原味專門店 (已結業)

星期六訓得晏d, 十一點幾去食個Brunch, 都係想飲茶，去左原味專門店睇下有咩食。已經開始午市，有特價粉麵，整個$28 乾炒牛河先。估唔到份量都不算少，賣相好靚，一上桌就聞到好香鑊氣。牛肉都唔少，不過肉質較鬆較淋，而味道好好，不會太咸，洋蔥都多，河粉質感好煙韌，越食越惹味。煎釀茄子$10.8, 都幾大舊喜歡一咬還有茄子水份，而鯪魚肉又炸得乾身，肉質彈牙，推介抵食又好味。再整個孖寶點心$23.8,叫左翡翠鮮蝦腸同棉花雞。翡翠鮮蝦腸，每條都有兩隻蝦。蝦肉爽口，翠玉瓜又係爽口，粉皮夠滑，成條腸粉好有口感，甜豉油功勞唔少得，調味超正唔咸！棉花雞細碟d, 賣相無咁靚。點知食落超好味，雞肉是雞扒肉咁滑，又唔會淋晒無口感，又醃得入味，麻油香，魚肚就淋得滯蒸到無晒口感。特價燒賣都係$10.8蝦肉唔算多，豬肉就好爽口，起碼覺得新鮮d ,最正d蟹子食一路食一路卜卜聲好過癮。兩人食左四點心一炒河，茶位$5/位，加一後埋單$97.5, 係真心抵食，味道唔差，平民價不介意賣相好唔好，街坊一定識食。

晚市。任食平日經常去這家店吃，今天選了冬陰公魚煲及椰子雞。相比平日單點168一客，任飲任食的魚煲 食魚材是比較小型的，湯卻比較多，可能是配合之後打邊爐用吧。椰子雞感覺不錯，我姐說玉米配上椰子雞味簡直一流。任食能選擇的配菜基本上平日外面的東西都有:肥牛，滑牛，魚片，雞，豬肉芝士丸，蟹子丸，魚滑肥牛滑牛質素 相對放題價錢 簡直是價廉物美，超值，前題是你真的吃得下。外面有點心小食供自取，有蒜香拍青瓜，有時是鮑汁雞腳，有時是豬手，還有很多款。

今晚二人世界，見原味專門店有特價晚飯套餐就試下啦！$138 揀三個指定菜式我地揀左燒汁牛仔骨，嘩，大大塊在個煲仔，熱氣騰騰咁上桌，試下味道先！燒汁好入味，有加黑椒煮，更惹味！肉質滑，啖啖肉又大塊，雖然平價但交足功課！配菜仲有好多洋蔥三色椒，當菜食都得！秘製泰皇骨，睇落份量少d, 但味道超正！其實就係金沙骨，炸過後，再用泰式甜酸汁加蜜桃煮。味道酸酸甜甜，好好味，好開胃！因為炸過所以仲有脆脆的口感，而每條啖啖肉，我呢d食肉獸好鍾意，雖然得六條泰皇骨，但肉多，都覺得抵食！紅炆斑腩煲，食斑腩啊！雖然多d 豆卜，但都有六舊左右的斑腩，平價來講都唔錯啦！好有鑊氣，斑腩肉質滑，味道偏淡的，不過我有點泰皇骨濃味，呢個斑腩煲平衡下口味就啱晒！這個餐$138, 要加茶芥加一，埋單$182,性價比高，因為食d菜式都係有心機俾足料你，會再幫襯。

除左喜歡來飲早茶，仲喜歡來食晚飯，人少少，食佢個特價小菜套餐都抵食夾大件。之前$138可選三個小菜，送三罐汽水，現在要加$10 先送三罐汽水，但我喜歡食佢d小菜，都照幫襯。錦魯蜜桃咕嚕肉，大大碟，碟底有兩片錦魯雲吞皮(無雲吞餡), 味道酸甜，而佢特別之處是用蜜桃取代左平時用開菠蘿做配菜，煮出來味道會偏甜，而以前食開菠蘿會偏酸。今次食多幾啖就有d膩了，因為醬汁都偏甜。但咕嚕肉炸得非常脆，有嚼勁，適合餸啤酒。粟米斑塊，好多粟米汁，要食快d, 因為d斑塊仲係脆皮的，放耐左就會被粟米汁浸淋。味道是很重粟米味，香甜，肉質一般，因為麵粉皮較厚，粟米汁香甜用來撈飯一流，喜歡飲啤酒又可以食佢清下口味。酸菜水煮魚，我的最愛，酸味濃，辣味適中，超級開胃！佢d酸辣湯落足料煲的，黑色是雲耳，綠色是酸菜，超多份量，紅辣泡椒燈籠椒花椒樣樣齊，我無辣不歡，呢道菜對我來說不算辣，可以說是小辣而已，但正因如此個湯真係好易入口，我連湯都飲埋，好美味啊！而魚片都好滑好新鮮，無腥味，咁濃味的湯咩腥都無晒。不過鯇魚片多細骨，要慢慢食。真係幾乎食到碟底朝天，湯都飲晒，各樣辣椒，睇見都興奮。因為太飽啦，三碟份量都大的，咕嚕肉都係食

