原點 (已結業)

之前已經好想去食呢間糖水舖㗎啦 一直都聽講呢間既窩夫好出名 咁啱入元朗探朋友絕對要試下 有幾次經過一係太多人一係冇開門 今次終於有機會食到 呢度設計偏向簡約 玻璃牆身有唔同嘅畫作好有心思 餐廳支持本地音樂 播嘅歌都係Collar Mirror粉絲可以去打卡😋😋😋烘面綿花糖抹茶窩夫 抹茶雪糕賣相吸引 窩夫裏面有麻薯 麻薯同窩夫好融合 窩夫香脆 食落少少煙韌 紅豆蓉甜甜地 雪糕好香抹茶味唔苦😍😍😍朱古力心太軟 (鮮果+百利甜酒) 朱古力雪糕流心效果好 好香酒味唔苦 加埋朱古力雪糕鮮果伴碟😄😄😄楊枝金露燒仙草份量足 有芒果、椰果、芋圓、仙草 芒果鮮甜 仙草滑溜溜😁😁😁芒果小丸子椰皇牛乳甜度適中 材料有芋圓、紅豆、小丸子 口感煙韌😆😆😆

我同媽咪爹哋一齊食原點我媽咪叫左牛乳燒仙草我同媽咪都覺得平平無奇芋圓好Q彈但真係好正宗我爸爸叫左牛乳燒仙草但加左薄菏朱古力雪糕lo 都係一樣 正宗！！！但兩碗都超級無敵細碗但竟然有隻蚊係入面梗係叫服務員收咗佢啦但服務員我感覺到佢好緊張😓咁我叫左宇治綠茶冰山，本身係芋圓、紅豆、小丸子但係我唔鍾意食紅豆所以叫左椰果碗野最最最好食係加落去嘅揶果芋圓同埋小丸子都有驚喜個沙冰嘅美感好奇怪🤔無抹茶味但好唔抵要$60唉😮‍💨，$60食依啲嘢？唔好玩啦衛生？諗起就嬲一入嚟張枱好污糟啲櫈都係叫左服務員抹下但係抹唔乾淨環境好嘈下次唔會再食！完😩！

HERE Dessert原點牆壁上嘅畫作好有心思Collar Mirror 粉絲可以入去打個卡特別係裏面有個蘇媽應援區鍾意Ivy So嘅人會好開心 因為好多佢嘅poster🤣靚靚另外姜濤都有好大個area成間餐廳坐左60分鐘播嘅歌都係Collar Mirror支持本地音樂 😙Hold your Breath call call call 📞朱古力麻糬窩夫配綠茶雪糕。朱古力味窩夫唔會太油 。坊間嗰啲食兩啖已經食唔落。中間夾住啲麻薯 煙煙韌韌 。第一次食麻糬窩夫好特別。足足有四大嚿 一定夠食。反而個雪糕可以多啲 正椰汁紫米露芋圓小丸子🍡。椰汁味濃 小丸子 芋圓好好咬。紫米夠健康 中國傳統糖水營業時間及堂食時間：星期一至五16:00-24:00星期六及日14:00-24:00

🚩Here Dessert終於黎到最後一站由早食到晚，食咗咁多嘢梗係要食甜品啦！依間甜品店嘅設計都係偏向簡約嘅，佢嘅牆應該會跟住唔同主題黎轉～我哋今次嚟，見到牆上面有鬼滅之刃同埋collar，畫工真係唔錯㗎〰️〰️〰️〰️〰️〰️〰️〰️〰️〰️〰️〰️〰️〰️〰️🌈朱古力心太軟配薄荷朱古力雪糕 $50心太軟即叫即焗，上枱超級熱辣辣～一吉落去朱古力就湧晒出嚟，朱古力甜度啱啱好，配埋雪糕一齊食，就算食晒成個都唔會濟🌈椰汁紫米配芋圓小丸子 $32呢個係我最鍾意食嘅糖水🤤除咗芋圓之外，仲有紫薯，地瓜，小丸子🫶🏻紫米份量都超級多，椰香味十足🌈芒果小丸子 $40裏面有西米芒果同埋小丸子，芒果亦都係真材實料唔係落醬嘅，有超多大大粒嘅芒果肉喺裏面～而且雪到涼浸浸，夏天食好舒服

