原味專門店 (已結業)

常常假日與家人飲茶，現在飲茶也不便宜，幸好家人住的附近有間性價比高的茶樓。所以不時假日都來這間刷卡。蝦餃，皮挺薄，裡頭的蝦肉很多，所以蠻鮮的，沾豆板醬後會很惹味。煎蝦米腸粉，跟痛拉不同的豬腸粉，也是香港茶樓的一大特色點心。米漿上灑了蔥花與蝦米，增加了咸鮮的口感，再沾花心醬吃會很開胃的咸點。蝦肉腐皮卷，一般會分蝦肉或素餡，就看茶樓入什麼貨。皮煎得很香脆也很薄，料挺足很香口。蕃茄牛肉鍋烏冬，湯不會咸，有蕃茄味的酸甜，配烏冬很不錯。牛肉片很菌也不少，蠻健康。合起來$168左右連茶水，4人平分很超值～這間晚市火鍋也很值來吃。

今年中秋有兩個餐單選擇，我地揀左貴d果個，因為貴$300，又有龍蝦又有鮑魚。我第一次去依間酒樓，比我想像中細，唔訂位可能真係無位坐！d野食好快黎到，都有2,3碟菜食下，唔會全部肉食到滯！味道正正常常，唔難食，但都唔會話好好食。份量方面都好夠，大大碟，每個人都食得好飽。美中不足就係甜品係馬拉糕😂超想食紅豆沙/桂花糕，已經食得勁飽，仲黎兩籠馬拉糕，食唔落😂😂😂整體黎講係不過不失，中規中矩的酒樓，未食過都可以嘗試。

行行下經過見到紅僑樓上平日 $98 位星期六日及公眾假期 $118 位冇額外+1收費 已經係實價兩小時任飲任食 可以揀雞煲或者烤魚雞煲2個人有半隻雞份量一d都唔少 但唯一缺點佢係加水唔係加湯打邊爐鮮牛肉會比肥牛更好食上圖為鮮牛肉下圖為牛肉除咗火鍋紙之外，出邊仲有炸雞翼、馬拉糕、胡椒豬肚等等醬料自己去調味處任拎飲品方面任飲 可樂、雪碧、忌廉、忌廉溝鮮奶、芒果汁 等仲有雀巢雪糕杯食

最初真係不敢相信這個價格可以雞煲+任飲任食火鍋， 一口價， 成人每人只需$98 (星期一至四是$98， 五，六，日及假期是$118， 相差$20)， 沒有額外收取加一服務費， 唯一附帶條件是要2位起計， 時間為2小時， 所以這晚二人吃到飽飽埋單只是$196， 簡直超值。首先有烤魚和雞煲選擇， 各款味道都很吸引， 烤魚平時較小吃， 不過我們選擇了雞煲， 獨愛吃辣的我們， 點了麻辣雞煲。 雞煲份量相當足夠， 相信有一隻雞的份量， 味道不太辣， 但有麻辣香味， 雞件入味，不會過咸， 單是吃這個雞煲已經回本， 吃完雞煲己飽了七成， 再加水變做火鍋， 火鍋配料當然不能期望太多， 基本火鍋配料都有， 火鍋配料可入紙落單及自助區選取， 而令我最驚喜的是炸魚皮， 因為是新鮮炸的， 夾起炸魚皮時還可以感覺到陣陣上升的熱氣， 帶暖的炸魚皮我第一次吃， 真的很鬆脆。調味吧有多款調味配料任你配搭。熟食自助區， 試了新鮮炸雞翼， 還有蒸馬拉糕都不錯。自助區配料有啤酒汽水任飲，  不過所有罐裝飲品都是有汽的，希望之後添加一些無汽飲品， 另有夏枯草提供。

