又一戟

營業中

休息中

以前細細個我的mk 中學時期，最鐘意行的其中一個商場一定系旺中今日難得重遊舊地，已經唔系好似細個咁樣同三兩知己買mk 衫，而系去搵下有咩懷舊小食行左一樓同二樓，竟然俾大食妹搵到一間兒時回憶 又一得戟火腿菠蘿班戟(加芝士)$42原來不知不覺，細細個$20一個pancake 已經加價加到$40，以小食黎講真系貴貴地講番質素先，pancake 皮軟Q軟Q，菠蘿火腿酸酸甜甜幾開胃，加左芝士咸咸地都幾好食豆腐雪糕$15豆腐雪糕正常發揮喇

木瓜鮮奶好多地方都會有得賣， 好傳統的嘢飲，但是這杯飲落去感覺好稀釋， 不過都聞到鮮奶嘅味道😆😆😆 這杯木瓜奶並不是太甜，鮮奶都夠滑流， 如果可以加多少些木瓜 ， 沒有這麼稀釋就會更加好飲

#豬同鴨講 🍌香蕉+曲奇脆脆+忌廉+朱古力醬+雪糕班戟🍨HK$39 🤤好岩鐘意食Cream既人 極滿足🌈😂食到尾聲 個餅皮會痴住張包裝紙 📣🍳又一戟係旺中最受歡迎既小食店去親都好多人幫襯，等候時間有啲耐⏲️🍫材料唔算好多，價值略貴，間唔中過下癮就夠😛

童年回憶，葵芳果間無左，好掛住🥺，難得出旺角就試下佢，以前喺葵涌廣場嘅時候掃街，呢間一定係首選⋯MK呢間難食左好多，記得以前個餅係少少脆㗎，而家勁軟淋淋一路行一路食，啲餡一路跌⋯

呢間食店係我覺得鹹或者甜都好食嘅pancake店雖然佢order嘅時候，店員大多數時間都係冇笑容但食物質素老實說是很OK的唯獨是等候時間都頗長每次都要周圍逛一逛再過去取食物Pancake係好大件嘅，比起我塊面還要大

😻去旺角最適合就係掃街，旺角中心充滿各式各樣嘅小食～ 又一戟係我成日去食嘅甜品店今次揀咗食芝士蛋糕加雪糕班戟🫶🏻 $40有3款芝士蛋糕選擇： 紐約芝士蛋糕/藍莓芝士蛋糕/朱古力芝士蛋糕雪糕有多達13款口味： 朱古力，雲呢拿，豆腐，香芋等等今次就揀咗紐約芝士蛋糕配雜莓味雪糕班戟等咗大概5分鐘就有得食啦！班戟皮好薄身，唔會覺得成口粉🫶🏻面頭舖咗四件細芝士蛋糕連埋冰凍嘅雪糕，三重滋味及享受 👏🏻食到最底仲有件隱藏芝士蛋糕😹開心

我覺得呢個班戟真係幾好食 每次喺旺角行街都係必食 份量都好大 價錢都還好，唔算真係超貴- - - - - - - - - - - - 我最鍾意一定係呢款❤️熱香蕉+榛子醬+朱古力醬+忌廉班戟 ＄39 Banana + Chocolate Sauce Pancakes 原來香蕉同朱古力係可以咁㗎 啲香蕉好甜 加上榛子醬同朱古力醬真係好Heavy好好食 同埋佢啲cream都俾得超多 一個女仔應該食唔晒全部食完半個都勁飽 建議同Friend一齊share❤️❤️

個呀叔啲態度差到呢，問佢嗌到幾多號佢話：我唔講架喎，你等陣自己聽啦，我心諗應該冇咁快到我，去完個廁所出黎個雪糕溶曬，如果佢嗰下同我講嗌到幾多號，我見就嚟到我，我就會等埋先唔去廁所，我唔明講一講嗌到幾多號有難為佢，呢世都唔會再食，真係好嬲

這間小店位於旺角中心一直人氣高企 食物選擇配搭好多 有個餐牌配搭好熱班戟或凍的甜品班戟 岩曬選擇困難症朋友😆👍🏻我都唔想諗就要了Top4 即叫即整等咗10分鐘就有啦✨咸牛肉＋蘑菇+芝士＋生菜+沙律醬班戟 $43新鮮整起熱辣辣好大個 餅皮煙煙韌韌帶少少甜味 面頭邊的位置會比較脆 好鍾意鹹牛肉嘅味道令整體味道好鹹鮮😍餡料夠晒多好爆餡 配沙律醬味道好夾都唔會太膩 食晒成個一定夠飽可以當一餐✨楊枝甘露（大） 跟餐價$15味道似芒果西米露 味道唔會過甜 這個價錢已經收貨