💖 原點 (元朗)✨元朗馬田路20-30B號安寧大廈地下4號舖〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️呢間糖水舖之前已經好想去食㗎啦，有幾次經過一係就太多人一係就冇開門成日都冇機會食到😢呢度嘅玻璃牆身仲有唔同嘅畫作😆大哥真係畫得好似樣🥳朱古力心太軟配薄荷朱古力雪糕🍫 $50黎到甜品店一定要叫醒就係朱古力心太軟，要等10至15分鐘左右都唔算太耐👍🏻即叫即整係必須的👅我最愛嘅雪糕已經有曲奇雪糕變成薄荷朱古力味嘅雪糕，因為我覺得薄荷朱古力味食落會更加清爽😍朱古力留心做得剛剛好，朱古力味唔會太甜😚同事旁邊半碟仲配咗大量時令水果😌椰汁紫米配芋圓小丸子🍡 $32椰汁味勁濃😋唔使加椰汁已經有好多椰汁😆我超鍾意椰汁配紫米嗰陣味係會更加突出。加埋芋圓同埋地瓜圓，煙煙韌韌嘅口感，我真係非常之鍾意🤩芒果小丸子🥭 $40(芒果、小丸子、西米、芒果雪糕）由於我哋見到朱古力心太軟已經配左雪糕就冇再叫多一個雪糕啦😆芒果配西米真係好好食😋唔經唔覺已經嚟到五月，而係一個芒果成熟嘅季節，呢個時段嘅芒果特別香甜💛想繼續睇我分享唔同嘅嘢就𝓯𝓸𝓵𝓵𝓸𝔀 𝓶𝓮 @gladysfoodie如果大家有其他餐廳推介可以𝒟𝒾𝓇𝑒

今日特登入元朗探朋友，依家搭車入元朗真係好方便，而且又多商場，同朋友去行街睇戲，跟住搵啲好嘢食下，無意中喺OpenRice見到有間特色糖水舖好吸引，即刻去試吓，地址係元朗馬田路20-30號B安寧大廈地下4號舖原點 Here Dessert 舖頭雖然唔大,但係望落去好整潔,而且店員都好親切有禮貌。窩夫心太軟 ，賣相非常之吸引，仲要係好好食，味道又香，入口香脆，而且有少少煙銀嘅感覺，加上蛋味濃郁，味道層次好好。綠茶心太軟，同樣都係好出色，香濃嘅綠茶慢慢滲出來，最重要唔會太甜，啱晒我呢啲比較健康嘅人。雪糕我就揀咗曲奇味，雪糕冰凍，而窩夫就啱啱焗起，一熱一凍，口感層次非常豐富。好值得推介。楊枝甘露燒仙草呢個口感好清新，而且芒果味道好香濃，芒果粒都非常新鮮，仲有啲椰果，芋圓，入口煙煙韌韌，清涼潤喉，喺夏天食碗咁消暑嘅糖水真係好正。另一個好值得推介嘅就係椰皇燉蛋白，蛋白滑脫脫，入口清涼香甜嘅椰皇味，又清涼又滋潤，呢個最啱女士食

