原味棧 (已結業) 查看

出名鍾意食火鍋嘅我哋，酷熱天氣警告下都無阻我哋嘅雅興。我同M佬收工之後，坐船拍吓拖就去到紅磡。紅磡嘅餐廳真係卧虎藏龍，選擇多之餘，名氣小店更加多不勝數！今日就去到崇潔街嘅原味棧試試呢個半自助火鍋啦！龍穿鳳（楜椒海蝦雞窩）呢度有多款湯底，我哋就揀咗半隻龍穿鳳（楜椒海蝦雞窩），但如果好似我咁，想食辣啲就要自己調吓味，加啲辣椒喇。鍋入面有好多莞茜，湯底夠晒香濃入味，好好味！而索晒汁嘅雞肉，肉質好嫩滑，配合埋濃郁嘅湯底，真係好入味呀。而海蝦就夠晒彈牙。海鮮拼盤食到咁上下，店員送上海鮮拼盤，份量依據人數而定，而海鮮就依據當日嘅新鮮選材而定。今日就有龍蝦、鮑魚、花蟹、蝦、蜆、蟶子、青口等。份量十足之餘，上枱嘅時候，大部份海鮮仲郁吓郁吓，真係夠晒新鮮，味道鮮甜又彈牙。除咗海鮮仲可以多款食物可以任叫任食！其中一定要試吓呢個安格斯肥牛，肉質鮮嫩，牛味豐富。以呢個價位真係相當不錯！

第二次帶老爺奶奶出街食火鍋，第一次帶他們吃單點火鍋，常常擔心老爺吃不飽，所以這次決定找些半任食的海鮮火鍋店，讓老爺可以食餐飽，不用回家煮公仔麵，現在香港的火鍋店一間接一間，大多數以放題形式較受歡迎，但食物的質素始終差一點，但單點計算收費的火鍋店雖然有些非常高質素，但往往收費貴，要就住食不夠暢快，所以開始出現半放題形式的火鍋店，先來一盤優質的海鮮，再指定某些食物是任食的，這樣既能嚐到高質素的海鮮，同時又能夠增飽肚子，一樣可以吃過𣈱快﹗今晚就帶老爺奶奶來到紅磡新開的原味棧吃半任食火鍋，原來這條崇潔街又名食街，奶奶來到這裡開始湧現種種回憶，雖然印像有點模糊，但在奶奶的年代，很多人稱這裡為日本街，所以說崇潔街奶奶並不知道在那裡，但一說到日本街，她就彷然大悟，我問奶奶為甚麼叫日本街？原以為是日本侵華之類的歷史事件，原來我想多了，奶奶說因為這裡曾經有一間日本料理很出名的，所以大家就稱這條街為日本街⋯哈哈⋯一間出色的食肆威力果然利害，連街名都可以取代﹗為甚麼我們這次決定帶老爺奶奶來原味棧呢？除了因為新開好奇想試外，還有因為這裡的火鍋湯底與別不同，原味棧主打火焰湯底，除了卓頭之外，更是少有的以鵝來作火

紅磡區食街非崇潔街莫屬，有不同風格的餐廳。行下行下發現左原味棧，有游水海鮮又有雞煲，可以試下。店內的雀鳥壁畫令人感覺自由。紅色的本子係餐牌，配上金色字和夾邊，好經典。先上醬料俾你加。龍穿鳳胡椒海蝦雞窩幾有特色，好少海鮮加雞煲一齊，正價時段$208 一位，9:30後特價$188。先食雞，嫩滑又入味，配料有洋蔥、紅椒、芹菜、蒜頭、小紫洋蔥等，令到個湯底更香更濃。Order火煱仲送海鮮拼盤，有龍蝦、蟹、鮑魚、蜆、貴妃蚌、田螺、海蝦，不但十分豐盛，而且仲好質素。龍蝦肉清甜爽彈。蟹厚肉多羔。美國安格斯手切肥牛片係一次性的，肉質鮮嫩，有嚼勁。菜籃可任食，由於湯底好有味道，蔬菜不怎麼點豉油都好美味。唔夠食可以再加以下食品。2人可揀半份share，設計得幾好。

