原味家作 (已搬遷) 新店位置

因為朋友推薦下, 所以就試左原味家作既晚餐, 咁要左個5穀飯,有西蘭花另外仲有杯湯(要左花膠候頭菇湯). 佢既飯幾好食, 幾清淡, 的而且確幾健康。 湯既味道幾濃, 如果可以淡番D D 就最好。 不過OVERALL 都幾好呀, 差在環境好似O係條路中心咁。

零九年一月上旬晚餐大冷天的日子，住附近老友熟知自己脾性，送來一碗蛇羹探班。約十六安士的外賣蛇羹，附有小瓶檸檬葉但無薄脆，蛇羹溫溫吞吞的，忍唔住要叮翻熱，看樣子如湯水做法放在飯煲保溫，蛇羹材料不少有魚肚、菇絲、雞絲，羹喝起來味道極為複雜濃郁，但配料太多加上果皮味很重，喝不出有沒有下過蛇骨湯作膽，微微杰身是魚肚作用，碗邊剩很多材料熬出粉渣，喝完亦唔覺有暖的感覺，叫人難以相信有下過蛇作料，惟一的好沒下生粉，配料檸檬葉切得很粗糙又唔新鮮，是碗吃不懂的新派蛇羹。配角鮑粒糙米飯，用上高湯煲製，夠味製作認真亦健康，當然糙米這樣子煮好後放在飯煲保溫，吃下口自然乾巴巴起焦的，幾時都話健康是要付出代價的。比起蛇羹，老友的誠意顯得更窩心，是夜感覺暖笠笠的，謝謝！笑面是送給老友的。

2009年1月18日~~嘩！真開心爸爸和媽媽search過幾間戲院，在葵芳還有「崖上波兒」的戲票！在網上Book了位後，駕車即前往去我嘅目的地。到達後我大食的隱又係起了，見到黑色的大梳化即撲埋去留位，然後我選了 set lunch 鮑汁菇五殼飯+西蘭花+豬肺湯，這套餐幾好食喎，有菜又有湯，妹妹也忍不住來吃两口，因她到對面選吃bread而細佬吃饅頭和齋雞。套戲好好睇呀，明天可以返學校和同學分享！橫店過了九龍新界區，是晚我又叫嚷着要去紅跑車吃牛河和蝦餅

記十二月上旬雜記成日比評以喝得茶多唔健康，要戒茶，但「街童」日行半里很多時也要找點喝的，茶禁下也會找不同味道的飲品，看看有沒有又健康又好飲的飲品。六時許也要排隊，健康的市場唔細，等上三分鐘買了支甘筍汁試下，濃濃帶渣的健康飲品，收十八元唔平，但喝得出真材實料，除甘筍甜味外亦有芹菜之類的怪味，感覺是味道愈多愈複雜的話，就愈健康，勉強喝畢，感覺怪怪的，大概是健康的味道吧？又買了支海底椰給同事試，佢話下火滋潤，下次會試下。

主打健康湯水, 配以無味精飯和小食. 有多款餐配搭湯水味道幾濃, 真材實料.飯係糙米飯, 配料多用蔬菜,菇類. 比較乾身, 但食落又唔覺d飯硬wo, 而且d飯好似用d湯浸過咁, 有陣湯水既香味ga. 仲好大碗tim, 菜粒好新鮮, 加埋d菇, 好香好味又好夠飽呀!小食就試過雞翼, 都幾入味, 又唔會太鹹.杏仁茶, 好香杏仁味! 唔錯呀!總括嚟講, 的確係幾健康, 有湯有飯, 有少少主家菜既感覺, 食飽都唔覺口渴! 會再嚟!

再度被罰留堂，新都會內就只得老麥及健康工房未收，無得選擇下的選擇，外賣了雞湯瑤柱五穀飯套餐，連霸王花湯收$38。打開靚仔外賣袋，已近十一點，這時沒有什麼比一「杯」足料濃郁靚湯來得重要，用隔熱杯裝著，不錯。一人份的瑤柱五穀飯，吃得出下過雞水來煮，無味五穀飯齋得來也有點味道，可惜白米同紅糙米同煮，受熱度不一，濕腍米飯同爽口糙米出到來的口感可想而知，當然，健康是有代價的，餐後再飲支益力多，什麼毒也能去清，健康返晒來。

