又一戟

營業中

休息中

飯後走到旺角的新之城逛下街，但又心癢癢想食些甜品，行過一間賣班戟的店鋪，店中都有鹹食或甜食的班戟，而且即叫即製，除此之外，都有雪糕供應。我們分別各點一份，分別有熱食熱香蕉朱古力班戟(另加忌廉)$30及凍食香蕉椰子雪糕班戟$28，熱食的班戟會有店員即製，咬落香蕉都是比較腍身，另加鮮忌廉就要另加$3，熱辣辣又脆香的班戟真是好食，加上香滑的鮮忌廉及朱古力汁，真是絕配。凍食的班戟可以自選雪糕，都有十幾款可以選擇，個人口味選擇了椰子味，椰子味的雪糕香甜，椰子味道都算是濃郁，入口都不會太甜膩，班戟皮就較軟身，同樣都是香甜的朱古力汁及鮮忌廉的配搭，香蕉片就不會太腍身，蕉香軟滑，另一種美味的選擇。

自從我光顧過位於葵芳「葵涌廣場」樓上的「又一㦸」分店之後，已經很久未光顧過「又一㦸」，未購買過「又一㦸」製作的食品，最多只是在旺角分店「又一㦸」裡面購買過一支蒸餾水。直到最近，我才第一次購買「旺角中心」分店「又一㦸」製造的「雪糕班㦸」食品。恰巧我在旺角「又一㦸」的價目表裡面，看到有一款水果班㦸，班㦸的名稱叫做「蜜桃雪糕班㦸」。「又一㦸」的「蜜桃雪糕班㦸」售價賣港幣二十八元，而且我發現「又一㦸」相片裡面的「蜜桃雪糕班㦸」，「蜜桃雪糕班㦸」真的夾雜了甜味切粒水蜜桃。而且「蜜桃雪糕班㦸」裡面，還有夾有一個雪糕球。我選擇了甜味的「豆腐」雪糕，作為「蜜桃雪糕班㦸」裡面的主要味道。於是我在旺角「又一㦸」店員面前付款之後，就開始站在旺角分店「又一㦸」的店外，看着旺角「又一㦸」廚房店員製作「蜜桃雪糕班㦸」的過程。大概十分鐘過後，旺角分店「又一㦸」的店員，終於製作完成我的甜品「蜜桃雪糕班㦸」。「蜜桃雪糕班㦸」的表面，真的有切粒的甜味水蜜桃，夾雜在奶油忌廉和朱古力糖漿的上面。奶油忌廉跟朱古力糖漿的味道，本來已經很濃很甜，但是我覺得它們的甜味，又未至於會完全掩蓋豆腐味雪糕球，跟切粒水蜜桃本身的甜味。旺角分店

我和朋友行街街，口痕見到雪糕店，買來試下，$10單球，$15兩球好抵食，但怕自己論盡，買2杯單球和個friend share食，叫了薄荷碎朱古力和朱古力甜筒 ，雖然10蚊禁平，但好大杯，薄荷碎朱古力甜度適中，食落涼涼地，碎朱古力有口感，朱古力雪糕香濃唔苦，店舖雪糕選擇不小，下次試下其他味！

朱古力芝士蛋糕雪糕班戟個朱古力芝士蛋糕好少，不過味道真係唔錯，而且佢嘅朱古力芝士味都好香，不過就偏甜一啲個雪糕我揀咗抹茶味，個班戟皮都好薄，唔會話好厚好硬，個班戟皮同個抹茶味雪糕都好夾，仲有啲Cream都好夾🤤👍🏻

今次嚟呢間鋪頭唔食班戟，試下呢個8號風球雪糕，點解要叫呢個名呢，就係因為佢可以有八種唔同口味。原來味道係冇得選擇，因為佢之前已經預備好，好彩里面都有我最鍾意嗰幾隻味道，例如係朱古力曲奇，豆腐同埋香芋囉。

食過好多次呢度嘅班戟啦，最欣賞佢嘅原因就係因為佢d皮係即刻整嘅，變咗佢啲皮係熱嘅，跟住再配埋佢啲雪糕，有嗰種冷熱交融嘅口感啊，再配埋個芒果生果一齊食，噉仲有啲cream，噉都幾滿足嘅

幾時都話 甜品對女人黎講永遠都有第二個胃🤫呢頭打完邊爐 轉個頭就食返個班戟🤣.🍨焦糖玉米片雪糕班戟係小編近期掃街試到比較高質既甜品💁🏻‍♀️軟滑既cream 加上濃濃既香芋雪糕球🍦灑上加左焦糖漿既脆脆粟米片🌽多重既口感確實幾驚喜✨班戟皮亦都好煙靭有蛋香😋所有野加埋係無得彈既🌸重點係食到底都仲有雪糕同粟米片😋小編仲覺得比起一D出名既雪糕班戟呢間質素更高更足料 價值都更化算💰絕對可以Encore🤙🏻.人均消費：$28推介指數：👅👅👅👅👅👅👅👅👅（9/10）Encore指數：🤙🏻🤙🏻🤙🏻🤙🏻🤙🏻🤙🏻🤙🏻🤙🏻（8/10）

