印度筷子

營業中

休息中

朋友同我都一向鍾意食印度野，是日出黎行下，路過呢間印度筷子，見佢餐廳名幾得意又試下佢先。因疫情關係，店內貼滿膠簾分隔。店不大，五六張枱左右。我地walkin入黎，點知店員話後面幾張枱都已經book晒啦，嘩，lunch都要book枱咁誇張。天氣好熱，快快落完單，順便呢店員比杯水，冰水一杯即刻透心涼，天氣熱連水都特別好飲。之後便送上小食，好脆好香口，個薄荷醬很清新，正啊。點了兩份午市套餐，一牛一羊，仲有兩款不同嘅烤餅。呢款係蕃茄牛油咖哩羊，店員上菜時有講明，因為睇外表真係幾難分。羊肉有好幾件，軟腍入味，少少羊羶味好味噃。個咖哩好香口，亦帶少少酸味，不辣，送烤餅好正。另外呢碟係馬來西亞咖哩牛肉，呢度唔止食印度野，係星馬印餐廳。雖然話係牛肉，其實係牛腩，都好入味，仲好重牛味添，不過間中有少少筋，真係要啲牙力。呢款咖哩都好重香料味，微微辣中帶少少甜味，同烤餅食一樣好夾。轉左一碟蒜蓉芝士烤餅，蒜蓉超級香，仲有濃郁嘅芝士，就咁食已經好好味啦，就算唔配咖哩都可以食哂成碟呀！原味嘅烤餅，大大塊煙煙韌韌，搣下搣下點咖哩好好味！午餐仲有餐飲送，要左印度奶茶及咖啡，奶茶啲香料味好正，有薑玉桂等，咖啡用上煉奶，

這是一間新開張印度、新加坡、馬來西亞菜小店，只有六張四座位餐桌，不過也算簡潔。店員是印度人，卻能操廣東話，落單還頗方便。光顧過兩次，試過咖哩羊肉和魚。咖哩很香濃，辣度適中，羊肉很稔，魚肉應該是用鱸魚或青衣柳之類，不會像大X樂、大X活的用急凍鯰魚柳那樣全無味無咬口的貨色。喜歡吃咖哩的朋友不妨一試。

This was the first time i ordered food from this restaurant. This place delivered some amazing butter chicken at affordable price. I liked the garlic naan too. Food was perfectly cooked with right amount of spices. I enjoyed the mango nassi, it's a must try, not too sweet. Highly recommend this restaurant for takeaway. Loved ordering from here, staff are all friendly and they do speak Cantonese. Don't worry about you have to order in English. I will definitely try some more food from here. Wo

好耐無食印度菜，經過佐敦，順道黎試試呢間新開既印度菜餐廳~坐抵睇餐牌既時候，熱情既店員送上地道印度小食一客 "Roasted Papad with Mint Sauce". 印度藉店員話得一口流利廣東話,交談數句後, 原來他已經是在香港土生土長的三代人了,非常利害!Roasted Papad with Mint Sauce Papad 是一種用米製成的印度薄脆餅, 烤焗成桶狀, 味道帶點咸香, 香脆既Papad,沾上薄荷醬,清涼既味道, 好滋味呢~Mango Lassi 以乳酪為基底,配上新鮮芒果混合出的著名印度飲品, 不單係酷暑中帶出一絲涼意,乳酪還可以幫助腸胃消化!Roasted Chicken Tikka 呢度菜餚係印度藉廚師大力推薦的菜式,雞肉吸收了濃郁的印度香料味, 外皮烤得香脆, 內裡肉質仍然保持嫩滑,非常高質! 好客健談既廚師也說得一口流利廣東話,原來他曾在世界各地學廚,識多國語言,好利害~Fish Curry印度風味的咖哩配上Plain Naan 向來是絕佩. 每次吃印度菜都必點一道咖哩和Naan. 這裏的印度咖哩香料味濃,味道不辣, 沾上咖哩的Naan一入嘴,美味整個