蜜桃綠茶雪糕班戟～由葵芳食到去旺角，食左咁多年都會叫蜜桃綠茶雪糕班戟，配搭真係好好食～個班戟唔會好粉，又唔會好厚，剛剛好配埋蜜粉綠茶雪糕好好味，不過係我個人喜愛食法

平時生活咁辛苦，不如加返小小甜！係旺角附近行街，咁岩係tea time, 一於過去又一戟食下甜品😋😋😋榴槤果肉雪糕班戟 一攞係手個陣榴槤味好香阿！🤭今次就揀左配芒果味雪糕，上面加左好多榴槤蓉，身為榴槤控表示respect! 食落好香，有榴槤嘅甜味，好鐘意😌不過個蓉偏水，如果實d就好啦下面嘅芒果雪糕正正常常，甜甜地，所以上下層一齊食會好滿足，因為我係螞蟻人🤣😋焦糖布丁雪糕班戟 個焦糖布丁一拎到手就知揀錯😚🥰同counter show嘅個張相一樣，真係成個布丁擺係個班戟上面，同埋成陣焦糖嘅香味，令人食指大動而個布丁食落去都幾滑下，同埋甜度適中，唔會太膩😍美中不足嘅係，個焦糖布丁有小小凍，應該係整好左然後直接倒係個班戟到，如果係熱嘅焦糖布丁應該更加好食～至於雪糕，今次揀左薄荷朱古力味雪糕，清涼得來唔會好甜，仲可以中和返焦糖布丁同埋底層cream嘅甜味，簡直係best match🥰食完都幾飽肚，大家下午茶時間路過都可以黎食下，揾翻童年嘅感覺❤️

🫔又一㦸這家是我以前小時候很喜歡吃的店。第一家在葵芳廣場，第二家在旺角，每天都很受本地人，學生的歡迎。除了比較便宜外，還有很多不同的配搭，有咸有甜，一次性滿足你。這麼久沒去了，還是那麼好吃！點了火腿雞蛋芝士的，裡面有沙拉醬，生菜等配料，吃一個就飽了哈哈哈。餅皮很軟糯，邊脆脆的，芝士拉絲，真的很滿足！

每次經過都見到好多人之前一直都係食開葵廣個間又一戟🙈🙈講真，呢間係葵廣必食今次見冇乜人排就去買黎試下同葵廣既有冇分別我見好多人都係食咸既不過我個人就鐘意食佢甜既多D佢甜既班戟皮係冧D, 咸味係脆D，但都夠薄係好食既👍🏻👍🏻今次買左紐約芝士蛋糕+朱古力味雪糕 $36本身麻麻地鐘意食cream, 所以我叫左走cream 不過鐘意食cream既朋友，可以大膽D咁同職員講要多cream都係得既😋😋佢D芝士蛋糕會雪喺冰箱食落口係有少少似雪芭口感，但個芝士蛋糕係好好味而且絕對唔孤寒，最底有一件，中間一球雪糕，最頂有5件蛋糕係有好香既芝士味加埋朱古力雪糕，超岩味，好好食但葵廣會用埋紙巾幫你包住個底，同主動比匙羹你呢到要自己問店員，之後再去收銀到拎🥄感覺冇葵廣個到服務咁好不過個班戟就同葵廣水準差唔多👍🏻

✨ With a wide variety of options to choose from, my go-to has always been their delectable Banana Nutella pancake. But guess what? They've recently introduced a new flavor that caught my eye and tempted my taste buds. Introducing the Pistachio and Ice Cream Pancake! 🍦💰 Priced at just $42, this heavenly creation comes with a pancake, a generous scoop of your choice of ice cream (I went for chocolate, of course), whipped cream, and a luscious pistachio paste. Yes, it's a calorie-packed treat, but

2023/10/19, 20:45叫咗杯抹茶奶昔，諗住好快有，咁就企喺舖頭前面嘅樓梯等叫號碼。不時同收銀姐姐眼神對望，但過咗15分鐘都未有。咁就問下有未，點知佢以望一望張單，再望一望我，再以態度奇差語氣回答：「咁耐都唔嚟攞，都溶晒啦！」本來都冇所謂，但畀佢咁答，我唯有講：「講得咁細聲，真喺聽唔到，我一直企喺前面。」佢反應差得再下一城：「咁你而家攞定唔攞呀？」我飲都唔飲就走，無謂糾纏。祝生意興隆，夜繽紛愈做愈有。