一直都聽講呢間甜品鋪既窩夫好出名專登咁啱嚟開元朗絕對要試下鋪頭裝修設計簡單 舒服 仲有幫collar應援🤤甜品選擇亦都好多🤤我哋今次叫咗兩個窩夫！第一個係百利甜酒窩夫 配朱古力雪糕 原味窩夫底 $60一拎到嚟就覺得好靚 好適合打卡！窩夫裏面有麻薯 麻薯同窩夫融合得好好 唔會覺得好突兀或者分開咗兩舊嘢令到窩夫食落少少煙韌 有少少拉絲嘅效果 好特別嘅口感😍窩夫脆脆地 個醬好香酒味又唔苦加埋朱古力雪糕同埋好香百利甜酒既醬一齊食 成件事好昇華😍另一款叫嘅係紅豆窩夫 配抹茶雪糕 抹茶窩夫底$50紅豆蓉甜甜地 個抹茶雪糕好香綠茶味但唔會苦既抹茶窩夫都香綠茶味 全部撈埋一齊食好啱綠茶口味嘅fans😍😍整體食物質素都好好好好🤤且cp值高！必定會encore同埋可以坐好耐同朋友傾吓計 店員都好Nice～

元朗甜品小店🤍-💛黃色商家-🧇麻糬窩夫(自選配搭) ($60)我地揀咗個少少奇怪嘅配搭 大家唔好跟🤣我地揀芒果+朱古力窩夫+綠茶雪糕，首先講下個窩夫，個面唔算好脆，入面麻糬都唔係好煙韌，但味道同甜度可以😗個人覺得唔係好食到朱古力味~至於個綠茶雪糕，味道同窩夫幾夾，綠茶味都夠濃，唔會太甜!!芒果就略嫌有啲酸👀-🥛牛乳燒仙草 ($38)芋圓幾好食，煮得夠煙韌，份量都幾多，不過牛奶味唔係好出，同埋甜度唔高，偏清淡嘅一款~-小編同朋友唔使等位就入到去，位置都算闊落，地方都幾乾淨，職員都係年輕員工同埋幾nice😙-味道 7/10服務 8/10環境 8/10回頭率 7/10總評 7.5/10😗🤍人均消費 $33💰-📍原點Here dessert元朗馬田路安寧大廈4號地舖

呢間小店唔單止窩夫出名 聽聞蛋糕仲成日賣哂🤔店舖位置唔算多 除咗有甜品 蛋糕 另外都有少量咸食供應🧇麻糬窩夫 X 心太軟 HKD85窩夫兩件可以要原味 / 朱古力/抹茶嗌咗原味 薄薄的兩件 有啲失望 麻糬配咗落窩夫到做唔到煙韌效果惟一係窩夫叫做有蛋香味另外心太軟都係賣點之一但係流心效果比想像中遜色之餘 蛋糕亦偏乾 雪糕揀咗朱古力 同 薄荷朱古力另外有少量生果伴碟🍧牛乳燒仙草 HKD38牛乳甜度適中 材料有紅豆 芋圓 小丸子 配仙草 芋圓同小丸子煙煙韌韌 有𡁻口 中意仙草同芋圓嘅 絕對係好選擇🔸題外話 當日同同行友人一邊食住甜品一邊閒聊門口剛巧有人等位 店員隨即上前問可唔可以將甜品收走 其實食物未完全食哂 但睇見佢想俾下一枱客入嚟唔通話唔好收走咩呢個位真係有啲扣分🚩原點 元朗馬田路20-30B號安寧大廈地下4號鋪

之前都幫襯過一次不過好多人排隊嗌嘢食又落錯單🤧但見朋友黎到元朗好想食窩夫所以決定帶佢黎呢間甜品鋪比多次機會佢🤣-今次唔使排隊亦都冇落錯單ʕ •ᴥ•ʔ我地三個人嗌左兩樣野🫡🫡🫡-第一樣係麻薯朱古力窩夫配芒果同綠茶雪糕🍦$60窩夫唔係太脆，不過佢有四塊份量都多下，同埋麻薯增加左口感，食落都okay，而且雪糕都好重綠茶味。🧇🥭🍵🍫-第二樣係牛乳燒仙草 $38紅豆煮得幾淋，小丸子同芋圓好煙韌，幾好食！🥛🫘🍡