佐敦一直都有好多特色美食，今次試咗一間地道印度菜。老細自己都係來自印度，係香港定居30幾年，所以做嘅印度菜都好正宗好好食！咖喱牛我覺得咖喱汁係好香！加埋香葉，味道又提昇咗一個層次！牛腩大塊好好味，試落好有口感。咖喱羊平時勁鍾意食羊肉，咖喱羊肉印度風味一定唔可以錯過❤個咖喱汁實在太好味！配埋餅一齊食絕對不能錯過！回味無窮太正啦！甜品奶香十足，有少少似豆製品嘅口感，我覺得都好唔錯！地道印度菜！一定會再幫襯！

今朝早去完佐敦度做義工，同朋友兩個人去佐敦尋求美食，行咗好耐都決定唔到食咩嘅時候咁岩就見到一間印度餐廳， 好似係新開嘅之前都未見過！一於去睇吓有咩食！😎餐廳嘅環境都非常之闊落仲有埋酒吧，疫情過後可以飲番杯！😝今日就脆脆地食住啲嘢食先冇得去泰國又好想食青木瓜沙律味道之清新，可口同平時食泰國餐廳嘅木瓜沙律好唔一樣，清爽，唔會好甜，好鍾意！食完好開胃！我哋再嗌左個芒果乳酪Mango lassi果然新鮮整出嚟係唔同啲，好香濃嘅芒果味，入口非常之香滑！唔鍾意飲甜野嘅我都覺得味道啱啱好印度燒烤雞肉廚師拎出嚟嘅時候...「咋咋咋」真係新鮮滾熱辣雞扒喺鐵板上邊香煎緊，一下子傳出一陣好香燒烤味！忍唔住即刻將檸檬汁沾滿雞肉上！果然燒烤雞嘅雞肉外脆內滑！入口仲好多汁添！同平時一般印度餐廳做嘅做法好似有啲唔一樣，感覺上廚師烹調技巧甚高！之後叫咗個咖喱牛肉呢個印度咖喱牛肉就勁啦用咗26種香料去製作而成，牛肉炆得好入味每一啖都食得到多啲係用好多唔同種嘅香料炮製而成，而且唔食今日嘅朋友都食得津津有味我哋仲叫咗印度薄餅同埋馬來西亞薄餅一齊點咖喱食！真係好食到停唔到口！一問之下原來廚師係喺五星級酒店度做過，亦曾經喺馬會

今日紅酒🍷雙妹嘜出動，午餐食個印度菜，入到去，全部待應係印度人，但係佢哋既中文係good good good，嘩，好掂，唔怪之得整到完全合哂港人口味既印度菜，懂得點樣同港人溝通，完全了解知道香港人的口味，又不會影響正宗印度菜的製法，我呢個朋友無酒不歡，所以午餐來個紅酒🍷聚🤣🤣——————-大部分印度菜的煮法都會做返一D佢哋自己國家既口味，但就忽略了香港人並不太合適，但呢到個老闆，廚師👨‍🍳係完全了解到香港人喜歡的口味，隨了做到可以改良到適合港人口味，亦沒有改變印度菜應有的做法⋯⋯掂👍👍👍👍👍——————🟥紅酒🍷——-國家是西班牙，因為只是午餐時間，所以醒酒時間不能太久，抖了一段時間，也不太差，味道也是不錯，相信抖的時間長一點會更加好🥳🥳🥳🥳🥳————————🟩nana——-大部分吃印度菜都會送你餐前必吃的印度菜小食，香口鬆化，入口溶化好味道😋————————🟪素春卷——-完全係食到大衆化而又是我愛吃的味道，入面有多款菜類製作，皮脆餡多，夾埋生菜一齊食，滋味中更帶清新的感覺⋯⋯😋———————-🟫印度燒雞🐔——熱辣辣、香噴噴，底下鋪滿蔬菜絲滿滿的水份，雞肉亦不會乾固，食落嫩口好味，印度的

今日中午去佐敦買一點東西，買完之後想買午餐回家經過這裏看見一間新開的印度餐廳，看看餐牌價錢亦不貴 大概60多至70多就有一個主菜 再配上naan或米飯 還有飲品附送這裏還有其他特色菜 例如馬來西亞叻沙等等自己就叫了兩個主菜咖喱牛和咖喱雞兩個均配上naan和汽水 侍應超級好人 非常有禮回到家後 薄餅的份量頗多, 一客有三份咖喱非常香濃，配上嫰滑雞肉 在沾上新鮮熱辣naan，屋企人喜愛吃辣，非常喜歡咖喱牛肉也非常不錯，牛肉下得甚多，香料配合得天衣無縫，超級好吃~這間餐廳食物好吃，價錢又相宜，值得來一試呢！