今晚同老公到黃埔探訪朋友新居，朋友已預訂了一間餐館品嚐海鮮火窩邊爐，我十分好奇朋友為何要大大力推薦該餐館呢？！原來餐館推出的海鮮邊爐每位$208全包，真係好抵，平日係稻×打邊爐叫好少野都已經二百蚊。唔怪得去到要等一等先有位啦～店內牆身畫滿壁畫，配合柔和燈光，很舒服😇。看見隔離枱的海鮮拼盤好吸引，於是盡快揀個窩底，有火焰台山五味醉鵝、火焰魚、鮮茄雜菌豬手骨、龍穿鳳。我們叫了火焰魚😄窩底材料好多，魚好大條，重有非常吸湯的娃娃菜、支竹和豆卜。如果2個人來吃完窩𥚃的材料應該都飽了😂店員好友善，不時會比意見教我地如何判斷條魚食得未，當湯滾起時，店員拿酒淋在窩𥚃再點火🔥。嘩! 我們看得出神時店員再把蓋合上，等多一陣整個窩都散發著濃濃酒味。我們先嚐一嚐湯底，胡椒味和酒味去除了魚肉的腥味，魚湯十分清甜，魚肉很滑。最令人期待當然是吸滿湯汁的豆卜，吃了很多還要追加呢~😋店員捧來了一碟牛肉和蔬菜籃，看見牛肉色澤和雪花都分佈均勻，吃了真係牛味很濃又無筋。於是我們點了另一款手切牛肉，這款切得比較厚，咬落有嚼勁而且很滑。海鮮拼盤四人份量的海鮮拼盤很有造形，立體設計，影相呃LIKE 一流👍海鮮種類有7種: 生猛鮑魚

今日同老婆約左表弟同舅母行黃埔裝修完嘅Aeon再開餐, 跟住可以帶舅母去新開嘅黃埔站搭地鐵。收工係北角搭船好快就到紅磡碼頭, 我地集合之後行左一陣Aeon就出發去表弟同事推介我地去嘅"原味棧"。由黃埔站行去工業區果邊大概10分鐘就搵到。原味棧位於崇潔街, 如果唔上openrice都好難搵到。餐廳裝修都幾雅致, 餐牌設計好有特色。我地今日黎食每位$208嘅火鍋套餐, 除左任食火鍋配料外, 仲附送豪華海鮮拼盤同美國安格斯手切肥牛片。鍋底我地揀左火焰魚, 店員會加酒落鍋之後點火, 全鍋著火好有做型。😎豪華海鮮拼盤超級豐富, 有龍蝦, 鮑魚, 象拔蚌, 海蝦, 蟶子等等, 全部都好新鮮, 鮑魚郁下郁下咁上枱, 老婆好興奮仲拍埋片。😂新鮮龍蝦每位有半隻, 開左邊, 食得好方便。龍蝦肉好爽口彈牙, 龍蝦肉味濃。👍其他餐廳只係份龍蝦都唔平。🙈豪華海鮮拼盤份量好多。鮑魚郁郁下, 好軟腍, 肉好厚身。美國安格斯手切肥牛片肉味好濃, 老婆唔食牛, 益哂我同表弟。😋任點配料都好吸引, 不過食完火焰魚, 海鮮拼盤同肥牛後都8成飽, 我地都唔食得多。埋單真係全無雜費, $208一位堅抵。👍

又到同親戚們聚聚舊既時候 親戚揀左去紅磡食 方便佢地放工就可以到達 睇op知道依間餐廳系新開無耐 所以對佢刀有相當既期望。入到去環境方便比較細少 由於我地人數多 所以有圓枱坐 但位置比較逼 職員經過時 刀要多加小心避過 大家盡量遷就吧！畢竟食物才最重要吧。親戚們揀左火焰臺山五味醉鵝 依款需要每位另外加以$30的。依個鍋需要焗一陣子 然後店員就會將酒倒入鍋中點火 形成數秒既火。味道方面 鵝肉質為實 肥瘦尚可，當中有枝竹 枝竹吸入左酒味 食落去口中有濃濃既酒味混醬材料較少 有辣椒 莞茜 生蒜 熟蒜。但不需再另收醬油費用 也慳左吾少海鮮盤到了當然相機今先喇 海鮮盤食品以人數黎定的。盤中有不同海鮮 例如龍蝦 鮑魚 蟹 蝦 蜆 等等值得讚既系 完全無腥臭味 仲可以見到鮑魚仲郁 非常新鮮呢！龍蝦每人半隻，肉質十分厚咬落鮮甜無比又多爽口！一食愛上了鮑魚好彈牙 大小適中蝦方面同樣大小適中 爽口另外 蟹同蜆同樣鮮味 超級正另外仲有手切牛肉 依款吾系可以任order的 脂肪平衡 有點咬口！任食食品有肉食類同蔬菜類，而且飲品是任飲的。找不到飲品order紙 問過店員後 原來要叫她們拎汽水的烏冬必叫 由於吸入