買了支川貝杏仁飲品（$15），看似質地濃稠，實際上味道好淡，跟健康工房或者鴻福堂簡直係差天共地。因為杏仁飲品唔濃唔好味，絕對無下次！

1.原味上湯炆原隻北海道帆立貝$30 ~ 杯底配白蘿蔔,size不算大,一客有七粒,好入味2.香辣蒜香螺$15 ~ 好重蒜溶味,但一點也不辣3.花膠雞湯煲金腿海味五穀飯$18 ~ 飯煮得有點爛,但好有上湯味4.川貝杏仁茶$15 ~ 唔甜的杏仁茶,幾好味的

朋友仔係呢度買左個蒜辣味螺肉.$15一杯就咁睇好似唔多.但係食落好似食極都食唔完咁~可惜我同朋友一致認同唔好食.蒜辣味唔重.d汁既味道整得唔好.而且一D都唔入味!螺肉口感有d韌..總括黎講係唔好食既!而且我仲見住個服務員係凍櫃拎左一大包呢d螺肉出黎倒落個兜度煮返熱去.係現成整好返熱嫁咋(仲要唔知佢係買現成貨定自家製完先冷藏喎)!

今日中午12 點幾, 經過新都會地下, 見到有湯賣, 見個賣相幾好, 要左個"鮑魚花膠海底椰煲老雞湯+ 五穀飯, 湯用奶茶杯盛著, 無湯渣, 略咸, 飯太爛, 有菜, 但黃了, 偏咸, 好難食, 可能食過杏x樓的五穀飯, 實在太和味, 相比之下, 呢度五縠飯太難食,但為免浪費, 只吃了3分1

大人路經此地順道買幾支飲品嘗試,試過之後覺得價錢雖然較貴,但的確幾真材實料。雪梨、蘋果;杏仁雪梨都可以飲到濃濃雪梨味道,味道相當清甜,很有屋企feel;花旗蔘蜜甜度較高,同樣有濃濃花旗蔘獨有香氣,連樽底都有點點渣滓,清熱氣最好;川貝杏仁雪白如牛奶,大人評為好飲,自己沒有試過。店員都是朝氣蓬勃的年青男女,外觀上當然沒話說,服務態度也算不俗,只是年青人經驗尚淺,店方既然提供試飲就要大方一點,別對試飲多杯的客人表現出不想給予的表情;不過當客人的也應有點水準,幾乎將每一樣飲品都試完但仍想繼續試下去,有需要嗎?

呢度既店員往往也很殷勤試地安排顧客試飲, 我試了兩款後也買了12oz 響螺雪梨回家. 回家慢慢飲(試飲時飲唔真), 感覺材料不太足, 比起媽媽or 奶奶煲既老火湯還差很遠.. =.="$28 呢個價錢, 唔太抵飲. 同日也買了支檸檬薏米水, 清清地, 比起"健康工房" 純正~

行完街，又係tea time喇，試o左原味家作o既檸檬意米同蘋果杏仁茶，味道清，唔太甜，價錢都幾貴，要十五蚊一支。而湯就未試，見佢地d名，好似好補好滋潤，不過應該好唔過媽咪煲o既靚湯o既。

原以為這是一間貴價的「健康工房」，一直也沒有衝勁去試試。結果，一試便愛上。還是很奇怪地，愛上了一種我以前很抗拒的飲料- 杏仁茶。一向不喜歡杏仁那種香味，總覺得很難聞。但喝了一小口表哥買來的杏仁茶，被它淡淡的杏仁味及甜味吸引(也許喜歡杏仁味的朋友，卻會嫌它太淡呢!)。之後還念念不忘，卻一直未有機會往幫襯。結果今天特地去，一買買了兩大枝。$30一枝，貴不貴，見仁見智，但就解了我相思之苦。下次或會試試湯水。

最近比較忙，星期日還要參與大型獻唱。某晚獨自回家的一個夜，決定買碗湯水滋潤一下。　店員熱誠的推介海底椰響螺湯，說對喉嚨好；我也很想幫襯，可惜響螺也屬禁食食品。於是，改選XXX粉葛湯，對不起，內容真的不記得了，總之沒有破戒，而且據說可以下火，就買一碗回家。　帶回家溫度剛好，味道清淡有「屋企feel」且沒有湯渣，輕鬆清掉!　媽咪見狀，大叫「廿幾蚊買碗粉葛湯，超級唔抵!」，可我沒廚藝、沒時間去煲湯是事實，更重要的：「妳無煲湯嘛...」順便「lur」她「煲多d湯啦，過多兩年我搬出去住，就只有飲街湯啦~」　不錯吧!