原味家作 (已結業)

新世紀商場裝修，大家樂大快活同好多餐廳都執左。無乜選擇今日唯有去foodcourt.商場裝修，圍晒板，又封路，幾經轉折終於去到foodcourt，見到檔檔都好多人，要等，但原味家作就無人幫襯，唔駛等。加上想飲啖湯水，就去試下。一去到，個阿姐就好落力咁推銷佢地既儲值咭，500蚊開咭，又呢樣又果樣。但我只係想食個飯飲碗湯，都花左一輪唇舌推卻左。佢既午餐，多數係一飯一湯的配搭，一d都唔平。個個都四五十蚊一份，連個豬扒炒面 + 湯都要55元。ok我明白，你地舖租貴，selling point 係靚湯，貴d都算了。要左一份「蓮藕蚊排骨」+ 「猴頭菇海底椰湯」45元。返到公司一打開，有無搞錯。搵來搵去得兩舊排「骨」，真係得「骨」，蓮藕食落又硬又乾。加上個飯唔夠熱，真係好難食。個湯係ok的，夠濃，不過鹹左少少，又無湯渣食。我知你標榜健康，多菜少肉係好，但唔係少成咁卦.....兩舊骨，不如唔好俾我，不如你開齋舖算了。

超懶寫食評，不過呢間真係要評一評路過想飲湯，見呢間有湯，菜單中抄麵張相實在吸引，就叫黎試下，我叫咗相入面既豬扒抄面，應該朝早抄完放到夜晚，豬扒都係，感覺係叮熱俾你。女朋友食咩骨飯，得幾舊滷水排骨既野，非常之差。佢d湯就ok, 不過嘢食好差and以質數計係貴

一段時間沒去過旺角新世紀商場，原來這商場現在進行大翻新，到處都是圍板，連同不少食店亦已關門遷出。離開前去了位於Food Court內的原味家作喝點湯水。在多款原味湯中選了粉葛鯪魚瘦肉豬骨湯，要了碗大的，$58。這款湯只有湯不含湯料。湯喝起來味道偏淡，不過好處是很清不油膩，及喝得舒服相信應該是真的沒有下味精。天氣炎熱，喝啖湯水應該會比喝汽水或茶啡來得健康點吧。

想食餐健康餐~~food court入面貌似就系 原味家作了叫左冬菇肉絲菜飯~~有配耗油青菜同雞腳湯~話系雞腳湯~~但系齋得d水~一d湯渣都無~~都唔知系米既究竟而且感覺比較肥~但又唔香~所以好一般~青菜就清清淡淡甘~幾好~~~個飯就偏硬身~可能因為有紅米的關係~味道亦都系偏淡的~其實淡味唔緊要~~主要系雖然系現買現食~但感覺都系食緊加熱既包裝食物甘下次都系米搞了

「原味家作 」見字面解應該是關於...像媽媽般的厨藝/出品, 姑且勿論佢好定我媽媽好, 但對我當天品嚐過的食物來說, 佢也不置於。梅子排骨炆南瓜配糙米飯 $28 及加$6換購的墨魚丸好好味及好送飯 南瓜是當造嗎? 很粉也很甜, 配上梅子汁酸酸甜甜的也很惹味。梅子味很真而且酸得來帶點果香, 而排骨是腩排......啖啖肉...就算軟骨也容易咬碎吞掉, 同時炆得夠入味夠火喉糙米飯......我喜歡這糙米, 好像麥米般煙煙韌韌.....這碗飯對我而言軟硬適中, 有咬口原價$12 5粒手打墨丸, 但我有叫飯餐便可以以$6換購一客。 味道是比文輝的低一級但比凍肉鋪買的好, 食到墨魚粒及肥豬肉粒。講真鋪頭嗰幅手打丸圖片吸引我多d(丸丸黏上一些紅紅黃黄汁, 像泰式酸甜辣醬), 點知一上枱才知道原來是白灼丸丸, 調味是自己加的便有點兒失望 調味品處並沒有疑似泰式酸甜辣醬, 那麽我問那位侍應生通常用哪款醬汁, 他答我:「甜豉油、蔴油呀！」...... 食後覺得隻甜豉油好「精」製....好口渴呵下次試埋個鴨舌先

自己太喜愛吃鴨舌了。本身想試下鳳爪的, 可是店員說沒有了。哈哈, 那只好又令我順理成章的ORDER鴨舌吃了!每次到旺角這個FOOD COURT都會買來吃。雖然有點貴,但酒很香。不知不覺就一個人一口氣吃了一整碟了!