旺中一直係mk的代名詞，但淘寶的盛行同埋mk妹的末落，旺中都因此而人去樓空，越來越多吉舖，所以旺中都向葵廣學野，引入小食店，因為食係無分性別同年齡。📍#粟米片焦糖香芋雪糕班戟（$28）-脆脆的粟米片加上香軟雪糕，焦糖加上香芋雪糕仲有甜而不膩的忌廉，一脆一軟，一甜一濃，非常滋味，班戟皮亦非常煙韌同有蛋香；而最貼心的係一般班戟的面頭有脆脆，下面雪糕，之後就係班戟片，但係呢個雪糕下仲加多層粟米片，果一刻係驚喜ge，有心的小店。😋味道：7/10🙃回頭：8/10💰消費：$28

最鍾意食呢度啲班嘅，班戟可以揀一種生果同埋一款雪糕嘅，噉生果我就揀咗芒果，另外雪糕我就揀咗薄荷朱古力，因為佢即刻現場製造嘅，所以整出嚟嗰個班戟皮係熱嘅，再配埋個雪糕嚟食，一冷一熱個口感，唔錯嘅，價錢都係27元左右

🇭🇰#香港捐窿捐罅記 $15就有8球雪糕食🍦 啱晒平民既大家🙋🏻‍♂️夏天來臨 氣溫隨時去到三十度以上 緊係要食舊雪糕定定驚🔥咁啱比我發掘到一間旺中小店 抗通脹價賣雪糕比大家食🤤西九咁平租都做唔到$1.9 佢係旺中反而可以 仲唔係恩物❤️-味道有紅豆，芒果，紫薯，綠茶等等 都係大家常見既味道😌 味道方面 正正常常 起碼冇融晒或變壞，藥水既味道😂 絕對可以幫大家降降火😂總結來食 行開旺中 可以去食食🍦-🎈旺角中心二樓SA31號舖平均傷害：$15好味值:6.5/10

記得以前次次去葵廣都會食又一戟, 之後旺中開咗分店, 大食妹去親旺中都會食嫁。今次大食妹就同朋友食完飯先過黎, 都係抵受唔得住佢嘅魅力, 嗌咗個紫菜粟米蟹柳pancake, 當然當然—定要加芝士<紫菜粟米蟹柳班戟加芝士$31> (好味: 3.5/5) (抵食: 3.5/5)以前係葵廣食嘅時候, 班戟係多料多到咬落去會爆漿嫁但係琴日再去旺中食嘅時候, 就有少少失望啦味道雖然依舊, 但係佢嘅醬汁同埋芝士就少咗好多... (但係依然可以做到拉絲效果)考慮到價錢依然係咁平, 就酌情扣少少分啦。 可能因為物價貴咗, 而佢嘅pancake一直都冇咩加價, 其實啲料少咗係值得體諒嘅

榴槤真係一樣令人又愛又恨既食物，鐘意食榴槤既人就知道，香港要搵到好食又抵食既榴槤食品一d都唔容易原來旺角呢間小店有榴槤班戟，仲要幾抵又好食，有驚喜！榴槤肉多到滿晒出黎班戟係即叫即整，拎上手仲係熱既，個外皮邊有少少金黃，勁香！除左榴槤醬，中間仲配一球雪糕，榴槤配雲呢拿，兩種creamy既口感融化埋一齊，係榴槤控既小小幸福下次突然想食平平地既榴槤甜品解解癮，一定要返黎呢間👍🏻

今日去咗旺角行街，人多擠迫，想搵間餐廳食嘢都難呀，所以就想食呀小食啦，自從旺角中心變到好似葵芳廣場咁嘅小食店之後，其實都冇幫襯，今日一於去睇下變成點樣！2樓有好多小食嘅種類選擇，人依然都係咁多。我揀咗一間冇咁多人排隊嘅pancake店，既係我鍾意食嘅嘢，又係我一直想食番嘅嘢😄😄我叫咗曲奇雪糕香蕉pancake，軟軟嘅pancake皮特別滋味，仲要天氣熱辣辣，食一口凍凍的雪糕🍦更可以帶來一點涼意，還是喜歡呢！😊Pancake有幾個層次，第一層係cream加香蕉，第二層係雪糕，第三層又變返cream加香蕉🍌如果每一層都有雪糕嘅話我會食得更爽

好耐無去旺中行街 今日心血來潮去同朋友睇下😝 發現多左條美食街 好似葵廣咁 於是我地就試左葵廣好出名的又一戟😛😛😛今次我地叫左朱古力芝士蛋糕班戟 少cream😚 朱古力芝士蛋糕好有驚喜 吾會太實 配埋雪糕同煙un的餅皮 好好味！！ 因為我好怕食cream 所以今次就叫左少cream 個班戟食到最後都吾係好膩😋😋 建議大家下次都少d 感覺仲好似多左雪糕🍦添🤣🤣🤣

食完晚飯後，意猶未盡就想去旺中買件班戟食下。位於旺中分店係我唯一食過果間，雖然每次去到都有人等候，但時間都唔會太長。主要分熱食或凍食，鹹食或甜食。口味都有接近廿款。食飽飯就決定叫個雪糕班戟兩份share.香蕉朱古力雲呢拿雪糕班戟$27等左大概10分鐘左右個雪糕班戟就到手。主要配料有香蕉，忌廉，朱古力，雪糕。大件既香蕉集中係上方，底層只有香蕉粒粒，雲呢拿雪糕味道唔錯，不過朱古力漿味道就比較假同稀身！