最近好喜歡吃海鮮火鍋，這次來到位於崇潔街的原味棧。好霸氣的名字「龍穿鳳」，龍穿鳳原來是胡椒海蝦雞窩。我們只有2人，所以選了半隻雞，火鍋套餐均送豪華海鮮拼盤、美國安格斯手切肥牛和時令菜籃。除了套餐附送的食物以外，還可以任點任吃餐牌上的任食蔬菜和肉類。胡椒海蝦雞窩有雞肉、海蝦和各式各樣的蔬菜等等。雞肉和海蝦也吸收了湯底的精華，海蝦鮮甜而帶少許香辣，好惹味；雞肉頗為嫩滑，即使熟了很久，肉質也沒有變老。豪華海鮮拼盤包括海蝦、龍蝦、蟹腳、鮑魚、貝類和魚塊等等，種類繁多。龍蝦大大隻，即使龍蝦在窩裡滾了很久，肉質依然彈牙，充滿肉汁，如果食店能提供工具輔助客人開龍蝦殼便perfect了!鮑魚愈滾愈入味，口感煙韌；海蝦本來便鮮味十足，肉質爽滑美國安格斯手切肥牛雖然不太肥，牛味濃郁搭夠，不用沾任何醬汁已經很美味。時令菜籃的蔬菜種類蠻多，打邊爐又豈能沒有娃娃菜 ？娃娃菜很快便滾熟，非常鮮甜建議菇類可以多滾一會兒，吸收湯底精華。我們只追加了半份食物，份量已經很多了，建議可以先點半份，份量不夠可以再點。

今日天氣不好，由朝落雨落到晚，月前好不容易先約到細佬一家一齊食飯聚一聚，因為大家工作都忙，好難夾時間，怎知道近黃昏重由黃雨升級至紅雨，大家都幾乎濕曬身，經過崇潔街見有間食火鍋的原味棧有位，我們即走入去詢問一下，原來是可以食小菜或火鍋海鮮放題。見到火鍋放題甘底食，我們選擇了食放題！在多款湯底中，我們選擇了火焰臺山五味醉鵝，醉字即是將酒倒入鵝中，之後點火，煲裏會出現一團火焰，酒香撲鼻，再蓋上蓋子，一會兒就食得，鵝肉好林，好香酒味！食完鵝就加湯食火鍋。豪華海鮮大拼盤：每人一份海鮮，有龍蝦、鮑魚、花蟹、蝦、蜆、象拔蚌。（拼盤是按人頭數量，一次性供應）海鮮很新鮮，部分還在郁動。味道鮮甜，爽口彈牙！一次性還有這碟手切肥牛，牛肉比較瘦，有口感！新鮮蔬菜籃：這樣食完可以再叫，紙上的火鍋配料是任叫任食，但缺貨例外！雞肉嫩滑多款丸類都十分彈牙！滑滑的百福豆腐：放湯灼熱時，記得輕手d。任飲是任飲汽水，記得請侍應拎比你，因為任飲是沒有紙寫，亦不可自取，記得要問啊！

今日有位同事last day，大家相約夜晚出來食餐勁，賀一賀佢終於破地獄！ 人多聚會食咩好？更係離不開打邊爐啦！想特別少少，所以我地就揀左間食火鍋醉鵝煲連任食打邊爐既原味棧。 呢間餐廳位於紅磡崇潔街，如果坐地鐵既可以搭到黃埔站落車，再行10分鐘路程就到達一條巷內食街，就會搵到呢間餐廳嫁啦！ 一入到鋪頭見到牆壁二邊畫滿一幅幅充滿藝術感嘅動物圖案的壁畫，好文青,充滿小驚喜。 我地order 左餐廳招牌菜火焰台山五味醉鵝煲、海鮮拼盤、安格斯手切肥牛等等..... 一來就食左個醉鵝煲先，因為廚師預先加入玫瑰露係個煲鵝裏面，所以等個姐姐點火時火焰就產生，火焰醉鵝煲就係咁而得名，好有趣呀！等個煲一滾就食得，我地開動啦⋯⋯我覺得呢個煲既鵝肉肉質嫩滑、食個時仲有陣陣酒香既味道，好好食。食完個鵝煲，我哋就開始海鮮拼盤打邊爐，勁豐富，呢個拼盤有鮑魚、龍蝦、大蝦、扇貝、聖子等嘅海鮮，樣樣都好新鮮，海鮮跌落個煲前同仲識喐嫁。最驚喜係隻蝦呀，連平時唔鍾意食蝦嘅我，都對呢度既彈牙大蝦讚口不絕！仲有個肥牛,厚度切得剛剛好，肉質甜而不韌，好好味呀⋯⋯我地個set仲包左好多蔬菜，有粟米、蕃茄、金菇、生菜......樣樣