例牌星期一湊完百厭仔返學, 都會同老公食埋嘢先返工. 今朝就去咗嘆茶. 之前搭車經過見到呢間酒樓,  今日專誠搭車過嚟試. 我哋大鄉里地喺樓下兜圈搵入口, 個門口都幾隱蔽, 並唔喺公路果邊, 而喺另一邊搭自動電梯上去.一入到去第一個印象--咁細嘅 目測只有三十張枱. 自行搵枱坐下, 職員人數不足, 我慢慢影晒啲餐牌, 才剛好開到茶.菜乾豬骨粥--尚算足料, 味道唔錯煎蝦米腸--腸粉質地較削, 麻麻地鴛鴦燒賣--原來係干蒸牛肉+干蒸魚球各兩粒--味道OK, 但入口較林, 欠缺口感時菜牛肉球--一樣欠缺口感, 而且超多嘅芫茜蔥, 個人唔LIKE.茶錢 $6.00一位TOTAL $58.50

去原味食晚飯，通常都幫襯佢嘅小菜套餐，因為有三個餸，兩個人食的話，可以唔使叫飯都夠飽。脆皮炸子雞半隻，賣相好靚，而且都唔算細隻喎。皮炸得好脆，而且啲皮好薄，雞肉又唔會好鞋。平時的炸子雞通常都會好乾好鞋，但係呢度嘅炸子雞，係我食過算最好食嘅，炸完之後仍然有少少水分，又唔會太鹹。 燒汁薯角牛柳粒，都幾大鍋。熱辣辣，好香！牛柳粒要趁熱食，幾爽口，同埋冇煮過龍，肉質仍然嫩滑，燒汁煮過，加埋啲雜菜，甜甜地，薯角又好香，有煎過嚟，所以呢道餸都幾香口。蜜桃泰皇骨，冇諗過咁細份，得六嚿排骨同埋五舊糖浸蜜桃。雖然係少，但係都幾好味。水蜜桃甜甜地，加咗泰式甜酸醬一齊煮，都幾開胃。如果分量多番啲就好喇。排骨都幾爽口，外面走過油，好香脆，廚師功夫不錯，就是嫌太少份量。埋單加一，加茶位，加小食花生，共$ 196。 三個餸去茶樓食嘢嚟講，價錢唔算貴，不過就係泰皇骨分量太少，食完三個餸未算滿足。

今晚夜收工唔煮飯，都係要落街食，而家多咗去原味專門店，食佢嘅晚飯小菜套餐，$148,可選三樣餸，當然未計茶位、小食花生、同加一。揀咗泰皇骨、牛柳粒、同埋炸子雞，三個餸兩人食夠曬。但係有啲失望，估唔到泰皇骨咁細碟，得八粒排骨size, 不過係炸過嘅，然後再用佢嘅蜜桃汁煮，用碟小食花生比較，泰皇骨真係唔大得過碟花生幾多。不過味道方面又令人驚喜，真係好好味！蜜桃汁酸酸甜甜，唔會太酸，非常易入口，感覺好清新，因為而家天氣熱，有蜜桃汁，食落好舒服。泰皇骨炸過，外面脆，裏面啲肉又好爽口，雖然都係排骨，但係覺得係新鮮，而且味道調教得非常好。如果俾返多d 份量嘅話會再加分。牛柳粒用鐵鍋上，好熱，辣親個嘴。上面鋪滿腰果，配菜還有翠玉瓜，洋蔥，薯仔粒等等，好豐富，而且份量好多，好大碗。牛柳粒非常新鮮，有牛肉味，而且肉質爽口嫩滑，有肉汁，好好味！加上有黑椒煮，零舍香，配料的薯仔都好好味，成鍋食到乾乾淨淨。炸子雞有半隻，而且隻雞嘅size都唔算細，外面炸得金黃色，試下肉質如何。估唔到雞脾炸得好脆，而且感覺好薄身，不是厚皮雞。肉嫩滑，仍然有肉汁，不會太乾，很喜歡吃呢度的炸子雞，推介！大份又抵食。埋單$196,兩