百利甜酒朱古力心太軟朱古力好流心而且味道超濃郁有好香嘅朱古力味😋😋😋仲有淡淡甜酒味成個味道都好夾而且伴碟仲有好多唔同生果食落更加Fresh唔會覺得漏推介👍🏻

之前去元朗食飯,甜品怪雕然又要去搵甜品,推介下嚟咗呢間Here dessert。佢一定係明白小朋友先做選擇,所以推出咗麻糬窩夫x心太軟!呢度有三種口味嘅麻糬窩夫,分別係原味,朱古力同埋綠茶。我哋揀咗原味,因為唔想咩都係朱古力咁咁黐線😂個窩夫新鮮烘起,非常香脆!而入面嘅麻糬好煙韌,配搭埋冰凍嘅薄荷朱古力雪糕,一凍一熱,一韌一脆,多重質感嘅享受。心太軟可以揀朱古力或者抹茶味,我當然要朱古力味!睇住個心太軟切開流出嚟嘅朱古力漿,真係好想即刻lam下佢😋非常香濃嘅朱古力味,而且流心程度剛剛好。呢間店仲有好多其他甜品,但最出色一定係麻糬窩夫同心太軟。仲要咁聰明將兩者結合埋,大家嚟到都唔使諗,一定點呢個~

而家連甜品都要晏晝食，實在太有趣，無計嘅……飯後點都要食吓甜品🍮開心吓！呢間新派甜品店都有窩夫🧇同小丸子🍡可以揀，都幾精美😳———————————————————————————🥄烘棉花糖/芒果麻糬窩夫🧇曲奇雪糕🍦💬煙韌嘅窩夫🧇熱辣辣脆口，加燒棉花糖夠令人回味燒嘢食感覺，加埋雪糕🍦很滿足☺️.🥄芒果🥭小丸子💬雖然細細碗，但都有好多料，芒果🥭、小丸子、西米、芒果雪糕🍦，甜啲會更好🤔

每次係元朗想吃甜就一定非你莫屬☺️麻糬🧇+心太軟💯友人生日版都超吸引的✨不過就要等耐啲 都值！外賣都食過 一樣高質佢啲千層蛋糕🍰都😋不過好快賣晒 搶手🙌🏻總括而言就係會無限ʟᴏᴏᴘ的一家黃店💛Follow my instagram 📍tr.eatday

元朗馬田路一間簡潔白色雲石裝修甜品店，鑑於現時疫情收緊防疫措施，禁晚市堂食真係對好多食店黎講真係百上加斤，甜品店仲要主打做晚市、宵夜生意，大家要多多支持。呢間小店做主打窩夫、芋圓，仲有心太軟個D甜品。🍨 麻薯窩夫★★★★☆配料加左百利甜酒朱古力，叫左朱古力口味窩夫，配左當天是日精選口味—咖啡！麻薯窩夫新鮮即叫即做，上枱都仲有煙出。窩夫有淡淡朱古力味道，一切開入面有大大少少嘅軟糯麻薯，份量都唔少，比起一般窩夫更加之有特色，但少少敗筆之處係個窩夫出面食落唔脆，如果係脆身真係冇得輸。百利甜酒朱古力醬汁比想像中酒味淡d，更多嘅係朱古力醬，配埋個咖啡雪糕一流，成件事好夾，十分推薦。另外，叫左套餐＋$15，包一杯$25內的飲品，叫左百香果梳打，正正常常，用黎解下渴都唔錯，唔會太甜，咁當然杯野飲都只係梳打加Ｄ百香果糖漿，如果有埋百香果籽應該會冇咁單調。🌟總括：元朗區難得嘅特色甜品店，因為真係少甜品店有窩夫食，有埋麻薯就更加之少，區內大多數都係傳統式糖水店。疫情期間大家更加要多多支持小店，因為真係執完一間少一間！而且呢間味道、環境、價錢各方面都好唔錯，推薦大家要打卡幫襯！