這天晚上約了朋友到土瓜灣吃晚餐，我們決定吃火鍋。坐巴士到石塘街，再走10分鐘左右就到崇潔街。那裡是一條美食街，各式各樣的食店林立。「原味棧」的店面：裏面地方頗為寬敞，裝潢也算是精緻：門口那邊有魚缸，可見餐廳提供的海鮮非常新鮮：餐單印刷精美，上面有各種食物的圖片：店員送上醬油和調味料，讓我們自由配搭。材料包括花生醬、蔥、蒜茸、麵豉和炒過的蒜。我們想要辣椒，店員也特意為我們切出來，服務真是非常好。我們決定選胡椒海蝦雞窩，要半隻雞：非常惹味的樣子，上面是莞茜，火鍋的湯底很濃，又不算辣，想要辣些的話，可以自己加上辣椒粒。雞肉肉質鮮嫩，非常滑，配合湯底很滋味。海蝦令湯底更有鮮味，這個配搭實在是天衣無縫。半隻雞的份量也足夠我們二人吃，吃完後還有容量吃其他食物。豪華海鮮拼盤有龍蝦、蟹、青口、鮑魚、聖子和蜆。都是新鮮從魚缸撈起來，跟平時在街市買到的很不同，別有一番鮮味！美國安格斯手切肥牛片看樣子也知道選料上乘，果然牛香四溢，配上醬油簡直是一流。時令菜籃包括唐山菜、粟米、蕃茄、金菇、娃娃菜和豆卜。非常新鮮，吃完後感覺很健康。吃完後意猶未盡，所以我們又追加了一些火鍋配料：有百福滑豆腐、娃娃菜、魚皮餃、墨魚

爸爸公司附近新開左間火鍋店, 有海鮮食之餘, 仲可以任食打邊爐。今晚放工相約舅父一家到紅磡呢間原味棧食dinner。店內面積唔算大, 原來呢度除左有任食火鍋, 仲有小炒選擇。 我地今日就選擇左任食打邊爐, 先ORDER湯底, 呢度有四款選擇, 每款都各有特色. 包括火焰臺山五味醉鵝、鮮茄雜菌豬手骨、火焰魚同埋胡椒海蝦雞鍋。我地就揀左 火焰臺山五味醉鵝(每位另加HK$30)呢煲為8人份量, 份量都幾多, 先焗一下, 店員就會將酒倒入再點火, 火光一起有好香既酒香味…. 火焰只維持15秒左右, 有得睇表演又有得食。 隻鵝唔太肥, 而且都幾厚肉, 肉質厚實, 酒香味重, 特別係煲入面既枝竹, 索左D酒味, 好濃郁。食完鵝, 店員就會為我地加湯準備打邊爐客人可以自由混醬, 款式唔多, 但勝在唔收醬油費。 先送上一大盤海鮮, 包括有龍蝦、鮑魚、象拔蚌、海蝦、蜆、蟹, 每款海鮮都很新鮮, 送上檯時, 仲見到隻鮑魚識郁ga~!! 海鮮依人頭份量分配, 每人都分到半隻龍蝦, 龍蝦厚肉, 肉質鮮甜爽口。鮑魚同樣鮮味彈牙 D蝦大大隻, 爽口, 絕對唔係死蝦 呢度既海鮮真係一流! 呢款手切牛色澤紅潤, 但沒