夜晚唔煮飯，又去酒樓食飯，今次去咗原味專門店，有晚飯$148小菜套餐，揀三個餸都幾抵。揀咗脆皮炸子雞，菠蘿生炒骨，同埋石鍋牛仔骨三款。晚飯兩位，就要加一款小食，通常都係花生，收多你$10。石鍋牛仔骨，好大份。牛仔骨真係啖啖肉，唔係淨係畀骨你。仲有好多配料，青紅椒，洋蔥，都煮到好入味，裏面其實仲有酸菜，一齊煮，增添酸甜味道。真係啖啖肉，醬汁好濃味，送飯一流，飲酒都唔錯。菠蘿咕嚕肉，又係好多配菜一齊炒，青紅椒洋蔥唔少得，加上咁多菠蘿，酸甜味更加明顯。咕嚕肉都真係有肉食，裏面唔係淨係得粒骨。脆皮炸子雞半隻，原來都有好多喎！ 不過要睇佢來貨有幾大隻，因為之前都試過係好細隻的。炸得雞皮好脆，雞肉鹹香，而且幾滑，唔會太乾身。今次呢隻炸子雞真係好好食，今日有食神啦！

這家店已被我們吃上過幾十次，地點方便，價錢便宜，小食尚算不錯，性價比滿高。雪菜肉絲米線中規中矩，不過價錢便宜，份量足。釀尖椒魚肉份量多，尖椒微辣。燒乳鴿釀茄子茄子軟淋柔嫩，魚肉彈牙入味，必叫抵食之選。蜜餞雞中翼雞翼外皮脆身，內里肉質嫩滑，帶點蜜糖甜味。椒鹽豆腐豆腐炸粉薄，皮脆，內里豆漿滑不溜口，超讚！蝦餃內里蝦仁大顆，肉質彈牙，不錯。馬拉糕整體來說，性價比高，假日中午不用怎排隊，味道可以，當然你也就不能要求有星級服務。老顧客還是比較滿意這家了，4B區另外兩間也不盡人意，連食物也及不上這家。

星期六飲早茶，今次覺得原味專門店食物差左啊！之前來過幾次覺得幾平，食物尚可，今次失望了點。孖寶和單點特價早茶，價錢在新年後加價了，但通漲加價是正常，食物質素如果保持到就好，然而卻不能。豬骨粥，份量算大碗，味道也保持到，然而上桌時只是微暖，要注意保持温度呢！牛肉腸，粉皮蒸過龍很易爛，可能是蒸了很久無人點，我點了，上桌就是夾也夾不起，粉皮是淋晒的。蟹子燒賣皇，賣相一般，食落味道還好，粉皮也是蒸到淋左d。魚蓉釀茄子，味道保持到水準，茄子內裡水份還多，最喜歡這個，不過怕肥膩就不要點，因為油炸過。棉花雞，都係覺得油膩左d, 見到雞肉和墊底的豬皮都反晒光，味道方面，也保持以往水準，不過不失吧！總結是，這裏的食物是時候要檢討了，希望有改善留得住舊顧客啦。

食到一肚火，少左個飯咪問下啦！點知個男經理態度惡劣，說話內容大約係「出錯有幾奇，出錯既野你都食左啦！咁而家係咪要加單吖。」咁我地當然要加單啦都未飽。我朋友就同我地講話個店長做得吾係咁好，點知執緊吾知就野個女侍應就話：「佢係經理吾係店長，你地吾好亂講野。」我朋友就同個女侍應講：「又吾係話你，黎飲茶吾可以講野吾可以批評㗎。」點知個女侍應一路閙返轉頭，話我地「飲茶就飲茶，吾好咁多野講。」其中仲夾咗 個字，我地跟住就同佢理論話佢有乜理由閙我地，點知個男經理出黎問都無問就話：「乜嘢事！黎飲茶啫！收聲啦！」我地投數叫佢管那個夥記，佢就話：「佢點樣管夥記吾到你地理」，咁既服務態度真係……