星期六一早訓醒，又去嘆早茶。今次去原味專門店，超鍾意佢特價點心款式多。而且價錢好實惠，真係街坊必到。皮蛋瘦肉粥味道咸香，瘦肉和皮蛋都足料，粥煲得夠棉夠杰身，我怕無米粥好稀，呢碗粥$6.8 抵食。脆皮紅豆球$6.8紅豆餡算多，微甜不膩，皮薄餡靚，皮真的有些脆又軟棉，証明新鮮炸出來。蘿蔔糕$6.8,煎到爛晒，賣相是很差啦，不過咁平就無要求，見其他人點左桌上的蘿蔔糕原來都係煎到爛晒，我都唔叫佢換了。味道一般，料少些，食到少許臘腸和臘肉而已，蝦米都唔多，所以不太有口感，淡些，下次不點。孖寶點心$23.8, 揀左翡翠鮮蝦腸搭蟹柳棉花雞。蝦腸粉皮好滑，d蝦又大隻爽口，有翠玉瓜增添清新口味，讚！棉花雞是我最喜歡的，啖啖雞肉，唔肥，又滑又入味，咸咸地好開胃。食埋舊｢棉花｣，索晒d雞汁味，精華所在，我超歡加辣椒油增添惹味，必食！燒賣皇$15.8, 大大粒，蝦仁足料，豬肉爽口，好香豬肉味，新鮮熱辣，比一般酒樓價錢都要抵食兼好味！食6樣野埋單先$80,真係超推介，除左蘿蔔糕失望，其他都好食，會再幫襯。

已經好久未來紅橋（井財街）飲茶來到發現原來改了名，叫茶時等到食物有都未來，吹極話有，但叫鐵觀音比了愁眉,，心裡想叫佢換我食完多都末來幸好我咩茶都得，皮蛋瘦肉粥得個 咸字又稀，椰汁奶皇包超粉

Meet a friend in Tuen Mun and we decided to have chicken pot as dinner. We came to this restaurant randomly and found the portion of their chicken pot was big. The chicken was tasty and a little bit spicy, the scallion enhanced the taste and made it smell so nice. However, the chicken was bony.

夜收工，晚飯都要有著落，見原味專門店在門口的餐牌，價錢太吸引，兩口子去試下d小菜得唔得先。$138 任選指定餐牌的餸，再送三罐飲品，要加茶位同加一，我被酸菜水煮魚片呢道菜吸引了，要試！我認識的水煮魚應是『滿缸紅』的，但呢度的看來不是四川水煮魚果種，咁話明酸菜水煮魚片，唔同都正常，一食，不得了，多酸少辣，是我喜歡的味道！佢用成盤滿滿的酸菜和辣湯，辣湯的辣來自少量紅椒和泡椒(黄綠色的), 湯味是偏酸的，好啱女士口味，食落好開胃，魚片量多，我以為呢個價錢唔會有幾大碟，估唔到俾咁多魚片我呢！真是益街坊！鯇魚片好滑，入口即溶，廚師特登唔會灼咁熟等上菜浸住熱湯就剛好，不過魚片多骨，要慢慢吃。另一味是翠玉瓜牛柳粒，用燒熱的石鍋上，keep住熱，要撈下個底唔係痴底。配菜有薯角，炒到好香，加上牛柳粒都份量唔少，又算新鮮，牛肉味濃，翠玉瓜清淡香味中和一下，惹味到不得了，必點！炸子雞半隻，平時去飲先會食，今晚兩個人都可點半隻，呢個套餐真係好貼心！炸子雞皮炸到好脆，雞肉乾左少少，唔夠滑，不過炸子雞是一定沒有蒸雞咁滑的，都有雞味，算不錯。食雞脾肉，層皮脆chop chop, 脾肉就依然滑。喜歡食肉的我們話過一定

原味專門店，聖誕節那天去食下午茶，冇人的，唔使等位，可能放假去晒旅行。洒樓唔大，十幾張枱左右，有點客家feel。牛肉腸粉，賣相okay, 唔算好滑，味道有d淡，牛肉都多的咸魚雞粒飯，咸魚有一件，好香好味，都算多喎，雞係好大件的，滑身，唔係雞粒，飯都好香，好味的，軟硬適中韮菜豬紅，十分大窩，賣相好吸引同埋好香，有點麻辣的味道，以為好辣，點知……原來冇味的感覺好奇怪，可能廚師唔記得落盬，好多豬紅，好爽的，仲有韮菜也爽，可惜冇味……原味盤，一件椰汁糕，紅棗糕，潮州粉果，蝦餃，潮州粉果皮算薄，好味的，又足料，好香沙葛味道，椰汁糕有椰汁香味，不過硬左d，唔夠軟身，蝦餃皮唔夠薄，都ok的，蝦爽口的，紅棗糕又冇味……鮮蝦菜苗餃，賣相okay, 皮薄的，味道一般，菜及蝦都多的。鴨腳扎都好味的，腐皮，芋頭，豬肉，鴨腳，芋頭淋身夠香，腐皮也好淋身，鴨腳夠淋，好味。如果味道可以調下會好d