係嗜甜嘅人應該會鍾意朱古力味多啲佢哋比嘅開心果醬一啲都唔手軟由頭到尾都好多十分之滿足而且開心果將入邊有個開心果碎令到口感層次都好豐富仲有啲雪糕都唔係一球咁少都俾得好多好大方加埋真係天衣無縫

每次去葵廣，都要食一個香蕉Nutella 又一戟先夠開心快樂。我鍾意熱食，香蕉配熱溶咗嘅朱古力醬，配埋幼滑既榛子醬，薄薄微暖嘅pancake, 食落非常滿足。無論春夏秋冬，我都最鍾意食呢個香蕉Nutella pancake，之前試過士多啤梨配雪糕嘅pancake，但我個人就比較鍾意食熱食嘅，因為pancake皮比較軟熟，令人特別滿足。而家外賣佢仲有一個專用Pizza盒仔裝住，非常貼心，唯一嘅缺點係永遠都咁多人，愈等得耐，食嗰陣就愈覺我好食😂

👉木糠焦糖雪糕班戟原裝有忌廉做裙邊圍住真係好靚🤪但咁多cream對我黎講真係太heavy搞唔掂😂好彩老細又肯整少cream比我💕班戟可以做到食緊甜品咁真係好犀利🤩望住佢仲出埋藍莓芝士蛋糕味🤤而呢個木糠同焦糖都好夾好過癮 加埋曲奇蛋糕真係my favorite😍!!! 雖然呢頭咬嗰頭d木糠跌哂出黎🤭但幾鍾意咬落軟嘅班戟皮時食埋雪糕同木糠嘅口感 而食到班戟底點都係到番cream😆所以真係唔驚少cream會無哂

食食下，發現一條條好短嘅黑色野，類似短毛髮，同職員講，開頭話睇唔到喎之後又話只係肉鬆…問埋係咪肉鬆燶咗所以黑色，又話唔係，只係上一個客叫左肉鬆，佢隻手掂左肉鬆，之後就整我果個，所以先會咁…其實食咗咁多年，肯道歉我都接受，但咁樣死唔認錯嘅態度，真係好反感亦好失望！