昨晚放工跟小貓約好在新世紀吃晚餐完才去紅磡~ 新世紀想找個地方吃經濟晚餐,,, 似乎是food court 有最多選擇…1排食店, “原味家作”已經算比較吸引。1直知道有這家以健康湯水作賣點的店, 這次有機會試就要飲個湯, 正價湯水+$10有個健康紅米飯和鮑汁椰菜~湯水由$28 - $5x不等, 視乎用料以定, 小妹買了個$28 的”白菜南北杏煲陳腎” (每個湯名都要盡列所有材料所以很長…) 紅米飯又是前面有1堆字.. 其實都是有些冬菇絲肉絲和菜粒。剛巧前1群人已散去, 等餐不是等很久。1盅湯 (快餐店中式盅湯的size) 原來已經要索價$28… 打開盅蓋, 熱呼呼的蒸汽撲出, 墨綠色似乎是熬了很久…. Eee,, 但喝下去是沒甚麼味道的…所謂鮑汁是沒有鮑汁味的, 純粹是烚椰菜。 紅米飯應該是預先1碗碗裝好, 然後每份餐時cup出來… 都不知已經放了多久… 又乾又硬,, 簡直是雪藏過再攤至室溫的隔夜飯……雖說是健康… 但用不著去到0味道吧…最神奇是吃得出有味精卻吃不出味道…… 將味精到用出神入化真可謂只有這家做得到。

上次食過之後以為會KEEP 住好食...所以叫埋朋友去食.....但係...................今次D食物差左好多..服務態度都係一般...而且發覺D員工少左好多......等既時間都長左...今次食左銀魚蝦乾蒸肉絲...諗住會清清地,,,,,點知..... 勁咸囉!!! 家作秘汁浸雞翼.... 唔入味之餘...D骨係軟GE~ 一定係蒸得太耐...(其他地方叫個D仲好食佢個D)..咖喱沙茶醬撈麵: 個汁係無味...(PS已經再落左D汁落去)...個麵勁難食....未咬已經斷...+5蚊個菜....仲係椰菜....D汁無鮑汁味.... 湯:木瓜猴頭茹螺頭三斑魚湯:好似油既物體.....偏咸....唔好飲係買野個陣想JOIN 埋個會員....但係D朋友話食完先再JOIN...無諗過佢會變到咁......差

有點事跟家人在附近辦,反正街外熱得要命,又要趕時間,只好求其找個地方坐低.原味是第一檔,自不然由佢睇起,望望餐牌,快到十二點,竟然仲有早餐,諗住叫啦,個收銀同我講話無,自己覺得好奇怪,唔通睇錯錶?跟住個收銀妹妹先話有.咖喱沙茶醬撈墨魚丸 : 超勁難食,先講麵底,竟然淥唔透,真係好趕時間喎,墨魚丸毫不特別,超市貨色,死實實的一舊,最差係個醬汁,一味死辣,毫無香味,勁後悔.炒銀針粉配菜乾瘦肉粥 : 銀針粉大家可以睇相,有點微溫,入口太粉,是煮不透的表現,失敗,菜乾粥算是正常不過,有幾粒銀杏,粥底煲得夠綿,可是食完口好乾,真係唔知邊碟出事.p.s : 等候期間,有另一位女仕在講,起初想要雙併丸就話唔得,到自己真係唔夠丸比人,就話可以,其實前線員工真的要醒目點,靈活變通些,又可以免卻客人爭議,自已又唔駛同人嘈,一個唔覺意比人 xyz,妳話幾無謂吖!

平日傾完生意都要諗一段時間去食乜..今日放工入左去新世紀FOOD COURSE到行下有咩好野..(因為近屋企既關係)上次去個陣個間鋪仲係賣餅..但今次再黎變左賣湯賣飯...佢招牌SALE 無味精同無雞粉...個心有D心郁郁...心諗係唔係真係無呀?首先一讚,有一個服務員(生得好高但係帶住TRAINEE牌既女仔) 見到我諗左好耐主動咁介紹同埋好有耐性咁介紹 經過一輪介紹我最後買左一個fish maw conch with black chicken soup $48..+ $10 dried scallop mushroom minced meat brown rice...+ $5 豬肉丸..個 dried scallop mushroom minced meat brown rice...好多配料同埋個飯好香...但係食落去好似食粥咁..可能佢煮個陣放得太多水係D飯到...可以改善下...個飯送埋個菜...個菜好多水剩...太少汁...無左飽汁味....個菜仲可以做得出色一D..fish maw conch with black chicken soup ...碗SOUP真係好好味.