在疫情高峰時開張的印度餐廳，一直沒有機會品嚐。今天試了兩個午餐估唔到，性價比高又好食。由於本人是papadum 狂熱分子，口痕問吓侍應有冇得order papadum ,竟然額外送咗兩塊papadum 俾我一過口癮。點了一個咖喱牛腩飯和masala 牛舌薄餅，兩款醬汁各有特色。雖然咖喱牛腩飯並不是期望中的印度米，但由於咖喱汁實在太好食😋，最後成盤飯清晒。問侍應姐姐下次可唔可以轉配蕃紅花印度飯，結果連廚師都出嚟幫手解釋嗰隻蕃紅花是什麼東東，非常友善好客☺️☺️眼見鄰座嘅喇沙和馬來西亞炒麵都非常吸引，非常推介大家去試吓👍🏻

主廚兼老闆係喺香港🇭🇰生活咗三十幾年嘅印度人🇮🇳，仲識講廣東話！餐廳除咗主打印度菜🇮🇳，仲有其他東南亞菜可以選擇！我地外賣自取，揀咗三款印度菜，款款美味，份量好多，性價比好高！🤩 🎈#印式牛油雞 🥘🐓$95#ButterChicken 非常香滑濃郁嘅印度咖喱，加上軟嫩嘅雞肉，無可挑剔，正到無朋友！😂💕🎈#蒜香烤餅 🧄🥙$25#GarlicNaan超大塊！香口美味！😋同Butter Chicken係絕配！😍🎈#牛肉古法香料炒飯 $78#BeefBiryani長條型的米粒，是標準的印度米！入口鬆軟可口，帶獨特嘅印度香料味！🍃配上酸乳酪紅蔥頭醬，好開胃！🥰

佐敦一向都多唔同既美食，成嗰聯合國🇺🇳咁，行過官涌街，見到哩間餐廳，比佢個名吸引咗，原來係食唔同國家既食物，包括印度，泰國，馬來西亞等等🤟🏻啱晒我咩都可以食啲⭐️🔺MASALA PAPADUM 係印度好出名既前菜，勁香濃既味道加上卜卜脆既餅身，十分香口，如果加埋印度醬黎食就更加惹味喇。🔺香煎印式米粉餅，好似平時酒樓食既香煎薄罉，不過就係巨型版，食落好香脆好煙韌，配埋特製嘅三款醬汁，真心好好食😋🔺泰國冬陰功湯一上枱就俾佢大大隻既海蝦🦐🦐🦐吸引左，好足料，海蝦啖啖肉，好食到不得了，湯底味道調校得岩岩好，酸辣味道適中，同喺泰國食無咩分別呀🤟🏻🔺雞肉生菜包，平時生菜🥬豬肉包就食得多，第一次食雞肉生菜包，好有驚喜啵，炒得好惹味，用上辣椒🌶️更加提鮮🤩🤪有種食極都唔夠既感覺😚🔺印度咖喱羊肉配麵包，咖喱好香濃而且辣度適中，我最愛哩嗰咖哩😚😚薯仔同埋羊肉配印度🇮🇳咖哩真係好夾，羊肉份量好夠，炆得岩岩好，印度薄餅又香軟，又脆口，配埋個咖喱真係好香好好食，不愧為印度名菜。🔺印度烤雞🤪好細心用鐵板上，可以保持烤雞既温度，濃濃的香料味，運用多種香料，好惹味嘅印度風味的烤雞😍😍🔺香蕉Lassi係印度既特色飲品，材料

上星期剛開業，便撞正第三波疫情，真惨！在街上揾客，剛碰上我們，便試一下，第一次食午餐咁豐富，新開張關係，送了小食春卷，湯，午餐當然要試咖喱，老闆話想我哋試下不同口味，所以都整咗兩款，其實係唔止兩款，牛，羊，雞，菜都整咗不同咖喱，師父真有心！飯後仲有正宗拉茶，真係大滿足，不過上次冇影相，今次見Last一日堂食再幫襯小店，水準都可以的！當然仍有進步空間啦！為小店打打氣，加油！