啱啱係黃埔睇完戲，順便攞返之前借俾朋友個帳篷。點知佢好老實咁話整唔見左幾支營釘，咁我都唔客氣咁要你補償返吧，所以就一行三人過左黎食火鍋。其實係朋友本身住呢頭，知道呢間任食火鍋後想試好耐，今日終於可以一飽口福了。店面同海鮮酒家無異，主打客家風味。但一入到去環境好似黎到歐陸餐廳咁，牆邊滿是3D油畫加上子柔和燈色，完全唔似中菜館。但好在餐具用返中式瓷器，荷塘月色。矛盾嘅裝潢同用餐嘅對比都係一個幾特別嘅中西混合表現。打開餐牌，最先見到係呢度嘅主打任食火鍋，後面仲有啲單點嘅客家菜而價錢都唔算貴，但今晚目標一早決定左，所以無咩點睇。等左陣火鍋就到了。龍穿鳳即係鮮蝦胡椒雞鍋，雖然我地只係點左半隻雞，但雞肉同蝦嗰量都幾多而且都食得出係新鮮嘅，完全無雪藏味。，三個人食都夠。開始時火鍋嘅味道唔算明顯但隨住火鍋嘅熱力上升同加入唔同材料，味道會愈來愈豐富辣道都會更突出。火鍋食到差唔多時店員就送上今晚嘅主角，海鮮併盤。海鮮併盤非常豐富有各種時令海產：龍蝦，花蟹，鮑魚，瀨尿蝦，海蝦同蜆蚌等，數量按人頭計所以份量十足。上枱時瀨尿蝦仲紮紮跳，新鮮程度可見一斑。蚌蜆處理得好好食落一粒沙都唔覺有，而且夠新鮮所有海產都好鮮

是日舊同事聚會，因為大家想回味昔日Lunch time，選址是當年每天醫肚的地方－崇潔街。開通地鐵後的紅磡覓食就方便得多，只需步行約10分鐘就到達。大伙兒的緣故鎖定打邊爐，但不想太傳統要有點特色的，客家風味的邊爐沒有不試的理由吧！?店內座位寬闊，位與位之間有適當的距離，裝修以復古磚牆為主調，配以藝術壁畫壁燈作點綴，簡約中增添一點餐廳特色。最值得讚賞是清澈的魚缸，看到員工在認真打理中，頓時對食物衛生倍添安心。我們選了任飲任食火鍋(每位$208)，附送活海鮮拼盤+安格斯手切肥牛片+時令菜籃+仼食火鍋配料。被鄰座香噴噴的味道吸引了，原來正在吃秘製火焰台山五味醉鵝鍋，決定加$30品嘗是怎樣的滋味。醉鵝鍋一上桌已聞到特製醃料味，然後姐姐倒下高濃度白酒點火，讓醇酒的香氣馥郁完全滲入了肉內；急不及待試食一口，鵝件鬆嫩中帶咬口，味道濃郁得恰到好處，帶陣陣的玫瑰露酒香餘韻在味蕾，不會有味精味或過咸，連配菜都相當入味。身為海鮮控，最期待的畫面必定是海鮮拼盤，牠們超級豐盛豪華又極活潑生動，包括大過一隻手的爆膏龍蝦、超大隻鮮蝦、鮮甜花蟹、大蜆，蚌，青口。龍蝦很鮮甜，肉質亦彈牙！貝類海產也沒有沙，贊！附送的肥牛

今日去紅磡傾project 朋友仔話順便去崇潔美食街搵食～ 好多火鍋店 間間都有gimmick 最後揀左新開既原味棧 平民價錢 中上水準 環境企理乾淨 有卡位 坐得都舒服 店員服務周到～任食火鍋～ 埋單計每位$208～ 包左海鮮拼盤 安格斯牛肉 雜菜盆 另外 有二十幾款配料任食。鍋底好特別 我揀左龍穿鳳鍋。胡椒大蝦雞煲。即叫即煮 胡椒味好香濃 大蝦幾彈牙 雞件大大舊 啖啖肉 都算滑 好入味 湯底好足料 仲加左芹菜 紅綠青椒 所以幾甜～ 海鮮拼盤～ 鮑魚和蝦仲不停郁郁下 好新鮮。其實全部海鮮都睇得出好新鮮 花甲大蜆冇沙 洗得好乾淨 鮮甜～ 鮑魚好新鮮 所以好軟熟。海蝦彈牙。最開心係每人有半隻龍蝦！！！二百幾蚊仲要有半邊龍蝦 好新鮮～ 龍蝦肉好鮮甜 帶淡淡胡椒湯底的辣 肉質堅彈牙 正！安格斯牛肉 雪花均勻分佈 肉味頗濃～配料試左好幾款 鮮魚鯇片 魚皮餃 午餐肉 烏冬等等 都是平民喜愛的材料 哈哈～講真 $208蚊 淨係食海鮮和安格斯牛肉都抵返曬啦。性價比高！