卷之屋 (已搬遷) 新店位置

又去葵涌廣場覓食啦。見到個個都話葵芳呢間卷之屋嘅手卷好特別，所以就去試下。 我叫左帆立貝手卷之前睇相以為好大件，但原來個size 都幾細下，19蚊一件，都算係貴。 不過帆立貝好新鮮，好甜，有兩大粒喺個手卷入邊。而且啲壽司飯係暖嘅，感覺好新鮮，即叫即做，好好食。最值得回味嘅就係，唔需要加任何 washabi, 因為佢嘅秘制 washabi 汁整得好好，太好食啦。 下次可以試埋其他，應該都會唔錯。呢間舖比間隱秘，所以之前無留意到呢間好嘢

係葵芳行到勊勊地時間又到3點3個肚餓但又唔想食咁多野行左好耐都搵唔岩有咩小食最後係商場入面 近升降機附近見到呢間賣手卷既鋪頭個樣好吸引 好多種選擇重點唔係大型連鎖店淨係呢樣都加左好多分望望餐牌每樣都唔過20而且仲要大大件好過係其他鋪頭買20幾蚊都係細細件既壽司我就叫左個普通既三文魚手卷本身諗住行個圈先泥拎點知一陣就有舊三文魚大大舊拎上手好重手雖然D飯有少少暖 但都可以接受 因為好多人排隊趕得滯先會咁想加其他汁既話係櫃枱可以自已加但我唔想食咁濃味就冇加了各位可以試下WASABI 我見在場D人係咁加我最尾都加左少少 味道唔錯可以一試本身都想再試多個 想試個軟殼蟹手卷但飽飽地就冇試到下次一定再試

有去開葵涌廣場嘅朋友，一定識得呢間手卷舖頭！次次去都好多朋友仔包圍住，好出奇喺OPENRICE居然冇乜食評歌頌卷之屋嘅手卷。即叫即做嘅手卷，乾脆嘅紫菜加上新鮮嘅炸軟殼蟹及入口即溶嘅海膽，簡單配搭，但好味到震！（不過飯係暖嘅，我諗得香港人先會接受到！）而我個人認為佢嘅靈魂在於佢嘅WASABI汁，個枝汁係放喺COUNTER度比你自己任加嘅，我次次都加勁多WASABI汁！真係食過番尋味！幾乎每次去都會食！

每次黎葵芳不得不食~~三文魚反卷雖然加左價($17)，但仍然係咁抵食架! 每次去到都排哂長龍，因為所有都係即叫即包架^^，絕不欺場，唔會因為十幾蚊而hea你，入面舊三文魚仲大大舊，仲要上面吱沙律醬，無論味覺同視覺都值回票價!

平時行過都見到有好多人排，今日終於試到，試完有d相逢恨晚的感覺，以後唔使再食爭鮮嘞!好大舊三文魚，又夠肥美，好抵食！估唔到廿幾蚊都有幾多海膽，仲要ok鮮甜，好正!呢間野性價比真係好高，下次會再黎試吓!

每次來葵芳多數都是掃街便可填飽肚，而這間壽司店是我每次必食之選！ 店舖位置就在升降機旁，經常都有很多人在排隊，可見其人氣指數！此店多數賣手卷，此外還有反卷、沙律及小食。三文魚手卷（$13）三文魚夠肥美、新鮮，而紫菜真是非常脆，第二間好難食到，試過便知，正～帆立貝手卷（$18）帆立貝大隻又鮮甜，好味～海膽手卷（$23）雖算不上十分鮮甜，但味道亦唔差，份量亦絕不吝嗇！以呢個價錢，呢個質素，抵～

第一次光顧,因為佢既門口排晒長龍而吸引我排埋一份!點了三文魚手卷($13) 即食 我見人地要外賣,可以自己包塊紫菜,自己加醬油,即叫即整,咁新鮮當然馬上放入口!三文魚大舊到突晒出來,好肥美,同爭鮮的雪藏三文魚比,大勝八級!紫菜好脆,加左少少鹽,GOOD!壽司飯醋量適中,暖暖地,跟凍凍的三文魚好match!第二天我再光顧,新出的劍魚腩手卷($18),魚更肥美!正~