遲咗起身飲唔到早茶，但都好彩，茶樓依然有點心食。星期六去食，每個茶位七蚊，雖然冇閒日食咁抵，不過想飲茶都係要嚟茶樓。呢個係午市11點開始先至有嘅，乾炒豬扒烏冬，佢特價粉麵仲有其他，但我鍾意食香口嘢，所以揀呢個。炒得好靚，用料十足，蔥、芽菜、豬扒等份量十分多。豬扒走過油，炒到超香，食落口感又爽，啖啖肉好滿足，真係未試過食一個乾炒豬扒烏冬係有咁多豬扒！煎蘿蔔糕係我嘅至愛，但係呢間原味專門店，每次叫親煎蘿蔔糕都係令我失望，因為煎得太醜樣，次次都煎爛曬嘅，不過雖然難殺但係唔影響佢味道，不過佢嘅蘿白糕用料都係少。翡翠鮮蝦腸，腸粉好滑，有點透明感，看得出的皮薄餡靚，鮮蝦大大隻，每條有兩隻，很爽口，還有翠玉瓜，有肉有菜，味道清新。蟹子燒賣，一籠有四粒，豬肉十分爽口，裏面的蝦肉不算大隻，蝦肉也新鮮的，爽口的。棉花雞好抵食，因為雞肉大大舊，又滑又爽口，好香雞味，魚肚吸收曬上湯的精華，蒸出來非常美味，仲有一條蟹柳，雖然是假蟹柳，但就是喜歡，他像個小食一樣，加上來顏色又好看。埋單都係93蚊，非常抵食，兩個人早餐加午餐一齊食，味道不錯，抵食，街坊必到的酒樓。

這間是屯門的茶樓，門口有點隱蔽所以需留意才見到。這間因不時跟家人吃所以很清楚他最好最值的其實是晚上的任食打邊爐。她的烤魚特別是冬陰公很不錯味很入味而且選擇還挺多超值。這次是午市的所以叫點心等。布拉腸粉挺滑身不會覺得放太久口感很粗。我們常點的一口脆豆腐，皮不會很厚身但裡面的豆腐很滑很軟，所以很好吃。豆沙南瓜餅，煎得壓會太過火候所以面是微脆的。裡頭豆沙份量還好因是甜品有點微甜還可以的。普通的菜，剛好菜心在這段時間頗為鮮甜。不配醬油都夠味了。

啲雞老道硬過石頭完全冇味可言，兩個字垃圾……好心佢就唔好俾人揀底部啦⋯⋯咁垃圾嘅雞我諗佢哋自己都唔會食...真係請我都未必會再食....如果係成本為唔到不如唔好做落去啦.....今次我只是叫了兩次，第一次有豬肉片三片，第二次我叫左但係冇俾...我係同阿媽去食我媽媽食唔到牛肉，無奈...所謂嘅鮮牛肉唔新鮮到得牛筋係入邊，根本食唔到其他配料尚可填飽個肚，冇下次...唯一可以食嘅就係啲蔬菜唔錯識差嘅朋友絕對可以考慮！配料都好齊...

天氣涼左想打邊爐，見到呢間原味專門店有烤魚雞煲放題，任食兩個鐘全包價$98 每位，即刻攞位食先。因為兩位就只可揀一個雞煲或一個烤魚做窩底，四位以上先可以叫兩個煲，我地揀左椰子雞煲湯底，因為烤魚有辣，朋友唔食辣唯有下次約多d人先試埋烤魚。而任點的配料不是很多，最想食蝦但無。因為平，不配料選擇相對是無咁貴的食物。椰子雞湯底，超濃烈椰子味，d雞食落完全滲透椰子香，推介！打邊爐未滾起之前，仲可以出去攞任食的熟食，炆豬手，韮菜豬紅，咸菜豬肚湯，呢d 要炆要煮的，全都好入味，好啱食開中菜的胃口，完全交足功課，估唔到咁平都有咁好質素。仲有炸雞翼，好脆卜卜，咸味剛好，食到要飲啤酒，好彩飲品有啤酒氣水同竹䉀水任飲。仲有蒸魚肉燒賣同馬拉糕，呢d就一般質素啦，味道是街邊小食檔一樣，反正不會食太多，主要是打邊爐。雞有半隻，都多，我鍾意食雞翼尖，雞翼尖都夠淋夠入味，任食的點菜單食物唔算多，魚蛋食先，魚蛋都入晒椰子香味，無點醬料都好味。最開心有脆肉鯇魚片，雞肉同豬肉都幾好食，覺得滑同有肉的鮮味，反而牛肉差d, 肉質感覺無咁新鮮。因為脆肉鯇好食，加點，還有丸類，第一輪都上唔齊，加單先有。丸類就失色d, 選擇不多，呢